تجاربكم بنات كل وحده جربت عملية طفل الانايب ونجحت عمليتها او فشلت تدخل

[MM-QAT]

صباح الخير / مساءالخير


شحالكم ان شاءالله بخير



الله يرزقكم ويرزقني بالذرية الصالحة
ويارب تنجح عمليتي وعمليتكم
اللهم امين

كل وحده تحط لنا الاجابة على الاسئلة لانكم بتفيدون بنات واجد


عمرك :
عمر الزوج :
الامراض اذا فيك :تكيس هرمون الحليب والسكر الضغط الغده اي شي
الامراض في زوجك او سليم :
كم بيوضة اسحبوا منك ؟
كم بيوضة تلقحت ؟
كم عدد الاجنة الي ردوها ؟
هل عملوا لك تقنية الاكس او الليزر؟
كم الوقت الي ارتحتي فيه بالمستشفى :
ارتحتي في البيت بعد العملية عالسرير او مارستي حياتك عادي ؟
الادوية الي عطوك المستشفى وقالولك استمري عليها ؟
حللتي قبل 10 الايام بالبيت وطلعت النيجة؟
حللتي بعد 14 يوم وكانت النتيجة ؟
كم مره سويتي العملية ؟
وزنك هل مناسب او فيه زياده؟
المركز او المستشفى اللي سويت فيه؟
الدكتور :
اي دولة سويتيها :
الاعراض التي مرت علي : ​

 

[منى جده]

يالله يا بنات انا بابدأ
عمري انا 31 سنه
عمر زوجي 35
الحمدلله ما عندي اي مشكله صحيه
المشكله عند زوجي عنده انسداد فالبربخ الحيوان المنوي عنده ولله الحمد سليم.
سحبوا منى ماشاء الله تبارك الله 39 بويضه
الي تلقحو 19 مابيد ممتاز وجيد جدا
رجعوا لي 3 وجمدوا 16
ما سووا لي لا تقنية ولا اكس
ارتحت 3 ساعات فالمستشفى
بعد العمليه مارست حياتي بشكل عادادي بس ما حاولت اطلع درج واليومين الاوله صليت جالسه وما ركبت سياره لمدة اسبوع.
الادويه تحاميل مثبته وحبوب دوفاستون والفوليك اسد وحبوب تنظيم الدورة بس استخدم البيضاء البنيه ارميها استمر عالادويه 3 اسابيع.
سويت اول مرة تحليل بول منزلي اليوم العشر من الترجيع و طلع خط خفييييييييييف .
عدته اليوم الحادي عشر من الترجيع فالصباح وكان اوضح بكثير و سويت الدم في نفس اليوم وطلع ايجابي بس خفيف عدته اليوم الرابع عشر بس رقمي و كان نسبة الحما 193 ولله الحمد عدته اليوم السابع عشر كان 843.اول مره اسوي التلقيح ونجح ولله الحمد سويتها عند الدكتور مجدي الشيخ في مستشفى سليمان فقيه في جده .
الاعراض الام دورة بسيييطه والام فالمبيض الايسر و ذهاب للحمام متكرررررررررررررر ( وانتم بكرامه)
وهذي تجربتي ولله الحمد والمنه والفضل

 

[رمز الموده]

ماسويت بس ان شاء الله اذا سويت اكتب تجربتي الله يرزقنا بدون عمليات

 

[MM-QAT]

