تتوقعون راح اقدر انساه!!

[a7zaaan]

السلام عليكم ورحمة الله وبركاته

انا من زمان ودي اكتبلكم مشكلتي يمكن اقدر القى حل عندكم او دعوه بمرة ملك تفرج همي ان شاءالله

بنات انا احب واحد من كل قلبي احبه ووااااااايد واااااااايد انسان في كل الصفات الي احيبها واتمناها

سنييييين وانا احبه وليلحيني احبه بس اهله مايبوني لا ابوه ولا اخوانه موافقين انه ياخذني بحكم اني مو اصيله !! حسبي الله ونعم الوكيل

وانا هديته صارلي فتره بس والله موقادره انساه احس انه قلبي مكسوووووووووووووووووووور مجرووووووووووح اقعد اسولف مع الناس وفجاه يصير شي يذكرني فيه احس بحررررقه مو طبيعيه في قلبي احس اني فااااااااااقدته حييييل ومشتاقلته مشتاقه لو اسمع حرف واحد من صوته لو اسمع بس كحته

قولولي شسوي الله العالم اني احاول كثر ماقدر اني ابتعد عن كلشي حرام وتبت توبه نصوحه يعني لو يرجع فيني الزمن والله ماكلمه بس شسوي بالحزن الي في قلبي الحين!!

بنات انا صارلي سنتين من تركته وليلحين غصه بقلبي مو راضيه تروح

ادري بتقولولي لو يبيج جان خذاج بس هذيل اهله ومايصير يبيعهم عشان غريبه خصوصا هالشي مهم حييييل بالنسبه لهم

دايما ادعي انه الله يعوضني الزوج الي يكون احسن منه من جميع النواحي عشان انساه

بس خايفه حتى لو اتزوج اتم متذكرته واقارن بينه وبين زوجي!!

قولول شسوي ومنو مر بلي مريت فيه وبعد الزوج نست الي تحبه موليه

بنات اذا ماعندكم حل لمشكلتي تكفيني دعوه منكم انه الله يفرجها عليي باقرب وقت و يعوضني بالزوج الي احسن منه بكلشي ويكون قره لعيني وقلبي

والله كريم​

​

 

[كيم كارداشيان]

بسم الله الرحمن الرحيم


أختي .. النسيان ممكن موب مستحيل .. وتأكدي إن الله يدير الامور اللي احنا ما نقدر نديرها بايدنا .. يديرها بالطريقة اللي فيها مصلحتنا .. لكل شيء حكمة .. وعدم ارتباطج بهالشخص اكييييييييييد له حكمه .. يمكن لو خذتيه ما ترتاحين لأن أهله ما بيتعاملون معاج بطريقة مرحب فيها .. واسئلي البنات اللي عانوا من تعامل أهل ازواجهم وين وصلوا


لو يحبج بيرجع لج وبياخذج حليله .. ولو تحبينه بتحترمين قرار الفراق ..


غاليتي الله يختار لنا الاحسن .. اختار لج فراقه لأنه ما يستحق ولأن أهله ما بيحترمونج .. قدر لج الافضل والافضل ياي .. اشغلي نفسج عن الماضي أبدا لا تسترجعين ذكرياته ولا تفكرين باهنتماماته .. سوي كل اللي كان في خاطرج ..

انتي تحتاجين تواصل مع الناس اللي يحبونج .. أمج .. خواتج .. ربيعاتج ..

تحتاجين حرص اللي حولج ومحبتهم .

والاهم تأكدي إن أي ريال ثاني ترتبطين فيه بيكون له حب واحترام وتقدير اكثر من اللي تتوقعينهم في قلبج .. بتقدرين تعطين مشاعر كبييييييييييرة .. انتي الحين تعطين مشاعرج لذكريات اللي كنتي تحبينه ... عطي مشاعرج لشيء ثاني .. للغات مثلا تتعلمين لغة يدية .. للدراسة تكملين دراسات عليا .. للهواية تتعليمن شيء يديد .. عطي مشاعرج لشيء ملموس لأن مشاعرج الحين للذكريات وهالشيء قاعد يزيدج أسى ..

