تبين ولد وطلعلج بالسونار بنت@@!! تعالي اقولج سالفتي وقوليلي سالفتج

[جمالي خيالي]

اختي
انتي لو تاخذين لج فره بسيطه علئ مواضيعي بتقولين عني مسطره فريق كرة قدم مع انه كلهم. ولدين وحدي متشفقه علئ البنت

بس من حملت ابدا ماحطيت ببالي اي احتمالات او توقعات. جزمت بنوع معين
بلعكس حطيت نسبة90%لولد ماحطيت ببالي بنت عشان لا انصدم والحمد لله خير وبركه حتئ لو ولد ربي كاتبه لي
وهذا انا هلحين علئ مشارف الخامس وراضيه بالي يجي

اصلا من اسمي بتعرفين اني اعشششششق البنات بجنون هههههه
ولو جائ ولد هم بلبسه وردي عن خاطري هههههه
والبنت اول وحده تهبببببببببل تجنننننن
واللله يقومنا بلسلامه:rerrerek:

حلو البناااااااات شناطره يله سوي سونار وبشرينا

توني ادري ان عندج ولدين كنت فاهمه ان عندج بنت وولد وتبين اخت لبنتج ؟؟

 

[متيمه بهواه]

حلو البناااااااات شناطره يله سوي سونار وبشرينا

توني ادري ان عندج ولدين كنت فاهمه ان عندج بنت وولد وتبين اخت لبنتج ؟؟

الي يجي من الله خير ونعمه
صار عندي احساس متبلد :eh_s(1):

وبخصوص ماذكرت
أقصد معي ثنين

وصل

 

[Eng.Kokoro]

انا مشاعري متلخبطه مره ابي بنت ومره ولد لوووول بس حلااااااتهم بنت ولا ولد كربووووونهم :******* الله يقوم كل حامل بالسلامة و يحفظ لكم عيالكم

 

[جمالي خيالي]

الي يجي من الله خير ونعمه
صار عندي احساس متبلد :eh_s(1):

وبخصوص ماذكرت
أقصد معي ثنين

وصل :d

اي والله كل شي خير من الله بس يبقى الانسان فضولي بطبعه
راضين بالبنت والولد الحمدلله على النعمه

 

[بتبوتااا]

قريت قصصكم والله يعطي كل وحده على نيتها ان شاء الله

خل اقول لكم سالفتي ابجري

انا ما تفرق معاي بنت ولا ولد نعمه من الله والاهم الصحه والعافيه

لما حملت الكل يقول لي بنت الا ريلي يقول فيج ولد

وخصوصا انه إخوانه يايبين بنات سويت سونار بالسادس بمستشفى الراشد وقال لي بنت بعد ساعه تفكير يمكن

المهم استأنست وعادي ودقيت على أمي وكانت مسافره وقلت لها انه فيني بنت فشرت لي لبس بنات والكل درا انها بنت

فمرت حماي عندها بنتين جان تقول لي مبروك عالبنت شنو مافي واحد فيهم فيه شده@@

المهم بالثامن كان عندي مراجعه وقلت لامي توديني لانه ريلي تعبان ولما رحت مراجعتي وكانت بالمستوصف

سويت سونار وتقول كل حاجه فيه تمام والحمدلله جان أمي تضحك وتطالعني وتقول شفتي كنت حاسه !

وانا بعدي مو مستوعبه عن شنو يتكلمون وبعدين ولا اقول لها شلون بنوتي ولا ترد الدكتوره وتقول لي

ده راجل بصي وتراويني عضوه وجذي حدي استأنست عشان ريلي مع انه كان عادي ومستانس

رديت البيت وقلت له بو فلان يا بو فلان قوم ويقوم ويقول لي بو فلان؟ قلت له طلع فيني ولد مو بنت

جان يسوي بيده حركه الهيااا ويقول كنت حاس وقلت لج انه ولد قلت له الحمدلله وبشر ابوه وبعدين اخته والكل درا وباركولي

