تتزوجين وانتي طالبة ولالا؟

[Pinky -cat]

موفقة حياتي وبشرينا لي ملجتي ، وديري بالج على دراستج ودام سويتي استخارة ما بعدها سؤال

 

[عاشقة هواك]

اي عادي ماكو مشكله وانتي ما بقى لج شي على التخرج

 

[Zinab BH]

عادي حبيبتي انا ملجت و تزوجت وانا طالبة باقي لي الحين نص سنة عادي توكلي على الله هالسنة تتعرفين عليه اكثر وادرسين اطباعه و التوافق بينكم و ان شاءالله سهالات

 

[Lulu Morales]

أي عادي وايد ناس تزوجو واهم يدرسون وانا ملجت وانا طالبة للحين توكلو على الله إذا أنتو متفقين ومتفاهمين و بالتوفيق

مشكورة حبيبتي على النصيحة في ميزان اعمالج :eh_s(17):

اي عادي
انا ملجت وكان باقي لي سنتين عالتخرج
ظلينا سنتين في الملجة
بس نشوف بعض ونطلع مع بعض
والزواج والدخلة بعد التخرج

الله يتمم عليج و يوفقج يارب - الحمدلله ما كان فيه ملل يعني :rerrerek:

انا اشوف انها عادية وكلامه صح خلو الملجة تم الحين وكملوا دراسة وبعد التخرج يمديكم تسوون كل شي وتجهزين نفسج موفقة حبوبة

الله يجزاج خير - ان شاء الله ربي يكتب اللي فيه الخير :eh_s(7):

بس سنه وحده! اي عاااااديبالعكس اصلا حلو الوقت حق التجهيز والاستعدادات والعنايه لان بروحها يبيلها وقت وفراغه
وراح تروح بسررررعه هالسنه واهم من هذا كله انج ماراح تكونين ببيته وقت الدراسه
يعني الدخله بعد التخرج وهذا شي حلو

اي انا بعد فكرت ان التجهيز يبيله وقت .. مشكوره حبيبتي :eh_s(17):

اقول توكلي على الله وافقي عليه دام استخرتي وارتحتي مواصفاته حلوه وانتي عمرج مناسب للزواج

بس مافهمت يعني تشوفون بعض عقبها تملجون !!؟؟

احسن شي تملجون والعرس لما تخرجون اذا مستعيلين تزوجو قبل التخرج بجم شهر هذا اذا مستعيلين كلش

لا حبيبتي اقصد لمن نملج نتزاور و نطلع ويا بعض
ولا مو مستعجلين ههههه الافضل ورا التخرج :eh_s(22):​

 

[Lulu Morales]

دآمج آستخرتي وآرتحتي وآآفقي ي قلببي
وآنتي قلتي الزوآج بعد التخرج يعني مآفيهآ ششي
مووووفققةة ي عسسسل

مشكورة حبيبتي - اللهم وفق جميع بنات المسلمين :eh_s(17):

تزوجت عمري 18 وكملت دراستي واحيانا اوقف قيدي

والامور مشت ما شا الله


فوفو

الله يتمم عليج ويسهل لج حياتج يارب - مشكورة :eh_s(7):

انا ملجت عمري 18 سنه


و طبعا مانكلم بعض لتقاليدنا


و كان شرطي الاساسي الزواج بعد التخرج



نصيحةةةة لا تطلعون وايد لانه بيحن عليج بالزواج
و لا اخذي وقتج بالتعارف وبعدين خلاص اقطعي و قولي له انشغلت بالامتحانات و التسجيل
طبعا مو كلش يعني تخففين شوفته




نصيحةةةةةةةةةةةة


الزواج يبي له وووووقت


و الدراسة و الشهادة اهم شي


انا الحمدالله الحين عمري 23 سنه و صارلي سنتين متوظفة

و عندي بنت و احس احلى و افضل قرار اني تزوجت بعد التخرج

مشكورة عالنصيحة وربي يتمم عليج وبالنسبة للزواج انا متأكدة ابوي ماراح يوافق الا لمن يكون العرس بعد التخرج

ملجي وشرطي بالملجه العرس عقب التخرج علشان تضمين شهادتج لانها اهي الاي بتوظفج و المعاش اها عز حتي لو مو مقصر معاج بيزيد عليه المسؤليات ويبي يقصر انا تزوجت علي اخر سنه وما ايد حمل و تاجل كورس و مريت بمناسبات وانا ابي ماركات خبرج عروس بكشخ مايقدر عليها صك ما ارتحت الا ليما نزل اول رااااتب