ونقلت لج هالمعلومات ممكن تساعدج البعد عن الروتين

وللتخلص من شبح الحبيب الذي يلاحقك في كل مكان قدمت د. جوزيت مجموعة من النصائح التى قد تكون صعبة فى البداية ولكن بالمحاولة سينجح الأمر :

* يجب أن نضع في الاعتبار أن الحياة مليئة بالأشياء الرائعة ، وهناك أشياء أجمل بداخلنا من الممكن أن نستغلها ، ولا يليق أن يبني الإنسان حياته على وجود شخص آخر.

* يجب التفكير بشكل إيجابي ، وهذا لا يعنى التفكير فى طريقة ما لاسترجاع الحبيب أو مطاردته ، ولكن بالاقتناع بانتهاء الموضوع لأي سبب ما والمحاولة بالخروج من هذه الحالة.

* إيجاد طرق وبدائل لشغل الوقت ، وعمل بعض المكافأت وعدم ربط هذه المكافأة بالشخص الآخر .

* البحث عن أصدقاء وأشخاص نشعر منهم بالاهتمام سواء كان فى محيط العائلة أو غيره للمساعدة في الخروج من هذه الأزمة.

* يمكن تغيير الروتين اليومي بالذهاب إلى السينما مع مراعاة الابتعاد عن الأفلام الكئيبة أو الهابطة وانتقاء الأفلام الكوميدية التي تبعث الابتسام والسعادة .

* الاستغراق فى العمل للوصول إلى نقطة قوة ، وبهذه الطريقة عند مقابلة الشخص المناسب سيقدر ما توصلت إليه ولن تضطر إلى إلغاء شخصيتك على الإطلاق.

اقطع الحبل




وإذا لم تتمكن من التخلص من الشعور بالأسى والحزن يمكنك الانفصال عن "الحبيب" عن طريق تقنيات علم الطاقة البشرية والتي ينصح بها المحاضر العالمي وخبير التنمية البشرية د. إبراهيم الفقي وتتمثل هذه التقنية في "قطع الحبل اللاواعي" والتي تعني قطع كل صلة لك بإنسان تعلقت به لكنه تركك فتشعر بفراقه بألم في روحك لأان التعلق بإنسان يتمثل أن تراه فيحدث نحوه انجذاب فكرى ثم انجذاب بصرى ،فيتكون بينك وبينه ما يسمى بالحبل اللاواعى.

وفائدة قطع الحبل اللاواعى بينك وبينك الشخص الذي تريد الانفصال عنه، أن تقطع كل صلة غير مباشرة به بحيث لا تبقى مربوطا بنفس المشاعر التي تسبب لكِ الألم ، وتحتاج فى البداية إلى أن تسأل نفسك أولا : مربوط بمن ؟ مربوط بماذا ؟ أى تحديد الشخص ونوع العلاقة بينكما.

والآن فلنبدأ التجربة سوياً كما وصفها د. الفقي وتتمثل في الخطوات التالية :

1 - فكر فى الشخص الذي تريد قطع الحبل معه
2 - اختار الأصدقاء أو الأقارب الذين تثق بهم ومقربون إليك
3 - قم بالاسترخاء تماما بتعمق وأغمض عينيك
4 - استرخى وتنفس خمس مرات بطريقة "الهـا" وهي طريقة للتنفس بحيث يتم الشهيق من الأنف والزفير من الفم وبينما تفعل ذلك تصدر صوت "الها" من الصدر.
5 - تخيل أنك واقف على مسرح وهذا المسرح هو "مسرح الحياة" وأمامك المشاهدين على "كراسى الحياة"



