تأخرج في الحمل اثر على علاقتج بحمولتج ؟

[Fiorenza]

صباح الخير شلوونكم بنات

وايد في بنات تاخر حملهم .. الله يرزقنا الذرية الصالحة عاجلا غير اجلا يارب

علاقتج مع حمولتج تاثرت ؟

تعرضتي حق موقف؟



لا تنسون بنات هذا ابتلاء من رب العالمين والله يعوووض كل صابره ​

 

[نيبال الايمان]

ضى الايمان

اللهم امين يارب 000 وان شاء الله ما تمر هالسنة الا واحنا كلنا حمل اللهم امين يارب اللهم امين يارب اللهم امين يارب 000

وياعمرى ايييييييييييه وايد المواقف اللى تعرضت لها من بيت حمولتى وعلاقتنا تاثرت وسمعت واااايد وااايد كلام وتجريح واهانات 000 بس الحمد لله بالصبر والدعاء وبصراحه اقولها وافتخر بقضل زوجى بعد الله تعدلت علاقتى معاهم واللحين لما ايب عنهم جم يوم يحاتونى ويسألون عنى عسى الله يخليهم لى ولا يغير علينا اللهم امين يارب 000

بس حبيت اقول ان الصبر يسوى العجايب والكلمة الزينة لها اكبر واكثر تأثير 0000

وان شاء الله باذن واحد احد يرزق كل من يتمنى الضنى ولا تعدى هالسنة الا واحنا كلنا حمل اللهم امين يارب

 

[اشتاق الى الجنة]

الحمدلله
الله يرزقج يا ضي الايمان على قد نيتج الصافية

 

[Joody]

من ناحية حمولتي ماتغيروا علي بالعكس وايد حليووين بس أنا صرت ما اشتهي اليهال اللي عندنا بالبيت وما احب ريلي يعطيهم ويهه ولا يدلعهم
وادري تصرفاتي غلط بس شسوي ماني قادره اتحكم بتصرفاتي

 

[bnt_kwt]

الحمدلله ما تأثرت علاقتي فيهم بالمره
لانهم يدرون انه تأخير الحمل موبيدي ولا بايد ريلي
كله من رب العالمين خاصه انهم ماشاء الله كلهم ناس مثقفين وتفكيرهم وايد ارقى واكبر
من انهم يتدخلون بأمورنا الشخصيه انا وريلي
سواء خالتي ولا عمي ولا حتى حمواتي والله كلهم رايتهم بيضه
والحمدلله اهما متفهمين الوضع وبالعكس اروح لهم وعمري ما انقطعت عنهم
الله يخلينا حق بعض ويتمم علينا

 

[فراولة كوتية]

خالتي الله يهداها الحمدلله بس هي من حريم أول إنتي ليش ماتييببن عيال شفيج ووماكانت تحاجيني بس الحمدلله الله يرزقكم مثل ما رزقني بس اسمعت إني حامل بكت بكت ليين قالت بس وصارت كل يوم تدق علي وتسأل عني وتعطيني هدايا وتحلف براس ولدي وتشوفة تموت علييه الحمدلله وعمي عكسة الله يرحمه ايمانة بالله قوي بالعكس يصبرني الله يرحمة توفى وأنافي الشهر الثاني بس الحمدلله الله يرزقة فسيح جناته كان يدعمنا ماديا ومعنويا أما حمواني فيدعون والله الرزاق

 

[غيـ الناس ـر]

بالعكس ما شفت منهم شي لما تأخرت عن الحمل ..