يالله يا بنات انا بابدأ
عمري انا 31 سنه
عمر زوجي 35
الحمدلله ما عندي اي مشكله صحيه
المشكله عند زوجي عنده انسداد فالبربخ الحيوان المنوي عنده ولله الحمد سليم.
سحبوا منى ماشاء الله تبارك الله 39 بويضه
الي تلقحو 19 مابيد ممتاز وجيد جدا
رجعوا لي 3 وجمدوا 16
ما سووا لي لا تقنية ولا اكس
ارتحت 3 ساعات فالمستشفى
بعد العمليه مارست حياتي بشكل عادادي بس ما حاولت اطلع درج واليومين الاوله صليت جالسه وما ركبت سياره لمدة اسبوع.
الادويه تحاميل مثبته وحبوب دوفاستون والفوليك اسد وحبوب تنظيم الدورة بس استخدم البيضاء البنيه ارميها استمر عالادويه 3 اسابيع.
سويت اول مرة تحليل بول منزلي اليوم العشر من الترجيع و طلع خط خفييييييييييف .
عدته اليوم الحادي عشر من الترجيع فالصباح وكان اوضح بكثير و سويت الدم في نفس اليوم وطلع ايجابي بس خفيف عدته اليوم الرابع عشر بس رقمي و كان نسبة الحما 193 ولله الحمد عدته اليوم السابع عشر كان 843.اول مره اسوي التلقيح ونجح ولله الحمد سويتها عند الدكتور مجدي الشيخ في مستشفى سليمان فقيه في جده .
الاعراض الام دورة بسيييطه والام فالمبيض الايسر و ذهاب للحمام متكرررررررررررررر ( وانتم بكرامه)
وهذي تجربتي ولله الحمد والمنه والفضل

الف مبروك والله يتمم عليك

 

[shwarveske]

انا سويت العمليه
انا عمري 23
عمر زوجي 29
الحمد الله ماعندي اي مشاكل صحيه
المشكله بزوجي عنده دوالي تقتل الحيوان المنوي

سويت حقن مجهري يختلف عن طفل انبوب والحمد الله سحبو مني تقريبن 20 بويضه

وكلهم تمام رجعولياهم باليوم الخامس ردولي 2 احسن شي التوب
ارتحت بالمستشفى تقريبن ساعتين على ظهري ماتحركت واول 5 ايام ماطلعت من الفندق ابد بس اصلي عادي بس ما اتعب نفسي
وعطوني ابر مثبت وانا للحين اخذهم وعطوني الحبوب البيضاء نفسج بس اكل البيضه البنيه اقطها واخذ فيتامينات شامله فيها كل انواع الفيتامينات
والحمد الله بعد اسبوعين من نقل الاجنه سويت تحليل حمل بالدم وطلعت حامل وانا اول مره اسوي العمليه واكمل علاجي للاسبوع العاشر من الحمل اما الفيتامينات مستمره عليها لي نهاية الحمل والحمد اللله

سويتها بمصر عند دكتور حسام زكي وايد شاااطر


نفس الآم الدوره البسيطه وذهاب الحمااااااام متكررررررررررررر وانتو بكرامه

وهاذي تجربتي والحمد الله والشكر لله

 

[cute_angle]

عمري 30 وزوجي عمره 33
زوجي سليم الحمدلله .. انا عندي كذا مشكلة تشوه بالانابيب ، التقاصات قالولي انها كثيرة وصعبه نعالجها وضعف في التبويض
في المرة الاولى : سحبوا مني 12 بويضة تلقحوا 6 ورجعت 3 اجنة من الدرجة الاولى
في المرة الثانية : رجعت 3 اجنة مجمدة
في المرة الثالثة : سحبوا 5 بويضات تلقحوا 3 ورجعولي 2 من الدرجة الاولى
مااستخدمت تقنية الاكس ولا الليزر
في المره الاخيرة قعدت بالمستشفى 5 ايام لان شقتي بالدور الثالث اما المرات السابقه اقعد ساعتين بالمستشفى بس وارجع البيت
طول الاسبوعين مااطلع من البيت واصلي وانا قاعده مااقرب من الكمبيوتر ماابذل مجهود وطبعا مااداوم
الأدوية : تحاميل .. فوليك اسيد .. حبوب تنظيم الدورة بس البيضا البنية مااستخدمها .. اسبرين
دايما احلل باليوم 14 والنتيجة مو حامل والحمدلله على كل حال
بالمرة الاخيرة توني قبل جم يوم حللت باليوم 12 وعصب علي الدكتور وخلاني اعيد التحليل يوم 15 بس طلعت مو حامل
سويتها 3 مرات وان شاءالله بريح هالشهر وراح اسويها الشهر اللي بعده باذن الله
وزني 57 الحمدلله مافيني زيادة وزن
اول مرتين سويتها عند د.هدى الزكري وسويت العملية دار الشفا .. المره الثالثة سويتها عند د.عمرو الصيادود.ناهض بمستشفى المواساة
بالثلاث مرات كنت احس بعوار الدورة بس بالمرة الاخيرة مسكني عوار ظهر موطبيعي وبطني احسه يتقطع وللحين مانزلت الدورة
الحمدلله على كل حال
الله يعوضنا خير ويرزقنا بالذرية الصالحة .. آمين