بعدها بثلاث سنين حملت وطلع هم ولد والحمدلله صار عندي ولدين وبعدها حملت ويبت بنوته وهم ريلي قال لي فيج بنت وبكل حمله اهو الي يبشرني شنو فيني لوووول ماشاءالله إحساسه قوي مع انه بحملي الاخير كنت حاسه انه فيني بنت لانه حمالي اختلف ونزفت اول الشهور بس الحمدلله انظم للفريق

والحين الحمدلله على نعمه العيال واللهم لا اعتراض *

 

[رمانة الكويت]

الله يقومج بالسلامة

انا ولله الحمد رزقني الله بثلاث بنات ورا بعض ويبتهم ماكملت 23 سنة وصرت مثل صديقتهم

وكنت اتمنى الولد وهاذا شي بالقلب عند الكل ورحت لدكتورة اتسوي لي نظام عشان احمل بولد بس ما حملت

سافر زوجي بعدها مع ابووه للعلاج بالخارج تقريبا شهرين ورجعته كانت قبل موعد الدورة بايام يعني على قولتهم ايام الامان فما اكلت حبوب منع الحمل .. وسبحان الله حملت مع اني ماكنت متوقعه اني راح احمل .. حتى ان موعد الدورة كان عندي عرس وكنت لابسه كورسيه وكعب وقبلها صابغه شعري .. سبحان الله يبت ولد ولله الحمد بصحه وعافيه من غير برنامج ولاشي..

وهالمرة توكلت على الله وحملت هم بدون لا برنامج ولاشي .. ولله الحمد توني والدة ويبت بنووتة مثل القمر مع اني تعبت بولادتها ويبتها قيصرية وحطوها بالمستشفى .. بس والله كل مارحت المستشفى اشوفهاا ابجي بحرررقه اتمناها بحضني .. والحمدلله كاهي الحين بحضني وترضع .. ولما كنت حامل باخر الرابع صار فيني انفصال بالمشيمة ومت بجي خفت اجهضهاا .. والحمد لله اللي رزقنياهم بصحه وعافية .. الضنا غااالي حتى لو كانو عشر بنات ..


شعوري لما عرفت شنو فيني في بنتي الاولى والثانية وولدي استانست .. بس بنتي الثالثة والرابعه اشوي تضايقت بس تذكرت انهم رزق من رب العالمين .. تعوذت من الشيطان ..

وانا بعد كل سونارلما اعرف نوع الجنين ارجع البيت اصلي حمد وشكر ونفس الشيلما اسوي تحليل واطلع حامل ...


دعواتكم ربي يرزقنيويرزق كل اللي تتمنى بالولد الصالح .. ويرزق كل محرووومة .. ياااااااااارب

 

[rtoj]

وايد عجبني الموضوع .وحبيت اشارك


بصراحه انا ريلي ميت عالولد وكله يقولي 90% ولد وانا بجر ومو عارفه احدد شعوري اذا ولد او بنت مع ان اغلب الاحلام كانت تبين انه ولد بس ما اخبي عليكم متشفقه عالولد .. وقهر الحين انا نهايه الخامس ومو عارفه شنو نوعه اللهم قالت لي الدكتوره ان احتمال بنت ما اكدت


بخاطري يكون بجري ولد واهوا بعد واهله بعد بخاطرهم الولد ودي ارضي نفسي وارضي الناس بس الي كاتبه ربي احنا راضين فيه


لان ريلي يقولي الحمدالله دامها بنت او ولد نعمه بس هم وده بالولد يبط جبدي ههههه


والحمدالله بكل الاحوال

 

[3awaasha]

عيل انا ميته عالبنت والكل يقولي ييبي بنوته
وسبحان الله يبت الاول ولد والثاني بالطريج همن ولد
توقعت انه ما راح اهتم فيه الا أموت عليه
وكله معاي وحبيبي حنون علي ويحبني اكثر من ابوه
وان شافني ابجي يمسح دموعي يا حياتي
وانشالله الي ببطني يطلع نفس اخوه
بنات او صبيان اهم شي الصحه والعافيه

