تتزوجين وانتي طالبة ولالا؟

[Lulu Morales]

السلام عليكم ورحمة الله وبركاته

خواتي بغيت استشيركم ..
في واحد متقدم لي واهو من حمولة زينه واخلاقه عاليه
واهوي بالاساس من طرف رفيجتي يصير لها واهي قالتلي عنه

انا طالبة وباقيلي سنة عالتخرج واهو كبري بعد وهم باقيله سنه عالتخرج .. ( 23 سنة )

الموضوع انه بالاول كان مجرد خطبة ولله الحمد كان فيه قبول نفسي من الطرفين
لكن اهو وده ان نملج اللحين والعرس يكون لمن نتخرج ويا بعض؟؟

واحنا عندنا متعودين الملجه عادي نطلع و نتزاور اثنينا عند اهالينا مافيها مشكله من هالناحية
يعني ماراح يتم ملجة وبس مادري عنه ..
لكن الدخلة تكون ورا العرس - مثل ما متعارف عليه

منها فكرت ان وقت كافي ازهب فيه حتن لو اسافر اجهز من برا اذا ابي .. واتعرف عليه وعلى اهله
ومنها فكرت يمكن هالشي مو مضمون؟ وتطول الملجة؟ او احنا اثنينا نمل و نزهق !!؟

مااااااادري محتاره - صليت استخاره وعندي قبول من ناحيتة
لكن في احد منكم مرت بتجربة نفسي؟
ملجت واهي طالبة؟ او زوجها كان طالب؟؟؟؟

حابه تفيدوني وتنصحوني جزاكم الله خير​

 

[عروس مشعل 2014]

أي عادي وايد ناس تزوجو واهم يدرسون وانا ملجت وانا طالبة للحين توكلو على الله إذا أنتو متفقين ومتفاهمين و بالتوفيق

 

[Perfume]

اي عادي
انا ملجت وكان باقي لي سنتين عالتخرج
ظلينا سنتين في الملجة
بس نشوف بعض ونطلع مع بعض
والزواج والدخلة بعد التخرج

 

[برنسس أوراق]

انا اشوف انها عادية وكلامه صح خلو الملجة تم الحين وكملوا دراسة وبعد التخرج يمديكم تسوون كل شي وتجهزين نفسج موفقة حبوبة

 

[Fyonkita]

بس سنه وحده! اي عاااااديبالعكس اصلا حلو الوقت حق التجهيز والاستعدادات والعنايه لان بروحها يبيلها وقت وفراغه
وراح تروح بسررررعه هالسنه واهم من هذا كله انج ماراح تكونين ببيته وقت الدراسه
يعني الدخله بعد التخرج وهذا شي حلو

 

[نـعـومـه]

اقول توكلي على الله وافقي عليه دام استخرتي وارتحتي مواصفاته حلوه وانتي عمرج مناسب للزواج

بس مافهمت يعني تشوفون بعض عقبها تملجون !!؟؟

احسن شي تملجون والعرس لما تخرجون اذا مستعيلين تزوجو قبل التخرج بجم شهر هذا اذا مستعيلين كلش

 

[oshi_q88]

دآمج آستخرتي وآرتحتي وآآفقي ي قلببي
وآنتي قلتي الزوآج بعد التخرج يعني مآفيهآ ششي
مووووفققةة ي عسسسل

 

[فوفو22]

تزوجت عمري ١٨ وكملت دراستي واحيانا اوقف قيدي

والامور مشت ما شا الله


فوفو

 

[حكآية قلب]

انا ملجت عمري 18 سنه


و طبعا مانكلم بعض لتقاليدنا


و كان شرطي الاساسي الزواج بعد التخرج



نصيحةةةة لا تطلعون وايد لانه بيحن عليج بالزواج
و لا اخذي وقتج بالتعارف وبعدين خلاص اقطعي و قولي له انشغلت بالامتحانات و التسجيل
طبعا مو كلش يعني تخففين شوفته




نصيحةةةةةةةةةةةة


الزواج يبي له وووووقت


و الدراسة و الشهادة اهم شي


انا الحمدالله الحين عمري 23 سنه و صارلي سنتين متوظفة

و عندي بنت و احس احلى و افضل قرار اني تزوجت بعد التخرج

 

[خلود ناصر]

