تجربتج تهمني :)

[انثى عاشقة]

انا ضد اني اجيب عيال كثير لان مالي خلق الصراحة
صح اموت في اليهال من قبل ما اتزوج
بس التربية صعبة حيل
خصوصا عيال هالايام متفتحين

انتي ارخي اعصابك
الطق والصراخ يسبب لك شيخوخة مبكرة لوووووووووووول
عادي خلي الخدامة تعاونك وتشيل عنك
انتي غيري اسلوبك فجأة معاهم
يعني مو كنتي تطقين وتصارخين
الحين استخدمي اسلوب الغموض معاهم
يعني الي يتشيطن قولي له ماما زعلانة منك
ما احاجيك انا
ولاتردين عليه خليه يخاف انك زعلتي منه
وبعدين حاولي تخصصين غرفة خاصة في البيت
لليهال
يخبصون فيها الين ينهد حيلهم
جارتي مسوية هالطريقة عندها 3 بنات اسم الله عليهم
مخلية غرفة ببيتها يبدعون فيها براحتهم
اهي مثل الملحق بس بذكائها خلتها غرفة خااااصة للبنات
تقول يرسمون يلعبون فيها
جذي يفرغون طاقاتهم في شي مفيد ولا يتلفون اعصابك

الله يخليهم لك ويخليك لهم ​

 

[DOWA DOWA]

السلام عليكم


أول شي .. ما تنلامين على الأعصاب اللي فيج
4 يهال و كلهم صبيان .. صج الله يكون بعونج و جزاج الجنة ان شا الله

شوفي حبيبتي

أنا لو مكانج .. أدخلهم كلهم مدارس
حتى اللي بو شهرين .. في حضانات تستقبل و رخيصة

جذي إنتي عالأقل من الساعة 7 الصبح لي الوحدة الظهر مو ماسكة شي

نفرض إنج تداومين
كلكم على ما تردون البيت

قولي صارت 2 الظهر

لوية الغدا
ساعة
صارت 3 الظهر

من 3 لي ال6
هذول 3 ساعات
تجابلين اللي عنده واجبات
تلعبين معاهم قعدي معاهم بدار
و حطي حيلج فيهم
و عيشي برودة أعصاب
خليهم يتكافخون
يصرخون
لي صرخو عاااادي تراهم يهااال
و لي تكافخو عااادي تراهم صبيان
ولي وصخو عاااادي أصلا هالدار اللي تقعدون فيها
اهي دارهم و تستقبل كل أنواع الوصخ
و الزولية غيريها كل جم شهر ب15 - 20 دينار
لأنها بتنتلف


6 يبدون تعشون و يبدلون

7 مسكرة ليتات البيت كلهاااا

من 7 لي ال7 ونص بالكثير اهم نايمين

كل واحد بفراشة
أول شي بتتعبين راح يبجون و جذي
بس بعدين خلاص يتنظم وقتهم و إنتي معاهم
و كل شي بمر بسلاسة



من 7 لي 11 لج



لو تشوفين يومج شلون بكون

6-2 دوام أو فاضية على حسب حالتج

من 2-3 غدا

من 2-6 لليهال

من 6-7 وقت العشا و النوم

من 7- 11 لج

من 11- 6 راح تكون 7 ساعات نوم




و شوفي سوبر ناني
طريقة العقاب وايد حلوة

 

[MagiCEyEz]

ام خدود ورديه قل اعوذ برب الفلق و اذا ما عندج كلام يفيد مالا داعي تشاركين لان بالبدايه لو تقرين الموضوع مو محتاجه نصيحه من احد كنت حابه تجاربكم مع عيالكم و كل واحد لا يتكلم عن وضع غيره اذا ما عاشه تري اليعاب عند الباب كنت مثلج قبل ماتزوج و لا تسون و سو لين ربي بلانيي عرفت ليش الناس تسوي الحمدالله عندي عقل و واصله لدرجات من العلم افهم شنو اسوي و لو تقرين كلامي حابه اشوف نفسي مكبره الموضوع او لا فلو سمحتو بلا كلام مالا معني و الا ماحتاج اسمع من ناس بس قصدها تجريح بدون هدف لان لا عطيتيني تجربه و لا عطيتيني شي مفيد من مرورج

 

[MagiCEyEz]

مشكورين اللي يشاركوني تجاربهم عفيه بنات انا حابه اسمع انتي شتسوين مع عيالج تري مو ناقصه نصايح امي دكتوره علم نفس و شبعت نصايح و طرق ارشاد حابه اسمع تجارب مجربه فقط لا غير عشان ممكن استفيج من المجرب النصيحه سهله الاصعب التطبيق حابه اسمع المجرب و المطبق شكرا لتفاعلكم

 

[MagiCEyEz]

بعدين شدعوه اعذبهم حسيت نفسي مسويه فيهم عاهات و عيالي مسدحين بالمستشفي اسم الله عليهم اللله يحفظهم و يحفظ عيالكم و مشكوره انثي عاشقه عالتجربه انا عندي غرفه العاب يلعبون فيها بكيفهم تلفزيون شكبره و العاب كود من كل مكان و كمبيوتر و كل شي يطري علي بالج و الغرفه الثانيه نوم و هم فيها تلفزيون عشان يشوفون و يدوخون قبل لا ينامون بس اذا تعرفين واحد من عيالي يسمونه الطفل الحركي 4 سنوات و هو قيادي حتي اخوه الاكبر منه و الاصغر منه ياثر عليهم و يبدي يتفنن بتخريب الاشيا مثلا تةني ساكنه شقتي و الغساله يديده و يكتلج الاسمنت داخلها و فيها ماي و مره اشتري صابون حساسه حق اخوه غالي و ارد اشوفه ممفرغه كله و تارس بداله ماي و الا جبن شرايح فاجه كلخ من جياسه و حاطه مع الالعاب و من هالنوعيه وايد و جربت مره اعاقبه قلت له ييب الهديه اللي عطيتك اياه جان ايي و يحذفها يقولي هاج اقوله ما راح ايبلك هديه اذا ماتسمع الكلام يقول ديده تيبلي انزل لمستوي عينه المشكله يضحك و ابتدي اتنرفز وقت و انا حامل و ابوي محجوز خفاره قمت ابجي يدخل داري يخرب و انا علي ما اتدربح اقوله لا تجيس هذا او هذا الا ماخذ الشي و رايح و انا توني اقوم لدرجه حطيتلي 3 خدامات و هم ماكو فايده اسم الله عليهم الحين مدخلتهم 4 نوادي عشان بس يلهون و يردون تعابا الله يحفظه و يهديه و يهديهم كلهم