كانو اصلا يقولون لزوجي مني والطريج بدون لا يقولهم شي ترى المره زينه والعيال مو ضروره بالحياة


والحمدالله الله رزقني بالحمل الحين وفرحو فرحه خالتي قامت تبجي بعد قلبي من الوناسه

 

[Swan]

والله الحمدلله ما تأثرت علاقتي وياهم ... اصلا عمرهم ما فتحوا معاي هالموضوع
حتى خالتي ما تدري اذا في سبب يمنعنا الحمل والا لأ لأنها تحب تتكلم فيه وتعتبره من الخصوصيات
وبعد عمري اذا احد غريب سألها هذي جنتج عندها عيال والا لأ
بسرعه ترد عليهم لا توها عروس لوول مع اني الحين لي 7 سنين
بس مرت خال ريلي الملقوفه لا شفتها لازم يا تسألني او تعلق على الموضوع جدام الكل
بس خالتي تعصب وتقاطعها او تغير الموضوع على طول
يعني حتى ما تخليني ارد عليها او على اي احد

 

[الجوري2008]

الحمد لله أهل زوجي عمرهم ماسألوا أو تدخلوا
بس عمي أبو زوجي كان يسأل بعد فترة على زواجنا كان راجعتوا المستشفى يمكن فيه شيء او شيء
وأنا اللي قلت له أنا اتعالج زوجي مافيه شيء سليم والحمد لله عمرهم ماسألوا وش صار وماصار
يدعوا لي ولزوجي بالذرية الصالحه وخلاص

 

[<<لمار>>]

الله يرزق الجميع الذرية الصالحة ويفرحكم فيهم

 

[ScarletteO'Hara]

انا كان بيني و بين حمولتي مشاكل مالها علاقة بتأخري بالحمل, و التأخر احتمال يكون ساهم بتطويل القطاعة بيني و بينهم, و انا حاسة انه لو الله كتب انشالله و حملت علاقتي مع خالتي و بس راح تتعدل لاني غسلت ايدي من حمواتي, خالتي تموت على ريلي و منى عينها تشوف عياله, مع انها الحين يدة تبارك الرحمن ل12 ياهل بس هم ولد ريلي راح يكون غير

 

[SOoOSA]

أما آنا
فأنا اللي ماقمت أحب أروح بيت أهل ريلي (مو كل اسبوع يعني أحاول أتعذر بأي شي عشان لا أروح) عشان لا أسمع منهم "ها متى بتييبون لنا بيبي؟" "ماتعرفون تشتغلون؟" "لي متى يعني بتظلون جذي؟" المشكله ان ريلي يقولهم مانبي يهال الحين مومستعيلين عليهم وبعد مو مقتنعين عندهم هالسالفه شي مايخصنا ولازم انييب اعيال على شانهم وان انرقع حق عمرنا
وتنغزهم لي يا خالتي ياحماتي اللي تبي تحمل تاكل عنب ومن هالحجي وانا :nocommint: ولا كلمه زهقت من هالموضوع مع ان لي سنه ونص متزوجه وكله بيحطون ابالي ان المرة اهي السبب بتأخر الحمال أما عمي فالحمدالله مو علطول نادر اللي يسأل وأتقبلها منه عادي لان طريقته حلوة معاي واذا قلنا مانبي مايقول لنا شي وحتى حماي بيوم من الايام سألني متى بتييبون لنا ياهل وسويتوا فحوصات ولا لأ
وطبعا محد فيهم يدري عن أي شي أسويه حتى عملية المنظار اللي باجر بسويها انشالله محد منهم يدري عنها سريه:O_SHH_:

ولازم كل اسبوع ينفتح موضوع اليهال ( روح بعيد وارجع سالم)

زهقت :eh_s(14):

 

[كويتيه مذهله 87]

لا ما تأثرت بس هما ماشالله عليهم وايد يحنووون علي

 

[رايقة1980]

يدرون انه تأخير الحمل موبيدي ولا بايد ريلي
كله من رب العالمين خاصه انهم ماشاء الله كلهم ناس مثقفين وتفكيرهم وايد ارقى واكبر
من انهم يتدخلون بأمورنا الشخصيه انا وريلي
سواء خالتي ولا عمي ولا حتى حمواتي والله كلهم رايتهم بيضه

 

[. رايا .]