ملجي وشرطي بالملجه العرس عقب التخرج علشان تضمين شهادتج لانها اهي الاي بتوظفج و المعاش اها عز حتي لو مو مقصر معاج بيزيد عليه المسؤليات ويبي يقصر انا تزوجت علي اخر سنه وما ايد حمل و تاجل كورس و مريت بمناسبات وانا ابي ماركات خبرج عروس بكشخ مايقدر عليها صك ما ارتحت الا ليما نزل اول رااااتب

 

[ياليتني ماحبيتك]

نصيحة مني لاتملجين الحين او حاولي الملجه تكون الكورس الثاني او بعد الدراسه افضل لانج اذا تملجتي كل فكرج بيروح شنو اشتري وشنواجهز ومن وين اسئلة واااايد بتفكرين فيها ويمكن تلهيج عن دراستج وانتي باقي لج سنه حرام انج ينزل معدلج فيها صدقيني يااختج الزواج عادي جداا بعد بس اهم شيء شهادتج لاتقولين هو شكوو لا لان وااايد بنات مروا بتجربتج خلي بالج بالدراسه وتخرجي وانتي رافعه راسج بمعدل عالي وانتي تدورين لج على وظيفه تتملجون ووتتزوجون وييج الزواج من هنا والوظيفه من جهه وتسعدين طووول حياتج والله يوفقج. واهم شيء الاستخارة :*

 

[Om zayd]

اي جدااااا عادي
ملجت وباجي لي 3سنين وبالعكس ارتفع معدلي وقمت ادرس واهتم اكثر
اساسا الزواج يغيرج ويعطيج احساس بالمسولية ويشجعج انج تبذلين اكثر
والحين انا عندي ولد وباجي لي بس ميداني واتخرج
والله هونيها ولا تعقدين الامور

 

[عآليه !]

بالعكس أنا أشوفه وايد حلو الوضع

منها تعرفينه خلال هالسنه ومنها تكملين وتزوجون عقب التخرج
وان شاء الله تشجعون بعض وتتخرجون وتكون الفرحةة فرحتين

موفقة يآرب ..

 

[حظ من عنده انا]

دام استخررتي ان شاء الله ربي بييسر لج الي فيه الخير

بس نصيحه لاتطلعين وتكلمينه دايما لان بعد الزواج بتملون مافيه شي جديد ولا فيه شي غريب ويبي يعرفه عنج بتصير بينكم ميانه حيل

 

[هِتاف]

عااادي
انا انخطبت
وتملكت وتزوجت وانا طالبه اذا الرجال كويس لاتردينه عشان هالشب

 

[آلـغـنــد]

انا تزوجت وانا باقي مادخلت الجامعه وابشرك ليومك ماتخرجت كل سنه بسنتين خخخخخخخخخخ

 

[الأميره أسماء]

ملجت وعمري 19 وهو كان طالب بالكليه

والحمدلله الحين عمري 25 وعني بنت و ولد والامور كلها ماشيه ولله الحمد والحين متوظفه

من ناحية انج بتاخذين راحتج بالتجهيز هذا صحيح بجهزين على راحتج وماراح تستعجلين

بس نصيحه ﻻطيحين الميانه وﻻتقطين تفسج حييل خلج ثقيله وﻻتعرفينه بكل شي ويعرف عنج كل شي عشان تظل في شغلات يتمناها ويبيها وينطر العرس عشانها

حﻻت البنت بحياها

اتمنى تكونين فهمتيني

والله يوفقج

 

[M!ss CoLoRz]

اي ملجوا وتموا سنة واستانسوا وانتي بعد اخذيها فرصة تجهزين روحج بالهداوة وعلى اقل من مهلج .. بس اهم شي وقت الامتحانات تاخذون بريك وتعطون اهتمامكم حق دراستكم

وخلي ابوج يشرط انه العرس بعد التخرج

 

[نُوف~]

وعليكم السلام

عادي وين المشكلة ؟
دآم مرتآحه له والولد زين .. وماحيكون فيه ملل لآن تنتظرون العرسس ..!!
اعرف وحده ملكت وهي بالثانوي ..

و الله يكتب لج الي فيه الخير .. ويوفقج و يسعدج ..~

 

[Pinky -cat]

بالعكس نايس وشي حلو ونسقي وقتج ودرسي وحزتها راح تنفتح نفسج علدراسة اكثر لووول لانج بتكونين متحمسة
على انج تخلصين وتزوجين ، شي حلو توكلي على الله