تجاربكم مع العسل ((شنو احسن الانواع))

[ابلة^روضة]

مرحبا بناات شلوونكم انشالله كلكم بخير ونفسيتكم فووق النخل ..
سؤالي ابي اللي مجربة عسل تقولي شنو نوعه ومن وين انا رحت اليوم الجمعية في العويد ومعجزة الشفاء والسدر وانواع شكثر وفي جينسنغ بودر وبعد في غذاء الملكات بودر بس مادري شلون يستنخدمونهم ؟؟؟ عاد الله يخليكم بنات فيدوني وفيدو البنات شنو احسن نوع واللي مجربة تقول مجربة واذا كانت نتيجيته حلوه تقولنا يعني عطونا تجاربكم مع العسل ورشحولنا احسن شي شنو نشتري؟؟؟؟
والله يرزقني وياكم بالذرية الصالحة اللي تفرحنا وتفرح ازواجنا امييين

 

[حصووونه]

اختي اذا تبين للرجل عسل الرغبه من العويد رهيب

 

[ابلة^روضة]

احنا سليمين مافينا شي بس انا ابي شي ينشط المبايض اكثر وهم بنفس الوقت زوجي ياكل منه؟؟

 

[نيبال الايمان]

ضى الايمان


يا عمرى يا ابلة روضه عسى الله يرزقج ويفرح قلبج الذرية الصالحه اللى تبر فيج امين يارب 00000

يا عمرى جربى عسل المرشد روحى لهم وقولى لهم شنو علتج وعلى اساسها يعطونج عسل مخلوط باعشاب على حسب علتج او الشى اللى تبينه 000 ناس وايد الله رزقهم على ايد عسل المرشد وانشاء الله يكون سببج عندهم اللهم امين يارب

اللهم يا مالك الملك يا من بيده ملكوت كل شى وهو على كل شئ قديرلا ارزق اختى ابلة روضة بالذرية الصالحه اللى تبرد قلبها وتقر عينها بشوفة ضناها بحضنها اللهم امين اللهم امين اللهم امين

ويارب يرزقنى وياج ويرزق كل محروم ومحرومه منهم اللهم امين يارب

 

[ابلة^روضة]

احزان حبيبي وين مكانهم ويوصلون لي البيت ولالا ؟؟ ومشكورة عالدعوة الحلوة

 

[فوفو بالكويت]

شوفي والله ثم والله اناعندي ضعف شديد فى المبايض وسويت تلقيح صناعي وفشل وذبحتني الابر والمنشطات بدون ماتزيد حجم البويضه وبعدين عرفت وحده بالصليبه ورحت لها وعطتني عسل طبعا وقفت العلاج مع الدكتور كشت فيه بعد مانزلت الدوره ولما اكلت عسلها حسيت افرازات التبويض تنزل بغزاره قلت اروح حق الدكتور ولما رحت قال وهومتفاجأ ان عندج بويضه حجمها 16 في يوم الحادي عشر طبعا انصدمت وقالت تعالي بالرابع عشر قال اعطيج منشطات قلت لازوجي مو موجود بس بغيت اشيك وماقلت اني ماخذه شي وجيت بالرابع عشر لقيتها 21 ماشاء الله وقال احتمال يصير تؤام بس للاسف زوجي ماكان موجود قدر الله ماشاء فعل والله فظيع عسلها بغيت افيدج اسمه ام انور تجي من السعوديه لها رقمين سعودي وكويتي مره كبيره وهي عندها علاج للاهداب الضعيفه ربنا يرزقنا جميعا اذا يصير احط رقمها بالعام علشان الكل يستفيد بحطه..

