تجاربكم مع مكاتب الخدم ...؟؟؟ شاركونا للاهمية :)

[موني موني]

بنات ابي مكاتب خدم زيينين اييبون من الهند (( بومباي )) او كيرلا او جوا او بنجلور..

 

[*مستانسه*]

انا مالي حظ مع المكاتب كله ينصبون علي ويبوقون عربوني

 

[ضحكة الدنيا]

انا جربت اشكنانى ثلاث مرات مره صابت معاى ويتنى خدامه اندونيسيه زينه ومرتين خابوا ويتنى اندونسيه تلوع الجبد والفلبينيه زينه بس ماتبى تكمل السنتين وتبى تسافر
والحين بقدم على اثيوبيه يمدحونهم من مكتب العلى اللى بحولى وان شاء الله تضبط معاى هالمره

 

[بوران]

انا طلبت من الدخنان بس لي الحين ما وصلت
بس لما كنت هناك سمعت ريال يقول خذت منكم مرتين و توفقت

 

[sondos]

اكبر × على الدخنان حرامى وجذاااااااااااااب 4 مرات اطلب من عنده اولى طلعت ممنوعه من دخول الكويت من الامراض الساريه(شوفى البلاوى)

والثانيه نطرتها 4 شهور وكل ماتصل يقول حاجزيلها وبتىى بس عندها مشاكل واخرتها طلعت المدام مغيره رايها وماتبى تيي وعلقنى الحلو

والثالثه يت وطلعت مريضه
والرابعه اللهم يكافى ماظلت يومين ورديتها من وساخه شعرها


والحين قاعد يجيب لنا خدم من فيتنام .........ماخلصنا من الفلبينيات وتذبحهم باليهال يابولنا فيتناميات اللى طول عمرهم عايشين بحرب واسلحه نوويه


بس انا تعاملت مع بوفيصل فى الرميح ماشالله تعامله يهبل وكلمته وحده بس عيبهم بس عنده اندونيسيات والحين انا قاطعت هالجنسيه

 

[bnt q8 in usa]

الدخنان انا بعد سمعت عنهم موشي والله اعلم

 

[& شهد &]

ابو فيصل روعه ما عليه كلام

واشكناني جابوا اهلي منه طبخه ويوم وصلت حتى عربي ما تعرف لوعت جبد امي لين ودتها اختي

 

[xxx]

(( مكتب العميري ))

طلبت منه سيلانية ... سنة 2002 وايد زين وتعامله اوكي

بس الصراحه اخترب طلبت منه سيلانية من جم شهر

على أساس انها تعرف انجليزي + بيبي ستر

طلعت حتى ماتعرف تقرى وتكتب ولا تبي يهال >> قمة النصب :eh_s(14):

وردتيها لهم عقب اسبوع من يت بس تصرخ على عيالي

 

[موني موني]

دقيت على مكتب العميري ما اييبون الا من اندونيسيا و الفلبين

 

[الغاليه نونو]

آآآآآآآآآآآآآآآآآآآآآآآآآآآآآآه دقيتوا عالوتر موضوعكم بجاني ههههههههههههههه

اعاني من الخدم حسبي الله عليهم
رحت الدخنان يبت منهم وحده وانحاشت صادوها الشرطه وتسفير وانا دفعت تذكرتها يبت من الروضان اشزينها وشحليلها نيباليه والثانيه من الرميح من مكتب الزايد مدري الزيد ومااتوفقت فيهم واحده سافرت امها ماتت الجذابه والثانيه تقول انا رجولي تعورني ماقدر اسوي شوغوول وراحت ههههههههه
طلبت من اشكناني عقب شهر ونص قالولي ماتقدر اتييي مريضه
ورحت الرميح ادور لي مرتجعه ماشفت وحده شكلها زين استغفر الله كلهم عينهم طايره بقمة راسهم اشكالهم مجرمات يخرعون
والحيييييييييييين كملوا كملوا الموضوع بشوف وين المكتب اللي تمدحونه وبجرب حظي معاهم اييب منهم

ابي خدااااااااااااااااااااااااااااااااااااااامه لاخدامتين موخدامه

 

[kajool]

الله يعطيكم العافيه الموضوع واااااااايد مشوق
انا عندي فلبينيه جده صارلها 10 سنين طلبتها من مكتب ما اذكر اسمه بس يوم رحت لقيته خلاص مسكر ويبت اندونسيا قعدت عند3 سنين راحت تزوجت ورجعت حااااامل شان اسفرها بعد ما ردت 27 يوم
والحين ابي خدامه بس اذا كانت من اندونسيا ابي مسلمه ومن مناطق معينه مثل jawa tengah او jangan sampai di لاني سمعت انهم زينيين مسلمين ما يعرفون السحر واخواتي عندهم 2 من المناطق هذي بس تبارك الرحمن زين على الزين ادب واخلاق وديانه مو مثل باقي الاندونسيات

 

[pink*paradise]

السلام عليكم
الدخنــــــــــــــــــــــــــان حرامي
ومكتب نشمة المطيري نصابيـــــــــــــــــــــــــــــــــــــــن
الدخنان طلبت منه سيلانية مشتغلة من قبل قالي 280 دينار قلنا اوكي ولما طلبتها ودفعت العربون وسوينا الفيزا ولا اهي على كفالة واحد ثاني, طلعت مو بس انا اغلب اللي طلبو منه واجهو هالمشكلة.
ام مكتب نشمة المطيري هذا النصب على مستوى
طلبت خدامة كل يوم تقولي بعد اسبوع توصل صار لي 8 اشهر على هالموال
اخر شي لاعت جبدي من جذوبهم
المهم رحت عمارة الرميح مكتب زينب طلبت سيلانية مشتغله من قبل
تدرووووووووووون بجم؟؟
220 دينار فقط

 

[رحله عمر]

اشكناني جبت من عندهم وحده كاتبين على صورتها بالخط العريض طباااااااااااااخه وطير من الفرحه وكان رمضان على الابواب وفرحانه فيها يوم جتني حتى سلق البيض ماتعرفه

 

[موني موني]

بناتت الحين ابي مكاتب اتييب هنود ..؟؟؟؟ وين احصل ؟؟؟

 

[ريماا]

انا جربت مكتب الغريب تعاملة وااايد راقى وعالموعد تمااااام
بس مجذبين بالمواليد حاطينها مواليد70 واهى اكبر بكثير ماادرى منهم او من ديرتها
اهى جنسيتها اندونيسية حتى واهى كبيرة تحب السواويق والروحات ماادرى من بيغازلها؟

 

[Miss_Tiger79]

والله انا واهلي وخواني كلنا نطلب من بوفيصل الكندري الي بمجمع رميح واهوه اييب اندونيسيات وفلبنيات

 

[poneta]

بنات لوسمحتوا ممكن رقم مكتب الحبيب ؟؟
او اي مكتب اييب من الهند ( جوا )

 

[سلسبيل]

طلبت من الدخنان وبعد 40
يوم يقولون لي ماراح تجي
حطيت على هالمكتب x

 

[طير الحب]

انا جربت وايد مكاتب بس طلعت السالفه مو من المكاتب

من الحظ

يعنى مره تصيب ومره تخيب

 

[ام السلمي]

اشكناني وايد كان مظبوط ومريح التعامل معاهم

وكنت يايبة من عبد العزيز العلي بس تعاملهم الوع الجبد يبت منهم ثلاث بعدين هونت

الرابعة من اشكناني بس صراحة راحة كلشي اسون لج ماتعبنا معاهم

صج اذا قالوا حط فلوسج بالشمس واقعد بالذلال