السلام عليكم ورحمه الله وبركاته
شلونكم بنات ؟؟؟
حبيباتي حابه اعطيكم نصايح تخليج تعيشين حياتج بتفاءل وتغير نظرتج للحياه بحيث تكون
نظرتج
لها
( إيجابيه ) و قبل كل شئ ترا يعتمد على نفسج وقناعتج اذا صج تبين تغيرين 
يلا بسم الله الرحمن الرحيم
أول شئ : تفكيرج !! يعني شنو ؟؟ تغيرينه!! اوكي شلون ؟؟ أنا اقولج
أبسط طريقه ع شان تبدين بالتفكير الإيجابي و تغيرين نظرتج و بكل الظروف أهي
( البرمجه )
يعني شنو ؟؟ تبرمجين عقلج على أن : الحياه حلوه
مثال : أنتي داخله على مرحله جديده وصعبه مثلا ( للطالبات ) لأني طالبه فـحطيت هالمثال
شنو راح يكون رايج ؟؟ بتقولين اي اكييد صعبه ومادري شنو !!
طبعا هالكلام كله غلط : اوكي صعبه وبعدين؟؟ مايبيلها دراسه ؟؟ لا أكيد يبيلها ويبيلها جهد
بعد
بتبرمجين عقلج وتقولين لا بالعكس راح تكون سهله وحلوه لأني قادره أخليها جذي
بالجهد والدراسه
إوكي الحين خلصنا البرمجه !!
ثاني شئ : المشكله !! هالإسم يضايق صراحه صح ولا لأ
اوكي المطلوب: غيري المفهموم لا تقولين مشكله قولي ( تحدي )
تدرين ليش تسمينها تحدي: لأنج قادره تحلينها وتطلعين كل ابداعاتج فيها
يعني بختصار : اعتبري المشكله ( تحدي ) ناطر ابداعاتج :ggdw:
إنزين ثالث شئ؟؟
( الخوف و القلق )
:eh_s(6):
تأكدي أن القلق والخوف : ( اكبر عدو للبشريه وكارثه بحد ذاتها )
لأن ببساطه يدمرج و لأن الخوف والقلق : بكبره ( تفكير سلبي )
و بعدين الخوف دليل على انج تبتعدين عن الإيمان بقدره الله
لا تخافين ولا شئ : خلج مؤمنه بالله دايما وأحسني الظن بالله و خلج مؤمنه بنفسج
وبقدراتج
حطي ببالج : ( الله معاي دايما ف ليش اخاف )
إوكي ورابع شئ؟؟
الثقه
1- ثقتج بالله أولا
2- ثقتج بنفسج !! إوكي شلون؟
حطي ببالج أنج مبدعه أي لا تضحكين ولا شئ أنتي صج مبدعه بس مو قادره اتشوفين
هالشئ ( لأنج تشوفين سلبياتج وعيوبج ) وتشوفين غيرج
يعني: بتحققين كل أهدافج وطموحاتج لأن:
1- الله ربج وبيساعدج أكيد
2- لأنج مبدعه
و نصيحه : ( لا اتطالعين غيرج وتقولين ياحظها ولا جذي )
بالعكس: حطي ببالج أنج تقدرين تصيرين أحسن
---------------------------------------------------------------------
---------------------------------------------------------------------
أدري طولت و اذا تبوني أكمل بكمل إن شاء الله
بس أتتظر ردودكم
:eh_s(7):
التعديل الأخير:
