تتحرش بزوجي حسبي الله ونعم الوكيل

[الأمل باقي]

انا اقولج شتسويـــــــن
انتي مو تقولين تلفونه عندج... خلاص لادقت مرة ثانية ردي عليها وقوليلها انه هو معطيج التلفون علشان تزفينها وتلعنين خيرها وفهميها انه يحبج ويموت فيج والا ماعطاج التلفون وقوليلها انه كاره يسمع صوتج عشان جذي عطاني التلفون وبيظل التلفون عندي
بس انتبهي لاتدقين انتي خليها هي تدق لانج لودقيتي بتقول انج ماخذه التلفون من وراه ودقيتي عليها وهو يبيها.. اوكي

وبهالطريقه اذا هو بينها وبينه شي اكيد بتقوله انج دقيتي وزفيتيها ومن هالحجي وبيجي يقولج بأي طريقه.. يعني ممكن يجيج يقولج لايكون دقيتي عليها احلفي انج مادقيتي... الخ الخ
وماقول غير الله يكفيكم شرها ويرد كيدها في نحرها..ادعي دايما هالدعاء

 

[أم خشم]

الله يعينج و يكافيج شرها يا رب
والله انا دايما اقول ,, لو الحريم يخافون الله في اللبس و الكلام و يتقون الله في الرياييل ,, واالله مجتمعنا يصير احسن منه ماكو
يعني هالبنية لو تخاف اللي ماتنام عينه و تحط ببالها ان رب العالمين بيردها فيها جان ما سوت هاللي قاعدة تسويه
والبنات والحريم الحين ,, ما قامت تفرق معاهم ... متزو ج ولا وشنو عاااااااااادي
بس نصيحة ,, لا تخلين له مجال يكلمها ,, ,, و هالبنات ترى خبرة في الصيد و الرياييل ممكن يقاومون الاغراء مرة و مرتين بس بالاخير بيطخون ,,,لان هالنوعية من البنا ت كل مرة يغيرون الطريقة ليما يصيدون المفتاح اللي يدخلون منه عليه,,
الله يكافيج شرها و يسخره لج و لا يغير عليج ,, و انتي استغفري دايما وخصوصا لما تدق عليه واذا ذكرتيها قولي الله صلي على محمد و ال محمد و بنية ابعاد شرها عن بيتج و زوجج ,, و هم لا تصيرين شكاكة و تذكرينه بالمووضووع كل اشوي ,, علشان لا تخلينها بباله دايم ,, و هم لا تطنشين ,, خلج هادية جدامه و بيني له انج واثقة فيه ,, حتى لو عندج شك ,, و زيدي الحب والاهتمام ,, فيه ,, سافروا مع بعض ,, طلعوا مع بعض طلعيه من الجو والروتين اليومي ,,
يعني جددي تفاصيل حياتكم اليومية ,, علشان تطلع من حياتكم ,,

وقلبي معاج والله ييسر امرج و يكافيج شر اعباده

و سامحيني عالاطالة بس من حرة قلبي من هالبنت وخوفي على بيتج
الله معاج

​

 

[يـونـيـك الغـلا]

حبيبتي خلى الثقه موجوده

ودام زووجج غير رقمه اكيد ماله بالخراابيط

 

[-*دلع*-]

الله يعينج

ولد عمتي جذي كانت تجيله اتصالات واذا رد يسكرونه بوجهه
ومن نفس الرقم يرسلوله مسجات عن مرته انه ليش ماتلبس مرتك عبايه
وانه مرتك امشيتك ولا قدرت اتلبسها نقاب وعباة من هالسوالف
وراح سوى بلاغ ازعاج من الرقم ووراهم المسجات
اهو سوى جذي بس يبي يعرف منو
وطبعا عرفها وما قال لنا اطلعت بنت ومايبي يفضحها بس يقول لاني عرفتها خافت اني افضحها او اعلم اهلها

 

[رواضي قطر]

خل يحقرها ولا يرد عليهاا وكلش كلش يغير رقمه

 

[المصممة سيتا]

اول شى ريلج يبي يعرف انتي تعرفينها ولى دازتها وبصراحه انا الى شايفته هو يبي يكلمها بس خايف تطلعين تعرفينها ويبي يتاكد حتى يحطله خط ثانى وياخذ راحته معاها وربي الريايل كلهم جذي يقولون الفحل لازم يحب الحريم عشان يبين رجولته بس نصيحتى قوليله انا دازتها عشان يخاف ومايكلمها

 

[ديماا]

اشكر لكم تفااااعلكم مع مشكلتي

بس اللي قاااااااااااهرني اني ما بردت جبدي فيهاااا ما ترد اذا سمعت صوتي واذا دقيت عليها ما ترد واذا انا سكتت تمت ساكته

شيطاااااااان الله يكافينا واياكم شرهااااا

 

[لمسه ضياء]