نفسي بالضببببببببط:rerrerek:
لدرجة أن ولدي حببني بالصبيان ياحلااااتهم وميييته من الوله على الكتكوت الثاني ربي يحفظهم من كل شررر

 

[~LiBrA~]

يا حلوووووووو البنات

هههههههههههههههههههههههههههههههههه اهم شي تلبسينه وردي عن خاطرج

واي جنج انا سبحان الله


الله يرزقني واياج بالبنت الصالحه السليمه يارب


اسال الله العظيم ان يرزق كل وحده بالي تتمنى ويكون طفل تام الخلق والخلقه يارب


والضنااااااااااااا غالي ولله الحمد

هههه

ياااارب الله يسمع منج ويرزق الكل بلي يتمناه

 

[~LiBrA~]

الله يقومج بالسلامة

انا ولله الحمد رزقني الله بثلاث بنات ورا بعض ويبتهم ماكملت 23 سنة وصرت مثل صديقتهم

وكنت اتمنى الولد وهاذا شي بالقلب عند الكل ورحت لدكتورة اتسوي لي نظام عشان احمل بولد بس ما حملت

سافر زوجي بعدها مع ابووه للعلاج بالخارج تقريبا شهرين ورجعته كانت قبل موعد الدورة بايام يعني على قولتهم ايام الامان فما اكلت حبوب منع الحمل .. وسبحان الله حملت مع اني ماكنت متوقعه اني راح احمل .. حتى ان موعد الدورة كان عندي عرس وكنت لابسه كورسيه وكعب وقبلها صابغه شعري .. سبحان الله يبت ولد ولله الحمد بصحه وعافيه من غير برنامج ولاشي..

وهالمرة توكلت على الله وحملت هم بدون لا برنامج ولاشي .. ولله الحمد توني والدة ويبت بنووتة مثل القمر مع اني تعبت بولادتها ويبتها قيصرية وحطوها بالمستشفى .. بس والله كل مارحت المستشفى اشوفهاا ابجي بحرررقه اتمناها بحضني .. والحمدلله كاهي الحين بحضني وترضع .. ولما كنت حامل باخر الرابع صار فيني انفصال بالمشيمة ومت بجي خفت اجهضهاا .. والحمد لله اللي رزقنياهم بصحه وعافية .. الضنا غااالي حتى لو كانو عشر بنات ..


شعوري لما عرفت شنو فيني في بنتي الاولى والثانية وولدي استانست .. بس بنتي الثالثة والرابعه اشوي تضايقت بس تذكرت انهم رزق من رب العالمين .. تعوذت من الشيطان ..

وانا بعد كل سونارلما اعرف نوع الجنين ارجع البيت اصلي حمد وشكر ونفس الشيلما اسوي تحليل واطلع حامل ...


دعواتكم ربي يرزقنيويرزق كل اللي تتمنى بالولد الصالح .. ويرزق كل محرووومة .. ياااااااااارب

حبيبتي والله

الله يتمم عليج ويخليلج بناتج وولدج ويحفظهم ياارب

سبحان الله صج لما تكونين مهووسه بشي يطلع العكس

لكن لما تخلينها على الله يطلع الي كنتي تتمنينه

 

[~LiBrA~]

وايد عجبني الموضوع .وحبيت اشارك


بصراحه انا ريلي ميت عالولد وكله يقولي 90% ولد وانا بجر ومو عارفه احدد شعوري اذا ولد او بنت مع ان اغلب الاحلام كانت تبين انه ولد بس ما اخبي عليكم متشفقه عالولد .. وقهر الحين انا نهايه الخامس ومو عارفه شنو نوعه اللهم قالت لي الدكتوره ان احتمال بنت ما اكدت


بخاطري يكون بجري ولد واهوا بعد واهله بعد بخاطرهم الولد ودي ارضي نفسي وارضي الناس بس الي كاتبه ربي احنا راضين فيه


