تجربة السفر مع طفل رضيع؟؟؟؟ منو جربتها

[ام أحمدووه]

انا عندي هالعمر اهون من عمر سنة او اقل شوي
بالطيارة بيرضع وينام بس ضروري تطلبين كراسيكم اول سطرة وتطبين سرير جدامج عشان تحطينه وتغيرينله واهو فيها
بس اذا انتي سياحة اللي بيأذيج ان بتتعطلين كل شوي لازم توقفين ترضعين وتغيرين
بس ان شالله سهالة خاصة اذا دولة اجنبية اي مكان ترضعين لوول عادي بس تلبسين غطا الرضاعة
والله يوفقج

صح كلامج عمر سنة ولا سنتين اذية اكثررررر اكيييد
والرضاعة مفكرة مثل ماقلتي جذي انشالله....الله يسهل يارب
مشكووووورة حبيبتي :eh_s(7):

 

[ام أحمدووه]

عادي سافري مع البيبي واخذي راحتج.... انا سافرت مع ولدي تقريبا كان عمره 3 اشهر بالعكس مااذاني وله شي , وخلج على الرضاعه الطبيعية لا تقطعينه .. انا كنت مثلج احاتي الرضاعه ويبت معاي صناعي بس ماكنت استخدمه وايد لان اريح , بالطيارة يصير ظلمه والاضاءة خفيفة فعادي غطاي روحج و رضعيه... وحتى بالطلعات العادية كنت ادش اي مكان غرفة قياس شي جذي وارضعه... وعلى فكرة الياهل بهل العمر اريح من لمن يكبر يبي يحوس ويتحرك ومادري شيبي.. البيبي بس يبي رضعته وينام وبس

والله شجعتيني واااايد ام نور حبيبتي ماقصرتي ربي يوفقج :eh_s(7):
وانشالله يارب تتسهل مثل ماقلتي

 

[meen_ana]

مشكورة حبيبتي على التشجيع :eh_s(7):
بس الفرق ان رحلتج قصيرة خفيفة
احنا رحلتنا بتكون تقريبا 14 ساعة....
الله يسهل
شاكرة لج حبيبتي

حبيبتي بالعكس الانه كنا رايحين بالباص فكانت تقريبا ليله نفس الشي يعني حبووبه بس سهالات الان مثل ماقالو البيبي صغير وبي يبي تتغير حفاضه ورضعته وينام ماياذي

 

[lolo-cat]

السفر مع طفل متعب لكن إذا أنتي اللي حابة تاخذينة غير
أهم شي تجهزين أغراضة
تاخذين الاكل والادوية وحتى الحفاظات من الكويت
وعربانة تكون خفيفة وصغيرة

وتكونين أنتي. بالج. طويل وانج رايحة تستانسين مهما حصل
مرات تصير مواقف مو متوقعتها فطولي بالج


آنا مثلج ما أعرف أسافر بدون عيالي والحمد الله السفرة تكون حلوة
الحين بسافر مع ثلاث اطفال اصغر واحد عمرة 5 شهور