6 - أجمع الأصدقاء والأقارب حولك لكي تشعر بالأمان التام
7 - الآن أدعو الشخص الذي تريد قطع الحبل معه ، وتخيله يقف أسفل المسرح في نهايته
8 - لاحظ أن الحبل الذى يربط بينكما من قلبك إلى قلبه
9 - تخيل أن فى يدك مقص ، وأنك تقطع الحبل من اوله وتتمنى لهذا الشخص السعادة في حياته .
10 - انظر إلى الشخص الآخر وهو يبتعد تماما بعد قطع الحبل معه.
11 - إذا نجحت فى إنجاز كل الخطوات السابقة تخيل طاقة بيضاء تدخل من مركز الطاقة الروحانية وتنتشر فى رأسك وتعالج كل خلية من خلايا عقلك ، وتنظف تماماً ذاكرتك وتجعلك تشعر براحة

 

[رااميس]

خلاص مايبيج انسيييه لو بيج ماتركك خلاص فاااااات كل شي ماينفع تذكرينه عودي نفسج انك تنسيه عشان اذا تزوجتي ماتهتمين فيه وحتى لو شفتيه جدامك


والله يوفقك ويزرقك بالرجال اللي ينسيك كل شي حتى اسمك>>>>>>>>>>. امزح هع

 

[شمس 20]

حبيبتي الله يكون في عووونج يااارب

بس صدقيني مع الاياام رااح تنسينه خلاص يصير شي عادي شنو تسوين بعد انسيه وشوفي حياتج

 

[سارووونه22]

شوفي حبيبتي الله خلق في الانسان ميزه وايد حلوه الي اهيه النسيان صدقيني اعرف وحده كانت تحب واحد من كل قلبها بس ماتزوجته عشان المذاهب وعشان انه مو مستعد المهم اهوه تزوج واهيه تزوجة اهيه تقول انه رب العالمين رزقها بريل كل مواصفات الزينه فيه ولله الحمد ونسته تقول ساعات اتذكره بس زوجي عندي احلا مرحلة حب مرة بحياتي صدقيني اول ماتتزوجيين وتشوفين ريلج حليلج محبة الهيه تنزل على قلبج ومع الايام اكيد راح تحبينه وراح تعرفين الفرق وبتشوفين انج تحبين ريلج اكثر من اي شي وكل الي اقدر اقوله رب العالمين يساعدج ويخليج تنسينه والله يثبتج على التزامج

 

[حرم الحوت]

عسى الله يعوضج بولد الحلال اللي يبرد قلبج ويعوضج

 

[●|أملي بالله كبير |●]

الله يعووضج باللي احسن منه ياربي عاجلا غير اجلا وتنسينه

 

[دبدوبه شيك]

حبوبه انتي لازم تنسينه ماكو فايده باللي تسوينه حرام يروح عمرج بتندم صدقيني تلقينه عايش حياته بالطول والعرض وانتي ذابحه نفسج العاطفه مودرتنا يارب بهالجمعه يغسل قلبج من حبه ويرزقج أحسن منه .

 

[دنيا رديه]

الله يوفجج بااللي احسن منه

 

[*ريما*]

ان شاء اللة مع الايام راح تنسينة

 

[• قلبه نصيبي •]

لو بنقولج انسسسيه ماراح تنسييينه حبيبتي فكري بنفسسسسج !

وشششوفي حياتج لو اهو نصيبج بتاخذيينه لو اهله مو موافقيييين ! فكري بنفسسسج الحييين وان شاءالله تنسييينه

 

[أحلى وطن]

الله يـــــرزقج بالزوج الصالح اللي يحبج وتحبينه ويعووضج عن اللي فات ويكون فرة عينج ...

يــــــــــــــارب

:yaaaaaarb::yaaaaaarb::yaaaaaarb:

 

[a7zaaan]

حبوبه انتي لازم تنسينه ماكو فايده باللي تسوينه حرام يروح عمرج بتندم صدقيني تلقينه عايش حياته بالطول والعرض وانتي ذابحه نفسج العاطفه مودرتنا يارب بهالجمعه يغسل قلبج من حبه ويرزقج أحسن منه .

