تجاربكم مع شفـاط الحليب.. أي نوع استخدمتي؟ شرايج فيـه؟

[нάγoηά cнεмίsтяγ]

الـسلام عليـكم

آنا بجر وحبيت اسوي موضوع عشان افيد واستفيد بالنسبة لموضوع شفاط الحليب أي احسن نوعية و شنو الافضل و حسب تجاربكم اكيد يبين هالشي فياليت تفيدونا فيها عن طريق التجربة او التصويت و أكون شاكره لكم .. طبعا الاسعار اللي ذاكرتها تقريبيه مو بالضبط
الحين نبدي بالانواع

هذا النوع من ميديلا اسمه
Medela Symphony Plus with Rechargeable Battery 2011

وايد واااااااااايد غالي سعره تقريبا 490 دينار لقيته بموقع امازون ومواقع ثانيـه نفس السعر وانصدمت :eh_s(2): ... من مميزاته ان يشتغل على الكهربا أو البطارية .. والبطارية ممكن اعادة شحنها .. مناسب للشفط اليومي و مريح وعملي و سريع في الشفط.. ممكن استخدام شفط لثدي واحد او للثديين في نفس الوقت
للي حابه تاخذ معلومات او تطلبه عن طريق النت موجود بهالسايت
http://www.breastpumpdeals.com/medela-symphony-plus-with-rechargeable-battery.html

. . . . . . . . . . . . . . . . . . . . . . . . . . . . . . .


هذا نوع ثاني من ميديلا اسمه
Medela Single Deluxe Breast Pump 2011

من مميزاته اسهل في الاستخدام بسيطة و خفيفة الوزن ممكن التحكم بالشفط و تعمل على ثدي واحد تشتغل ع البطارية
وأظن هذي موجوده عندنا بالصيدليات اللي جربتها ياليت تقولنا تجربتها مع هالجهاز وشنو مميزاته وعيوبه واذا تنصح فيه او لا
سعره يختلف حسب المكان بس تقريبا حوالين ال20 دينار اللي شرته تقول لنا بجم .. و من بره ارخص

http://www.breastpumpdeals.com/medela-single-deluxe-breast-pump.html

. . . . . . . . . . . . . . . . . . . . . . . . . . . . . . .


وهذا النوع هم من ميديلا اسمه
Medela Harmony Breastpump

هذا النوع من مميزاته انه مريح وفيه ميزة التدليك أتوقع يناسب اللي فيهم ألم عند الرضاعه .. وخفيف الوزن ممكن تتنقلين فيه وانتي تشفطين .. و واضح ان يشفط من ثدي واحد ... طبعا هالمميزات مكتوبة بالموقع بس اكيد التجربة خير برهان اللي جربت وكان فعلا مريح معاها تقولنا
رخيص سعره بره 10 دنانير تقريبا ! وما ادري عن سعره بالكويت هالشي فيدووونا فيه انتو
اعتقد انه يدوي مو بالكهربا

http://www.breastpumpdeals.com/medela-harmony-breastpump.html

. . . . . . . . . . . . . . . . . . . . . . . . . . . . . . .

وعندكم هم نوع من ماركة ميديلا اسمه
Medela Swing Breast Pump 2011

سعره تقريبا بين ال36 و ال40 دينار تقريبا او يمكن اكثر من 40 اللي شرته تقولنا بجم خذته و من مميزاته انه مصمم للاستخدام اليومي .. ينفع اكثر للأم المشغووولة بحياتها بدوام و وظيفه وغيره و سهل التنقل معاها اسرع و اسهل في شفط الحليب .. يحتوي على نظام تدليك .. ممكن التحكم بسرعه الشفط
http://www.breastpumpdeals.com/medela-swing-breast-pump.html

. . . . . . . . . . . . . . . . . . . . . . . . . . . . . . .

