تجارب الولاده عند ناهده العلي

[● عـِـِـِزۈة آخ‘ـَـۈاْنـهـآ «-~]

السلام عليكم


شلونكم كروشات ؟


بنات انا اراجع عند ناهده العلي
بس هاليومين قاعدا اقرا مواضيع عنها تخرع
الاكيد ان كل شي بإيد الله سبحانه
والتساهيل من الله وعسى الله يسهل
علينا كلنا


بس ياليت كل وحده ولدت عند ناهده هالفتره
تذكر تجربتها < ابي اتطممممن







:eh_s(2):

 

[! بــدويه وآآيــد !]

،


حبيبتي انا قريت المواضيع وخل نكون صريحين موضوعين بوقت واحد وكلهم نك جديد ! علامة استفهام (؟)
القصه الاولى العمليه مادري عن جديتها لكن قدر الله وماشاء فعل لازم تقولين لـ دكتورتج متى تجيج وتعرفين كل شي معاها
وانا دكتورتي ليلى اشكناني تتعامل مع ناهده اذا اهي موهني ناهده تولدني يعني ورحت لهم لان محد يذمهم !

والقصه لثانيه ولاده مبكره مو ذنب الدكتوره ماقصرت حولتها الصباح وهذا قضاء الله

التساهيل من الله ، الله يسهل عليج

 

[دلوعة علي انا]

انا من مراجعاتها
للأسف ماكمل معاي الحمل عشان اولد عندها
بالنسبة لتجربتي انا اشوف ان ماتسوي شي
انلطع ساعه بره ولما ادخل عليها تشوف البيبي بالسونار
ومن تجارب خواتي عند دكاتره ثانين المفروض تحليل
بول ومسحة تجيك على عنق الرحم في اشياء محظوره
واشياء ممنوعة في حبوب بعد الشهر 4 للامساك
اهيا اللهم السونار عالبيبي ولما تروحين عندها بغرفتها
بكل شي تطمنج السفر عادي المشي عادي ماتاكلين نازله 3 كيلو
عاددددي والجماع عااادي من اول يوم لي اخر يوم
نقصني بس الولادة جان نزلوا عني فلم رعب

 

[ام الحوراء زينب]

ناهده توووب ماشاءالله عليها
اختي ولادتها الاولى عند دكتورة بدار الشفا لعبت فيها وولدتها قيصري
وثاني حمال راحت حق دكتورة ناهده ماشاءالله عليها من بعد الله وتساهيله ولدتها طبيعي
وكل بنات العايله عندها
وحطي ابالج كله تساهيل من الله

 

[" ام حمود "]

آب

آب

 

[نـعـومـه]

انا ولدت عنها الحمدلله كلشي تمام ونفسيتها حلوه وماترضى البجريه تدخل الولاده واهيه مفتوحه اقل من ٤ سانتي عشان لاطول وتتعب

بس عيبها شي !!'

بالمراجعات احسها مستعيله بس تسوي سونار وتعطي فيتامينات ماشوفها تطلب تحاليل شغلات يعني احسها بسرعه بسرعه ماعندها وقت يمكن من الزحمه مادري !!

 

[● عـِـِـِزۈة آخ‘ـَـۈاْنـهـآ «-~]

صاجين التساهيل من الله ، والله يسهلهاا

نعوووومه

صح والله !
ماتطلب شي هذا اللي محيرني


بعد فيدونا بناااات

 

[madry]

حبيبتي دكتوره ناهده تطلب منج التحاليل كلها مره وحده
اذا دمج طبيعي ومافيج فقر دم كل شي طبيعي ما تطلب منج تسوينه مره ثانيه وانا كذا دكتوره كنت اراجع عندها نفس الشي
اما تحليل البول اهي تسوي واحد بالثالث وواحد بالثامن وطبعا اهي اتقول اذا صار عندج حكه والا ريحه عزكم الله والا زادت الافرازات قوليلي على اساس تطلب منج تحليل بول مره ثانيه
اما بالنسبه لمراجعاتها صج وايد زحمه عندها بس عالاقل سونارها حلو واهي وايد طيبه وحنونه تحسينها مثل امج وتسمعلج وتجاوب على كل اسإلتج انا ما اطلع من عندها الا عارفه كل اللي ابيه

 

[مسك وطيب]