لالا انا بعد افضل الزواج يكون بعد التخرج واستلام وظيفة - مشكورة اختي :eh_s(17):

نصيحة مني لاتملجين الحين او حاولي الملجه تكون الكورس الثاني او بعد الدراسه افضل لانج اذا تملجتي كل فكرج بيروح شنو اشتري وشنواجهز ومن وين اسئلة واااايد بتفكرين فيها ويمكن تلهيج عن دراستج وانتي باقي لج سنه حرام انج ينزل معدلج فيها صدقيني يااختج الزواج عادي جداا بعد بس اهم شيء شهادتج لاتقولين هو شكوو لا لان وااايد بنات مروا بتجربتج خلي بالج بالدراسه وتخرجي وانتي رافعه راسج بمعدل عالي وانتي تدورين لج على وظيفه تتملجون ووتتزوجون وييج الزواج من هنا والوظيفه من جهه وتسعدين طووول حياتج والله يوفقج. واهم شيء الاستخارة :*

مشكورة عالنصيحة حبيبتي كثر الله خيرج :eh_s(17):

​

 

[Lulu Morales]

اي جدااااا عادي
ملجت وباجي لي 3سنين وبالعكس ارتفع معدلي وقمت ادرس واهتم اكثر
اساسا الزواج يغيرج ويعطيج احساس بالمسولية ويشجعج انج تبذلين اكثر
والحين انا عندي ولد وباجي لي بس ميداني واتخرج
والله هونيها ولا تعقدين الامور

ما شاء الله عليج ربي يوفقج و يتمم عليج - مشكورة حبيبتي شجعتيني وايد وانا بعد من النوع اللي مهتمه بدراستي وان شاء الله ربي يكتب اللي فيه الخير :eh_s(7):

بالعكس أنا أشوفه وايد حلو الوضع

منها تعرفينه خلال هالسنه ومنها تكملين وتزوجون عقب التخرج
وان شاء الله تشجعون بعض وتتخرجون وتكون الفرحةة فرحتين

موفقة يآرب ..

مشكورة حبيبتي على هالايجابية :eh_s(17): الله يوفق الجميع

دام استخررتي ان شاء الله ربي بييسر لج الي فيه الخير

بس نصيحه لاتطلعين وتكلمينه دايما لان بعد الزواج بتملون مافيه شي جديد ولا فيه شي غريب ويبي يعرفه عنج بتصير بينكم ميانه حيل

لا ماتوقع ابوي راح يرضى نطلع وايد يعني يمكن اغلب الاوقات نتزاور او ويا اهلنا و مره بالشهر بروحنا - اتوووقع مشكورة حبيبتي :eh_s(17):

عااادي
انا انخطبت
وتملكت وتزوجت وانا طالبه اذا الرجال كويس لاتردينه عشان هالشب

الله يتمم عليج و يفرحج حبيبتي - مشكورة :eh_s(17):

​

 

[Lulu Morales]

انا تزوجت وانا باقي مادخلت الجامعه وابشرك ليومك ماتخرجت كل سنه بسنتين خخخخخخخخخخ

وااااي الله يعينج و يسهل عليج ههههه :eh_s(9): موفقه يارب حبيبتي - شدي حيلج وضغطي على عمرج عشان تالي ترتاااااحين

ملجت وعمري 19 وهو كان طالب بالكليه

والحمدلله الحين عمري 25 وعني بنت و ولد والامور كلها ماشيه ولله الحمد والحين متوظفه

من ناحية انج بتاخذين راحتج بالتجهيز هذا صحيح بجهزين على راحتج وماراح تستعجلين

بس نصيحه ﻻطيحين الميانه وﻻتقطين تفسج حييل خلج ثقيله وﻻتعرفينه بكل شي ويعرف عنج كل شي عشان تظل في شغلات يتمناها ويبيها وينطر العرس عشانها

حﻻت البنت بحياها

اتمنى تكونين فهمتيني

والله يوفقج

ما شاء الله عليج ربي يوفقج ويخلي لج بنتج وتكون من الذرية الصالحة :eh_s(17):
مشكورة حبيبتي و اي فهمت عليج عدل مددل

