تبين عيالج يصيرون مميزين .. تعالي هني فيدي واستفيدي

[دارسين]

,وينكم عبق البنفسج والاخوات انطر اقتلااحاتكم

 

[دارسين]

ااااااااب

 

[EleGanZa]

خووووش موضوع وايد استفدت منه ^_^

بس انا ولدي عمره سنه و4 شهور تقريبا احس تو الناس عليه مو ..؟؟

وصاير اسم الله عليه شييييييييييييييييييييييييييطااااااااااااااااااااااااااان وكله يصارخ ويبجي


واذا ما حصل اللي يبيه يصير مينون !! وما يسكت الا لما اعطيه


اخاف هالعاده تكمل معاه لين يكبر



وفوق هذا انا اعلمه عالاكل الصحي وغيري يخرب ..! يشربونه بيبسي ومادري شنو @@


بس صج بحاول كثر ما اقدر ما اعطيه


وعلى البفك امبيه عندي جيس كامل منه @@ انا وريلي نحبه

وولدي بعد هيء هيء :"(

يعني خلاص من باجر مافي لوول

وللحين ما علمته على ولا شي !

والله يعيني هههههه


ويعطيج العافيه

 

[دارسين]

ااااااااااااب

 

[Ԏỡґἰᾷ]

آمهات ديروا بآلكم من العقاب بالنار

لان في حديث عن الرسول لايعاقب بالنار الا رب النار
فموووزين العقاااب بالنآر

انا عن نفسي ولدي عمره سنه اللعب معاه ويحبني
بس لمن ياخذي شي وانا مابيه ياخذه .. ما اسكت اخذه واعطيه نظرات معناها ( لا مايصير )

ابوه معلمه وهو صغير يمكن 8 اشهر شلون يتفل فستانس الولد وعباله شي حلو
فقمت اقوله عييييب فيضحك لي عباله شي زين .. اتجاهله والف ويهي عنه .. ومرات انفخ << ولدي يحب ينفخ
ومرات ابوس ع الهوا عشان ينسى التفال فهو من نفسه يغير يقعد ينفخ ههههههههههه

التربية من اول ما يستوعب الجاهل ويبدا يقلد لازم كل شي قدامه صح ..
وتعابير ويه الام له تاثير حيييل كبير

اذكر جته فترة لمن يبجي يحط اصبعه بخشمه هههههههههههه
و ع متعلمها من عيال حمااال صغار سنتين جن
فكنت اقووووله يعع والف وجهي فمااا فااد
قمت اطق ايده واقوله لااااا كخخخ
فيعاند جان اعض اصبعه هههههههههه بجااااا حييييييل
بس ما راضيته لان غلط تزفين او تاخذين شي ولمن يبجي تراضينه !!
لان بيعتبر البجي سلاح ياخذ فيه الي يبيه
خليه يبجي ولمن يسكت من نفسه لميه وقوليله غلط يماما مايصير
حتى لو مايفهم ترا بتبرمج بسرعه ان لا وغلط يعني ( ممنوع الاقتراب )
هههههههههههههههههههههههه
وعوديه من وهوا صغير ان كلمة شاطر و برافوا تاثر فيه وتخليه يستمر
انا توني اذا كبر ولدي وطلعت خطواتي لها تاثير برد اخبركم هههههههههههه

والله يوفقنا ع تربيتهم يآرب

 

[Bronze ● lady]

موضوع راقيييييييييييييي

 

[دارسين]

امممممممم

 

[بدوية بملامح كشميرية 86]

عبق البنفسج

الله يجزاااج خير
ويخليلج عياااالج ياااارب

 

[Roty]

مشكووورة عالموضوع

انا علمت بنتي اذا وصلنا بيت اهلي او حمولتي تبوس يدتها واذا خلصت لزوارة نفس الشي
وتفرش اسنانها
وتنظف ايدها وحلجها بعد الاكل
وتمشط شعرها
واذا بنطلع تمسك جنطه وتلبس نظارة اذا في شمس حبيبتي تكشخ تقلدني
واذا غلطت بشي اطقها باصابعي بس اثنين على ايدها شوي شوي اقولها دو دو اح يعني غلط هههههه


