تبادل الخبرات

[ام يارا]

الحمدالله وانتي شلونج حبيبتي ؟

 

[هتووف]

بخير الله يسلمج

رحتي لفوزيه القطان صح انتي اول مره تروحين لها ولا كنتي تراجعين عند دكتوره ثانيه؟؟

 

[سراج الليل]

ألوووووووووووووووووووووو

 

[سراج الليل]

أم يارا

توكلي على الله والله هالدكتوره ترررررررررررررررررررررررررررريح اللي اسمها شيماء

 

[سراج الليل]

أم يارا أنتي ليش تأخر الحمل عندج ؟

 

[ام يارا]

لا الشهر اللي طاف كان اول مره اروح لدكتور رحت السلام

وعندهم دكتور اردني نسيت اسمه , شاف تحاليلي

قالي مافيج شي بس هرمون الحليب مرتفع شوي

وعطاني حبوب لهرمون الحليب و كلوميد

الشهر هذا قلت بجرب فوزيه و كانت اول زياره لي عندها حولوني عند شيماء

قالت لي هرمون الحليب نزل عندي بس ليش يعطيج كلوميد المفروض اول شي انزل الهرمون وتالي الشهر اللي بعده كلوميد

وسوت لي منظار و قالت كل شي طبيعي عندي بس باجي اروح اسوي المسحه عشان المزرعه والله كريم


وانتي توفي منو دكتورتج ؟

 

[هتووف]

انا اروح طيبه

 

[ام يارا]

الفارسيه انا بدايه زواجي بالشهر الاول حملت والجنين ما كمل شهر واسبوعين

واجهضت على طول , و صارت خلافات بيني وبين ريلي و انفصلنا سنه و 8 شهور

والحين لنا 6 شهور ردينا لبعض وما صار حمل الله واعلم شنو السبب

بس تحاليلي كلها سليمه الحمدالله

وانتي الفارسيه شنو سبب تأخر الحمل عندج ؟

 

[ام يارا]

توفي شنو المشكله عندج ؟

 

[هتووف]

ام يارا
الدوره مو منتظمه

 

[ام يارا]

مشكلتج حيل سهله شكثر صارلج تعالجين ؟

 

[سراج الليل]

أنا فبداية زواجي كنت أشتكي من عوار بظهري ولرحت لدكتوره وقالت مافيج قرحه وقلت بالمره بفحص وقالتلي مافيج شي

بعدها بفتره رحت دكتوره ثانيه بس قالتلي البويضتج حجمها 13 ونص وباجي هرموناتج زينه وقالتلي اخذي كلوميد لمدة شهرين بس أنا خذيته شهر وتركته

والثلاثا رحت عيادة فوزيه ودشيت على شيماء وحييييييييييييييييييل ارتحت لها وسوت لي سونار تبويض وقالت البويضه عندج زينه ومايحتاج أعطيج ابره تفجيريه

بس خذت مسحه مني لأنها تقول احتمال فيني التهاب واهوا اللي مأخر الحمل عندج وقالتلي لازم يصير جماع لمدة3 أيام

وبما إنه زوجي مدخن قالتله لازم تسوي تحليل للحيوانات المنويه

 

[سراج الليل]

بنات ياحرام مقعده زوجي وهو وده ينام

أقوله اطر الصلاة عشان نصلي وبعدها .........

ويقولي ماشالله عليج تسمعين كلام الدكتوره

 

[ام يارا]

الفارسيه

ما سويتي اشعه صبغيه ؟


شلون طريقه المسحه وتعور ؟

لانها قالت لي اول ما أنظف راح تسويها لي يعني السبت ان شاءالله

 

[سراج الليل]

والله ياأم يارا ماتعور بس بعد مارديت البيت ذبحني العوار وكل شوي داشه الحمام تخيلي بال5 دقايق أدش 3 مرات ولما أبول ( تكرمين ) أحس بموت ودم ينزل معاي ورحمي أحسه بينفجر

بس شعور أول مره أحس فيه

بعدها يرد كل شي طبيعي

 

[ام يارا]

لووووووووووووووووووووول الفارسيه يا حلوج


الله يهديه و يسخره لج و يهنيكم و يكتبلج الذريه الصالحه

روحي حبيبتي لبسي و كشخي و شويه دلع وتصير امورج اوكي

 

[سراج الليل]

أم يارا تعبت كل يوم كاشخه

اليوم بنسوي طرقة الناس اللي قبل بنام يمه ولازم ألصق فيه وجم أه وإيه وتصير الأمور تمام



ههههههههههههههههههه

 

[ام يارا]

وااي لهدرجه الله يستر يعني بيومها ماراح اداوم


اهم يفتحون لي الساعه جم بليل ما عندج فكره

ودي اروحلهم ع الساعه ست المغرب بس اخاف زحمه

 

[سراج الليل]

أنا دشيت عليهم عال 7 المغرب ووصل دوري بال8 وشي

 

[سراج الليل]

يووووووووووووووووووووووووه حسدت نفسي زوجي بينام