تجاربكم مع جدر الضغط

[أنا وين ؟؟]

السلام عليكم


بنات الله يعافيكم ... ياليت اللي جربت جدر الضغط تحط لنا تجربتها ...

يعني طريقة استخدامه ؟؟

خطر والا مو خطر ؟؟ (( سامعه انه ممكن ينفجر ))

وطعم الاكل يكون نفس الطعم لما ينطبخ على الجوله ؟؟



ومشكورين مقدما

 

[jolie_q8]

مشاركة: تجاربكم مع جدر الضغط

أنا وين ؟؟

بصراحه...ما استخدمته ولا مره

بس أول بيتنا يطبخون فيه اللحم بالذات..يطلع ذايب ولذيذ

وما اعرف اشلون استخدمه !!

<< ليش داشه الموضوع !!

 

[أنا وين ؟؟]

مشاركة: تجاربكم مع جدر الضغط

ههههههههههههههههه

جولي ... حياج الله باي وقت ...

الموضوع نور بوجودج

 

[rooh14]

مشاركة: تجاربكم مع جدر الضغط

هلا حبيبتي انا وين
انا صار لي ثاني سنه استعمل جدر الضغط اهو فعلا خطر اذا ماعرفتي تستعملينه لان البخار المحبوس فعلا عواقبه كبيره ممكن تسبب حروق بالوجه اذا فتحتيه على طول ومثل مايقولون الضغط يولد الانفجار لكن الطريقه الامنه لاستعماله :
1-وخريه عن الفرن وحطي فوقه فوطه علشان تمتص البخار
2-رفعي الفتحات اللي بالاعلي وغالبا2 علشان المسكين يتنفس ويطلع البخار كله ويكون صوته قوي لاتخافين وبعدها رفعي الغطا عادي
وانا دايما استعمله ل3 اشياء غالبا:لطبخ الحمص (اللبلبي)لانه ياخذ وقت طويل بينما في جدر الضغط من 1-2 ساعه ----- وبعد استعمله لطبخ الذره لانها هم تطول --- وبعد لطبخ الهريسه لانها هم تطول
وبعضهم لعمل قيمة النخي يقولون احلى تطلع
واستعمله لطبخ اللحم اذا كان الوقت متاخر وطعم الاكل فيه حلو ومفيد لانه محتفظ ببخاره واول ماتحطينه على الفرن خلي النار عاليه شوي بعدها صغريها حدها وانتبهي اذا وقت الطبخ سمعتي صوت البخار معناه انه مفتوح حركي الفتحه الفوقيه علشان يسكت الصوت ومايطلع البخار
والله يحفظج وعليج بالعافيه وسامحيني على التطويل لكنه واجب الحذر

 

[moors]

مشاركة: تجاربكم مع جدر الضغط

خوش جدر بس عبالته عباله انا استخدمة اذا ابي اللحم يستوي بسرعة ويكون ذايب يعني موذاك الزود وياه وطعم اللحم احسة نفس الشيئ وفية عيب ماتقدرين كالساع اطلين علي اللحمة لانه عبالة ومثل ما قالت 14 يبيلة حذر

 

[أنا وين ؟؟]

مشاركة: تجاربكم مع جدر الضغط

rooh14


moors


شكرا لمروركم ومشاركتكم ..


انا لي الحين ما شريته ... بس طاق ابالي هاليومين .... قلت خل اسأل عنه اذا يسوى اشتريه أو لأ

 

[xxx]

مشاركة: تجاربكم مع جدر الضغط

يمدحونه بس خطـــر

مره انفجر بخالتي مسكينه الله فكها من الشر

كانت تطبخ لحم والظاهر مو مسكرته عدل تقول اخترعت خرعه مايسوى علي هاللحم

 

[جارة القمر]

مشاركة: تجاربكم مع جدر الضغط

أنا وين؟


عند أمي

وتقول عنه شغل عدل


أمفكره أشتريه




تسلميييييييييييييين يا قلبي

 

[أنا وين ؟؟]

مشاركة: تجاربكم مع جدر الضغط

بنوته


وي مالي خلق باجر يبق فيني ... ما تسوى علي باجر اموت وعيالي يتيتمون وريلي يتزوج ويحط لهم مرت ابو ... كله ابسبة جدر ..(((( لوووووول سويت فلم ههههههههههه ))))

 

[أنا وين ؟؟]

مشاركة: تجاربكم مع جدر الضغط

جارة القمر


الله يخلي لج امج ... وتسلمين على المشاركه

 

[جارة القمر]

مشاركة: تجاربكم مع جدر الضغط

أنا وين ؟؟

الله يسلمج يا قلبي

وأن شاء الله طولة العمر يارب