اي ملجوا وتموا سنة واستانسوا وانتي بعد اخذيها فرصة تجهزين روحج بالهداوة وعلى اقل من مهلج .. بس اهم شي وقت الامتحانات تاخذون بريك وتعطون اهتمامكم حق دراستكم

وخلي ابوج يشرط انه العرس بعد التخرج

اي طبعا اكيد الوالد ماراح يرضى العرس يكون قبل التخرج
مشكورة حبيبتي الله يبشرج بالخير ويسعدج :eh_s(17):

وعليكم السلام

عادي وين المشكلة ؟
دآم مرتآحه له والولد زين .. وماحيكون فيه ملل لآن تنتظرون العرسس ..!!
اعرف وحده ملكت وهي بالثانوي ..

و الله يكتب لج الي فيه الخير .. ويوفقج و يسعدج ..~

مشكورة ياقلبي - الله يوفقج دنيا و آخره :eh_s(17):
الله يكتب اللي فيه الخير انا بتوكل على الله :eh_s(22):

بالعكس نايس وشي حلو ونسقي وقتج ودرسي وحزتها راح تنفتح نفسج علدراسة اكثر لووول لانج بتكونين متحمسة
على انج تخلصين وتزوجين ، شي حلو توكلي على الله

حبيبتي ريحتيني هههه مشكورة والله :eh_s(17):

موفقة حياتي وبشرينا لي ملجتي ، وديري بالج على دراستج ودام سويتي استخارة ما بعدها سؤال

ان شاء الله هههه - الله يوفق الجميع حبيبتي مشكووورة :eh_s(7):

اي عادي ماكو مشكله وانتي ما بقى لج شي على التخرج

ان شاء الله مايكون فيه اي مشكله يارب - مشكورة ماقصرتي :eh_s(17):

عادي حبيبتي انا ملجت و تزوجت وانا طالبة باقي لي الحين نص سنة عادي توكلي على الله هالسنة تتعرفين عليه اكثر وادرسين اطباعه و التوافق بينكم و ان شاءالله سهالات

الله يوفقج و يتمم عليج يارب وتفرحين بتخرجج :eh_s(17):
انا بعد قلت نفس الشي ان اتعرف عليه اكثر يكون افضل :eh_s(22):



​

 

[انصاريه قمره]

ما في أي مشكله اذا كان زوجج متفهم وبيخليج تخلصين هالسنه وتأجلون سالفه الحمال لي ما تضبطون اموركم

لكن انا عن نفسي تحسفت لاني تزوجت وانا ادرس تخيلي وقفت قيدي 5 سنين والسبب الحمال الاخ يبي عيال وهالسنه رديت قيدي ولله الحمد كملت وتوفقت بدراستي وكاني الحين حامل الحمدالله والشكر على كل حال وهذي رزقه من الله لكن الحبيب يقولي وقفي قيدج السنه اليايه علشان تجابلين الياهل للعلم اهي اخر سنه لي بس قلت له ما راح اوقف قيدي واليهال ما راح اهمله اكيد باخذ اجازه الاربعين وبعدها راح اداوم جم سنه ضيعت من عمري الدنيا كلها تخرجت وانا ليلحيني طااحسه لا يبه ماني مستعده اضيع اكثر بهالزمن ما يفيد الانسان الا شهادته ولا ريال وغيره صدقوني ما يفيد الرياييل مالهم امان وهذا مو معناته انه ما فيهم الزين لكن للاسف الخير يخص والشر يعم انتي اذا شايفه الريال ما يتطوف ومتفهم استخيري وتوكلي على الله

 

[N.o.d]

الله يكتبلج اللي فيه الخير }*

 

[<miss botamba>]

انا عن نفسي ما احب اتزوج وانا ادرس لان ماعندي قدرات خارقه اني ادرس واجابل ريل

وهم ما احب فتره ملجه طويله

فمن وجهه نظري حتى لو عريس مايتطوف مستقبلي اهم منه او اذا اهوا ميت علي ينطرني لمن اتخرج وعقب التخرج نملج

لان ما احب هذا الملجه الي تعلق البنت بس دام ملج اهوا بكون زوجي على سنه الله ورسوله لو يبيني بعباتي كيفه

فما احب هالسوالف ملجه زليون سنه


واحنا ماعندنا اصلا هالطريقه


عندنا خطبه بدون عقد وعقبها اذا صار توافق يملجون وعقبها بفتره قصيره العرس


وخير البر عاجله

 

[يارب دبرني]

^^^^

شلون خطبه ويكلمها ؟؟ حرام ما تحل له ؟؟
هذي السوالف عند المصريين

 

[miss.unique]

باقيلهم سنة عالتخرج ؟

حلو وو تمام

و السنة رح تمر بسرعة .. بنت خالتي نفس ظروفج كانت ..

