تتحديني ان الايفون 4 احسن من جلكسي للي تبي تعرف عن الجلكسي ومميزاته وعيوبه حياج ....

[زين الوصايا]

هذي بووووووسة لكم فديييتكم الله لايحرمنا منكم ومن ردودكم

اولا :

حبيت اكتب للي تبي تعرف شنو الجلكسي


هذي المميزات المطلوبه وطببعا احسن من الايفون ومواصفاته جميييله صج صج حلوه

مواصفات الجوال :
نظام التشغيل : اندرويد
المعالج : سرعة 1GHz
الشاشة
المقاس : 4 بوصة
الدقة : 800×480 بيكسل
لمس أو عادي : لمس من نوع Capacitive
تقنية الشاشة : Super AMOLED
Accelerometer : موجود
الكاميرا
دقة التصوير : 5 ميجا بيكسل
فلاش : غير موجود
اوتوفوكس : موجود
تسجيل فيديو : موجود، دقة 720p مع 30fps
كاميرا فيديو أمامية : موجود
الذاكرة والتخزين
ذاكرة داخلية : 8 جيجا بايت / 16 جيجا بايت
منفذ ذاكرة : منفذ ذاكرة microSD حتى 32 جيجا بايت
الإنترنت والاتصال
3G : موجود مع HSDPA بسرعة 7.2Mbps
GPS : موجود
واي فاي : موجود
الرسائل : SMS, MMS
بلوتوث : موجود
الملتيميديا والصوتيات
راديو FM : موجود
منفذ صوت : 3.5mm
سبيكر فون : موجود


واللي تقولي ان الايفون احسن اقول لج كلمتين {الايفون مافي بلوتوث مع جهاز عادي والجلكسي في بلوتوث مع جميع الاجهزه }
{ والبطارية مالت الايفون اذا اختربت راح فيها الايفون كله اما الجلكسي يعطونج 2 بطاريتين اذا اختربت الاولى عادي مايضره شئ }

بس عيوب الجلكسي في عيب واحد ان مافيه فلاش عادي مو مهم :rerrerek:
والمقارنه :

مقارنة بين جوال أي فون وبين سامسونج جالكسي 9000

samsung galaxy s i9000 & Iphone 4

مواصفات اﻷ‌ي فون4

-من اهم مميزات الجهاز هو سمكه الرفيع جدا 9.3 مم فقط و أبعاده كاملة هى كالتالى : 115.2 × 58.6 × 9.3 ممو يزن 137جراما.
الشاشة :أطلق عليها الشاشة الشبكية (نسبة الى شبكية العين).
-Capacitive بدقة 960 × 640 بيكسل و هى أعلى دقة شاشة موجودة فى الهواتف النقالة حتى اﻵ‌ن و دقتها تساوى 4 أضعاف
دقة شاشة اﻷ‌يفون القديم 2Gو 3G و 3GS و سنعرض لها بالتفصيل فى الفيديو فيما بعد ان شاء الله.
-مقاس الشاشة كما هو معتاد 3.5" بوصة و مقاومة للخدش .
-تدعيم اللمس المتعدد كما هو معتاد فى اﻷ‌يفون.
-مستشعر الحركة لقلب الشاشة تلقائيا عند امالة الجهاز .
-مستشعر آخر ثﻼ‌ثى المحاور .
-تباين الشاشة 800 : 1 و هو ايضا 4 اضعاف شاشات اﻷ‌يفونات السابقة ,و بتقنية IPS .

الكاميرا
- 5 ميجابكسل (2592 × 1944) مع خاصية التركيز التلقائى .
-فﻼ‌ش من نوع LED ﻷ‌ول مرة فى اﻷ‌يفون .
-تقنية التركيز بمجرد اللمس (يمكنك باصبعك تحديد الجزء الذى تريد التركيز عليه)
-تصوير فيديو بجودة HD و 720P بسرعة 30 لقطة/ثانية.و باستخدام الفﻼ‌ش فى التصوير.و امكان التركيز باللمس فى الفيديو.
-امكان دمج المكان الذى التقطت فيه الصورة.
-كاميرا أمامية لمكالمات الفيديو لكن عبر شبكة الوايفاى فقط .,و من أيفون الى أيفون فقط .
-امكان تعديل الفيديو الذى تم تصويره و تحريره مباشرة أو باستخدام برنامج آخر.iMovie .
لﻸ‌سف الميكروفون الثانى ﻻ‌ يمكن استخدامه فى تصوير الفيديو و بالتالى ﻻ‌ يوجد ستريو-فيديو
الصوتيات
-مخرج سماعات قياسى 3.5 مم .
-اهتزاز و نغمات MP3 .

