تجاربكم مع عيادات ومراكز طب الاسنان

[ام الحلوه والمزيون]

ggth

 

[دلع ابوها2]

تجربتي لعلاج العصب ورفع اللثه

انا ما احب الاسنااااااان واكره شي اسمه اسنااان كره مو طبيعي وعمري ما دخلت عيادة الاسنان الا مرتين ايام الابتدائي بس الحين انجبرت اروح لأن مهما آخذ مسكنات ما تنفع و توني من جم شهر توكلت على الله ورحت عيادة اسنان رحت اول مره استشاره و ما صدقت امسك الباب واطلع منهم وشلت موضوع الاسنان من بالي كل هذا خووف ورديت على المسكنات بس رد الالم مره ثانيه وكان لا يستحمل ورديت لعيادة اسنان والحمدلله الحمدلله الحمدلله لما رحت كان الم مو طبيعي بس مع اول جلسه خف الالم 90% وكملت العلاج عندهم وعالجت ضرسين العصب وافتكيت منه الحمدلله و روعه دكاترة العصب عندهم .

و ان شاء الله راح اكمل باقي العلاج عندهم و اسوي ابتسامة هوليوود موعدي بعد اسبوعين وسويت اللثه كنت حيييل احاتي موعد اللثه بس صج سهالات اهم شي ما فيه خياط ولا شي :eh_s(15)::eh_s(15)::eh_s(15):

بس ما زلت اكره مواعيد الاسنان وبتكون عقدة دائمة :eh_s(11): من التجارب القديمة
وصراحه وااايد ارتحت عند عيادة اسنان ما ابي اغير صح يمكن اسعارهم غاليه بس على شي يستاهل ومو خساره على صحتي واهم شي بالنسبه لي انا ان الدكتور تكون نفسيته زينه بروحه دكتور اسنان ويكون نفسيه مو شي !!!! لا يبا اقط فلوسي واشتري راحتي اهم شي عندي ...

تقريبا علاجي كااامل كلفني 3981 سوو لي خصم 10%
ترا بعد يتعاملون بالأقساط بس اذا اقساط ما فيه خصم:rgewrg:

 

[دلع ابوها2]

يعطيكم العافية بنات,,
أبي اعدل اسناني وين تنصحوني اي عيادة؟ بسوي ابتسامة هوليوود !
شرايكم بعيادة أسنان؟

بالنسبة للتجميل عندي موعد معاهم اذا خلصت بقول لج رايي الحين ما اقدر احكم!!
بس عالجت العصب لضرسين الحمدلله ارتحت وراح الالم اللي من سنين وانا اعاني منه .

 

[أميرة 22]

وين صايره بسمة كلينك ؟؟

 

[أم@الحلوين]

منو احسن عياده تنظيف وتبيض للأسنان ؟؟

 

[دلع ابوها2]

منو احسن عياده تنظيف وتبيض للأسنان ؟؟

بالنسبة للتبييض خواتي سوو قبل فترة تبييض بالسلام حلو ورووعه وشكله طبيعي
ورفيجتي تمدح اللزقات اللي في مركز سلطان انا ما جربتها هي جربتها تبييض
التنظيف انا سويته بعيادة اسنان

 

[مس روبنز]

آنا أعالج بعيادة الميدان فرع شرق

عند د. رولا غازي
استشارية تيجان وجسور "سوريه"

عيب الميدان أسعارهم غاليه وكل مالها تزيد​

 

[اسمهان99]

دكتور حصه اللوغاني امانه امانه بنات منو تعرفه اللي سوا اسنانها

 

[دلع ابوها2]

دكتور حصه اللوغاني امانه امانه بنات منو تعرفه اللي سوا اسنانها

دكتور طارق بو رزق وموجود مقابلتها في you tupe مسويه مقابله معاه تقول دكتوري

 

[دخون ازرق]

دكتور كويتي صلاح المدن عيادة ابتسامة في السالمية دوار البدع وهوتخصص زراعة اسنان وتركيب جسور --خوش دكتور واسعاره مناسبة وماشاء الله عليه ايده تتلف بحرير

 

[مجبورة احبك]

اذا تبون دكتور مضبوط لتقويم. الاسنان وايده خفيفة وتعامله حلو ما أنصحكم غير بدكتور :فرج بهبهاني
اللي في بسمة كلينك تعامله واسلوبه حلو وبعد في دكتور اتوقع لبناني اسمه اسامة مادري يوسف همن في عيادة بسمة
بس نكتة كله يقرقر ما يسكت ينسيج العوار دمه خفيف
بس للتقويم ترى وايد وايد زين اختي سوت عنده تقويم كانت ضروسها تخرع لانها راحت حق حكومة وبكل
موعد يشيلون لها ضرس واهيا مسكينة أسنانها بروحها مكسرة يعني لما تضحك تفشل رحنا
سالنا قالو احسن واحد بهبهاني وما جذبوا اللحين اي احد يشوفها ينصدم من أسنانها صارت فوق الروعه ما شاء الله
وترى حبوب دائماً يسوي عروض اختي قبل لا تطلع سوالها تبييض ببلاش وعلى فكرة اهوا استشاري واسعارهم معقولة