 

[ابلة^روضة]

ياليت تحطينلنل رقمها حبيبتي بسالج يصير اروح واخذ العسل على طول ولا لازم تمرخ مادري شتسوي

 

[حبيبة زوجها2009]

حبيبتي فوفو عطينا رقمها خل نستفيد عسى ربي يرزقج ومايحرمج قولي امين

 

[نيبال الايمان]

ضى الايمان

يا عمرى انا ماعرف غير مكانهم بالفحيحيل وانشاء الله باجر اييب لج رقمهم وتدقين عليهم وتسالينهماذا يوصولون والله يرزقج ان شاء الله

 

[نيبال الايمان]

شوفي والله ثم والله اناعندي ضعف شديد فى المبايض وسويت تلقيح صناعي وفشل وذبحتني الابر والمنشطات بدون ماتزيد حجم البويضه وبعدين عرفت وحده بالصليبه ورحت لها وعطتني عسل طبعا وقفت العلاج مع الدكتور كشت فيه بعد مانزلت الدوره ولما اكلت عسلها حسيت افرازات التبويض تنزل بغزاره قلت اروح حق الدكتور ولما رحت قال وهومتفاجأ ان عندج بويضه حجمها 16 في يوم الحادي عشر طبعا انصدمت وقالت تعالي بالرابع عشر قال اعطيج منشطات قلت لازوجي مو موجود بس بغيت اشيك وماقلت اني ماخذه شي وجيت بالرابع عشر لقيتها 21 ماشاء الله وقال احتمال يصير تؤام بس للاسف زوجي ماكان موجود قدر الله ماشاء فعل والله فظيع عسلها بغيت افيدج اسمه ام انور تجي من السعوديه لها رقمين سعودي وكويتي مره كبيره وهي عندها علاج للاهداب الضعيفه ربنا يرزقنا جميعا اذا يصير احط رقمها بالعام علشان الكل يستفيد بحطه..

ضى الايمان

ياريت يا عمرى يا فوفو تحطين لنا رقمها اللى بالكويت واللى بالسعودية عشان يستفيد الكل والله يوفقج ان شاء الله ويجعله فى ميزان حسناتج امين يارب

واذا تقدرين تقولين لنا جم تاخذ وعلى اى اساس توصف لج العسل 000 يعنى تفحص اول شى ولا تسال ولا شنو شرحى لنا الله يجزاج الخير

 

[ابلة^روضة]

للرفع بنات ساعدوني بلييييييييز عشان باجر ابي اروح اشتري

 

[ماي الورد]

في واحد يمني يبيع عسل يمني اصلي بس مافية شي مخلوط فية عسل طبيعي
هذا رقمه 97370901

 

[eng.q8]

للرفع

 

[دمثة]

حطي رقمهاااااا

 

[زوجة حبيبي]

بنات نبي عسل للزوج يقوي المنوي ويكثرة
بس بنات بالذمة مو دعايه لمكان معين

 

[ام مسااعد]

ربي يرزقنا اجمعييييييييييييييييين

العويد روحيلهم ابلة وقوليله وهو عندة حق كل مرض وصفة معينة وجربنا عسلهم واااااااااااايد فاد ريلي الحمدلله بس عيبنا الوحيد مانستمر لو نستمر سبحان الله كل شي يصير تمام..

مووووووفقة

 

[WaChoCha]

حبيبتي عسى الله يرزقج ويرزقنا وياج الذرية الطيبة الصالحة وتقر عيوننا بشوفتهم اجمعين ... اللهم آمين

انا عن نفسي بديت اخذ عسل معجزة الشفاء لضعف التبويض وعطاني حبوب اللقاح ..... عسلهم وايد زين والشخص الموجود بالمحل يسالج شنو علتج قبل لا يعطيج

مكانه بالسالمية بس ما عندي رقمه ..... اسمع عسل معجزة الشفاء

 

[ابلة^روضة]

يلا انشالله نهجم عالعويد ونشووف مشكورين كل البنات ماقصرتوا صج انكم خوات الله يرزقني وياكم بالذرية انشالله ويصبرنا ويريح بالنا امييين

 

[كويتيه مذهله 87]

البناات ما قصرواا
انا ما اخذ عسل بس ريلي يااخذ عسل العويد علشان فيه ربوووو ومشاالله حيواناته زينه من العسل

 

[نيبال الايمان]

ضى الايمان

كويتية مذهلة 87 الله يرزفج ان شاء الله باللى يبرد قلبج ويقر عينج فيه امين يارب 00

بسألج ياعمرى تقولين ريلج جرب عسل الربو 000 صار زين عليه وتحسن من الربو يعنى صج فيه فايده 00لان بصراحه انا معاى ربو شديد وحيل اتعب من الازمات وصايرة بزياده هاليومين على هالجو 000