الذاكرة
-ذاكرة الهاتف لﻸ‌سماء: غير محدودة عمليا .
-سجل المكالمات : 100 مكالمة مستقبلة و مفقودة و متصل بها.
-ذاكرة داخلية سعة 16 و 32 جيجابايت .
المعالج : Apple A4 بسرعة 1 جيجاهرتز.
نقل البيانات :
-GPRS,3G ,& EDGE دعم كامل و بسرعات تصل الى 7.2 ميجا/ث.
-وايفاى .
-بلوتوث ستريو A2DP .
نظام التشغيل : iOS 4 .
المﻼ‌حة و التوجيه:
-جهاز مﻼ‌حة GPS مدمج و نظام مساعد.
-بوصلة رقمية مدمجة .
البطارية :
تم تحسينها بشكل كبير و أصبحت تكفى ل 40 ساعة MP3.

مواصفات اضافية
-دعم شرائح اﻻ‌تصاﻻ‌ت من نوع Micro SIM فقط .
-ظهر زجاجى غير قابل للخدش.


مواصفات السامسونج جالكسي اي 9000

وهو أسرع وأفضل جهاز جوال من وجهة نظري للمميزات التالية :
شاشة من نوع SUPER AMOLED وتمتاز بوضوح عالي الدقة بحيث يمكنك أن تشاهد الشاشة بوضوح إذا كنت واقفاً تحت أشعة الشمس ، وحجمها 4 بوصة .
أبعاد الجوال هي 800 × 480 أي أن طوله 8 سنتيمتر وعرضه 4 ونصف سنتيمتر تقريباً .
معالج ARM Cortex A8 بسرعة واحد قيقا 1GHz هو اﻷ‌سرع حتى اﻵ‌ن .
نظام التشغيل هو نظام قوقل أندرويد Android OS, v2.1 أسرع وأفضل من نظام ويندوز موبايل ونظام سامبيان .
كمرا 5 بكسل مع إمكانية التصوير بصفاء HD 720P و 30 إطار في الثانية .
وزنه 119 غرام .
حجم الذاكرة الداخلية الروم 512 RAM وذاكرة تخزين الداخلية تتوفر بسعة 8 قيقا و 16 قيقا مع إمكانية إضافة ذاكرة microSD بحجم 32 قيقا .
يحتوي على تقنية البلوتوث والويرليس .
يحتوي على نظام GPS لتحديد المواقع .
مقارنة سريعة بين الجهازين
samsung galaxy s i9000 & Iphone 4



وزن جوال iPhone 4 هو 139 جرام أما Galaxy S وزنه 119 جرام .

حجم شاشة iPhone 4 هو 3.5 بوصة أما حجم شاشة Galaxy S هو 4 بوصة أي أكبر .

نوع شاشة iPhone 4 هو تي إف تي TFT ، أما Galaxy S فنوع الشاشة هو AMOLED وهي اﻷ‌وضح حتى اﻵ‌ن .

جوال iPhone 4 يحتوي على فﻼ‌ش للتصوير أما Galaxy S فليس له فﻼ‌ش .

ذاكرة التخزين الداخلي في iPhone 4 تتوفر بحجم 16 قيقا و 32 قيقا وﻻ‌ يمكن إضافة ذاكرة خارجية أما Samsung Galaxy S فالذاكرة الداخلية تتوفر فقط بحجم 8 قيقا و 16 قيقا لكن بإمكانك إضافة ذاكرة خارجية يصل حجمها إلى 32 قيقا ( فتخيل 16 + 32 = 48 قيقا ) .