لان ريلي يقولي الحمدالله دامها بنت او ولد نعمه بس هم وده بالولد يبط جبدي ههههه


والحمدالله بكل الاحوال

حبيبتي والله عدل كلامج لو راجعه علينا احنا الي نحمل ونتعب ومن التعب عادي راضين بنت او ولد كلهم نعمه من الله

بس المشكله بالرياييل والناس اهم الي يحلونا جذي

بس الحمدالله على كل حال


ويااارب الله يرزقج الي في بالج

مشكورة:eh_s(7):

 

[~LiBrA~]

نفسي بالضببببببببط:rerrerek:
لدرجة أن ولدي حببني بالصبيان ياحلااااتهم وميييته من الوله على الكتكوت الثاني ربي يحفظهم من كل شررر

الله يخليهم لج يااارب ويحفظهم

 

[~LiBrA~]

عيل انا ميته عالبنت والكل يقولي ييبي بنوته
وسبحان الله يبت الاول ولد والثاني بالطريج همن ولد
توقعت انه ما راح اهتم فيه الا أموت عليه
وكله معاي وحبيبي حنون علي ويحبني اكثر من ابوه
وان شافني ابجي يمسح دموعي يا حياتي
وانشالله الي ببطني يطلع نفس اخوه
بنات او صبيان اهم شي الصحه والعافيه

سبحان الله

تصدقين وايد اسمع الصبي دايما مع الام والبنيه دلوعة ابوها

الله يحفظهم ويخليهم لج

 

[~LiBrA~]

خليني اكلمج عن حملي هذا

وارد اوقولج الحمدلله والشكر كنت في قمه الخبال << اعترف

كان هوس مو جنس البيبي كان هو عدد البيبي اللي ببطني

كنت اتمني التوائم وحملي كان ثقيل وكل سونار اقول دكتور جم واحد

وتخيلي اسوق السياره واقول الله اليوم بتفاجاني وتقول في ثاني لقيته

وظل هالهوس للرابع تخيلي ؟

واخرها قبل اسبوعين طحت من السلم ونزلت شوي المشيمه ونزل علي دم

وكنت ابجي اقول ياربي لا لا وقالوا لي اجهاض منذر

هما قالوا جذي انا قمت اشاهق من البجي قلت 5 اشهر ببطني وباقي لي 3 اشهر ونص لاني عمليه اولد مبجر

قلت يروح مني لا ياربي ثبته لي ولد او بنت ماعندي اعتراض

وصصصصصصصصصج قلبي تعلق باللي ببطني الحين

مو مهم ولد او بنت المهم صحه وقمت اروح السونارات هالفتره ماسأل ولد او بنت او واحد او اثنين

اول شي اقوله الدكتوره المشيمه شلونها صعدت الياهل زين

فالواحد الحمدلله على عطيه الرحمن

هههه انتي حالتج غير بالتوائم سبحان الله
مرات الوحده تبي تفتك تخلص مرة وحده بس والله التعب والمصرف يصير دبل(انتي نظريلها من هالناحيه اذا الله لا يقول ماصار)
بس انشالله يصير الي تتمنينه

انا بجريه والحين ماباجي لي شي وادخل الشهر السادس وسويت سونار الشهر الي طاف وقالت الدكتوره بنت بس مواكيد وهمن قالت لي نفس الحجي ماكو شي بين الرجول صراحه ضاق خلقي انا بالنسبه لي عادي بس زوجي يبي الولد وليلحين ادعي واقول يارب يطلع ولد مع انه زوجي قال الحمدلله ولد او بنت كلهم خير وبركه بس لو على كيفي ابي ولد وعندي امل انه السونار الجاي يتغير كلام الدكتوره لاني بنت خالتي قالو لها بنت كل ماتسوي سونار يطلع بنت وبالولاده طلع ولد حتى اهلها مصدومين موراضين يستلمون الولد لين تاكدو وخالتي بعد لي الشهر الثامن كل ماسوت سونار قالو لها بنت وجهزت حق بنت وسبحان الله جابت ولد وبالاخير الله كريم اهم شي الله يتمم علينا ونقوم بالسلامه

