تبين كيكه محد يصدق انها شغل ايدج .. حياج .. من مطبخي بالصور ..

[.. Om Mr.7sN ..]

مشرفة القسم ( جارة القمر )​

صباح .. مساء الخير بنات :balo:

اليوم يايبتلكم كيكه كل ما اسويها يسالوني من وين شاريتها ما يصدقون انها شغل ايدي جربوها وقولولي اشرايكم ؟؟

المقادير ..



1 ساراكيك ( كاكاو او فانيلا )

3 بسكوت نفس اللي بالصوره .. ما اعرف اسمه

3 قيمر كي دي دي او بوك

7 كاكاو آرو

5 ملعقه طعام حليب بودر

ملعقه صغيره حليب نستله المحلى

4\1 كوب ماء

2 باكيت دريم ويب

1 فليك ( للتزين )

قالب الجيز كيك

الطريقه ..

نصف البسكوت في القالب ونقط الكيك نفس الصوره ..



نضع 2 قيمر و الآرو على النار ونحركه باستمرار ليمن يغلي ..



نحطه فوق الكيكك ونخليه بالفريزر نص ساعه ..



نحط بالخلاط 1 قيمر مع الدريم ويب مع الحليب والماي وحليب نستله لمده 5 دقايق ..



نحطه فوق الكيك ونزينه بالفليك ( انا ما كان عندي فليك حطيت ارو بداله ) ..



وبالثلاجه ليمن يصك ..

وهذا الشكل النهائي ..





وعليكم بالعافيه :wqedqw:

 

[ريمه الكويت]

شحلاتها عليج بالعافيه وبقيت اسالج عن صينيتج الي تفتح ؟؟ ماخذتها من مركز سلطان ؟؟؟؟؟؟؟؟؟؟؟؟؟

 

[اوركيد**]

ماشاء تبارك الله تهبل هالكيه تسلم يدينك

 

[أم الطيب]

يهببببببببببببل
يعطيج العاااااااااافيه
بجربها

 

[بنت الأصايل]

ماشالله عليج شغلج روووووووووووووووووعه

تسلم ايدج

 

[الدانة-81]

ما شاء الله تسلم ايدج
الصراحة شكلها جنج شاريتها ما شاء الله لا قوة الا بالله
تبارك الرحمن



و بالنسبة حق الصينية انا شايفتها في مركز سلطان

 

[!@Bling@!]

كتبت الطلبات والحين ان شاء الله اطلع من الجامعه واييب الاغراض

حيل عجبتني ,, وياليت كنت قاصه قطعه ومصورتها عشان نشزفها من داخل لوووووووول

يسلموووووووووو

تشآآآوي

 

[digital]

ماشاء الله

تسلم ايدج

الصراحه شكلهه عجيييييييييييييييب ان شاء الله اجربهه

 

[78MariMar78]

ماشاءالله تبارك الرحمن
تسلم الأيادي

 

[إنسانه وأكثر]

وااااااااااااااي حرام عليج بروحي حامل وفيني سكرررر يعني ممنوعه من هالسوالف

والحيييييييين حدي اشتهيت هالكيكه ياربي شسوي فيج

عالعمووم يعطييييج العافيه وتسلم اييييدج صج روعه

تحياتي

 

[dana_kuwait]

ماشاءالله خووووووش فكرة

 

[جارة القمر]

تسلم ايدج



حبيبتي




والماعون


من مركز سلطان



صح






شكله تبارك الرحمن



جنه جاهزه




بس سؤال


الكيك تقطعينه مربعات

:tek:

 

[dr.elzain]

مشكوره بس ماكو صور

 

[دنياالوله]

وااااااااااااااااااااااااااااااااااااااااو
يسلموا بجربها بالزواره

 

[المـــــها]

مشكووووووووووووووووووورة

 

[قصه طويله]

الله يعطيج العافيه وحطيتها مفضله روعه اللهم باارك تسلمين

 

[دراما كوين]

يعطيج الف عافيه حبيببتي

شكلها حلوووووو


بس بسالج حبيببتي الحين الحليب بس نستخدم قفشه وحده ؟؟؟؟؟؟؟؟؟؟؟؟؟؟؟؟؟؟؟؟؟؟

 

[شذورالذهب]

يــامـال العـــافيــه يا ام مــستر حـسن

تســلم ايديـــاتج

 

[زهرااا]

ماشالله رووووووووعه
يعطيج الف الف الف عافيـــه

 

[com-teacher]

مسويتها من قبل لذيييييييييييييييييييييييييييييييييذه
الكل استانس عليها وما صدق اني مسويتها