الحين شفاط حليب نوع ماركة Avent اسمه
Avent Isis iQ Uno Breast Pump 2011

يشتغل ع الكهربا و البطارية .. ممكن تختاريين بين اليدوي او الكهربائي! يمنع الجراثيم و التلوث .. ممكن تركيبنه على اي زجاجة او كوووب .. غير معقد سهل الاستخدام .. سرعه الشفط عن طريق لمس زر واحد .. مع نظام تدليك
سعره حوالي 35 دينار
http://www.breastpumpdeals.com/avent-isis-iq-uno-breast-pump.html

. . . . . . . . . . . . . . . . . . . . . . . . . . . . . . .

نوع ثاني من ايفينت اسمه
Avent Twin Electric Breast Pump

ممكن التحكم بسرعه الشفط بطيئة او سريعه .. الشفط من الثديين بنفس الوقت .. تشتغل على الكهربا وممكن تخلينها يدوي ... مع خاصية التدليك... سعره تقريبا 55 دينار

http://www.breastpumpdeals.com/avent-isis-iq-duo-breast-pump.html
. . . . . . . . . . . . . . . . . . . . . . . . . . . . . . .

شفاط حليب دكتور برااااااون واسمه
Dr. Brown's Natural Flow Electric Breast Pump

يشتغل على الكهربا و فيه نظام تدليك و مساج للثدي .. سحب الهوا بعيد عن الحلمة في حركة ثابته .. طريقة تدفق الهواء يزيل الجراثيم والبكتيريا و يقلل من اصابة سرطان الثدي .. يوفر شعور طبيعي مثل ما الطفل يرضع بالواقع .. يخفف من الضغط والالم للأمهات اللي عندهم حساسيه ومايتحملووون .. سهل الاستخدام.. سعره تقريبا 40 - 55 دينار

http://www.breastpumpdeals.com/dr-browns-natural-flow-electric-pump.html


. . . . . . . . . . . . . . . . . . . . . . . . . . . . . . .


واعتقد فيه انواع غيرهم اكثر

شنو جربتي ؟






​

 

[Cute mama]

انا جربت كل الانواع تقريبا واحسن نوع حبيته Medela

افضل اللي عالكهربه لانه تسحب احسن من اليدويه
اليدويه عورت ايدي :/

 

[c a t w o m a n]

أنا جربت ميديلا ثاني نوع بالصور عندج تشفط عدل ومريحة

 

[om MaRyooM]

كل انواع مديلا تهبل

خصوصا الكهربية . . مريييييحة

 

[нάγoηά cнεмίsтяγ]

انا جربت كل الانواع تقريبا واحسن نوع حبيته medela

افضل اللي عالكهربه لانه تسحب احسن من اليدويه
اليدويه عورت ايدي :/

مشكـورة يا قلـبي ع مشاركتج

انزين من بين اللي جربتيهم ما جربتي شفاطه د. براون ؟

و ميديلا أكثر من نوع اي واحد فيهم استخدمتي ؟ ​

 

[нάγoηά cнεмίsтяγ]

أنا جربت ميديلا ثاني نوع بالصور عندج تشفط عدل ومريحة

مشـكورة حبيبتي

من وين أخذتي الثانيـه و على جم سعرهـــا نفس اللي انا حاطته والا اكثـر ؟

حسيتي بعوار و انتي تستخدمينها ؟​

 

[нάγoηά cнεмίsтяγ]

كل انواع مديلا تهبل

خصوصا الكهربية . . مريييييحة

مشكورة حبيبتي ع مشــــاركتج ... الكل يمدح ميديلا بس بعضهم ما مدحولي النوع الرابع اللي آنا حاطته

فيـاليت تقولين اذا استخدمتيه او لا ؟ ​

 

[Cute mama]

مشكـورة يا قلـبي ع مشاركتج

انزين من بين اللي جربتيهم ما جربتي شفاطه د. براون ؟

و ميديلا أكثر من نوع اي واحد فيهم استخدمتي ؟ ​

والله ماذكر شنو الانواع اللي استخدمتها بس حافظه مديلا لانها اكثر وحده جربتها وطولت معاي

جربت اللي بثاني صوره تقدرين تحطين فيها باتري مو الا عالكهربه

 

[Cute mama]

