تبليسا -التشيك نبي اماكن

[اميرة الغيد]

السلام عليكم ورحمة الله وبركاته

عزيزاتي حبيباتي عضوات منتدانا الحلو نبي مساعدتكم
صديقتي الحين بالتشيك منطقة تبليسا تقول ملل وزهقه مو عارفه الاماكن اللي هناك
ياريت اذا في احد رايح لهالمنطقه يقول لنا شنو احلى الاماكن هناك اهيا تبي اسواق او اماكن ترفيهيه
عيالها معاها اذا في مكان يناسبهم او اماكن سياحيه ياريت تقولون لنا عنهم
ومشكورين مقدما بس تكفون لا تطنشون ابي ردودكم عشان ابلغها بالاماكن

:0bee2e8d89: :0bee2e8d89: :0bee2e8d89:

 

[اميرة الغيد]

اشدعوه احط الموضوع من امس محد يرد علي
المره قاعده تنطر ردودكم عشان تروح عفيه لاتطنشون

 

[بييسان]

هلا حبيبتي
في العاصمه براغ فيها شارع كله مجمعات صغيره ومحلات يم بعض وفي منطقة كالوفاري فيها الكرستال والسكاين الكريستال والفناجيل والاكسسوارات الشوارفسكي ومناظر روعه ونهر ومنطقة تبليسه فيها بحيرات فظيعه خليها تسأل اهل المنطقه عنها اذا تبي تتفخ خدودها في منتجع ومركز قيصر في تبليتسه يسويها ب120 دينار روعه يابلاش وفي مجمع في براغ اسمه خودوف اكبر مجمع في براغ وفيه محل تقليد الماركات درجه الاولى وفي الجسر في وسط براغ اشهر جسر في التشيك فيه رسامين يرسمونج رسم عادي او ملون او كاركتير واي شي ثاني انا حاضره دزيلي رساله عالخاص

 

[اميرة الغيد]

مشكوره عزيزتي على الرد ماقصرتي

 

[shorok]

احلى مكان و انظف مكان بالتشيك مدينة كارلوفيفاري ، وايد هادية و احسن من تبليسه و المصيبه هناك بالتشيك الأسواق السنعه تحصلينها في براغ ، في شارع اسمه شارع باريس كله ماركات و مقاهي وبالنسبه للطلعات في كارلوفيفاري مافي الا رحلات للمزارع و الغابات و في كمان مصانع العسل و الشموع و في معرض للكريستال و الأواني الصينيه

 

[اميرة الغيد]

حبيبتي shorok مشكوره على الرد بس صديقتي راحت قبل كم يوم حق كرلوفي فاري تقول مو حلوه ، اهيا الحين تبي اماكن في تبليسه وبراغ ، مشكورين واتمنى اللي تعرف او راحت تعطينا معلومات .