عبق حبيبتي شنو يعني بفك صيني ما فهمت بنتي تاكل فيكو وبوسفينه عادي ولا لا؟؟؟

 

[الطايف احلى]

الله يغين على تربيتهم ولدي الحين مطفشني. في ا?م?ء وان شاء الله لي عوده

 

[ميرور]

انا داخله هنيييي وانا اصييييييح

بنتي كسرت خاطري عصبت عليهاااا بالقو والله من القهر اللي فيني شليت السرير ورميته بالارض

وخليتها تنام بسريرها شليتها بالحيل وحطيتها فييييييه غصببب ،،، تمت تصيييح لحد مانامت


والحين انا اصيح لاني مضااااايجه من تصرررررفي



عمرها سنتين ونص ،،، بس مادري اشفيها اليوم وايد طوفت لها ،،، بس خلاص ضغطي ارتفع

اول شي ماتبي تتسبح المغرب وكانت برع يعني خلاص وقت الحمام ،،، يوم سبحت اخوها وافقت ،، قمت ابطل ثيابها تمت تصيييح وليش انا مابا توها كانت موافقه اففف
شوي ماتبيني ابدل لها البامبرز وتصيح هني ضربتها بايدي رفعت ضغطي
بعديين قلت لها اسكتي برقد اخووها عمره سنه وشهر من يسمعها مايرضى ينام
كان غافل وانا اخزها عشان تسكت بسسس مارضت عسب جي عصبت وحطيتها في سريرها

لانه هيه متعوده تنام في حضني بعدين اخليها في سريرها،،،


انا معلمتها ع العقاب بسسسس ودي امسك ايدي مااضربها حتى لو خفيف بسسسس شو اسوي من الضغط اللي اعيشه وياهم ،،،
مجابلتهم طوول اليوم ،،،



الظاهر انا كتبت مشكلتي هنيييه عكس المطلوب من الموضوع



ماودي اصيييير جاسيه عليها بسسس الواحد كم يتحمل ،،، كم اكتم الغصه في قلبي بتحوشني الامراض من هالعصبيه كل يوم

تررربيتهم صعببه صعببببه صعببببه

رفعت الرايه واستسلمت

 

[عبق البنفسج]

اعذروني كنت لاهية وايد بالفترة الأخيرة
ان شاء الله أرد عليكم كلكم بأقرب فرصة

 

[عبق البنفسج]

دارسين
بناتج ماشاء الله عليهم كبار ويفهمون .. فأحسن طريقة للتعامل معاهم انج تصيرين رفيجتهم .. عامليهم بالكلام الهادي، حضنيهم خليهم يشعرون بحنانج .. بوسيهم لاتكونين قاسية معاهم وبس تفرضين عليهم الأوامر
حبيبتي البنت تكون دوم محتاجة للحنان والتشجيع ..
قربيهم لج وحسيسيهم بحبج أكثر .. حتى في المطبخ خليهم يساعدونج بشغلات بسيطة .. اخذي رايهم لا بغيتي تشترين شي وهما معاج مثلاً قوليلهم شرايكم آخذ هذا ولا هذا ..
كل ماتقربتي لهم كل ماسمعو كلامج

ولاتفكرين تطقينهم وتزفينهم لأن العنيدين لازم تصبرين عليهم وتطولين بالج معاهم .. بس بالمقابل كل ما عاندوو حرميهم من شغلة يحبونها مثل طلعة معينة أو أكلة يحبونها أو كاكاو .. الخ
وكل ما اتعاند قوليلها اذا تحبيني وماتبيني أزعل عليج سوي جذي وهدي عنادج وزعلي منهم وحقريهم

الزهره الجميله
حياج معانا يريت تشاركينا

EleGanZa
لا أختي مو تو الناس ترى الياهل بهالعمر يفهم ..
وبهالعمر وايد شغلات تقدرين تعلمينه مثل أصوات الحيوانات .. اييي ولا .. الشغلات الغلط تبينيله بتعابير ويهج انها غلط واذا سوا شي صح تصفقيله .. تعلمينه أعضاء الجسم وين ايده وين ريوله .. الخ
وبنسبة للبيبسي وهالشغلات طلبي من الي يشربونه انهم مايعطونه ..
وانتي وريلج لاتاكلون البفط والخرابيط جدامه ولا تعطينه وايد يعني مرة باليوم كافي


لي عودة للرد على بقية الأخوات

 

[EleGanZa]

عبق البنفسج ..

