حبيبتي بكل ديرة في الزين وفي الشين انا رحت تايلند مع زوجي رحنا شانغ ماي وبوكيت وبانكوك ما شفنا بنات الليل ولا بنات النهار حتى سألته قلتله وين يقولون تايلند بالليل تقلب تصير كلها مصخره قالي شوفي اللي يبي المصخره يروح حق المصخره يعرف وين مكانها واللي مايبي هالسوالف يسكن بمكان بعيد ويريح باله وفعلا احنا سكنا في بوكيت مكان بعيد عن هالسوالف لاني ما شفت سكنا بالماريوت كله عوايل واجانب وناس ذربين ورحنا رحلات وجزر والحمدلله استانسنا
انا بعطيج مثال في اثنين كانوا بمصر واهما رادين بالطيارة الاول سأل الثاني وين رحت بمصر ؟ قاله رحت شارع الهرم وما بقى مرقص مادشيته ورحت هالديسكوات وشربت خمر وكل يوم سهرة بمكان و و و الخ جان يساله نفس السؤال انت وين رحت بمصر ؟ قاله انا رحت الاهرامات ورحت متحف الاثار القديمة وتعرفت على الحضارة الفرعونية القديمة وشريت افلام وثائقية عنها وصورت الاثار ورحت جامع الازهر والمكتبات
شفتي اشلون اثنينهم رايحين حق نفس الديرة بس كل واحد وتربيته اول شي وثاني شي يحقق الهدف اللي مسافر عشانه
