تتزوجين واحد بعمرج؟ولا صعبه عليج؟؟!!

[ليدي23]

.

ممممم اي عادي والله ازوج موبالعمر بالعقل لان اهم شيء يكون كامل العقل

بس الايام هذي يتزوجون واحد كبر ابوهم:rgewrg:

يسلمو حياتى ماننحرم منج

اختج ليدي23

 

[دمرت كياني]

حبت واحد كبري بس أكبر مني بشهور
على إناحية شكل انا شكلي أصغر منه وايد اللي يقول بينا 5 سنين :d
أما ناحية تفكير أهم أهو أكبر مني قعده تعلم منه بعد :$
مع أنه كل تقدموني أصغر مني بسنه أو سنتين لوول :/



مشكورهـ على موضوع

 

[جيرازksa]

ماعرف على حسب لو حسيته قد يتحمل المسئوليه وقدي مو مشكله اخذه مع اني افضل واحد اكبر من 5 الى 10 سنين

لكن اصغر مني لا ماقبل

..... وجهه نظري....

 

[miss.lulu]

احترم وجهات النظر كلها بانواعها



نورتو الموضوع ماشالله برودكم



تسلمون حبايبي :eh_s(7)::eh_s(7)::eh_s(7):

 

[دلعووووه]

ويييييع مستحيل اخذ واحد بعمري لو شنو
بصراحه اذا بتزوج افضل العمر من 35 وفوق

 

[كويتيه كول..]

لا احبه كبري لان راح يكون نفس افكاري وراح يايدني علىىى اللي ابيه

 

[وردة-الكويت]

عادي مافيها شي اذا كبري او انا اكبر منه بشهور

 

[نور مغليها]

إذا قدي إي بس اصغر مني لاء
بس اكيد الاحسن إنه اكبر بجم سنه ...

 

[برضيـكـ!!]

اشواا حسيت انه في احد مثل تفكيري

لانه انا مستحيييييييييل اخذ واحد اصغر مني لـووو شنوو

حتى لو بربع ثانيه

و ما افضل اخذ واحد كبري وكل ما اقول هالكلام

وايد ناس اعرفهم كانوا يخالفوني

يعني احب الريال لو تزوج بنت يكون اكبر منها ع الاقل 3 او 4 سنين

لانهم بهالوقت كلهم راح يكونون ناضجين

واسمالله علينا احنا البنات حتى بعمر 15 نفهم و يكون تفكيرنا

انضج من الصبيان الي عمرهم 15 >> جـني بديت امدحـنآآ لـوول

فتخيلوا لو بنت تزوجت بعمر 19 او 20 راح تكون بنت فاهمه

اما لو صبي بعمر 19 او 20 اتووقع توها بتبداا مراهقته

و ســلآآآمتـكم >> شكلي طوولـت واايد *_*

ثنكيووو حبيبتي ع الموضوع الراائع

 

[miss.lulu]

لا يوقف لايوقف

:eh_s(9)::eh_s(9):​

 

[تمتومه]

انا اوافق لولوكاتي 100%100 وعن تجربتي انا تزوجت وعمري 19 وزوجي 20 والحين انا 45يعني صج المرأة بهالسن تعتبر نفسها كبيره بس الريال عادي توه صغير وفي وايد رياليل يتزوجون بهالسن يعني ممكن يبدي حياته الزوجيه بس المرأهما اعتقد وخاصه ان الريلييل يحبون الاطفال وهم على كبر يعني الزوجه ما تقدر بهالسن وغلى فكره انا شكلي اقل من عمري

ونسيت اقول ان علافتي بزوجي وايد زينه ومدللني وعمره ما حسسني بأني كبيره

 

[&جامعيه&]

تأيدين الزواج من اعمار متقاربه جدا يعني بنفس عمرج؟
اييييي عادى ليش لاء يكونون متقاربين فكريا ونفس الاطباع



الحب موجود الحمدلله لكن السؤال عادي ولا تفضلين يكون اكبر منج بسنتين جذي ثلاثه يعني في فرق لكن مو واجد
العمر والسنين مو مقياس للزواج يمكن الصغير يطلع فاهم وعاقل اكثر من الكبير بالعمر يعتمد على عقلية الزوج




السؤال الثاني تاخذين واحد اصغر منج؟؟يعني بجم شهر مووايد طبعا
ايييي اخذ عااادى ريال وعاقل وسمعتة زينه ويصلى ويخاف ربه اوافق وانا مغمضه :eh_s(7)::eh_s(7):

 

[شبيهه القمر]

والله بالنسبه طول عمري تمنيت اني اتزوج اكبر مني وفعلا تزوجت رجل يكبرني ب 9 سنوات وشي ممتع جدا يكفي انج تظلين بنظره الكتكوته الدلوعه مهما طال العمر بينكم وهم تحسين برجولته وهيبته اما بنفس العمر ولا اصغر مادري بنظري مو شي تكبرون ويا بعض والمره بيصير شكلها مو شي بالذات عقب الحمال والولاده ولاحظو ان الرجل ما يشيب بسرعه مثل المراه ..

 

[* فطامي *]

افضل الواحد الكبير وكنت اتمنى فوق الخمس سنين

يس سبحانه الله الواحد ونصيبه

ريلي اكبر منى ثقالي سنين ونص بس الحمدلله صج عقلة احسه كبير و فاهم

بس ووايد ناس أعرفهم اكبر من ريايلهم و عايشين حياتهم حلوووه

تعتمد عل الشخص نفسه

 

[ملــوك]

اكيد عادي العمر مو مقياس للعقل ...

 

[femmi]

والله انا اتمنى اخذ واحد اكبر مني بكم سنه

ما افضل يكون بعمري بس اذا احبه شي ثاني عادي مايهمني شي

اذا الحب موجود كل شي بيكون حلو

اما اصغر مني فـ ما اتمنى ابد مع اني اشوفه عادي لو وحده تاخذ اصغر منها

 

[miss.lulu]

مشكوووره لكل عضوه ردت

اي صج مثل مااكثر البنات قالو اذا الحب موجود خلاص ماراح يهم العمر

لكن يظل كل وحده لها راي شخصي

 

[مضيعة برقعها]

مو مهم الكبر
المهم العقل

 

[توته ترحال]

لــوووووووووول

حلو الموضوع .......... يعطيك العافيه اختي
اممممم ........ انا احب يكون اكبر مني بــ 5 الى 10 سنوات
يكون ناضج وقد مسؤليه
واهم شي شبع من الطيش واللعب ويفكر بعقلانيه تاااااااامه
بس لو جاني واحد بعمري عادي اخذه اهم شي الاخلاق والدين
بس هم افضل 100% اللي اكبر مني بكثير​

 

[kuwait_queen82]

انا الي متقدملي عمره 25 و انا 28 بس ماشالله عقله اكبر منه و في امور بالحياة علمني اشلون اتعامل معاها او اتقاضى عنها
بس ادعو الله يهدي عمي و يرضى فيه