صارلي فتره موداشه المنتدى فطافني اشياء وايد
نصيحه لكل الامهات وهالنصايح لي انا بعد
1- لاتقارنين عيالج بعيال غيرج .. وعموما كل اليهال نفس الشي .. واللي تقول ولدي حركي ترا طبيعي الياهل يكون حركي ويستكشف اللي حواليه ويبي يجرب ومايخاف شي .. اللي مو طبيعي اللي تشوفينه هادي وساكت
2- اطباعنا يتطبعون فيها عيالنا ... يعني مو يكون صوتج عالي ولسانج و الفاظج مو حلوه وتشتكين تقولين ولدي ولا بنتي يتكلمون باسلوب مو حلو او يقولون كلام مو زين ترا الياهل يلقط حتى لو كان لاهي يلعب ترا يسمعج شتقولين ويتخزن بذاكرته وتلاقين بيوم صدفه قال هالكلمه وانتي مستغربه من وين متعلم ؟؟ ترا متعلم منج سمعها بيوم وخزنها وطلعها بعدين مع الذاكره ... مره ثانيه الياهل يلقط الحجي كله ويخزنه فالاحسن ننتقي الفاظنا جدام الياهل
3- الياهل مايكون عصبي الا نتيجه لنفسيتج .. يعني اللي مشحونه من داخل راده من الدوام معصبه شي طبيعي بتأثر على جو البيت كله لانج بتنقلين الطاقه السلبيه اللي فيج كله لهم .. يعني عادي الياهل يبجي والثاني يعاند والثالث يصرخ والابو ماله خلق كله نتيجه لانتقال شحناتج السالبه لهم .. فالافضل قبل لا تدشين البيت تسترخين وتطردين كل الهموم وتبتسمين وتدشين البيت بسلام بصوت عالي و تنادينهم وتلمينهم وانتي مستانسه وشوفي شلون بيصيرون
4- اليهال لا تصرخين عليه اذا بغيتي منه شي وعاند سواء اللبس او السباحه او طلب الهدوء .. كل شي سويه بالمساحل .. اذا عاند ساحليه ومافي مانع تغنين او تلعبين معاه عشان الشي اللي تبينه .. مثلا انا ولدي لي بيتسبح اغنيله اغنيتنا مالت المدرسه اول (this is the way we wash our hand( كامله ويستانس عليها و شاريتله العاب من فنتاسي وورد حق السباحه ..اما اللبس اساحله وايد و ارغبه بالمكان اللي بنروحله حتى لو كان لبس بيجامه للنوم .. ارغبه بالنوم
5- الغيره .. الغيره تذبحنا احنا الكبار فما بالكم باليهال .. فعشان جذي عطي الياهل الكبير اهتمام وعلميه يهتم بالصغير ويحبه.. شاركيه بكل شي مع الصغير .. وخصصي يوم طلعي مع الكبير بروحكم وسولفي معاه وريه صوره واهو صغير شلون كنتو تهتمون فيه وايد وتحبونه وانه مازال ولدكم الكبير اللي تحبونه
هذا اللي ببالي الحين بقرا اللي طافني ويمكن تييني افكار
بس انا اللي ابيه اعلم ولدي اداب الاكل لانه كلش مايقعد عالكرسي عدل و يتكلم وايد واهو ياكل ..
نصيحه لكل الامهات وهالنصايح لي انا بعد
1- لاتقارنين عيالج بعيال غيرج .. وعموما كل اليهال نفس الشي .. واللي تقول ولدي حركي ترا طبيعي الياهل يكون حركي ويستكشف اللي حواليه ويبي يجرب ومايخاف شي .. اللي مو طبيعي اللي تشوفينه هادي وساكت
2- اطباعنا يتطبعون فيها عيالنا ... يعني مو يكون صوتج عالي ولسانج و الفاظج مو حلوه وتشتكين تقولين ولدي ولا بنتي يتكلمون باسلوب مو حلو او يقولون كلام مو زين ترا الياهل يلقط حتى لو كان لاهي يلعب ترا يسمعج شتقولين ويتخزن بذاكرته وتلاقين بيوم صدفه قال هالكلمه وانتي مستغربه من وين متعلم ؟؟ ترا متعلم منج سمعها بيوم وخزنها وطلعها بعدين مع الذاكره ... مره ثانيه الياهل يلقط الحجي كله ويخزنه فالاحسن ننتقي الفاظنا جدام الياهل
3- الياهل مايكون عصبي الا نتيجه لنفسيتج .. يعني اللي مشحونه من داخل راده من الدوام معصبه شي طبيعي بتأثر على جو البيت كله لانج بتنقلين الطاقه السلبيه اللي فيج كله لهم .. يعني عادي الياهل يبجي والثاني يعاند والثالث يصرخ والابو ماله خلق كله نتيجه لانتقال شحناتج السالبه لهم .. فالافضل قبل لا تدشين البيت تسترخين وتطردين كل الهموم وتبتسمين وتدشين البيت بسلام بصوت عالي و تنادينهم وتلمينهم وانتي مستانسه وشوفي شلون بيصيرون
4- اليهال لا تصرخين عليه اذا بغيتي منه شي وعاند سواء اللبس او السباحه او طلب الهدوء .. كل شي سويه بالمساحل .. اذا عاند ساحليه ومافي مانع تغنين او تلعبين معاه عشان الشي اللي تبينه .. مثلا انا ولدي لي بيتسبح اغنيله اغنيتنا مالت المدرسه اول (this is the way we wash our hand( كامله ويستانس عليها و شاريتله العاب من فنتاسي وورد حق السباحه ..اما اللبس اساحله وايد و ارغبه بالمكان اللي بنروحله حتى لو كان لبس بيجامه للنوم .. ارغبه بالنوم
5- الغيره .. الغيره تذبحنا احنا الكبار فما بالكم باليهال .. فعشان جذي عطي الياهل الكبير اهتمام وعلميه يهتم بالصغير ويحبه.. شاركيه بكل شي مع الصغير .. وخصصي يوم طلعي مع الكبير بروحكم وسولفي معاه وريه صوره واهو صغير شلون كنتو تهتمون فيه وايد وتحبونه وانه مازال ولدكم الكبير اللي تحبونه
هذا اللي ببالي الحين بقرا اللي طافني ويمكن تييني افكار
بس انا اللي ابيه اعلم ولدي اداب الاكل لانه كلش مايقعد عالكرسي عدل و يتكلم وايد واهو ياكل ..