انا راجعتها بداية الرابع ومعاي تحاليلي من المستوصف مسويتهم دكتوره حبوبه وبالها طويل نصحتني بشغلات تقوي الدم وكتبت لي حبوب وغسول وسونارها واضح وما اشوف انها مستعجله بالعكس عطتني وقتي وزياده ماطلعت الا انا خالصه كل اسئلتي واول مره اراجع عندها وهذا البيبي الرابع الله يحفظه ومواضيع هالايام كثرت عنها نفس ماقلتي والله يجزاج خير انج حطيتي هالموضوع
بس خلي عندج قناعه كل شي مكتوب ومقدر للوحده سواء عند ناهده او غيرها

والله يسهل على كل حامل بولاده طبيعيه سهله يارب

 

[sweeta77]

دكتوره ناهده ماشالله عليها
شاطره
مو ماديه يعني اكو دكاتره يطلبون تحاليل وايد وترى كل هالتحاليل مالها داعي
اهم التحاليل في الرابع والسابع بس اذا حست ان فيه شي على طول تطلب تحليل
تراعي نفسيه المريضه
انا قريت قصص الخوات ما اعتقد ان الغلطه من الدكتوره
تصيد اشياء باجي الدكاتره ما يصيدونها
وبالتهايه الولاده تساهيل من الله

والله اني هالمره انا طالبه منها قيصريه لظروف معينه والله اني لما دشيت غرفه العمليات واكشفوا بطني حطت ايدها على بطني وقامت تقرا قرآن وتدعي يعني حسيت انها مثل امي

 

[mrs.ls4]

دكتوره فااشله

وردا على الاخت بدويه وايد انا ماني عضوه يديده وانا موضوع ولادتي معها كنت حاطته بتجمع الشهر التاسع والنفسيه زفت
واول ماولدت بيومين كتبت موضوعي هناك ولو تلاحضين جانج قريتي قصتي التواريخ
نسخته ونزلنه بموضوع يديد
وبعدين منو ناهده العلي علشان انا افكر اكتب قصه طويله عنها وانا مالي علاقه فيها
اذا اهي زينه فاهي شينه وانا من البنات الي تجربتي معاها باتت بالفشل
ولو اهي دكتوره سنعه جان ماشرطة ولدي بالمشرط وهذا الشي كافي

 

[alaa_86]

السلام، الحمدلله على سلامتج
اولا اختي الدكتوره موووووووو فاشله، خبره 30 سنه واي دكتور لازم يصيرله مضاعفات بالنهايه اهما بشر واللي ما يصير له هذا دكتور ما قاعد يشتغل
ثانيا الدكتوره مالها شغل يابره الظهر هذا يكون باختيار المريض ودكتور التخدير اهو اللي يعطيج الابره يعني الدكتوره مالها شغل
ثالثا ابولادتي اخر مراجعه قالت بفحصج قتلها المراجعه الاخيره فحصيني ما ابي الحين جان ورى يوم بالضبط ينزل ماي يعني نزل من غير فحص، و اذا على قولتج اهيا بطته ما ينبط بالفحص العادي، المهم نزل ماي من غير طلق وتميت بس ينزل ماي مده 7 ساعات من غير الم رحت حق الدكتوره ناهده جان تقولي انتي مو منفتحه كلش جان اتوسعني بعد ساعه ونص صار عندي طلق كل عشر دقايق، وانا رفضت اني اخذ ابره الظهر لاني سالت الدكتوره من قبل عن مضاعفات الابره وقالتي مو كل واحد شاطر يهطيج اياها. المهم تمت على راسي تدعي وسهالات من رب العالمين وولدت وانا ساعدت الدكتوره بالولاده من غير بنج او كمام ونبض صج كان عذااااب . الياهل كان الحمدلله زيين واهيا دكتووووووووووره وايد راقيه وهاديه والله جنها امج تمسح عليج وتحب شغلها ونطرتني 12 ساعه على راسي لو كانت ماديه جان فتحت بطني وراحت. واهيا يت عليج جذي الا جافت وضع الجنين خطر فقولي الحمدلله على كل شي

 

[rshe8a]

السلام عليكم
الدكتوره ناهده ما عليها كلام ماشالله عليها انا ولدت عندها مرتين و الحمد لله السهاله من الله . الدكتوره وايد مريحه اصلا ما اتحسين انها دكتوره جنها امج دائما مبتسمه و متواضعه و تعطيج حقج ووقت الولاده اول ما يتصلون عليها تيي علطول ما تتأخر على الوالده و دائما تذكر الله . حرام ظليمتها شينه و ماكو احد معصوم من الغلط و بالنهايه اللي الله كاتبه بيصير .