تسلمين عالرد حبيبتي ..

انا اللي محبطني اني اعدل وغيري يخرب ..!!!

قام يطقني ويطق خدامته وابوه ..!!

يعني لو ريال غريب يقوله بصوت قوي اقعد يسمع كلامه ويقعد ..!

بس مايسمع كلام ابوه ولا كلامي ولا يرد على احد يعرفه شنو السبب مادري لووول


ويشوف الياهال يطاققون وقام يقلد ويطق

واذا خذيت منه شي او ما عطيته اللي يبيه يصرخ من قمت راسه والدموع اربع اربع وصوته يروح من الصراخ والبجي ويظل يحن يحن يحن يحن يحن خصوصا (( عالطلعه )) من الحين يحب الهياته هههههه


الله يعيني ويعين الجميع


التربيه صعبه صعبه وخصوصا بهالزمن

 

[Toulin RTN]

خوش موضوع
يعطيج العافية

 

[حياتي زوجي&ولدي]

يعطيييييكم العافيه بنااات صج ومشالله عليكم والله يتم عليكم ويحفظكم ويحفظ عيالكم

انا ولدي عمره سنه ونص بس شيطوووووون حييييل
شنو ممكن اعلمه وشلون اسوي له نظام يمشي عليه
ياليت تقولون لي يعني شنو اعلمه وشنو اسوي له ومتى ياليت تعطوني جدول حق هالعمر وشلون اعوده عليه

وملاحظه انا بيت حموله وفيه بيبيات مشاغبين حيل وموحلوه طبايعهم ولااسلوبهم
شلون اعلمه واكسسسسبه وماخليه يتعلم اشيا غلط

ومششششكورين وماتقصررون حبيباتي حيل استفدت منكم والله وحابه تعلموني اكثر ودي اكون ام احسسسن لولدي

 

[دارسين]

مشكوره عبق البنفسج عساج عالقوة

 

[حياتي زوجي&ولدي]

اب

اب

اب

اب

 

[عبق البنفسج]

Ԏỡґἰᾷ
صح كلامج أختي الياهل لما يكون صغير وخاصة قبل عمر السنة يلقط وايد شغلات فلازم احنا نكون حريصين بتصرفاتنا جدامهم
ومثل ماذكرتي المفروض اذا سوا شي زين نكافأة بالحجي الحلو وبالكلمات الي تأثر عليه وتخليه يستمر

Bronze ● lady
زيارتج لموضوعي هي الي راقية :eh_s(17):
ويريت تشاركينا

بدويه ستايل 86
العفو أختي ماسويت شي

Roty
حلوة بدايتج مع بنتج وان شاء الله كل ماتكبر تعلمينها أكثر وأكثر ..
البفك الصين الي هو البفك صناعة الصين أو ماليزيا أو أندونيسيا هذيل وايد مضرين بالصحة لأنهم يحتووون على مواد حافظة وألوان صناعية أما بفكنا المحلي مثل بوسفينة أو فيكوو مافيهم هالشغلات .. المهم انتي لاتشترين أي بفك يكون فيه مواد حافظة وألوان