البطارية في iPhone 4 غير قابلة لﻺ‌زالة أما في Galaxy S فيمكن إخراجها.​

ارجو التثبيت وفي جم معلومه ناقلتها
وحبيت افيدكم للي محتاره ولي تبي الجلكسي انا انصحها والله :rerrerek::rerrerek::rerrerek:
انا كنت الصج كنت ببيعه لاني ماحبيته وبعدين حطيت فيه الالعاب والخدمه وكل شئ وتحسفت على اني عرضته بتوقيعي وراح ابيعه اللحين حبيته لدرجه اني مااحب التج بس الحمدلله استعماله خفيف كأنج ماسكه ايبود بدون كفر شحلاته خفيف وحملت الصور لكم

وراح تشوفون الفرق بين الايفون 4 والجلكسي وشوفوا الكرتون ماله الاسود ::

للي تنقل الموضوع ياليت تكتب منقول من منتديات كويتيات لان تعبانه عليه ولقت الصور والمعلومات الشامله

:rerrerek::rerrerek::rerrerek:وبس

 

[انجبر قلبي]

الجالكسي اس احلى و اسهل واخف من خلال تجربتي للاثنين

 

[ღ ƒḋảіŧňėỷ ღ]

شخباري بلوتوث في احد ليلحين يستخدمه ؟؟ وبعدين في برنامج بلوتوث موجود بالسيديا

كل جهاز وله مواصفاته

وبعدين الايفون لو اختربت بطاريته ما يروح فيه تتغير عادي

كل شخص وينام على الجمب اللي يريحه XD الايفون له معجبينه والجالكسي له معجبينه

يعطيج العافيه حبووبه على الموضووع

وانا جربت نظام الاندرويرد على الجالكسي تاب وحلو وما عليه اي كلام وجربت فون الجالكسي .. بس للاسف مو نفس تج الايفون وغير ان الايفون اسرع منه بالاستجابه (( هذا بحكم اني امجربه الثلاث الايفون والجالكسي تاب والفون الجالكسي )) وهذا ما يعني ان الجالكسي مو حلو بالعكس حلو واللي حابه تشتريه تتوكل على الله وهمن اللي حابه تشتري الايفون تتوكل على الله كل جهاز له عيوب ومميزات (( ومافي اي جهاز كامل))

(( الاختلاف بالرأي لا يفسد للود قضيه ))

 

[زين الوصايا]

حبيبتي تسلمين
بس لا اذا اخترب يروح فيها مايصير تغيرين البطاريه

الجلكسي اذا شريتي يعطونج 2 بطاريتين

 

[اخت مزه]

اول شي اشكرك على موضوعك وشرحك المفهوم

ثانيا الحين ناويه اشري جالكسي ومحتاره مره لان كان عندي

اي فون 3gs وتعودت عليه وابي الجالكسي مدحوه لي واخوي

امس شافه بالمحل ويقولي احسن من الاي فون واخف والحين

ان شاء الله راح اشريه تسلمين حبوبه والله كأنك تدرين عني خخخ

 

[ღ ƒḋảіŧňėỷ ღ]

حبيبتي تسلمين
بس لا اذا اخترب يروح فيها مايصير تغيرين البطاريه

الجلكسي اذا شريتي يعطونج 2 بطاريتين

الله يسلمج بعد عمري

امبلا يا حياتي تتغير وعليه بالعافيه جالكسي على البطاريتين

تقدرين تسألين ورشه مايكل الصيني اذا حبيتي تتأكدين :eh_s(17):

 

[شوكلاتة فليك]

مشكورة حبيبتي على موضوعك
لأني محتاااااارة وأبغى الأحسن....

 

[~خطر~]

انا عندي الايفوووون وبس

يعني فرق بين شركة ابل وسامسونج
مع احترامي لجميع الشركات

تسملين حبوبه على الموضوع

 

[miss fantastic]

يعني من صججكم بتقآآرنون الجلسكي بالايفوون اكييد الايفوون تووب واحسن شي ..~~

يعطيج العاآآفيه حبيبتي ..~~​

 

[Francais]

احس مجكلم
والايفون اكبر شويه من الجلكسي بس افضل الآيفون !!!