اما اذا تبون لعلاج رائحة الفم روحو دكتور عبدالهادي شهاب او دكتور اندريه وكلهم في بيلا كلينك ممتازين لهالشغلات

 

[caribou]

بنات انا حاطه تقويم بعيادة الحكمه بشرق باقيلي شهرين تقريبا واشيله بس مو عاجبني شكل اسناني اتوقع العيب في اسناني مو في الدكتور لانه صاروا صفه بس شكلهم مو حلوووو ودي اسوي تجميل تلبيس او هوليود سمايل وين تنصحوني

 

[يركدون]

بنات يعني شلون يسوي ابتسامه هوليود مآ فهمت

مثل شنو يعني؟

 

[انفآآآسي دخونً]

بنات انا اسناني الحمدالله تمام بس الاثنين اللي جدام طالعين <<< شنوو التمام فيهم لووول
المهم بحط تقويم
شرايكم بعياده تيجان اللي بالفروانيه ومنوو احسن دكتور يسوي التقويم عندهم ؟؟؟

 

[ساندريلا]

بنات انا اسناني قبل كان فيهم فراغات وسديتهم بالحشوات التجميليه بعيادة الميدان شغهم نظيف وحلو
بس الحين ابي اخليهم بيض ومايصر اسوي تبييض بسبة الحشوات
ابي اسوي ابتسامة هوليوود وابي مكان زي وين تنصحوني؟؟؟ابي شكلهم طبيعي شنو اختار لافا والا اللومينير والا الفينير والا ماادري اذا كتبتهم صح هههههه
يااااريت تساعدووني

 

[dectora 7elwa]

بنات منو تعرف د العازمي في بيان اللي بليلى جاليري
بنتي بتحط تقويم عنده وانا مو مرتاحه

 

[أسيـل الجـــرح]

من ناحيتي جربت عياده اسنان الي اذبحونا بدعايتها والله يسامح الي رفعتها لي السما طبعا صرت لهم فار تجارب قصو لثتي بجانب والجانب الثاني عادي خربو ابتسامتي وفوق هذا مواعيدهم مو شي يعطوني موعد وايي قبله والتزم بموعدي وفوق هذا يطوف ساعه واكثر ولا ادخل فوق هذا اهمال مسويه عندهم زراعه وبعد الزراعه ركبو لي اسنان مؤقته علي ما يتاكدون من اللثه انها سليمه وبنفس الوقت بعد الزراعه اقعد 3 شهور بعدين يركبون الاسنا وطبعا هشي طبيعي بس المشكله الي واجهتني ان كل اسبوع موعد عشان يشيلون المؤقت ويفرشون اللثه والدكتور يدش يشوف ويطلع المهم كل اسبوع علي هل الحال يوم خذوا لطبعه مالت الاسنان عشان يركبون الدائم جان يقولي دكتور ان سنج مسوس انصدمت ان كل اسبوع ايي وما كتشفو انه مسوس والشي من كثر ما انبطت جبدي قتلهم بشتكي حق مدير العياده وقامو حولوني حق اخوه الي ماسك العلاقات العامه وشرحت له الوضع بعدها قابلت الدكاتره علي اساس يصلحون الي سووه فيني وباخير صدمني دكور جان يقولي نفس المكان الي سويتله قص لثه والي صار لي سنه اراكض ع تنظيف قالي محتاجه مره ثانيه عمليه وبنفس المكان بس قالي راح اعطيج موعد الياي تنظيف وبعدها موعد ثاني للعمليه رحت امس ع الموعد ما تاخرت انطر وانطر والله ساعه كامله الاوادم يدشون ويطلعون الا انا قاعده وطاف ساعه علي دوري علما بان التنظيف تقريبا ياخذ ربع ساعه اخر شي تنرفزت وطلعت وما سويت التظيف وفوق هذا كل شهر ادفع اقساط وما اتاخر كلش ومو عارفه شسوي ومنو الجا حقه وقصار لي سنه وشي شدعوا والله لو بيت جان تاثث حدي منقثه واخذت موقف منهم لا احترام مواعيد ولا شغل مظبوط وفوق هذا غاليين

 

[miss.munich]

7

امبييييه زين اني قريت كلامج حطيت عندهم موعد وطوفته كنت بروحلهم ..