 

[bnt_kwt]

مع انه الموضوع مكرر وايد
بس مفيد لانه تفصيلي
يعطيكم العافيه

 

[الدلع يعشقني]

الله يرزقكم يارب ..

انا باذن الله مقدمه ع الانابيب بعدني مابديت

 

[سمآيله]

لسا مابعد نتحرك

 

[شمخانيه]

نجحت مره بالصباح ورزقني ربي ببنت
والمره الثانيه بالصباح نجحت وصادف انه وحده من اقاربي قالت لي خبر مو زيين واخترعت بنفس اليوم نزفت واجهضت ومنها صار لي سنتيين وانا احاول وتفشل
اسفه كبرت وتعبت مافيني ارد علي كل اسالتك

 

[chocolat cake]

انا اول ماتزوجت حملت خارج الرحم وصارت عندي مشكلة بالانابيب التصاقات وسويت انابيب بالبحرين عندالدكتور احمد بركات بس الحمدالله ماصار الحمل وهالشهر ناوية اسويها عند فوزية القطان والله يرزقنا يارب بالذرية الصالحة

 

[معلمة متقاعدة]

الله يرزقكم بالذرية الصالحه

 

[سـديم]

مبرووك لخواتي الي سسوها ونجحت..

والله يعوض الي سووها وفشلت..

الله لايحوجنا يااارب لا لحقن مجهري ولا انابيب ياارب ارحمنا برحمتك..

مشكوره اختي ع الموضوع المفيد

 

[MooN GirL]

عمرك : 30
عمر الزوج : 33
الامراض اذا فيك :تكيس هرمون الحليب والسكر الضغط الغده اي شي : تكيس على المبيض
الامراض في زوجك او سليم : عنده سكر + ضعف في العدد
كم بيوضة اسحبوا منك ؟ 6 بويضات
كم بيوضة تلقحت ؟ 6 بويضات
كم عدد الاجنة الي ردوها ؟ 3 بويضات درجة أولى
هل عملوا لك تقنية الاكس او الليزر؟ لا
كم الوقت الي ارتحتي فيه بالمستشفى : ساعة يمكن
ارتحتي في البيت بعد العملية عالسرير او مارستي حياتك عادي ؟ خذيت مرضية من الدوام بس كنت اطبخ وحاولت ان ما اشيل اشياء ثقيلة
الادوية الي عطوك المستشفى وقالولك استمري عليها ؟ تحاميل مهبلية للتثبيت
حللتي قبل 10 الايام بالبيت وطلعت النيجة؟ لا بعد اسبوعين
حللتي بعد 14 يوم وكانت النتيجة ؟ اي حللت بهرمون الحمل وكانت النتيجة 0.73 يعني ماكو حمل
كم مره سويتي العملية ؟ مرة وحده
وزنك هل مناسب او فيه زياده؟ فيه زيادة وقاعده احاول اخففه
المركز او المستشفى اللي سويت فيه؟ مستشفى السلام
الدكتور : د.عمرو عصام
اي دولة سويتيها : الكويت
الاعراض التي مرت علي : الاسبوع الثاني من العملية كان ظهري يعورني وايد وما خف لين نزل تكرمون الدم

 

[bashooora]

