تاثير فرق العمر

[حبي حبيبي]

السلام عليكم

شلونكم صبيا و امهات و بنات :eh_s(7):

طبعا كل وحده من البنات لها راي بموضوع فرق العمر بين الزوج و الزوجه

شنو تفضلون ان يكون الزوج كبرج او اكبر و شكثر الفرق!

وليييش

واللي عندها تجارب لها او لغيرها تكتب الاسباب

السبب اللي خلاني احط الموضوع بنت عمتي متقدملها واحد زين من كل النواحي بس اهيا متردده لان اهوا اكبر منها بجم شهر بس
وهل لها حق ترفضه لها السبب بس !
اهيا شايفه ان عقها اكبر من عمرها و خايفه يكون عقله صغير بالنسبه لها لان كبرها تقريبا بالعمر
شرايكم !!


بانتظااار الردوووود
​

 

[نـعـومـه]

بنسبه لي حلو يكون اكبر ب ٤ ٥ سنين بس مومعناته مقياس ان لازم هالعمر يكون عشان ينجح الزواج

واذا اكبر منها بالاشهر هم لا مانع يمكن يكون زين ختشوفه وتقرر

 

[ايشآ]

فرق العمر عمره ما كان معيار للرفض والصراحه انا برايي كلما كان الريال اكبر عن حررمته كل ماكان أفضل
لأن معروف ان الحرمة بسرعه تكبر ويبين عليها وفوق هذا عقلها يكون اكبر من سنها ..

بس اذا الريال زين واموره طيبه خلها تستخير وان شاء الله الله يوفقها

 

[ظبية بوظبي]

عن نفسي ابدااا ما اطيق الرجال الكبير
كنت اتمنى طول عمري ان يجيني واحد انا وهو في نفس العمر
والحين صرت بعد اتمنى لو يجيني الي اصغر من عمري بسنه او سنتين

بروحهم شايفين حالهم ومسوين نفسهم ابو العريف
ومستقلين بعقل المراه
بعد اجيب لي واحد اكبر مني وله خبره اكثر مني فالحياه عشان انغث
حلاته ما يكون كبير يجي ثقيل وممل
ومن ناحيه ان العمر بياثر في شكلنا والله الرجال لو بغى يتزوج بيتزوج لو انتي ملكه جمال ولو حتى اصغر منه


ومن ناحيه رغبتش تعرفين اذا في بنات تزوجوا بازواج اصغر منهم
بقولش ااااااااي
اخواني كلهم تقريبا حريمهم اكبر منهم
الي 3 والي ب 4 سنين
وحياتهم طبيعيه
ما عدى الاخيره متفلسفه وحتى اهلها يشتكون منها


وعرف وحده كانت تقول لي ان زوجها اكبر منها بحول 10 سنين
تعبت معاه حتى ضعفت
قالت اضطريت اكبر عقلي عشان اوصل للفهم الي وصل له
بالله الحين اش فايده عمرها الصغير وهي روحها شاخت


و وحده ثانيه تقول لي اخوي يقول لي ترى كل حركاتش فاهمها لان مريت فيها فلا تحاولين تستذكين على
اقول لش خليها تاخذ لها زوج اصغر ارحم لها

 

[حبي حبيبي]

بنسبه لي حلو يكون اكبر ب ٤ ٥ سنين بس مومعناته مقياس ان لازم هالعمر يكون عشان ينجح الزواج

واذا اكبر منها بالاشهر هم لا مانع يمكن يكون زين ختشوفه وتقرر

فرق العمر عمره ما كان معيار للرفض والصراحه انا برايي كلما كان الريال اكبر عن حررمته كل ماكان أفضل
لأن معروف ان الحرمة بسرعه تكبر ويبين عليها وفوق هذا عقلها يكون اكبر من سنها ..

