تتزوجين لبناني ؟؟

[المنقسي]

يا اختي حلاة الثوب رقعته منه وفيه الحين الاجانب ميتيين على الكويتيين وانتي بتاخذين لبناني من صجج راجعي نفسج بس واهم شي فكري باجر بعيالج والله يهديج للخير والاصلح حبيبتي

 

[mi corazon]

ولك تأبريني يا محلاهون ويا اتيكيتهم

مادري القلب يبي شي والمجتمع يبي شي

حسب مجتمعج

 

[Strawberry]

عادي لو احبه اتزوجه ليش لا

 

[om 3law]

اذا اتاكم من ترضون دينه و خلقه فزوجوه

ما نقدر نقولج لا تاخذينه، بس هل اهلج ممكن يوافقون؟

اذا كان جوابج لا، و هذا اللي واضح
فـ اللي قاعد يصير عبث ماله داعي

اتركيه، و ان شاء الله يجيج نصيب احسن

والله يكتب لج اللي فيه الخير

 

[سكوتي بذوقي]

طبعاً لا مع احترامي لهم

عاداتنا وتقاليدنا تختلف

بعدين ليش يتبرى من جنسيته دام ابوه كويتي

موفقه اختي

 

[miss_whitemocha]

أول شي كل الناس خير و بركة..لبناني وإلا كويتي كلنا عيال آدم و حوا.. بس إنتي ما فكرتي بعيالج تالي شلون بيعيشون هني و شنو بتكون أوضاعهم؟؟؟ خل نكون واقعيين..ديرتنا على كثر ما خيرها علينا سابج و هم نشتكي..ما بالج لما يكون الشخص مو كويتي؟؟؟ ليش تبهذلينهم و تمرمطينهم؟؟ حبكم لبعض ماراح يوكل عيالج ولا راح يدرسهم ولا راح يوظفهم ولا راح يعطيهم حقوقهم!!! إخذي أكيح كويتي ولا تاخذين أكشخ أجنبي..​

 

[زهرآء]

انا مااشوف فيها شي بتاتا انتي قلتي كله كويتي ابا عن جد بس ناقصته الجنسيه يعني كلامه عاداته كويتيه لان تربى في الكويت

وانا زيي مااقرى ان اولادج بيعاملون معاملة الكويتين واهم شي من هالسالفه اولادكم مستقبلا
انزييين مافيها شي اذا اهلج متقيبلييين

 

[تۋۋڷعت بكك s]

أنا عادي اوفق

لافرق بين عربي وعجمي الا بالتقوى

يعني ذا كان مسلم ماكو مشكله


أبوي كويتي ومتزوج أمي ((مو عربيه))

اهم شي مسلمه

 

[الاهله]

عاد الكويتي مو املح شهلكلام بلعكس الخليجين رجالنا شحلاتهم خطوط وملامح

اذا هلشي ماراح يسبب مشاكل مع اهلك ممكن ليه لا بس اذا بدايه مشاكل بعدي احسن

 

[مريم86]

امممممممم انا نفس المشكله بس مولبناني

في حكمه تقول (( الاخرون هم الجحيم ))

صج اكبر جحيم من الناس ونظرتهم .. مافيها شي بس المجتمع رافض هالشي

والعن ابو العادات .. اللي كويتي عادي مشكل بالجنسيات ويتزوج هنديه فلبينيه

سوريه لبنانيه وسعوديه ومغربيه واردنيه .. وعادي وحقه العذر يدور المره السنعه

او الحلوه او عشان ميزانيته ماتسمح ياخذ كويتيه .... بس الكويتيه لااا لااااااا لاااااااااااااااااا 

كل شي عيب عليها ........ صج قهر وحسره وظلم


فعلا فكرت بالعيال وماارضى عيالي يشيلون جنسيه ثانيه بس


بسوي نفس خالاتي .... الولاده تكون بامريكا والجنسيه امريكيه واللي بامه خير يحاجي امريكي . ( خو فيها علاقات دبلوماسيه )

احنا واحد من الاهل كويتي ماده اولى يشتغل بالجيش .. دعمه جيب امريكان وراح الولد من جيس اهله .. ومحد كلمهم ولاتعرض لهم

بعدين العالم كله عايش عادي زواج شرق وغرب وامريكي ياخذ استراليه وبرازيلي ياخذ لبنانيه اصل ولبنانيه تاخذ مصري(( هيفاء وهبي زوجها ملياردير مصري )) والحياه ماشيه ... بس العادات والتقاليد الظالمه

 

[تحت ظلك]

أيه ليش لا؟

ماذبحنا الا عااداتنا وتقاليدنا !

