تتزوجين عن طريق الخطابة ؟؟؟

[eastfem]

مافيهاش حاقه يختشي

 

[أموت برزة عقاله]

رد : تتزوجين عن طريق الخطابة ؟؟؟

كل شي قسمه ونصيب

فليش الواحد يحاتي هشي نصيبه يصيبه ... ما أأيد الخطابه إلا اذا اكنت وحده كبيرة بعالمر وما تزوجت وتبي تستر على روحها ممكن

 

[!! شوق !!]

اذا كانت خطابه ثقه ومحترمه ..
مافيها شي اسعى لنصيبي .. وبالنسبه للمعاير ترا في خطابات مايقولون ان البنت من خطابه لا يقولون نعرفها او شي ..
احنا نعرف وحده رفيجه امي خطابه بس ثقه ولا تاخذ فلوس .. وووو ماتقول ان البنت من خطابه لا انها رفيجت بنتها او شي فما يكون معاير .. بعدين لو عايرني بقوله هم انته باير وحاط نفسك عند خطابه <<<<<<< قووبه

 

[Miss McDonald]

,
إذآ آلظروف آجبرتني آكيد بوآفق ,

 

[قلبي ابيض]

ليش يعايرها اهو ما أخذها من الشارع بالعكس البنت بغت الستر

واااااااااااااااي من مثالية بعض البنات اللي بالواقع ( لا تعليق )

 

['Basma']

بالنسبة لي لااا طبعا

 

[abo0osha]

طبعآ لا ولا آي شي مع احترآمي لكم

 

[واقـــــــعيه]

انا من وجهه نظري اشوف ان مافيها شي بالعكس الستر زين بس بشرط ان الخطابه تكون راعيه صلاح وموثوق فيها

اما بالنسبه انا مابي الجا للخطابه لسبب اني مقتنعه برزقي من الله وان متى ما الله اكتبه لي بيجيني بمكاني والله اعلم

والله يرزقنا برزقه ان شاءالله

 

[زهره الجلنار]

مادري مااحب هالطاري

 

[عادي من قلبي أشيلك]

لا ما أأيد هالشي

 

[Spoildish]

بالعكس شي عادي و طبيعي
وليش يعايرها بعد الزواج؟ عشان نقتها اهيا من بين كل بنات الكويت عشانه يعايرها؟

 

[lawyer.89]

لا ما ايد كلش
احسن شي زواج الأهل

وبالنسبة حق يعايرني
انا اللي اعايره مو اهوا اللي يعايرني

انا بنت انطر يخطبوني اما اهوا ريال اهوا اللي يخطب

يعني البنت اذا راحت خطابة عادي
اما الريال اذا راح خطابه اكيد فيه عيب او شي
لان يقدر يدور بروحه او عن طريق امه فاذا راح للخطابه يعني السالفه فيها ان ليش مادور بروحه او محد رضى فيه؟

 

[[[ عيون جابر ]]]

والله اذا الخطابه مضمونه وخوش وحده ليش لأ الحلال فيه عيب بعد !

 

[رنة جرس]

تسلموووووون بنات عالردود

يعني في ناس تعارض هالموضوع مو بس أنا

حياكم الله جميعا

 

[باربية الكوووويت]

عادي مافيها شي

 

[Um Turki]

انا ام ومستحيل يخطر في بالي اني ازوج بناتي عن طريق خطابه لانه بيجي يوم مع اول زعله راح يبدى
يعايرها وألزم ماعلى الانسان حفظ كرامته

 

[رنة جرس]

وجهات نظركم عالعين والراس

حياكم الله

 

[Cander]

ما يعايرها لأنة اهو نفسها هم حط اسمة عند خطابة

انا عن نفسي ما راح اسويها بس اهي عادي الطريقة مافيها شي

ممكن في ناس مو اجتماعيين ويبون يزوجون ولدهم اكيد راح يسألون وحدة تعرفين بنات بالعمر فلاني وجذي وجذي

عادية جدا وموجودة بالكويت من زمااان

وبالتووفيق للكل

 

[رنة جرس]

حياكم الله جميعا