عمري 26 وزوجي 33
وكان فيني التصاقات والانابيب كانت مسكرة وسويت منظار شلت الالتصاقات وفتحت واحد من الانابيب وسحبو مني تقريبا 20 بويضه واللي تلقحو 9 وردو منهم 3 بويضات وارتحت بالمستشفى ساعه وبعدين ريحت بالبيت اسبوع ما كنت اتحرك ولا اطلع ولا اروح الدوام والادويه اللي خذيتها تحاميل ومثبتات وفوليك اسيد ومنظم الدورة الابيض والبني اقطه وسويت تحليل بعد اسبوع وكان
الحمل ضعيف عطتني الدكتورة ابرة مثبتة ورديت عدته بعد اسبوع وطلع ما كو حمل الحمدالله وكانت هذي اول مرة اسويها وكان شهر 7 اللي طاف وان شاء الله راح ارد سويها شهر 3 وسويتها عند دكتورة حفصة البوعركي برويال حياة ​

​

​

 

[المتميزة**]

عمرك : ٢٧
عمر الزوج : ٣٥
الامراض اذا فيك :تكيس هرمون الحليب والسكر الضغط الغده اي شي :تكيسات وشلتهم بس في ضعف تبويض
الامراض في زوجك او سليم : سليم
كم بيوضة اسحبوا منك ؟ ٨
كم بيوضة تلقحت ؟٤
كم عدد الاجنة الي ردوها ؟ ٢
هل عملوا لك تقنية الاكس او الليزر؟نعم
كم الوقت الي ارتحتي فيه بالمستشفى :٤ساعات علي ظهري
ارتحتي في البيت بعد العملية عالسرير او مارستي حياتك عادي ؟ انا معطله ماتحرك الا للصلاة وانا قاعده وتكرمون للحمام
الادوية الي عطوك المستشفى وقالولك استمري عليها ؟ تحاميل مهبلية للتثبيت حبوب دوفاتسون مثبته ثلاث حبات باليوم حبوب الحمل الحمر وفوليك اسيد وبيبي اسبرين
حللتي قبل 10 الايام بالبيت وطلعت النيجة؟ اي طلعت النتيجه ١٥:٩٨حمل ضعيف
حللتي بعد 14 يوم وكانت النتيجة ؟ اي حللت بهرمون الحمل وكانت النتيجه ٣يعني ماكو حمل
كم مره سويتي العملية ؟ مرة وحده
وزنك هل مناسب او فيه زياده؟ جدا مناسب
المركز او المستشفى اللي سويت فيه؟ مستشفى السلام
الدكتور : د.محمد صلاح الاشنيهي
اي دولة سويتيها : الكويت
الاعراض التي مرت علي : الاسبوع الثاني من العملية كان ظهري يعورني وايد وما خف لين نزل تكرمون الدم
اللهم اجرني في مصيبتي واخلف لي خيرا منها ولاتذرني فردا وانت خير الوارثين يااااااارب يرزق كل محرومة من الضني او تبي بنت او تبي ولد ياااااارب

 

[هيبة ملك]

الف. مبروك للي. حملوا وربي يرزقني انا وخواتي هني بالحمال السليم

 

[عسل حدي]

ربي لا تذرني فردا وانت خير الوارثين

 

[glby7sas]

عمري 24 وزوجي 26 زوجي عنده قله في عدد الحيوانات المنويه وبطئ في الحركه وسويتها بمستشفى طيبع عند الدكتور شفيق مو متأكده جم سحبو جنه قالي 10 والله مو ذاكره بالضبط بس ردولي اثنين ممتازين وماكان عندي مجمد نمت بالمستشفى تقريبا اربع ساعات وطلعت اول ثلاث ايام مااتحرك من الفراش بعدين مارست حياتي طبيعيه ما الله كتب وفشلت العمليه طبعا مامداني احلل باليوم ال12 نزل مني دم ودقيت على دكتورتي سوتلي تحليل دم بنفس اليوم وطلع مافي حمل بس قالتلي استمري على تحميله الشرجيه بس وفي اليوم 14 رديت سويت تحليل وطلع صفر واصلا كان مع المثبتات الدوره تنزل ماادري اشحقه او شنو مهنت المثبتات لوول كنت احس بحراره وعوار بالظهر وعوار بالبطن وساعات كانت تييني اعراض الدوره وتروح وكنت كله احس اني تعبانه وتكرمون كله اروح الحمام بس الحمدالله على كل حال

 

[عسل حدي]

الله يعوضكم خير انا بسويها عند الدكتور ناهض