تاخذ عزيز و لا حمد؟؟ مطلوب رأي الحكيمات في الحب و الزواج

[اخت-اخوها]

انا براي انها ما تاخذ ولا واحد

عزيز عسر وماراح ترتاح وفوق هذا اهو جرحها مستحيل تنسى( 6 سنين ما نست)
حمد يدري عن علاقتها بعزيز سو راح يصير شك
ولكن انا كان ولا بد انا اقول حمد احسن

 

[Stylista_Q8]

لا تاخذ ولا واااحـد

لنه حمد قام يعرف بخرابيطهاا والله يهديهاا

 

[@ام ضاري@]

ياويلي عليك ياحمد صج الحب جنون

بس اذا القصه حقيقيه ونتظر الاجابه

خليها تستخير بين الاثنين مع ان عزيز مستحيل الوحده تفكر تتزوجه دام صفاته جذي

وحمد مشاءلله عليه بس خوفج لاتزوجته مع مرور السنين يعيرها بعزيز

مثل سالفة وحده كتبتها رجلها يعيرها بفلان اللي اهو كان قبل الزواج حياتها

اهي الحين بحيره

دام حمد المخلص المحب الشهم ماراح اتزوجه واهي فرح تركض ورا عوطفها لعزيز

اقولها لا تزوجين لا هذا ولا ذاك لان اهي الحين تختار عزيز بقلبها وتفكر بعقلها بحمد

يعني صارت بين نارين ...بس هي غلطانه من البدايه مع حمد ليش تعلقه فيها دام بحياتها شخص

ويمكن لا تزوجت عزيز يتغير ويصير احسن من حمد ماندري

بس ماخااااااااااب من استخار خل تستخير كثيرر

 

[najdeya]

مشكورين على النصيحه و الاسلوب الراقي.... ما قصرتوا

بصراحه انا مادري على اي اساس هي قررت بس معزمه تبي عزيز ... الله يوفقهم و يرزق حمد باللي تستاهله

 

[ميس الريم]

الله يعنيها

صج يقوولون خذي اللي يحبج ولا تاخذين اللي تحبينه

انا مع هاي الكلام

لان المره غير عن الريااال

المره بسرعه بتحب ومشاااعرها غير عن الرياال

بس المشكله ان حمد عرف عن عزيز

ولو ما كان يعرف عن عزيز كان قلت لج تاخذ حمد بدون ما تفكر

بس المشكله حمد يعرف السالفه

وهي باعته عشان عزيز

وعزيز هيه مو قادره تتحمل تصرفاااته

اما انها تتعود ع تصرفات عزيز وتكمل معاه

او انها توضح السالفه لحمد وتبرر له وتكمل مع حمد

والافضل ان لا حمد ولا عزيز

بس ادري انها صعب انها تتخلى عن الاثنين

واهم شي

تختااار وااااااااااااااااحد وتكمل حياتها معاه وتنسى الثاني

والله يوفقهاا

وخبريناااا شنو يصير معاها

 

[*peace*]

حمد طبعا

والبنات قالوهاااااااااا

اخذي اللي يحبج مو اللي تحبينه ينكد عليج عيشتج

 

[vogue grl]

تاخذ (حمد) الي يحبها افضل لها وانشالله تاخذه وتتوفق معاه

 

[أم حمد =)]

واي القصه تعور القلب

بصراحه الاختيار صعب !

طمنينا ..

 

[تويكس]

اخذي اللي يحبج ولا تاخذين اللي تحبينه

وخليها تستخير والله يكتب لها اللي فيه الخير ان شاء الله

 

[bent_ayawed]

انا من رايي تاخذ بريييييك مو اقل من شهر تقعد فيه مع نفسها او تفكر .. هذا زواج عشرة عمر مو يوم ولا يومين , قوليلها تسكر جهازها هالفتره او ترتاح تصفي حساباتها ولا تكلم احد فيهم لين تعرف تميز اهي شنو قاعده تسوي مرات الوحده تحت الضغوط ماتقدر تميز بين الصح والغلط .. المشكله اهي تميل حق عزيز لو ماتميله جان قلتلج تاخذ اللي شاريها او يبيها بس مع هذا اهي بطت البرمه حق حمد وقالتله عن علاقتها بعزيز ماتدري باجر مع الوقت ممكن يتضايق حمد بينه او بين نفسه .. خلها تستقر او تصلي استخاره وربي ايسر اللي فيه الخير ان شاءالله

 

[miss_jamsheer]

شوفي اذا عن رايي تاخذ حمد بس لو انا اللي صاير فيني راح اخذ عزيز للاسف انا افكر بقلبي موبعقلي

 

[نورهـ]

ولا واحد فيهم
الاول نصاب وينخاف منه وراعي حريم
والثاني ساذج وغبي واذا خذاها فهو ديوث لانه يدري انها تكلم غيره
وسلامتج

 

[chunkeya]

طبعا لا تفكر يعزيز لان مبين انه عسر وجاف
وعنده سوالف وايد
واهو قبل كان يكلم وحده قبل لا يكلمها ومثل ما يقولون " من خان لاجلك يخونك "
اما حمد من البداية موقفه واضح وصريح ودخل من الباب بدليل انه من اول سبوع قال اخلي امي تييلكم !

 

[يــاغربـــالي]

ليش عزيز انقطع عنها 6 سنين لو كان يبيها صج جان دور عليها وخطبها /

اهي غلطانه لما قالت لحمد انها تحب عزيز / لوماقالتلها جان تطلع علاقة زواج ناجحه بس حسافه!

بالأخير/ حمد أنسب من عزيز

 

[يــاغربـــالي]

ولا واحد فيهم
الاول نصاب وينخاف منه وراعي حريم
والثاني ساذج وغبي واذا خذاها فهو ديوث لانه يدري انها تكلم غيره
وسلامتج

صعبه يكون في ثنين واحد تحبه وواحد يحبها

وتصد عنهم كلهم / لو تفكر بعقل شويه راح توصل للحل

 

[najdeya]

مشكورين على النصيحه و المشراكه

و مثل ما ذكرت هي معزمه تبي عزيز ... ادعوا لها الله يوفقها و يرزق حمد و يعوضه باللي تستاهله لانه بصراحه خوش ريال

 

[RaAaRy]

الله يوفقها ان شالله ويعوض حمد ان شالله باللي تستاهله سبحان الله ما ندري وين النصيب الله يوفجهم كلهم يارب

 

[صباح الليل]

طبعا تاخذ حمد تكون غبيه اذا خذت عزيز
بعد عمري عور قلبي اللي مثل حمد نادر هالايام
قوليلها خل تفكر عدل وتستخير ربها قبل الا تاخذ اي قرار
ترا لي فات الفوت ماينفع الصوت
خل تتبع عقلها مو قلبها
والله يكتب اللي فيه الخير انشالله

 

[new^mom]

خل اتوخر عن الاثنين وتشوف نصيبها وين

 

[najdeya]

تسلمون ما قصرتوا