 

[شـيـوخـهـ]

انا والده عندها من قبل صراحه حيييل تعاملها هادي وقت الولاده
وما تنرفز وبالها طويل .. الي مايعجبني مراجعاتي العاديه مو السبب اهي
لا والله ظليمتها شينه لي كان عندج استفسارات تجاوب عليهم ببال وسيع ونفس حلوه
بس سكرتيرتها تنرفزني اهي مع السستر سوالف وصوت عاالي احس هذا الي مخرب المراجعه
بناء على تجربتي معاها بالولاده رووعه وخبره وماتقصر
بنسبه حق تجارب الاخوات الي يذمونها ما اجذبهم بس خلي عندج قناعه كل شخص يمكن يغلط والتساهيل
بالاول والاخير من الله لو وحده من الاخوات تجربتها معاها مو زينه هذا نصيبها
اختي كانت عند دكتور شااطر ومعروف على مستوى ومع الكل ومحد ذمه تخيلي كان مخيطها غلط!
لما ردت له فج الخياط ورد خيطها مره ثانيه!! لان هذي حالتها ووضعها وقت الولاده او ظروف الولاده خلته يغلط
خلي املج بالله كبير وان التساهيل بالاول والاخير بيد الله وتوكلي على الله ولا تتأثرين بكلام احد سواء الي يذم ولا الي يمدح
توكلي على الله ولو كنتي مرتاحه لها خلاص الله يسهل عليج ويوفقج

 

[KOKO_284I]

شوفي حبوبه ناهده طويله بال بالولاده بس اطلع روحج بالمراجعات

انا بجري كل مراجعاتي عندها وولدت عندها ... اهي نفسيتها حلوه وكل على السانها ذكر بس سلبياتها واااااااااااااااااااااااايد للاسف

يعني مثلا ... اذا صار معاج شي فجاه لو تموتين ماراح يردون عليج عيادنها لو ادقين من الصبح لي الليل .. انا راجعت طول فتره حمالي يعني 9 شهور نفس الحاله

تعطيج موعه ساعه 4 العصر ادشين سبع او ثمان

اذا عندج موعد والدكتوره عندها ولاده ما يبلغونج اتروحين واتقولج بكل برود الدكتوره مو موجوده .

بالشهر التاسع احترق بيت والدتي وانا كنت موجوده وطحت على بطني مرتين من اثر الدخان ونقلوني المستشفى وصار عندي انفصال بالمشيمه وكلموها ان مريضتج عندنا اكتفت بالتلفون ولا مرتني ابدا بالمستشفى .


حزه الولاده من كثر ما شده بايدها برحمي تحركه عندي عظمة العزيزو وكنت امشي مثل الركوع لمدة شهرين والمستشفى قالولي ان بالولاده جذي صار فيج من اثر شد الدكتوره ,

وهم طلعت من المستشفى وما مرت علي ابدا بعد الولاده .. وتره انا ولادتي مصوره فيديو .. قاعده اتسولف مع الدكتوره الثانيه عن عرس رايحته وانا حزة ولاده .. والله ان ريلي فار دمه منها بالولاده لان كان فوق راسي وقالي حرام فيها الفلس لانن السستر ساعدتني اكثر منها ..


وبعدين اختي ولدت عندنا .. ونفس الماساة بالمواعيد واختي بعد مصوره ولادتها فيديوا

تدرين متى يت ناهده بعد ما طلعوا الياهل من بطن اختي واخذت من اختي 280 دينار ويوم سالتها اختي ليش اتقولها انا شافطه الياهل بالجهاز واهي مو حاضره الولاده اصلا واتهاوشت معاها اختي وقالتها انا ولدي ما انشفط والشريط موجود


شوفي ناهده كل ولادات العايله عندها ... بس بالاونه الاخيره صارت ماديه بحته للاسف ..

وهم القرار راجعلج بس هذا اللي مريت فيه فعلا والله شاهد علي .. وحتى الحين انا حامل سويت خيره اني ارد اراجع عندها واطلعت مو زينه .