تجاربكم مع جهاز الاوربتراك،،، الخبيرات يتفضلون

[أم غازي_الكويت]

مرحباااا


بنات ابي خدمه منكم

كل وحده جربت هالجهاز تقول شنو لاحظت على جسمها بليز بنات بكل صدق وصراحه

انا بصراحه شفت الاكثريه يمدحونه بس
البعض يقول ان الجهاز يمسح المؤخره والبعض يقول ان برز المؤخره والي تقول طلع لها عضلات

عشان جذي ابي الخبيراااااات


يردون على استفساري

اول شي هالجهاز منو يناسب بالضبط

متى اقدر اسويه قبل الاكل اوبعد الاكل وبجم ساعه يفضل

جم دقيقه باليوم استعمله

هل اهو يضعف الجسم عامة وخصوصا الكرش والاجناب

هل الطريقه العكسيه بالجهاز ترفع المؤخره او انها تمسحها

هل لازم اسوي معاه دايت قاسي اولا



بانتظاااار الخبيرااااات


وشكرااااا

 

[بنت النوخذا]

هذي صورته

و هذي المواضـــع اللي يشتغل عليها بالجسم

و اول ما طلع كان له تسميه الغزال الطائر

بعدها تم تطويره بحيث صار انه الواحد لازم

يـــبذل عليه مجهود لتحريكه كن بشرط

انج مو تخلينه ديكور بالبيت


الاســــــــــــــــــــــــتمراريه ​

 

[بنت النوخذا]

الاســــــــــــــــــــــــتمراريه

 

[Miss sensitive]

انا جربته
عندي اياه من سنييين

اول شي قيل الاكل او بعده بس مو اقل من فرق ساعتين

20 دقيقه 3 مرات بالاسبوع حسب الارشادات الموجوده بالشريط المرفق
بس اول مره بتجربينه ماراح تطولين اكثر من 5 دقايق .. ومع الوقت بتكملين الساعه بس خليج مجابله مسلسل مدبلج على وقتي كنت مجابلتهم لوووووووول

الملاحظات جسمج كله بشد وحتى الحجيه بس لاتصغر ولا تكبر وطبعا يضعفففف وانصحج فيه بقوه
سالفه تلعبين بالعكس ماجربتها لاها اتعب

اوكي مممممممم شنو بعد
دايت قاسي لا اصلا انا ما اسويه لو شنو يصير لازم اكل اكل معتدل

اي والكرش لا كلللش ماله شغل فيها

انصحج بعد ما تخلصين منه وجسمج كله يكون مسخن
سوي اي تمرين تبين

تمارين المعده والاجناب واخر شي الستريجنغ وصدقيني بتصيرين تيننين نصيحه من مجرب

 

[بنت النوخذا]

ام غازي انصحج بعد في

هالجهاز اسمه كريزي فت

انا مسميته الزالزاااااااال ههههههه

 

[أم غازي_الكويت]

بنت النوخذه

مسسسسس



عارفه انكم قدها ،،، مشكورين فديتكم

 

[Miss sensitive]

ام غازي مثل ماقلتلج ترا ما يحرك الكرش والمعده كللش

 

[ليدي بجد]

رد : تجاربكم مع جهاز الاوربتراك،،، الخبيرات يتفضلون

الجهاز حلو صح ما جربته بس الي جربوه امدهوه
بس سالفه يخفي ال... ما اتوقع هو للشد الا اذا هي شبه ممسوحه فمعا النحف يمكن تخف شوش

احسن جهازين السير والاوربت تراك الواقافي وغير اجهزه مع احترامي لها حرام الواحد يشتريها
ناويه عليه بعد ما احمل واولد ان شاء الله

 

[ليدي بجد]

رد : تجاربكم مع جهاز الاوربتراك،،، الخبيرات يتفضلون

وعلى فكره اكثر من مدربه بالنادي تقولي هو احسن جهاز وللجسم بشكل عام وبعده السير بعني استخدام الاثنين وفعلا على كثر اجهزه النادي زحمه على هالجهزين بالذات

 

[zain-alq8]

عجييييييييييييييييييييب والله مع ريجيم محمد ربيعه ضعفت بس كل يوم اول شي بو 5 دقايق كنت حيل اتعب وكل يوم زيدي شوي بعدها توصلين ساعه ماتحسين بحييل تعب وجسمج حيل يشد والله عن تجربه كنت البس لارج قمت البس سموول وميديم والله على مااقول شهيد ..والحيين عندي اياه شاريته يديد وااي مادري شمرددني استثقل العب فييه ببلش مره ثانيه يارب الله يعطيني الاراده واضعف على صحه وعافيه

 

[أم غازي_الكويت]

مشكورين بنات

 

[أم غازي_الكويت]

ررررررررررفع

 

[$$لامار$$]

من وين تنصحوني اخذه
وبجم سعره

 

[Pure Beauty]

شوفي حبيبتي انا جربت العادي ظعفني بس مثل ما قالو البنات ماله شغل بالأجناب والكرش
وألحين شريت اللي يجي معاه أثقال وقرص دوار تلاقينه بالوسيط ب 47 تقريبا
عجييييييب شوي عليه بشهادة كل من حولي
شوفي حبيبتي صحيح البنات ما قصرو بس بكتب لج الطريقة بالتنظيم
أول إسبوع 5 دقايق على الجهاز وإنتي واقفه بسرعه معتدله لا تشدين على حالج + دقيقتين على القرص الدوار
ثاني إسبوع 10 دقايق جهاز + 4 دقايق القرص الدوار
وهاكذا زيدي كل إسبوع 5 دقايق الجهاز ودقيقتين على القرص
لين توصلين 45 دقيقه جهاز وربع ساعه قرص دوار
وإذا تعبتي بالجهاز إقعدي وشيلي الأثقال وسوي تمارين للأذرع (( هاذي طريقتي ))
بس

طبعا الجهاز تلعبين عليه بعد الأكل بساعتين أو قبل الأكل عادي
بس يفضل بعد التمارين تاخذين دش بارد

والأكل عادي بس إنتبهي على نفسج يعني مو تخمين كل ما قعدتي على وجبه لا بس تشبعين قومي فووووورا وكثري ماي قبل الأكل و تاكلين تفاحه قبل الغدى

كثري ماي خلال يومج
وبسطولت عليج وإذا عندج أي إستفسار دزيلي على الخاص وأنا حاااظرة

 

[جوري الكويت]

للرفع

 

[موزة ام فارس]

هالجهاز عجييييب

 

[ناتشوو]

نبي بعد تجارب
الحين
في الاعلانات
اوربت تراك عادي
مطور
جديد
.....الخ
شنو الاحسن؟

 

[توكلت على الله 22]

يلااااااااا بنااااااااات نبي تجاااااااارب

 

[أم غازي_الكويت]

للررررررررفع

 

[معدن اصيل]

ماله تأثير على الركب