هذا الي ذابحني زياده

شلون اهوا عايش حياته طبيعي وانا محترقه

شلون يقدرون يكملون حياتهم واحنا الزمن يوقف بعد فراقهم شلون يقدروووون شلووووووون وليش مانقدر نصير نفسهم !!

لاحول ولاقوة الا بالله العلي العظيم

 

[dodowa el7elwa]

صج صعبه.. ليش ماتتواصلين معاه تعرفين اخر اخباره بين فتره وفتره علشان تقدرين تكملين حياتج وانتي مرتاحه علا الاقل..والله يوفقج...

 

[أسيرة_أحزاني]

الله يمسح على قلبج ويرزقج بالاحسن وحسبي الله ونعم الوكيل

 

[أسيرة_أحزاني]

الله يمسح على قلبج ويرزقج بالاحسن وحسبي الله ونعم الوكيل

 

[رواااااح]

ياحبيبـــــــــــــــــتي انا مريت بالي انتي مريتي فيه بس انا كنت متزوجه واحب زوجي وهويحبني بس اهله مايبوني وخلوه يطلقني والحمدالله صيطرة على حياتي واشغلت نفسي واقرى اذكار الصباح والمساء وادعي ان الله يشيل حبه من قلبي والحمدالله نسيته وانا حاسه فيج لاتخلينه يصيطر على حياتج عيشيها وراح تنسينه،،،،،،،،،،، بس اذاماشلتي فكرة انج مراح تنسينة لايمكــــــــــــــــــــــــــن تنسينه!!!!!

 

[رواااااح]

ياحبيبـــــــــــــــــتي انا مريت بالي انتي مريتي فيه بس انا كنت متزوجه واحب زوجي وهويحبني بس اهله مايبوني وخلوه يطلقني والحمدالله صيطرة على حياتي واشغلت نفسي واقرى اذكار الصباح والمساء وادعي ان الله يشيل حبه من قلبي والحمدالله نسيته وانا حاسه فيج لاتخلينه يصيطر على حياتج عيشيها وراح تنسينه،،،،،،،،،،، بس اذاماشلتي فكرة انج مراح تنسينة لايمكــــــــــــــــــــــــــن تنسينه!!!!!

 

[*بسبوسه*]

نصيحه نصيحه نصيحه
كل ماطرىى على بالج اطردي سرابه من بالج
على طول فكري باي شي ثاني قولي ما يستاهل افكر فيه ولاا دقيقه
لا كثر ما تفكرين فيه عقلج راح يتبرمج ان لازم هالشخص يكون مرتبط بحياتي حتى لونه مو معاي


لا ترفضين اي شخص زين يتقدم لج وقولي انا ماراح اعيش قصة فيلم هندي واقعد على امل انه اهله يرضون
اهوا بينسى بسرعه وبيتزوج يمكن عشان ينسى وانتي بتقعدين على هالحاله سنين ومانسيتي

كثر ماتقدرين شيلي همج وحطيه بعيد وتجاهليله ادري صعب بس حاولي وعيشي حياتج

 

[حجيه هيونه]

نصيحه نصيحه نصيحه
كل ماطرىى على بالج اطردي سرابه من بالج
على طول فكري باي شي ثاني قولي ما يستاهل افكر فيه ولاا دقيقه
لا كثر ما تفكرين فيه عقلج راح يتبرمج ان لازم هالشخص يكون مرتبط بحياتي حتى لونه مو معاي


لا ترفضين اي شخص زين يتقدم لج وقولي انا ماراح اعيش قصة فيلم هندي واقعد على امل انه اهله يرضون
اهوا بينسى بسرعه وبيتزوج يمكن عشان ينسى وانتي بتقعدين على هالحاله سنين ومانسيتي

كثر ماتقدرين شيلي همج وحطيه بعيد وتجاهليله ادري صعب بس حاولي وعيشي حياتج

اتفق معاها

وادعي ان الله يصبرج ويمسحه من قلبج ويعوضج بالي يسعد حياتج