بعدين اللي بتروح عياده لاتروح الا لعيادات خبرة لإن الاسنان ما تتعوض

 

[دلع ابوها2]

من ناحيتي جربت عياده اسنان الي اذبحونا بدعايتها والله يسامح الي رفعتها لي السما طبعا صرت لهم فار تجارب قصو لثتي بجانب والجانب الثاني عادي خربو ابتسامتي وفوق هذا مواعيدهم مو شي يعطوني موعد وايي قبله والتزم بموعدي وفوق هذا يطوف ساعه واكثر ولا ادخل فوق هذا اهمال مسويه عندهم زراعه وبعد الزراعه ركبو لي اسنان مؤقته علي ما يتاكدون من اللثه انها سليمه وبنفس الوقت بعد الزراعه اقعد 3 شهور بعدين يركبون الاسنا وطبعا هشي طبيعي بس المشكله الي واجهتني ان كل اسبوع موعد عشان يشيلون المؤقت ويفرشون اللثه والدكتور يدش يشوف ويطلع المهم كل اسبوع علي هل الحال يوم خذوا لطبعه مالت الاسنان عشان يركبون الدائم جان يقولي دكتور ان سنج مسوس انصدمت ان كل اسبوع ايي وما كتشفو انه مسوس والشي من كثر ما انبطت جبدي قتلهم بشتكي حق مدير العياده وقامو حولوني حق اخوه الي ماسك العلاقات العامه وشرحت له الوضع بعدها قابلت الدكاتره علي اساس يصلحون الي سووه فيني وباخير صدمني دكور جان يقولي نفس المكان الي سويتله قص لثه والي صار لي سنه اراكض ع تنظيف قالي محتاجه مره ثانيه عمليه وبنفس المكان بس قالي راح اعطيج موعد الياي تنظيف وبعدها موعد ثاني للعمليه رحت امس ع الموعد ما تاخرت انطر وانطر والله ساعه كامله الاوادم يدشون ويطلعون الا انا قاعده وطاف ساعه علي دوري علما بان التنظيف تقريبا ياخذ ربع ساعه اخر شي تنرفزت وطلعت وما سويت التظيف وفوق هذا كل شهر ادفع اقساط وما اتاخر كلش ومو عارفه شسوي ومنو الجا حقه وقصار لي سنه وشي شدعوا والله لو بيت جان تاثث حدي منقثه واخذت موقف منهم لا احترام مواعيد ولا شغل مظبوط وفوق هذا غاليين

زين لقيت وحده نفس مشكلتي بس تدرين انتي موعد كل اسبوع انا اردى منج موعد بعد اسبوعين ثلاث اسابيع ولما اروح الموعد يقعد يتفلسف فوق راسي وكل شي يتأجل ما ادري رايحه موعد للفلسفة او علاج !!!! كل ما ايي للمراجعه عنده يكون الدكتور اللي خلصت من عنده العلاج يحولني على دكتوري عشان يكمل الحشوات الدائمة والتلبيس و من هالشغل وهو بس يأجل وآنا متعنية وراي اشغال وهو بس يأجل وآنا ابي اخلص هالكلام مو شهر ولا شهرين اكثر حتى الدكتور الثاني يقول لي الحين ما حطيتي الحشوات شنو تنطرين اقول بقلبي هذا دكتوركم !!

شوفي بالبداية رحت وعالجت تقريبا كل شي تمام بس صارت جم شغله خلتني اتردد واحط خط رجعه و دكتورج نفس دكتوري لا تعلييييييييييييييييييييق!!!!!! اذا كان اخوه اللي بالعلاقات بس هو ما يسوي زرااعه شلون يبي يسوي لج زرااعه !!!

الحمدلله اني ما سويت التجميلي عنده
ومشاء الله عليه اسلوب :rgewrg:

بس تدرين اهم شي خلصت علاج العصب وارتحت وصج دكتور العصب عندهم روووعه ولو يحوشني الم العصب ما افكر الا عندهم وتعرفين دكتور عن دكتور يفرق

راايي غيري الدكتور ترا في الاحسن منه عندهم والظاهر انا بغيره افضل واحسن

والحمدلله ما تسرعت بخطوة التجميل عند هالدكتور !!!

 

[!الجادل الصعب!]

تجاربي البسيطه بكل امانه

طيبة كلينك
د. هاني رمضان

حشوات اسنان وكان عندي ضرس رايح نصه
عدله لي ولبسه .. ايده خفيفه وباله طويل
طلبت منه يسوي لي ريتينر لان اسناني كانت بتقويم
وبعد سنين بدت ترد والحل ريتينر
مادري شنو علته بص ماركب علي ومافادني
والصراحه ماعاد راجعت عندهم بعد الريتينر


عيادة ابها + بو حمرا كلينك
جربت تبييض الزوم عندهم ..، تاثيره كان جدا بسيط
مافرق حيل معاي يمكن بوحمره احسن من ابها
السعر
بوحمرا ٥٠ كانو مسوين عرض
ابها ١٠٠


الميدان / صباح السالم
تنظيف اسنان .. حلو وعادي
المستوصف يسوونه وسعره ٥٠ بس عالتامين
واخذت قوالب التبيض منهم ب ٨٠ حليوين
مو وااو يعني

المباركيه لطب الاسنان
باجر موعدي للريتينر ونشوف شيسوون لي *