بس اذا الريال زين واموره طيبه خلها تستخير وان شاء الله الله يوفقها

عن نفسي ابدااا ما اطيق الرجال الكبير
كنت اتمنى طول عمري ان يجيني واحد انا وهو في نفس العمر
والحين صرت بعد اتمنى لو يجيني الي اصغر من عمري بسنه او سنتين

بروحهم شايفين حالهم ومسوين نفسهم ابو العريف
ومستقلين بعقل المراه
بعد اجيب لي واحد اكبر مني وله خبره اكثر مني فالحياه عشان انغث
حلاته ما يكون كبير يجي ثقيل وممل
ومن ناحيه ان العمر بياثر في شكلنا والله الرجال لو بغى يتزوج بيتزوج لو انتي ملكه جمال ولو حتى اصغر منه


ومن ناحيه رغبتش تعرفين اذا في بنات تزوجوا بازواج اصغر منهم
بقولش ااااااااي
اخواني كلهم تقريبا حريمهم اكبر منهم
الي 3 والي ب 4 سنين
وحياتهم طبيعيه
ما عدى الاخيره متفلسفه وحتى اهلها يشتكون منها


وعرف وحده كانت تقول لي ان زوجها اكبر منها بحول 10 سنين
تعبت معاه حتى ضعفت
قالت اضطريت اكبر عقلي عشان اوصل للفهم الي وصل له
بالله الحين اش فايده عمرها الصغير وهي روحها شاخت


و وحده ثانيه تقول لي اخوي يقول لي ترى كل حركاتش فاهمها لان مريت فيها فلا تحاولين تستذكين على
اقول لش خليها تاخذ لها زوج اصغر ارحم لها

حبااااايبي مشكووووورين عالرد والمشاركه

نورتوووني



يالله وين الباجي نبي نستفييييييد من الاراء والخبرات

 

[الجادل الخشف]

في بنات اعرفهم ازواجهم اكبر منهم بعشر سنيين بس ماحسهم عايشين اعمارهم كبرو مع ازواجهم لان ازواجهم بالثلاثين واهم توهم داشيين العشرين وصارو ثقيلات متغيرات حييل والسبب ازواجهم كبار
برايي البنت ماتاخذ واحد اكبر منها بخمس اسنيين اكثر شي اما عشر سنيين ترا وايد فرق كبير ماراح يتوافقون ولابيكونون مرتاحيين
انا وزوجي نفس المواليد وحييل مستانسه معاه احسه اول عرسي صغير وانا صغيره جننا مراهقين نحب بعض وكبرنا مع بعض يعني الحين اربع سنيين وياه صج شخصيته تغيرت فاحلى شي الوحده تاخذ واحد كبرها او اكبر منها بشوي. عشان تعيش حياتها مثل ما اهي ماتتغير

 

[حبي حبيبي]

في بنات اعرفهم ازواجهم اكبر منهم بعشر سنيين بس ماحسهم عايشين اعمارهم كبرو مع ازواجهم لان ازواجهم بالثلاثين واهم توهم داشيين العشرين وصارو ثقيلات متغيرات حييل والسبب ازواجهم كبار
برايي البنت ماتاخذ واحد اكبر منها بخمس اسنيين اكثر شي اما عشر سنيين ترا وايد فرق كبير ماراح يتوافقون ولابيكونون مرتاحيين
انا وزوجي نفس المواليد وحييل مستانسه معاه احسه اول عرسي صغير وانا صغيره جننا مراهقين نحب بعض وكبرنا مع بعض يعني الحين اربع سنيين وياه صج شخصيته تغيرت فاحلى شي الوحده تاخذ واحد كبرها او اكبر منها بشوي. عشان تعيش حياتها مثل ما اهي ماتتغير

صاجه
وهم وجهة نظر

ومشكوووره انج قلتي تجربتج
حبيبتي يعطيج العافيه

والله يوفقج و يهنيييج اكثر

 

[I TRY]

انا افضّل يكون اكبر مني بعشر او 13 سنه

وغالبا ماالاحظ الي بينهم سنوات قليله متفقين اكثر :ggdw:

 

[Tom ♥ Jerry]

.

ماله شغل العمر بحجم العقل و التفكير السليم ..

في رياييل كبار عالخمسين بس تحسينهم مراهقين ما يعرفون يتصرفون حتى/:
خل يسئلون عنه عدل و تستخير و الله يكتب لها الي فيه الخير يارب

 

[M!ss CoLoRz]

سمحي لي

بس ما عندها سالفة ترفض عشان شهور!!!!!!