والله نصيحه لا تسمعين كلام الناس راح تتعبين
انا حتى عقب ماسويت السونار وتأكدت قالولي انتي متاكده؟ ترا مرات يعلط وصج شغلو السالفه فيني مرة ثانيه الله يسامحهم
وسويت سونار مرة ثانيه عقب شهر وطلع ولله الحمد بنت
وقمت اسمع قصص ان في ناس لي التسع يقولوهم شي ويطلع وقت الولاده عكس نفسج وللحين ما يندرا بس والله ماقمت اعور راسي بهالسوالف خلاص جهزت بنيتي وردي في وردي وناطرتها على احر من الجمر
الله يرزقج يا قلبي بلي تتمنين

حبيبتي انا توقعت لي بطني بنت وانا بجرا وصج طلعت احلى بنوته والحمدلله كلها نعمه

هههه انتي اول وحده تتوقع شي ويطلع نفسه
الله يخليها لج ياااارب

انا بحمالي الاول كنت مييييته ابي بنت تخيلي امي خاشتلي نفنوف وانا صغيره امبيه من 19 سنه هديه من يدي خذيته منها و علقته بكبتي متأمله اييب بنت و البسها نفنوفي و كله ادعي حتى جدام ريلي انشالله بنت ياارب بنت و لمن سويت سونار بالخامس اكدتلي انه ولد واااضح
هم استانست لانه ريلي طار من الفرحه و سيداااااا راح قال حق خالتي وانا بعد قلت لاهلي و ابوووووي حدااااا حدا استانس لانه كلنا بنات وعندي اخو صغير 4 سنين،، الحين حياتي ولدي و اخوي لعب و مصارعه مع بعض و متى بس اروح بيت اهلي عند الباب القاه حبيبي اخوي ناطرني و وولدي علاااا طول كف على عيني ما يبيني ههههههههه

وحمالي هذا تمنيت ولد لاني طمعت ابي اخوو حق ولدي قريب من عمره لاني استانست على وضع اخوي و ولدي ههههه
بس الحمدالله فيني بنوته
و هم استاااااانست حيييييييل اخيرا بيتحقق حلمي و الله وكيلج من موقع لي موقع و عيوني طايره ادورلها ملابس و باندات وناااسه *

حبيبتي الله يخليج اياهم ياااارب
وهالله هالله بالشباصات والنفانيف اونس شي
وحق الخساير بعد خخخ

 

[~LiBrA~]

الله يقومج بالسلامه وتشوفينها بصحه وعافيه

انا ماعمره غلط معاي السونار
بس
انا اللي اغلط السونار اقول اكيد غلط
واروح عياده ثانيه
واسأل لـ التاااسع
وحتى لما اجهز اقول اكيد غلط
مع انه اربع دكتورات اكدوولي
ماادري شفيني
لوول

حبيبتي والله مو زين لا تسوين جذي
ادري غصبن عنج بس لا تعترضين على الي الله كاتبه
وخليها على الله
يبا اذا مو مقتنعه كلش لا تزهبين وردي او ازرق
زهبي بيج هههه
الله يحفظه من كل شر يارب

السلام بنات
انا سمعو سالفتي الله يسلمكم
اول ما زوجت حملت بعد سبع شهور وحنهه من اهل زوجي المهم تمنيت بنت بيني وبين نفسي بس الدكتور قال ولد وريلي طبعا طاااار من الفرحه اهو واهله خصوصا امي وخالتي يحبون الصبيان ربي لك الحمد
المهم الحمال الثاني هم ولد بس ما انكر اني حاولت اشويه اسوي طريقة البنت بس حمدالله وما تضايقت لما قالولي ولد
المهم قررت احمل الحملة الثالثة بس هالمره رحت دكتورة فوزية عشان طريقة البنت يابنات تميت 7 شهور احاول مالله قسم
المهم زوجي قالي ترا الله بيعاقبج خليها على الله وفعلا من اول شهر بعد ماهديت العلاج حملت وكانت صدمتي انه ولد بس من داخلي كل يوم اقول انشالله يقلب بس اتصدقوون انه لما انولد وطلع تعبان بجييت وصار فيني انهيار قلت ولد ولد ابييه الله يشافييه
والحين اهو احلا ولد عندي يهبل اسمالله عليه