اي نسيت اقولج الشفاطه فيها قطعه صغيره مثل الربر لونها ابيض مدوره هذي ديري بالج تضيع وانتي تغسلينها او تقطينها اول ماتبطلين الجهاز
لانه من غيرها الجهاز مايشتغل
واذا ظاعت ممكن تحصلين منها بمذركير
انا قبل ماكنت ادري انه مذركير عندهم فكنت اروح اشتري جهاز يديد لول

 

[нάγoηά cнεмίsтяγ]

حبيبتي يعطيـج العافيـه ما قصــــرتي ع المعلومــه

 

[c a t w o m a n]

مشـكورة حبيبتي ​

من وين أخذتي الثانيـه و على جم سعرهـــا نفس اللي انا حاطته والا اكثـر ؟ ​

حسيتي بعوار و انتي تستخدمينها ؟​

والله حبيبتي يابولي ياها أعتقد من صيدلية القادسية

بس تلاقينها في سنتر بوينت و مذركير و صيدلية الغانم

بالنسبة للألم اهو لابد يعور لأن العوار يي من الحلمة نفسها مو من الآلة بس تشفط عدل تعصر الصدر عدل .. إنتي اعتني بالحلمة ودهنيها عشان لا تتشقق

و بالنسبة للسعر أعتقد سعرها ثلاثين وشي أو ثلاثين .. ماني متأكدة

 

[!الجادل الصعب!]

بنآت مآ ترهل الصدر هالسوآلف ؟!
وشنو عيب اليدويه ؟!

 

[طيبة83]

احسن شي ميديلا pump in style

 

[нάγoηά cнεмίsтяγ]

مشـكوورة كات وومن حبيبتي و بـاجي البنـات يعطيـكم العافيه​

 

[بربيره]

انا خذيت ميديلا الي فيها شفاطتين الكهربائيه كلش ما تعووووور و انتي تتحكمين بالسرعه و تشتغل هم عالشحن حبيتها حيييل و سعرها شوي غالي 200 دينار بس مفيييده وجوده

 

[بربيره]

على فكره اول واحد هذا كان خاطري فيه بس سعره صلخ و يستخدمونه بالمستشفيات عشان الام تشفط حليب للاطفال الخدج ترا معروفه ماركة ميديلا اهي التوب بشفاطات الحليب فاخذي منهم بس سالي عن النوع وانا الي خذيته وايد ناس عبالهم مال توام بس اهو يختصر الوقت و الحلو فيه انه ما تمسكين الشفاطهاهي تلف حوالين جسمج في معاها مثل حزام وايد يريحج يعني تقرين مجله و تشفطين حليب لوووول

 

[нάγoηά cнεмίsтяγ]

يا قلبي عليج بالعافيه مشكورة على مشـاركتج

عندج صورة جهازج ؟ جني ما حصلته اللي فيه اثنين الا اول واحد

و مثل ما قلتي صلخ و السعر صدمه

و سعر 200 هم وايد غالي بس عالاقل مقدور عليه احسن من بو 400 و 500 شدعوة

 

[حفيدة عائيشه]

طموشه
لكن بغاء افيدكم ثاني نوع صح انه حلو بس يتعب لانه على صدر واحد ام الااول احسن على الثنين واوفر للوقت
لان اختي جربت الثاني تقول متعب لازم تمسكينه ويالله يشفط والان متروك بالدولاب بس ماادري يمكن عشانه مافيه حليب كثير ام اليدوييه ابعدو عنه تتعب اليدين والله اذكر اختي الثانيه مجربته تقول والله تعب وراحت شرت ثانيه ام يمكن مثل الاوله تقول احسن لكن مااستمرت ويارب يارحمان يرزقه بالولد الصالح البار وجميع المسلمات
حبيت مااطلع الا راده عليكم للااستفاده

 

[нάγoηά cнεмίsтяγ]

ما قصــــرتي حفيــدة أفدتينـــا و الله يرزقج حبيبتي و تجربين انشـالله

 

[нάγoηά cнεмίsтяγ]

up
>
.