أنا دايما اقول يعني شنو فرق جم شهر؟؟!!!!! طلعت ضروسها قبله وتعلمت تمشي قبله!!!!!

العمر مو مقياس للعقل .. اكو في رياييال دشوا الأربعين وللحين الحمدالله والشكر ودج ترفسينهم على عقولهم التنك

شخصيا انا اكبر من زوجي بسنة واربع شهور وصار لنا 5 سنين ... انا اكثر شبابا وحيوية وصحة منه ... اهوه من احين طالع له شيب والحمدالله على كل حال بس بسرعة يمرض وكل من يعطيه أكبر من عمره بواااايد وانا يصغروني "بس مو وايد لوول" يعني من ناحية الشكل لا تعور راسها

اما من ناحية العقل والتفاهم فالحمدالله الحمدالله الحمدالله متقاربين من التفكير مع طبعا اختلافات بس هالاختتلافات كانت بتكون موجودة حتى لو كان اكبر مني بعشر سنين

والريال ما تقدم لها الا واهوه عارف انها اكبر منه "بشهور!!!!!" بعدين بيعايرها؟؟!!!! محد جبره اهوه اختار واهوه شاق حلجه من الوناسة

هدي كلام الناس على صوب اهيه شنو بتبرر حق روحها لما ترفض ريال زين وطيب وكل من يمدحه .. بتقول حق روحها لو بس عيد ميلاده قبل!!!! لا تظلم روحها عشان هالشي اللي اهوه اصلا مو شي !!

كل وحدة قبل ما تتزوج تفصل وتخطط وتفضل وما تفضل بس لما الصج يكون غير ومو سيء الا احسن واحسن مستحيل تقول لا

 

[الأميرة جوري]

التوفيق من الله مو شرط العمر

 

[زين ودلال]

نس العمر او اكبر بسنه او سنتين افضل

 

[حبي حبيبي]

حبايبي مشكووورين واااايد عالردوووود

 

[همي رضى خالقي]

حسب خل تشوف تفكيره وطريقته ويبين

 

[حبي حبيبي]

حسب خل تشوف تفكيره وطريقته ويبين

اهوا يوم الشوفه ماراح يبين شي
اكيد ماراح تبين طريقة تفكيره

وماراح تعرفه عدل الا بعد الملجه وجذي خلاص اندبست هههه

 

[Aloe Vera]

فرق العمر مو مقياس لسعادة و نجاح الزواج
سوااء اكبر او اصغر المهم التوفيق و التفاهم
و اهي وقت النظرة الشرعية تشوف الريال و تناقشة و تسأله و راح يبين عقله و هم الرياييل يسألون عنه و يقعدون وياه
مافي شي اسمه تدبست معاه
المفروض ما تملج الا و اهي واثقة من قرارها و مقتنعة بالريال
و انا عندي وجهة نظر ان الريال يكبر اسرع من المرا و هذا اللي اشوفه
المرا اذا حافظت على رشاقتها و بشرتها و اناقتها و اهتمت بشعرها و القصات و الصبغات و صارت دلوعة و حلوة ماراح تكبر بسرعة و الريال يبين عليه الكبر بسرعة اتا اشوف

 

[Royof]

افضل واحد كبري او اكبر مني اربع سنين اكثر لا احس اكبر معاه ومع تفكيره

 

[Stylista_Q8]

ماا يفرق،، أهم شي فاهمين بعض

 

[rose2012]

نفس العمر احلى شي نفس التفكير نفس لما يغثها تقول نعم كله جم شهر ترا موتصدق عمرك

 

[مريم العذرآء]

اهم شي تكون اصغر منه بالشكل انا مثلاً في واحد يحبني عمره 20 :/ وانا عمري 24 وقلتله انا اكبر منك ماينفع نتزوج بس يقول ماكو فرق بينه مع اني اكبر منه ب 4 سنين بس شكلي اصغر منه بوايد اصلاً شكله شايب يمي لوووول فعلى حسب الشخص واهم شي تكونين شكلج صغير جدامه