 

[جـوود الحب]

الله يعنيج الحال من بعضه والله كرهت عمري من اللي اسويه مع هالعيال مع انه عندي بس 2 ولدين بس مطلعين عيني

 

[طلة نجمه]

الله يعينج ويحفظهم كل العيال ابهالسن مزعجين ترا اسلوب الطق مايفيد بالعكس يسبب لهم عقده تبين لما يكبرون حاولي انج تعاقبينهم بسلوب ثاني مثلا الي يأذيني مايطلع معاي وفعلا سويها لاتقولين ماطاوعني قلبي لان بعدين ماراح يثق فيج ولا يصدقج وشوفي بعد اهما اليهال اهم شى عندهم الطلعه .

 

[Patcholli]

حبيبتي ان شاء الله بترتاحين لما يكبرون شوي والصبيان بهالعمر قمة الشطان بس يكبرون شوي يهدون ويركدون الله يكون بعونج

 

[Bloom]

تابعي دكتور ابراهيم الخليفي

 

[منووله مشعل]

الله يخليهم لج يارب

 

[am faisal]

حبيبتى ما عليج احساسج عادى من التعب والازعاج المستمر يخلى الوحدة مالها خلق وبتستخف من شطانتهم
بيكبرون الصغار وبينجلى الغبار على قولة جدتى
اللة يخليهم لج وتفرحين فيهم

 

[توتاتوتا]

تنامين زين ؟

بالليل و لا بالنهار ؟


و جربي تقيسين الراس يمكن تحتاجين تقفلين لان الي عندها فتحه بالراس ماتحمل الصوت و اعصابها تفلت

 

[koky alnassar]

اول خطوه حاولي تتوصلين من شنو يخافون وشنو يحبون

لا صار شيطان سكتي عنه و روحي غرفته و اخذي الشي الي يحبه و قولي له ما فيه بعد لين تتاسف لي و اذا كررتها ما اردها لك بعد و جذيه صدقيني بيمشون و هدي اعصابج ترا العصبيه تييب الامراض و الطق اكبر غلط ممكن تولدين فيهم طبع مو مرغوب

 

[Beyoncee]

الله يحفظهم يارب
طولي بالج واخذي تعاملج معاهم بالهدوء
اذا عصبتي بيزيدون واذا طقيتيهم بيتمردون ويصير الطق ما يأثر
شاركيهم لعبهم وشطانتهم ترا الاطفال عندهم طاقه عجيبه
عندي ولدي عمره 6سنوات والله يروح الصبح المدرسه ويرد فيه نشاط وبس يطامر فوق راسي
ولا يريح ولا ينام ما قدرت اتحمله جذي
فصرت شوي العب كره معاه او اطلعه الالعاب يفرغ الطاقه الى عنده او اروح الممشى وآخذه معاى
ونكته سخيفه واضحك عليها وسالفته طويله جنها قصه واناقشه فيها
ترا والله عالمهم حلو وبريئ
بس الا اسلوب الطق والله عندي من عمر 22لى 6 مااذكر مره مديت ايدي على واحد فيهم
تعودي تطولين بالج اهو مو بس اليوم وباجر عيالج مالهم الا انتى تجابلينهم وهذيل دنيتج وعصافيرج الصغار
الله يحفظج لهم

 

[توني انتبهت]

حبيبتي


لاتضايقين بس اهم شي اخذي موقف جاد انج راح
اتغيرين من طريقة تربيتج لهم

اللي ماشي وياي العقاااب ... بس

ماشفت نتيجه من الطق كلش

حاولي اتقللين من الصراخ والعصبيه



والله يعينج الصبيان شياطين



الله يهداهم جميعاا ويصلحهم

 

[MagiCEyEz]

مشكورين بنات علي كلامكم مثل الثلج علي صدري عطيتوني امل والله بحاول و انشالله ربي بيهديهم و بيصلحهم انا عندي واحد خف اكثر من قبل مدخلته تحفيظ قران الثاني داش معاه بس ليلحين يقاوم ههه حتي جمعيه الاصلاح مدخلتهم كره يردون تعبانين بس شي غريب عندي عيالي اذا دايخين فيهم النوم تزيد شطانتهم بطريقه مو طبيعيه هل احد نفس الشي عنده ! ؟

 

[miss swan]

انا عندي بنتين الله يحفظهم
وحده شيطانه وحركيه والكبيره عسره وحنانه
مشكلتي مع الكبيره كل شي تبجي عليه حتى النوم عندها مشكله وجم مره اعصب اسويلها حركه مثلا ادزها ولا ايرها حيل
ولا اطقها بس عقبها شكثر اقعد مكتأبه ومضايقه احس اني موكفو اصير ام
وحاولت اغير من نفسي شكثر قمت اهتم فيها واشبعها حنان واضحك معاها احسها تغيرت 100%
صارت مطيعه وخف الاستعسار

​