تاجرات نفسيه

[اميرة-الاحجار]

السلام عليكم

الصراحه مقهوره من بعض التاجرات الي يسامحهم

اشدعوه شهالنفس ..؟؟

قالو لاتدقوون وقلنا ماعليه اكيد فيها احراج لنا ولها ويمكن المره مشغوله ولا لاهيه ويا زوجها وعيالهااا ولا رايحه زواره


قالو طرشو مسج بالعنوان والطلب قلنا اوكي

لان الرسايل الخاصه ماترد الا ثاني يوم خصوصا اذا مستعيله عالقطعه ..

بس توصل لي درجة انج تستفسرين عن القطعه وتحقرج اشدعوه يبااا ؟؟

مثال وحده من التاجرات بدون ذكر اسامي


طالبه منها قطعة ملابس ..!!

ردت علي ثاني وقالت باجر المندوب يوصلها لج



صار باجر وطرشتلي مسج ان المندوب مايقدر اي اليوم


قتلها مو مشكله اختي بس متى راح يمر باجر عساس اكون متواجده بالبيت

طبعا الاخت لا ردت بمسج ولا حتى رساله خاصه

واتفاجأ اليوم الاصبح وانا بالدوام ان المندوب واقف عند باب بيتنا ://

يعني احرجتني الصراحه لا عطتني خبر

والريال فقير طاق دربه وواصل المنطقه العاشره وانا دوامي بحولي ..!!

ولا بلغتني متى راح يتواجد المندوب

اشدعوه ؟؟


لايكون متصدقه علي ..؟؟

خو بدفع فلوس القطعه وفلوس المندوب ..؟؟

والتعامل اكس الصراحه

سامحوني عالقرقه بس والله انقهرت

حتى الي معاي بالدوام قالو عيب هالطريقه لو منج ماناخذ منهااا



طبعا هاذا مايشمل كل التاجرات

بالعكس في بعض رقي مو طبيعي بالتعامل

لي درجة ان وحده من التاجرات ماحصلت مندوب وطرشتلي الشغله الي ابيها بنفسهااا فديت قلبهااا


بس اذا غيرها مستخسر الرصيد وهاذا من حقها ماتقدر ترد على الف وحده

ترى الرسايل الخاصه ابلاش


عبري زباينج ردي عليهم


شدعوه


<<هدي :weight_lift:​

 

[حجيه هيونه]

ماتدرين يمكن كان عندها ظرف

<-- وحده من الناس كانت ترد على مسجات البنات وطلع اخر شي تلفونها مهنق مايرسل
وكل شوي تدق وحده تزفني لوووووووووول وانا والله كنت ارد عليهم لين شريت تلفون جديد بس عشان ما اتوهق واوهق الناس

 

[اميرة-الاحجار]

اي والله مو خوش وهقه ..!!
وكسر خاطري المندوب الصراحه ://

 

[tmtmt]

شدعوه عليج هابه عليها جذي

كل المسجات الي ادزينهم حق ربعج ولا اهلج يوصلولهم ؟؟
ما في مره قالولج ما وصلنا المسج !!!!

يمكن ما وصلج مسجها

اخلق لاخيك 70 عذرا

 

[بنت الاحلام]

بعد قلبي والله حاسه فيج شي يقهر


بس اكيد مو انا < اول شي ما ابيع نملابس ثاني شي الكل يشهد لي نفسي حلوه واحب اكركر مع الزباين واخذ واعطي


< تدور السوالف

بس ميخالف التمس لاخيك 70 عذرا
يمكن المندوب الذكي موصيته ورايح لج بدون ما تدري
اهو صار لها ضرف او مريضه او شي


سبحان الله الدنيا ما تخلو

المندوب المفروض يتصل قبل ما يروح المكان انا جذي احرص ع المندوبين

 

[الحــــياة]

ما كسر خاطري الا المندوب؟؟
بس هم المفروض تبلغج متى يوصلج المندوب شوفي انتي طلعتي موجوده بالدوام الطريقه كلها غلط بالغلط..

 

[جـــواهر]

مادري شحادج ع التاجرات والسوق فاتح حلجه

 

[اميرة-الاحجار]

شدعوه عليج هابه عليها جذي

كل المسجات الي ادزينهم حق ربعج ولا اهلج يوصلولهم ؟؟
ما في مره قالولج ما وصلنا المسج !!!!

يمكن ما وصلج مسجها

اخلق لاخيك 70 عذرا

اي حبوبه كل المسجات قاعده توصل والي مايوصل يبين عندي انه ماتطرش

شكرا على مرورج

 

[اميرة-الاحجار]

بعد قلبي والله حاسه فيج شي يقهر


بس اكيد مو انا < اول شي ما ابيع نملابس ثاني شي الكل يشهد لي نفسي حلوه واحب اكركر مع الزباين واخذ واعطي


< تدور السوالف

بس ميخالف التمس لاخيك 70 عذرا
يمكن المندوب الذكي موصيته ورايح لج بدون ما تدري
اهو صار لها ضرف او مريضه او شي


سبحان الله الدنيا ما تخلو

المندوب المفروض يتصل قبل ما يروح المكان انا جذي احرص ع المندوبين

ههههههههههههههه

شي طبيعي مو انتي عمري

اي المفروض يتصل او عالاقل اهي تبلغني ان بيمرني بالساعه الفلانيه

مو حده حده

حتى لو بطلعله من الدوام ماراح الحق من حولي لي المنطقه العاشره

 

[اميرة-الاحجار]

ما كسر خاطري الا المندوب؟؟
بس هم المفروض تبلغج متى يوصلج المندوب شوفي انتي طلعتي موجوده بالدوام الطريقه كلها غلط بالغلط..

اي والله كسر خاطري حيل فقير طاق دربه لي بيتنا << ساكنه باخر الدنيا
احس بغى يبجي يوم قتله مر العصر
يقول والله يا اختي طريج بعيد << شرد عليه والله كسر خاطري مسكين