تجاربكم بالبخور اللي يوصل للشارع

[الشيخه فطامي]

صراحه انا بالبيت احط الغالي لانه احب زوجي اذا دخل يشم الريحه

بس مو كل مره

عندج القرشي عود ملكي مبخر ب 25 بالمعرض يسوي عرض 2 ب 50 او الثالث مجاناً لاتنسين تدعيلي

او اصغر علي من المعرض بعد عنده على نعنعاع اعتقد اسمه استبرق او شي جذي عجيب حق البيت

 

[غرقانة بالحزن]

بنات الي اهم من الخور اهي طريقه التبخير
يعنى اول شي لي بغيتي تبخرين لازم تطفين السنترال لانه يشفط كل الريحه
بعدين لازم يكون عندك خلطه اوحتى رشاش ماي عادي ترشين الغرفة والغنفات
والسجاد لازم يكون الاثاث رطب شوي علشان البخور يلزق فيه ويقعد
اطول فترة هذا بالنسبه للبيت
اما على المستوى الشخصي الله يسلمكم بعد الشور اخذي اللوشن وحطي عليه
قطرتين دهن عود وتلوشني ولبسي ملابسك وبعدين لبسي فوقهم ثوب
الصلاه وحطي البخور داخل خليه ينحكر ويظل اطول فترة وهم رشي على
ثيابك خلطه او رشاش ماي شوى علشان تثبت الريحه اطول فترة
اما عن البخور انا كلشي اجربه كل الانواع من الرخيص لي الغالي
واذا بخور ماعجبني احطه ببطل ماي كبير واخليه اسبوع
بعدين اشخله بالمشخال واعبيه بمرش واسويه خلطه
استفيد من قيمته
امابخوري اهوة بخور الدواسر الي اجيبه من حرمه متعامله معاها من سبع
سنوات تجيبه لي من وادي الدواسر من السعوديه وبس
سلامتكم ادري طولت عليكم السموحه

 

[عاشقه الحلى]

نبي معمووووووووول للبيت
تكون ريحته حلووووه

 

[عاشقه الحلى]

بنات الي اهم من الخور اهي طريقه التبخير
يعنى اول شي لي بغيتي تبخرين لازم تطفين السنترال لانه يشفط كل الريحه
بعدين لازم يكون عندك خلطه اوحتى رشاش ماي عادي ترشين الغرفة والغنفات
والسجاد لازم يكون الاثاث رطب شوي علشان البخور يلزق فيه ويقعد
اطول فترة هذا بالنسبه للبيت
اما على المستوى الشخصي الله يسلمكم بعد الشور اخذي اللوشن وحطي عليه
قطرتين دهن عود وتلوشني ولبسي ملابسك وبعدين لبسي فوقهم ثوب
الصلاه وحطي البخور داخل خليه ينحكر ويظل اطول فترة وهم رشي على
ثيابك خلطه او رشاش ماي شوى علشان تثبت الريحه اطول فترة
اما عن البخور انا كلشي اجربه كل الانواع من الرخيص لي الغالي
واذا بخور ماعجبني احطه ببطل ماي كبير واخليه اسبوع
بعدين اشخله بالمشخال واعبيه بمرش واسويه خلطه
استفيد من قيمته
امابخوري اهوة بخور الدواسر الي اجيبه من حرمه متعامله معاها من سبع
سنوات تجيبه لي من وادي الدواسر من السعوديه وبس
سلامتكم ادري طولت عليكم السموحه

:eh_s(7): مشكوووووووووره ياغلاااا:eh_s(7):
ع معلوووماات القيمه,,,,,,:eh_s(15):
كم سعر معمول الدواسر ؟؟؟
اذا عندج رقمهااااا؟؟؟
انااابي معموووووووووووووول
:bbbiu::bbbiu::bbbiu::bbbiu:

 

[عجايب2009]