 

[بنك بااستا]

راح اخذه واحارب الدنيا عشان اهوشاريني ومافيها شي من اي جنسيات كلنا عبيد الله وعيال قريه

 

[زوجة حياتي]

كلنا عبيد الله لافرق الا بالتقوى

لكن فكري باجر بعيالج شنو وضعهم من غير الجنسية الكويتية

الله يسر امووورك صلي الاستخااارة

 

[زهوووور الريف]

اب اب

 

[fatma A]

لا تاخذينه نصيحه احنا ما نظمن كويتي الي اهو ولد بلدنا شلون نضمن الغريب عنا ومن دوله ثانيه اخذي لج كويتي احسن لج على الاقل لو يصير فيج شي الحكومه تدعمج بكل شي الانه عيالج كويتين باجر لو تزوجتي كويتي وتطلقتي غصبن عليه يدفع النفقه ويحط لج شقه انتي وعيالج وغير هذا اذا ما تشتغلين تاخذين معاش من الشؤون واذا تزوجتي واحد غريب وتطلقتي منو بيدفع النفقه شيضمنج انه مراح ينحاش بلده ويخلي عياله عندج وعيالج من وين بتصرفين عليهم ومن وين بتوكلينهم انا ما اقولج انه الجنسيات الثانيه مو معترف فيهم لا والنعم بكل الجناسي بس فكري بعيالج اكبر اثبات االمغنيات يتزوجون عن عن جنسيتهم واخر شي يبوقوهم وينحاش

 

[mona q8]

شاللي يحدج علي هالزواج اذا حب هذي اوهام تطير بعد الزواج
والكل راح يعترض علي تصرفات الثاني انتي بدويه يعني عندج
عادات وتقاليد مستحيل اللبناني راح يتقبلها بعد الزواج
او انتي تتاقلمين معاها عادات اللبنانين نفس الانقليز بالضبط
بس الفرق انهم مسلمين وذكرتيني بجارنتا مريت يم بابهم
سلمت علي عادي وسلمت جان يناديني زوجها حولي يعني تفضلي
وهم العايله الكريمه كلها قاعده عند الباب ويارقلون هم وحريمهم
قلت بقلبي لا والله يازيني بينكم ويمر زوجي ولا واحد من خواني
ياسلام حبيبتي فكري عدل قبل لا تاخذين قرار راح تندميت عليه
حلات الثوب رقعته منه وفيه

أنا معاها بكل كلمه
بس ابي أضيف وأقول
فهمت من كلامج متنازل عن الجنسيه الكويتيه
ليش متنازل في احد بالدنيا صاحي يتنازل عنها
مايدري ان في ناس تتذابح عشانها
وبعدين لو صح يحبج ويتفداج يروح لابوه ويقدم ع الجنسيه الكويتيه ويتقدم لج
وبعدين بيني وبينج بالنهايه إحنا خليجيات
حتى الحضريه مو شرط تكونين بدويه
نحب الرجل الغيور
واللبناني مو غيور مثل الكويتي
وعنده كل شي فري
صح حنا شعب ديموقراطي
بس متمسكين بالعادات والتقاليد بدو او حضر
نفس الشي
ع الاقل أخذي خليجي

 

[عادت ذكرياتي]

الله ييسر لج امورج

 

[آتعــبني غـلآآك]

شوف حبيبتي بوضعج انتي عادي هو كويتي بس متنازل عن الجنسيه
يعني عادي يردها اما انتي تكونين كويتيه تتزوجين لبناني صعبه حييل فكري بوضع عيالج بعدين
شلون بيعيشون اللبناني ونعم فيه بس مثل ماقالو البنات حلات الثوب رقعته منه وفيه

 

[nour el denya]

اللبناني و النعم فيه العيب و المشكلة مو بجنسيته
المشكلة بعاداتنا و تقاليدنا و نظرة الناس

 

[روعه الأحساس]

ما ارضى اخذ غير كويتي لو شنو جنسيته

عيالي ما ابي يكونون الا كويتيين ليش أحرم عيالي من العز والدلع الحمدلله ديرتنا مومقصره بعيالنا وحدي راااضيه في بوسرول وفنيله عاجبني على الأقل من لحمي ودمي وأهلي قريب عندي ليش أعذب نفسي