مشكووووره حبيبتي الموضوع وااااايد حلو وحتى المتزوجه والبنت راح يفيدهم الموضوع
انا عن نفسي مابقا شي ماسويته قبل عرسي
اول شي كنت اسوي حمام مغربي بالشرقيه اللي بالجابريه عند وحده اسمها فاطمه وايد ايدها خفيفه ماتجرح
وفيه وحده اسمها رادها هنديه اتيي البيت اتحطلج حنه بيضا على قولتها عشان تفتح الجسم وبيني وبينج اهي اكسجين بس اهي تسميها حنه بيضا بس اتينن وايد تفتح وتصبغ شعر جسمج يصير ابيض
مايبين
وحق ويهي كنت استخدم كريم الصبوحه كان اينن علي بس من هديته تعالي شوفي البلاوي اللي اطلعت فبشرتي موراضيه تترقع فماانصح احد فيه
وحق شعري استخدمت خلطه زيت وخلطه الحنه مالت حور الجنان الله يجزيها الجنه واااايد روعه
وسويت كيراتين حق شعري قبل العرس مباشره بس نتف شعري وخرب كل اللي سويته عقب
وحق الركب سويت تقشير عند د.طلال العلي ٣ شهور وقطيت تقريبا ٤٠٠ تقشير وكريمات وآخرتها هذا سيفوه وهذي خلاجينه ،،، لا وسويت حادث عقبها وصارت الطقات والجروح كلها بركبتي يعني زادو الطين بله خخخخخخ
وبالنسبه لمكياج عرسي كان عند منيره الفرج كان وااااااااو اينن الكل كان يتكلم عن مكياجي وبدلتي
اي صج بعد انا من قبل عرسي ب٤ سنين وانا اشيل ليزر عند طلال العلي الليزر عنده ماعليه كلااااام صج اسعاره شوي غاليه بس تسوى يعني من يوم عرسي للحين ولاشعره بإيدي ونااااسه
عاد بقولكم اشياء الحين استخدمها عقب ماولدت وان شاء الله تفيد العرايس
اللي تبي خدود بدون ماتزيد وزنها انا قاعد آكل الحين حبوب الكولاجين من برونسون تلاقونها بالصيدليات مع فيتامين اي تركيزه ١٠٠٠
وااااايد عجيب اينن حتى بشرتي افتحت والله
وهم كنت احط سيروم تفخ الخدود من ريكسول ايننووون هالاثنين خلو خدودي تتفجر
وهم آكل حبوب زيت الربيع المسائيه عشان تترقع بشرتي عقب الدمار اللي سواه كريم الصبوحه
وحق جسمي استخدم سنفره العروسه وخلطه سنفره السنفرات مالت شقره ومزيونه وااااايد حلوه
وعقب الشاور وجسمي مبلل احط زبده الكاكاو من بالمرز ترطيب وتبييض
والاسنان كنت استخدم معجون الجيديوم مبيض
امممم هذا اللي متذكرته الحين واذا طرا شي على بالي بعدين برد اقولكم