دامه جواله عندج ومغير رقمه

شتبين بعد ؟؟


لاتحاتين ولا شي ​

 

[نور مغليها]

غيري رقمج انتي بعد
اذا كنتي كويتيه عطي رقمها المباحث من نفسهم يدقون عليها ويهددونها
واذا كنتي سعوديه عطي رقمها هيئة الامر بالمعروف والنهي عن المنكر << لو تموتيييين ما تشوفين اتصالهاا

 

[حفيدة عائيشه]

ذكرتيني بسالفه صارت معي يوم كنت صغير يمكن عمري وقته 12 سنه تقريباً كان علي اختبار وجالسه عند التلفون لان صديقتي بتدق وماادري الا واحد يدق يقول لي كيفك واجي واسكر التلفون ويدق مره ومرتين وبعدين قالي في الرابعه لا تسكرين انا اعرفك واعرف اهلهك سبحان الله والا اقوله طيب واذ كنت تعرفهم شنو دخلني في السالفه وسكرته وبعد ماعد دق خلاص <<<<كان وقت مابعد طلعت التلفونات بالكاشف والحمدالله والشكر ان اهلي محذرين من يوم كنا صغار اني فيه ناس يلعبون بكذا
وانتي خلي ثقتك بالله اولاً ثم بزوجك ومااتوقع اني فيه شي لان لو فيه شي كان مانبهك بس اهي حسبي الله ونعم الوكيل فيه اللهم رد كيده في نحره واجعل تدميره عليه يارب العالمين
تقبلي مروري
​

 

[حفيدة عائيشه]

اول شى ريلج يبي يعرف انتي تعرفينها ولى دازتها وبصراحه انا الى شايفته هو يبي يكلمها بس خايف تطلعين تعرفينها ويبي يتاكد حتى يحطله خط ثانى وياخذ راحته معاها وربي الريايل كلهم جذي يقولون الفحل لازم يحب الحريم عشان يبين رجولته بس نصيحتى قوليله انا دازتها عشان يخاف ومايكلمها

لالالالالالالالالالا انا ضد هذي الكلمه الحمدالله والشكر في رجاجيل تشترينهم بماء الذهب فيه ناس تخاف الله قبل كل شي
خيتوه تراء مايصير انك تقولينا كذا تر كلهم يتعلقون برقبتك يوم القيامه لانك مثل اللي قذفتيهم بشي اهم ماسواه استغفرالله واتوب اليه

 

[miss_selfridge]

الله يكون بعونج ويصبرج ويفرج لج

 

[> Miss M6ereiah <]

دام قالج معناته صج متضايق منها ...
خلي الغيرة وفكري بعقلج وحاولوا تعرفون منو هذي ع الاقل اذا درت انكم عرفتوها بتخاف وتفكم من شرها
صج انها ما تستحي بنات آخر زمن

 

[a7la-elbanat]

حبيبتي ماكو ريال مايزل ويكلم فتره وبعدها يمل ويرجعلج
بس نصيحه خل يغير رقم تلفونه وانتي ارتاحي وكبري راسج طلعي واستانسي ولاتشغلين بالج لان انتي اللي بتتعبين بالنهايه

 

[Ray.Bana =$]

يسولف وياها عشان يعرف منو ؟؟ لووووول

خل يغير خطه احسن عشان لايستانس على سوالفها يامعوده

 

[الحنينه]

الله يكون بعونج,,,
بس نصيحه لوجه الله..خليه يكلمهاا انتي حاطه سبيكر ويمكن تعرفين الصوت لان البعض يبون يسببون مشاكل بين الرجال ومرته...
والله يكفيكم شر هالناس يااااارب
ويحفظلج رجل وعيالج وبناتج...آآآآميـــــن

 

[ام ميميتو]

الله يعينج حبيبتي بس لا تعصبين و الحمدلله ان زوجج اخاف ربه و شاري بيته

 

[عسل سل]

وحده فااضيه تدور اي وااحد


وشيلي الافكار السودا من بااالج
لان لو زوجج يبيها جان ماقااالج
حبيبتي
زوجج انسااااان محترم
عشان جذي قااالج
والي مثل زوجج ماينخااف علييه ومو رااعي خراابيط حطي ابطنج بطييخه صيفي ونامي مرتاااحه
ولاتخرب حيااتج مشكله بسيييطه حييل زوجج ماله ايد فيها وهو مو عااجبه هالشي مبين
واي تعلييق خاااص دزي على الخاص ياقلبي

 

[*بسبوسه*]

ممكن نحسن الظن بزوجج ونقول انه رجال ذابحه الفضول ويبي يعرف
اذا يكلمها قدامج خليه يستمر يعرف منو هذي ويفشلها
اما اذا وحده مشيره اقول خل يروح المخفر ويشتكي وبس
عشان هالاشكال يبي لهم هالحل وبس

ولو واحد داق عليج جان زوجج من زمان مطلقج فلا تسمحين للعقربه انها تلف زوج