الطايف احلى
بانتظار عودتكِ

لاهوبه
بنتج محتاجة حنـــــــــــــــــــــــــــــــــــان ومعاملة أحسن من الي تعاملينها .. عطيها حنان وحجي حلوو وساحليها وهي بتسويلج الي تبينه .. يعني اذا بتسبحينها وقامت تعاند ماتبي روحي معاها الغرفة وساحليها خليها تطلع بنفسها حفاضتها وهدومها وتجهز فوطتها وكريمها وعطرها وقوليلها يلا تعالي تسبحي عشان تصيرين حلوة وريحتج حلوة ومن هالحجي الطيب ..
واذا بتنومنينها هم بالمساحل قوليلها يلا الحين صار وقت النووم وقوليلها قصة صغيرة ونوميها بحضنج وعقب وديها سريرها
الشغلة الثانية حاولي كثر ماتقدرين تقسمين وقتج وتمشين كل شي بالوقت عشان انتي لاتتعبين معاهم .. بظمي نومهم يعني عالساعة 7 بالكثير 8 لازم يكونون نايمين .. ونفس الشي بالنسبة حق أوقات أكلهم واذا تقدرين دخلي بنتج حضانة واختاري لها حضانة زينة وتعلم مو حضانة بس يخلونها يلعبون

EleGanZa
أحس ولدج حركي وفيه طاقة فقاعد يفرغ هالطاقة بالطق والشطانة
نصيحة لج جربي الشغلة الي بقولج اياها لمدة اسبوع وعقب عطيني المستجدات الي تصير مع ولدج ..
روحي محلات الألعاب واشتري ألعاب ذكاء متوافقة مع عمر ولدج .. اشتري ألوان ودفاتر تلوين .. أخذيله تركيب، اخذيله سيديات وببايات وبارني وحاولي تشغلين كل وقته بهالشغلات .. وقعدي انتي معاه لعبووو مع بعض وشووفوو تلفزيون مع بعض ولوني معاه .. واذا سب أو طقج سوي نفسج زعلانة منه وهديه وروحي واذا لحقج روحي بالغرفة ولا تخلينه يدش معاج وفهميه انج وايد متضايقة من هالتصرف ..
طبقي هالشغلات وعطيني الرد عقب اسبوع :eh_s(7):

Toulin RTN
الله يعافيج

حياتي زوجي&ولدي
حاولي كثر ماتقدرين تسولفين مع ولدج حتى لو مايفهم شقاعد تقولين
أنا مرات آخذ بنتي معاي المطبخ وأقعدها عالكراسي وأشرح لها شلون أسوي الأكل وأنا أطبخ أوقلها أول شي تحطين البصل وبعدين تحمسين وووو الخ .. المهم أسولف معاها ..
الشغلة الثانية الي قلتها حق كل العضوات علميه أعضاء جسمه يعني قوليله وين عينك وخليه يأشر عليها .. وين خشمك وين ايدك وان شاء الله خلال اسبوع أو أقل بيحفظهم ..
عندج أصوات الحيوانات كل يوم علميه صوت واحد مثلاً وريه صورة قطوة وقوليله القطوة شتقول تقول مياوو .. البقرة تقول مووو .. الجلب يقول هاو هاوو ودجذي كل يوم صوت وكل يوم راجعي معاه الأصوات الي طافت ..
علميه الكلمات البسيطة مثل ايي ولا ويس ونوو واذا غلط يقول سوري أو آسف واذا يابلج شغلة قوليله شكراً وخليه يقول عفواً ..
علميه اذا دش مكان يقول السلام .. قبل لا توكلينه قوليله قول بسم الله عقب الأكل خليه يقول الحمد الله وعقب الأكل قوليله يلا نروح نغسل ايدنا ..
عمليه 12345 بالعربي والانجليزي .. عقب مايتبح قوليله نعيماً .. المقصد كل مايسوي هالشغلات عيدي الحجي عليه عشان يحفظهم ويقوم يسويهم من نفسه
اشتريله أشرطة تعليمية حق الي بسنه ويستحسن انها تكون بالعربي ..
واذا سواا شي غلط حسسيه انج متضايقة ووخري عنه أو قوليله لااااا أو نوووو أو بينيله من تعابير ويهج انج متضايقة وماتحبين هالشغلة ..

دارسين
الله يعافيج ويريت تتواصلين معانا وتعطينا الي يصير معاج أول بأول

 

[حياتي زوجي&ولدي]

عببق


ياقلبي مشششكوره عالنصايح وان شالله ببدا اسوي اللي قلتي لي واقولج شيصير 


بس ماقلتي لي اشلون ماخليه يتأثر بالجهال اللي معاه بالبيت وسلوكياتهم...؟