ما تأثرت علاقتي فيهم بالعكس
قبل لا نقول حق خالتي ان احنا قاعدين نحاول بس مايصير كانت على طول تسأل ليش ما تبون يهال و ليش ما تبون
ما كنا قايلين لها ان في مشكلة
كنا بس نقول مانبي
بس من درت صارت تقول لنا تو الناس على اليهال
أحسها تعاطفت ويانا

 

[um katkot]

انا طنت ساكنه عند اهل ريلي و كان كل يوم اسمع تجريح من اول ما تزوجت ليش ما حملتي و اسمع عمي و خالتي يتهاوشون كل يوم على هالحال و منفسين علي يتغدون عني ما ينادوني و قامو يعاملوني و لا جنه موجوده بالبيت معاهم و عقب 5 سنين ريلي سوه تحليل و طلع منه العيب قامو يساحلوني مو عشان اقعد عنده او عشان شي لأ عشان بس ما اتكلم و لا اقول حق احد و كانت امه قايلتله ما لا داعي هي تدري عن نتيجتج ليش تقولها تدري ان هي عندها مشكله و ما قالت لك عندها مشاكل هرمونات و بالمبيض زوجي سوه التحليل بره كان رايح ما اهله سياحه لندن و طلعت نتيجته بره و قالي بالتلفون الخبر انصدمت و اسمع اهله يمه يقولون بس خلاص مكالمات انا بروحي منصدمة بالخبر ما عطوني فرصة و يوم رجع من السفر عطاني تقرير كاتبه له الطبيب عقب ما قابله كاتبين فيه ان زوجي تعاني من ..و من ...على كلام زوجي و اهله انا ما ادري على اي اساس الدكتور الحمار يكتب هالكلام بدون اثبات لا انا كنت موجودة و لا عندهم تقارير حقي انا وايد احتريت الصراحة بس ما اقول الا حسبي الله و نعم الوكيل

 

[نف نف22]

اما انا بالنسبه علاقتي مع حمولتي وايد زينه وبالعكس خالتي تسولف معاي عن الدكاتره الزينه بالكويت ومرات تنصحني انا ماقووووووول حق اي احد عن علاجي ولا شنو قاعده اسوي وتدري الناس يحبون يعرفون كل شي وخاصة من اهلها انصحتني واااايد وتقول قولي الله كريم وبس وودتني مره حق دكتوره تعرفها وراحت معاي . صح انا ماحب اي احد يروح معاي وخاصة من اهل زوجي بس علشان كانت من طرفها وتتهتم الدكتوره فيني اكثر وبين فتره وفتره تسالني شصار عليج ؟ بصراحه اقولها كل شي الان عرفت انها ماتقول حق احد عني وعن علاجي والله كرييييييييييييييييييييييم

 

[miss_uk]

انا الحمدالله ما واجهت اي مشكلو وانا ما كنت حساسة يعني كنت اي احد يسأل اقول ان شاء الله ادعولي

لين الله رزقني

رايتهم بيضة الله يخليهم لنا ما عمرهم احد جرحني مرت الحموات يسألون لكن على نية صافية

 

[نكهةالبرتقال]

أنا بصراحة أول مرة أشوف أهل زوج جذي ، ما يهتمون و ودهم ما أحمل أصلا ، لأن يكرهون الأحفاد و مالهم خلقهم و حتى لو ما يشوفونهم ست شهور ما عندهم مشكلة و لا يسألون عنهم ، بس أنا ما أطلب الرزق منهم أطلبه من ربي.

بس ريلي بعد قلبي متقطع على الحمل ، الله يرزقني و يخزي الشامتين و يغنيني عن أهل زوجي

 

[++The DuchesS++]

علاقتي معاهم ما تأثرت الحمدلله
بس الحين عقب ما اله رزقني قامت تكثر اتصالاتهم
يعني الاهتمام زاد اكثر واكثر وخصوصا لمن كنت حامل
خالتي كل يوم تدق ويوم صار فيني نزيف اكثر واكثر