واحلى شي فترة الملجة و مارح تكون عليكم مسؤولية لان فترة تعارف و طلعات و غزل .. اانتي رح تكونين في بيتكم و اهوة في بيته .. فماكو ذيج المسؤولية الي تحاتيها

وخلال هالسنة تعرفي عليه و جهزو اموركم على رواء لين تخرجون ان شاء لله

 

[<miss botamba>]

^^^^

شلون خطبه ويكلمها ؟؟ حرام ما تحل له ؟؟
هذي السوالف عند المصريين

شكو مصاروه

في شي بالشرع اسمه نظره شرعيه يقعدون مع بعض ويشوفون بعض بحضور الاهل وقبل العقد

واذا ارتاحوا توجهوا للخطوه الي بعدها

والرسول عليه الصلاه و السلام يقول:

( إِذَا خَطَبَ أَحَدُكُمُ الْمَرْأَةَ فَإِنِ اسْتَطَاعَ أَنْ يَنْظُرَ مِنْهَا إِلَى مَا يَدْعُوهُ إِلَى نِكَاحِهَا فَلْيَفْعَلْ ، فإن ذلك أحرى إلى أن يؤدم بينهما )

ويقدر يشوف الوجه و الصدر من فوق و الذراع و الريل

 

[Gorgeous ~]

توكلي على الله ياقلبي

انا ملجتي سنه وشهرين ومابقى على العرس الا 7 ايام ههههه

والصراحه ماحسيت ان الفتره طويله كلش مع اني اعرف ريلي وعايش معانا بنفس البيت (قبل)

بس للحين متلهفين على بعض الحمدالله وننطر هالاسبوع يمر

والفتره حلوه حق التجهييز والعنايه وابدا مب طويله تمر بلمح البصر

 

[opera]

البنت تتزوج واهي تدرس مو مشكله بس اهو بعد يدرس صعبه..

انا بتكلم عن الناحيه الماديه واللي اهي مهمه .. لانه بتواجهون وايد اشياء طلعات وتجهيزات وشقه وايجار ويمكن تحملين .. كل هذا من فلوس منو ؟؟ ابوه ؟؟ ولا الشؤون ؟؟


حلاته موظف شايل روحه معتمد على نفسه .. مجهز حاله اميمع له جم فلس .. يدفع من جيبه..

 

[امـ خــزامـى]

مووووووووووفقه حبيبتي

 

[ليان ليون]

عادي اذا انتو متفاهمين ومتفقين ع كل شي انا متزوجة وبدرس في الجامعة

 

[طريق السعاده]

عسا ربي يوفقك توكلي ع ربي ووافقي تملكون عادي المساله 12 شهر ترا وتطير طيران مرح تحسين بعد

لكن زيارات خليها كل اسبوعين مره عشان ماتنشغلين بزياده

وقولي له ان اهم شيء عندك تتخرجين بنسبه حلوه واكيد رح يتفهم لانه اهو اصلن بيكون مو فاضي وسنه تخرج يعني بينشغل بدراسته نفسك

واساسا حلوه سنه ملكه يمدي تجهزين عمرك شوي شوي وتعتنين بشكل بسيط وطويل وبهداوه مو زي لما تحشرين عنايتك شهرين ولا ثلاث اشهر وتقعدين تراكضين بكل مكان تبين تخلصين

اهم شيء انتي نظمي نفسك واهم اهم شيء لايتقدم الزواج قبل التخرج اشرطي ان الزواج بعد التخرج عشان لايغير كلامه ويستعجل يبي قبل


الف مبروك مقدما ..

 

[ملح الكون]

الله يكتب لج اللي فيه الخير بس نصيحه لا تتزوجين لين تتخرجين انا تزوجت وانا طالبه وحملت وتكسلت وماكملت )؛

 

[مولاي الفرج]

حسب شخصيتج انتي وياه

بس سالفه ان ملجه لين تخلصون خووش شي احسن لكم اكيد