المهم سالفتي ما خلصت
قررت هم احل المره الأخيره خصوصا انا فتح بطن وقالتلي الدكتوره حدج 4 حملات قلت هالمره بحاول صج وفعلا ما تخيلون اشكثر دفعت عشات بس احمل بالبنت ( مينونه امي تقولي عقلج بيطير خليها على الله ) المهم انا الحين بالرابع
رحت الله يهداني سويت تحليل البول الولد والبنت المهم الصدمة طلعلي التحليل ولد وهم صار فيني انهيار بس هالمره جايد وريلي هاوشني قالي لاتعترضين على حكمة ربج والله ماني معترضه بس اتعرفون ابليس شاطر
اهم شي انه زوجي عاجبه الأولاد بس انا استغفر الله المهم قالي لاتشوفين بالسونار كلش مانبي نشوف والله كريم
بس يابنات ماني قادرة قلبي يحكني ودي اشوف رحت سويت سونار من اسبوع جنه ولد ( صرت خبره بالأولاد ) المهم ورجعت متازمه قالي ريلي ليش هاللقافه بس اتصدقون الدكتور مارضا يقولي ولد ولا بنت قالي ماني قايلج بس شكله ولد والله
بس ربي لك الحمد والله الناس ميتين يصير عندهم ياهل وبس واحنا انتعنفق والله يالله اتهدي سري ويرزقني ويرزقكم اللي في بالي وبالكم اميييييييييييييييييييييييين ياكريم
وسامحوني على الطوالة ودعاءكم معاي

ماشالله لا اله الا الله الله يحفظهم يااارب من العين
ويرزقح يارب بلي تتمنينه

انا مشاعري متلخبطه مره ابي بنت ومره ولد لوووول بس حلااااااتهم بنت ولا ولد كربووووونهم :******* الله يقوم كل حامل بالسلامة و يحفظ لكم عيالكم

هههه احسن شي خلي مشاعرج جذي طول الوقت ولا بتتعبين
كلهم والله عسل الله يحفظهم

 

[~LiBrA~]

الله يتمم عليج يارب

حبيبتي مشكوووووووورة

اهم شي عندك خلفيه عن مواضيعي هههههههههههه
اكيد الله مقسم الارزاق والحمد لله على عطاياه
بس لاني اعشق البنات بجنون لاتستغربين
يمكن تقولين اني عكس الناس
يحبون الولد بس مو مهمه البنت
جاءت ولا ماجاءت
ليش مو مهمه مو هي رزق من الله حالها حال الولد
وليش ما احب البنت بلعكس هذي فطره وغريزه بالانسان وماكو شي غريب :rerrerek:




تسلمين حبيبتي
والله ينولنا مرادنا يارب





الي فيها ربوا ولا ما تتحمل تشوووف
وعد علي
لا أصور لكم نفنووف لي من وانا صغيره
فنصيحه لـ اصحاب مرضى الربو والصدر عدم الدخول
خوفا عليهم من الغبااار :krkrkr:

مزحه بسيطه مو تزعلون
نطروني لما أضبط الصور وبوريكم نفنوووووفي وانا صغيرونه
مو تفكروني عجوزخخخخخخخخخ
لني بسوي مثله ان شاء الله إذا جاءت بنت
ان ماصارت هلمره هم بخليه المره الجايه

السموحه ياصاحبة الموضوع
بس بلطف جو الموضوع شوي هههه:ggdw:

لي عوده :eh_s(8):