 

[دمبوووشه]

بالعكس الجلكسي روووعه واستعماله أروع لدرجه انه تفوق ع الآيفون
ويسلمووو عالموضوع

 

[سوبر مانه]

الجالكسي افضل في الاداء والسعر وكل المقاييس

الايفون من شركة التفاحة المقرومة بسم الله على حظكم المقروم

 

[ღ Mzajiya ღ]

مااجربته بس احس الايفون احسن مادري لوول

وتسلمييين عالموضوووع

 

[انجبر قلبي]

آنا تلفوني جالكسي اس

والشي اللي ماحبيته فيه الكامره



بالنسبة للبرامج كلشي تقدرين تنزلين

حتى برامج الايفون نفسها تركب على الجالكسي

بس المشكله في شغله محيرتني واللي اهي applanet اللي تنزلون منه البرامج

اغلب الوقت ما يشتغل عندي مادري ليش؟

والجي بي إس او النيفيقيتور ما عرفت اشغله

اهو فيه بس مو عارفت له!!!!!!!!!!!1 عاد محتاجته

 

[سوبر مانه]

البرنامج اللي تنزل منه البرامج له تحديث بعد ماتنزلي التحديث راح يشتغل معاكي

الجي بي اس احس برنامج على الجلكسي اسمه copilot مجاني من الماركت

الكاميرا جلكسي اس والا اس 2 اللي عندك ؟

لو جلكسي اس 2 وماعجبتك الكامره كلش على قولك ترى شكلك ماتعرفي تستخدميها

 

[انجبر قلبي]

يسلمو عالرد فديتج لا انا جالكسي إس

مو 2

يوم رحت ابي اخذه قلت للمحل اذا الكامره 8 ميقابكسل ابيه

قاللي اي 8 وقص علي

يوم خذيته اكتشفت انها 5

وانا وايد تهمني الكامره

يالله ماعلينا

شلون جالكسي اس تو شنو الفرق؟

وبجرب اسوي سيرج على برنامج الجي بي اس ثانكيوووو

 

[سوبر مانه]

جلكسي اس 2

قوة البروسيسور 1 جيجا بايت يعني اقوى من الايفون 4 الضعف

كاميرا 8 ميجا بكسل والمهم انها تصور فيديو وتصوير ثابث hd يعني هاي ديفينشن / نقاوة عالية جدا

كاميرا امامية للي تحب تشغل الفيديو مع صاحباتها 2 ميجا بكسل وضوح جدا متميز على كاميرا فرعية

حجم الجهاز يعتبر اسخف جهاز في العالم حتى الان مع شاشة اكبر ووضوح بجودة hd

الجهاز مدعوم من شركة جوجل العالمية وبدأ جميع برامج الايفون تشتغل على نظام الاندرويد

الجهاز في الانترنت شي خيالي سريع ويستجيب اسرع من اي جهاز وهو حتى الان اسرع جهاز جوال / موبايل

انا شخصيا اتفرج على الجلكسي 2 افلام واحمل عليه افلام لانه بامكانك تنزلي عليه كرت ذاكرة 32 جيجا بايت

انا استخدم جلكسي 2 في التسلية والالعاب وكل يوم العب لعبة جديدة وكل شي في الماركت مجاني بعكس الايفون

استخدم جلكسي 2 في استقبال ايميلات العمل وارسال الايميلات

شات / انواع البرامج تحتار من كثرها

الجهاز على سعره يعتبر عصارة التكنولوجيا تقدمها لكم شركة سامسونج كهدية لتثبت جدارتها

انا لقيت اكثر من اللي كنت احتاجه في الجهاز

 

[dareena]

هاااي بناات

انا الحين صرت جلكسية يديده نفسكم ههههه

بنات بغيت اسأل فيه منه صيني ؟؟؟ انا الي خذيته نفس هالصورة بالضبط

وشفت بالنت في له صور غير... ليش ؟؟؟

 

[sweet q8yat]

الجالكسي احلا بوايد تقدرون تتحكون بالجهاز تستخدمون البلوتوث وتنزلون من النت مباشره على الجهاز وتسوين اللى تبين فيه الجهاز مفتوح
والايفون لا ابل مسويه احتكار لازم ايتون ولازم ما ادرى شنو يلوع الجبد
االايفون يتفوق على الجالكسي بالتطبيقات ( البرامج والالعاب) بالجوده فقط ) واكثر برامج اللى تشتغل علي الايفون تشتغل على الجالكسي

 

[سوبر مانه]

Dareena اللي تشوفيه بشكل مختلف هوا نفس الجهاز بس الذاكرة 32 جيجا يجي شكله مختلف عن ال16 جيجا
ولكن نفس المميزات مايختلف عنه

شكرا لكل وحدة اشترت جالكسي 2 ( خلونا نصير جلكسيات )