تافخه شفايفي دائم وبشيله

[popa]

السلام عليكم
بنات منو مجربه تشيل التفخ الدائم حق شفايفها او حق خدودها
انا قالولي ماينشال الا بجراحه بس ابي دكتور شاطر واسعاره مناسبه

 

[طفشت90]

كيف سويتيه دايم؟؟
و ليش هونتي الحين تبين تشيلينه؟؟

 

[سمر الجابر]

الله يهديك ليش سويتيه دايم ! ماأبغى أخوفك بس نوال الزغبي سوته ولها أكثر من 9 سنوات تحاول
تشيله بس ماراح أن شاء الله العملية تفيدك وتتخلصين منه واذا مو مشوهك انصحك ماتخسرين على
العمليات لأن يمكن مايروح

 

[ميمو القصيم]

ابرة تذوبها...عادي...اذا الحقن الفيلر كان هالورنيك.....روحي للعيادة فيها ابرة تذوبه

 

[أحلى عيون]

حطي ثلج على الشفايف ويخف

 

[بحرينية بحرانية]

شنو المادة اللي استخدمتيها
انا سالت اكثر من دكتور قالو ما في مادة دائمة

 

[ساره العامر]

في بنت مسويه عنوان تسال مثلك وانا حابه ارفع ^^ممكن تستفيد

 

[دغيسه]

دكتور ايمن ابوا المكارم دكتور مصري زائر مستشفى الراشد الي بالسالميه شارع عمان جنه يسويها اب 500

دقوا على مستشفى وسألوا

مع السلامه مادش وايد الموقع

 

[Jojo1000]

ياربي وش سالفتكم مع الحقن الدائم
كم لك سنه واسم الماده يمكن مو دايم لان حقنت شفتي اللي فوق من سنه وخفت انه دايم رحت دكتوري قال مو دايم لانه هادرولك اسد جوفا ديرم يروح بمرور الوقت وفيه ابر تذوبه إذا ما عجبك
والله ما حب اسمع عن الحقن الدائم لان مره شكيت بنفسي انه دايم رغم انه خف ومو باين أبدا ولا احد درا عني أني نفخت بس من كثر ما اسمع سوالف صرت أخاف من شي اسمه ابر لان فيه دكاترة ما عندهم ضمير تطلبهم الوحدة موقت يحطو مواد ممنوعة دوليا
الله يفك كربتك لان مريت بها الإحساس من كثر ما وسوست أني حاقنه دايم

 

[popa]

بنات سويتها وراحت ردت شفايفي حلوه نفس قبل ياحلو الطبيعي

 

[فطمطم]

بنات سويتها وراحت ردت شفايفي حلوه نفس قبل ياحلو الطبيعي

الحمدالله على السلامه يا قلبي
بس كيف سوويتيها جراحه ؟؟؟

 

[شبيهة ديمة بشار]

الله يهديكم طيب في ارواج تنفخ الشفايف بس مؤ قت ليه ما تاخذونها بدال الابروجع الراس وتخلي شفايفك طبيعيه انا ماجربتها بس شفتها على بنات عمي
وانشاء الله احد يفيدك ياعسل

 

[Esraa.a]

بنات سويتها وراحت ردت شفايفي حلوه نفس قبل ياحلو الطبيعي

شنو اللي سويتيه بالضبط وعند منو ؟؟ ممكن تفيدينا حبيبتي

 

[فجرر]

الله يهديكم طيب في ارواج تنفخ الشفايف بس مؤ قت ليه ما تاخذونها بدال الابروجع الراس وتخلي شفايفك طبيعيه انا ماجربتها بس شفتها على بنات عمي
وانشاء الله احد يفيدك ياعسل

ممكن اعرف من وين اشتري هالرووج ؟


:eh_s(17):

 

[شبيهة ديمة بشار]

]



هاذا قلوس فرنسي بنت عمي طلبته من النت من موقع فرنسي بس تقول نست اسمة لانه صعب لاكن سوي بحث في قوقل رح تلاقينة وشوفي اذا في حريم يبيعونه

بس ماشاء الله روعه وبس انشاء الله اكون افدتك :eh_s(22):

 

[keka89]

رفيجتي سوت عمليه وشالت خدودها كانت تافختهم دائم سوتهم ب 500 دينار جنه