حبيبتي والله اخذي رااااحتج وناطرين نشوف نفنووووفج:ggdw:

ياربي ياحبيبي تكون اللي ببطني بنوووته كتكووته
اللي من الله حياه الله بس نفسسسسسسسسسي ببنت مابي صبي

بعد عمري اله يرزقج الي في بالج ياااارب:yaaaaaarb:

حياتو انتوووياحلوووين الله يخليلم عيالكم
انا في بكري كان الجميع يقولو ريم معها ولد وسبحان الله خلاص تعلقت وصار زوجي ابو عبدالله وحده مبسوط
المهم وتجيني ولاده مبكره وسويت ولاده قيصري وولد وجبت احلى شهوووده وسبحان الله اول ماطلعت كان كلهم ينادونها اوربيه كانت مشاء الله تجنن ربي يحفضها فعادي ابد ماعترضنا بالعمس ابوها طارفيها
وجلست 3سنين وحملت وشهر واحد واجهضت بس ربي عوضني بخييير
وبعدها جلست9شهور وحملت وكنت ادعي بكل صلاه لي يارب ارزقني الولد الصالح المتعافي والحمدالله رحت اول يوم رمضان وسويت سونار وقلولي ولد ولله الحمد المنه طرت من الفرحه ابي عبدالله لبو عبدالله وطلعت قلت لزوجي والحمد لله
ويااااااااااازين العيال والبنات بس
كلهم زييييييينين وبركه ورزق من الله
وياكثر طفارتهم واذيتهم

اي والله صاجه كلهم رزق من الله
والله يحفظهم لج يااارب من كل شر
ويخليج شهوده وعيود

 

[.. مـــلاكـ ..]

بنت ولا ولد ما تفرق المهم البيبي يكون سليم !
وكافي انها نعمه كبيرة من الله*

 

[~LiBrA~]

انا عااادي ولد ولا بنت

بس ريلي يبي ولد وانا بجريه فمااادري ليلحين مايبين ان شالله لما يبين اقولكم حدددي متشوقه على جنس البيبي

وماكو توقع بس ريلي حاس انه بنت وانا اقوووله عاادي اي شي

الرياييل دايما فيهم لقافه هههه بس زين تسوين لا تشغلين بالج وخليها على الله
انشالله الله يرزكم بالطفل السليم المعافى سواء بنت ولا ولد

بصرااااحة موضوع قمممممممممممممممة

في بجري حاطة في بالي ولدوزوجي بعد وأمة والأهل كلهم وحلمت أكثر من مرة انه ولد
وسبحان الله عالخامس لما سألت الدكتورة قالت بنت لاتشوفون الصدمة حتى الدكتورة لاحظت الصدمة على ويه ريلي وقالت هذة نعمة من الله

بس والله يا بنات الحين يموت فيها بشكل موووووو طبيعي وصار يقولي يارب لما تحملين تيبين بنت بعد علشان تصير اخت لها
سبحان مغير الأحوال​

سبحان مغير الاحوال صج مافي احد يكره ضناه لو شنو كان
الله يخليلج بنوتج يارب ويرزقج بلي تبينه انشالله
مشكووورة حبيبتي

انا من عمري اتمنى بجري ولد مادري ليش مع ان البنت احسن

والحين انا حامل احساسي ولد و ريلي وده على بنية و اهم شي الصحة و العافية لهم يارب

صاجه اهم شي الصحه
الله يرزقكم بلي تبونه يااارب

 

[راتشيل]

العرب دائما مكانك سار من ايام الجاهيله للحين فضلون الولد علي البنت مادرون ان البنت لحين تفيد اكثر من الولد مادرى متي تتطورون:rgewrg::rgewrg::rgewrg::rgewrg:

 

[بربيره]

الي عنده ولد يتمنى البنت و العكس مو الكل يتمنى ولد وحتا الاجانب يعني بس العرب الي يصير بخاطرهم جنس معين يا معوده اي ايام جاهليه خرعتيني تذكرت وأد البنات اعوذ بالله