الجديد عندي من اصغر علي شريته من مكه كان كااكااو روشيه ب100ريااال رووووووععه بخووور ع ريحتة عطر فرنسي يهبل

 

[miss dl3]

انا لي الاستعمال اليومي من بانافع عندهم اشياء حلووه اغلبها حربتها

والغالي للضيوف وبعص الايام اغير روتين
وكمان معطارات بانافع حللوووه فيه واحد بالورد ممنرا حلو يذكرني ب ورد الطايف

 

[rahaf]

هااااااااااااااااااااي بنوتات
البخور الحلو واللي احبه معمول الدواسر والقرشي وأجمل ومملكة البخور
وبصراحه شوقتوني اجرب بخور الياس

 

[@شمس الضحى@]

رفع

 

[مهااوى]

بخور القريشي بو عشره يهبل

 

[صدفه نسيتك]

القريشي يهبل

 

[بيت التوت]

انا من عشاق بخور الدواسر اممممممممم شي عجيب
اشتريت من خمس اسنين من وحده اتبيعه
ريحته اتهبل وثابته ماتتحرك حتي بريحة الطباخ
صارله عندي خمس اسنين وللحين طري ههههههههههههههههههههههههه والله مستغربه ولا لافته انا بجيس بعد هههههههههههههههههههههه

 

[منووله مشعل]

الحرمين حلووووووووو

وحنان حلووووو

 

[دله وفنجان]

اختي النوالنو الله يعطيج الصحه والعافيه ع البخور الدواسر جعله في ميزان حسناتج

 

[Omali835]

القرشي الملكي اللي العلبة ب٢٥

 

[أريد حلا]

تجاربكم بعد يا مزيونات​

 

[д7βk βşķάť]

انا اكثر بخور احبه
بخور العفاسي
نشوف اختيار باجي البنات

 

[نـور الكويت]

بخور اجمل عود مبخر حلو واجمل الي بالسعوديه عندهم معمول وهاج روووعه

وسيد جنيد الي علبته مخمل عنابي يجنن

والرصاصي عنده العود المميز حلووو يهبل

القرشي الملكي لا يعلي عليه

وعند الحرمين الكمبودي بعد حلووو ورخيص

وبخور اصغر علي يجنن بعد المعمول والعود

معمول وادي الدواسر يهبببل للبيت

وبخور الامارات زينب وفاطمه وكذا نووع حلوو للبيت ورخيص

 

[هاله الرحاله]

حبيباتي بالنسبة للمعمول مال البيوت انا كان فيني حساسيه بالجيوب الانفيه ومو اي بخورة تنفعلي لازم يكون بخور حر.

بس تدرون البخور الحر غالي مايصلح حق البيت وعقب كل طبخه. وجربت القرشي وتقريبا كل اللي قلتو عنهم وياربي عاللي يصير فيني من عقب مااحطهم.

ليمه والله جربت بخور واحد كويتي يسويهم وينزل معارض واظني فاتح محل بالمجمعات اليديده اللي بالعقيله.بخورة مسقى مو هاذا اللي اييكم متروس زيت ايدج ترجخ لي مسكتيه.:rerrerek:

بالعكس ناااااشف ماشالله ولاحطيتيه يعطيج عطر توصل ريحتة لي اخر الدنيا وباخرها ما تحترق بالعكس تعطيج ريحة البخور الحر .

أظن والله اعلم انه يسوي المعمول على خشب بخور طيب. ومن يومها وانا واهلي كل من عنده.

والكل يسئلنا عن هالبخوره اللي نحطها.قرقت وايد الله يعينكم على قرقتي بس ما حبيت اطلع ومااقولكم تجربتي معاه لاني كنت اعاني من هالسالفه. المهم اللي تبي رقمه تطلبه مني وانا حاضرة.

 

[q8helwa]

بخور الجسار جربيه وادعيلي


يهبل روعه ريحته تجيب العافيه

 

[برونزية رشيقة]

خوش موضوع
الله يعطيكم العافية