تأجيل الداسة لأخر شهر مارس

[nandeny]

ان شاء الله مع ان مااعتقد

 

[عيده]

الله يبعد عنا المرض قالواااااااا آميــــــــــــــــــــــــــــــــــــــــــــــــن

آميـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــن

 

[~TRTR]

ما اعتقد لي نهاية الشتا !!
اصلا حرام كله راح يطلع من عينهم بعدين حتى عطله مثل الناس ماراح يكون لهم

 

[عطر البوادي]

اعلنت منظمة الصحة العالمية امس الاول ان اغلاق المدارس او تعطيل الدراسة للحد من انتشار انفلونزا الخنازير سيكون «اكثر فاعلية» من حيث مكافحة الوباء، علمت «الأنباء» من مصادر صحية مطلعة ان وزير الصحة د.هلال الساير بصدد رفع مذكرة لتأجيل العام الدراسي حتى نهاية مارس المقبل على ان تستأنف الدراسة بعد ذلك ويمكن طوال فترة الصيف بالغاء اجازة آخر العام، واشارت المصادر الى ان البت النهائي في هذا الموضوع سيتوقف على قرارات المؤتمر الاقليمي لدول شرق المتوسط الذي سيعقد في القاهرة غدا الاثنين.

وفي وزارة التربية اعلنت مصادر تربوية رفيعة ان وزارة الصحة هي الجهة المناط بها تنفيذ توصيات منظمة الصحة العالمية.

واوضحت المصادر ان المسؤولين في «الصحة» لديهم الرؤية الصحيحة للوضع في الكويت ودول العالم ومدى اهمية اغلاق المدارس ووقف الدراسة حيث يرتبط ذلك بتطورات الڤيروس وتوقيت وصول الامصال المطلوبة.

واكدت المصادر ان وزارة التربية حتى الآن لا جديد لديها وستتم الدراسة بحسب ما سبق ان أعلن، واضافت المصادر ان وزير الصحة د.هلال الساير ووزيرة التربية ووزيرة التعليم العالي د.موضي الحمود سيجتمعان اليوم وسيعلنان اجراءات مواجهة المرض وذلك في مؤتمر صحافي وبحضور قيادات الوزارتين.

واستدركت المصادر قائلة: دعونا ننتظر ما سيحدث في الدول الاخرى التي صنفت ضمن الدول الموبوءة والتي لم تغلق مدارسها وجامعاتها حتى الآن كالولايات المتحدة الاميركية والمكسيك وغيرهما.

الله يكتب لنا اللي فيه الخير والصالح لنا ويكافينا شر الأمراض

 

[Violet Sky]

اذا فكروا يعطونهم عطله مفروض حتى الموظفات بالحكومه والخاص << قويه
ليش هم احنا معرضين لهالمرض من قبل المراجعين وكل يوم انجابل امية شخص
الله يعين بس

 

[بتبوتااا]

أجلو ولا ما اجلو انا مارح اودي عيالي

 

[كااارميلااا]

الله يسمع منج

 

[كعبية]

ما اعنقد لمارس

 

[Boochy]

يقولون بتكون الوفيات في العالم من انفلونزا الخنازير بنسبة 45%
يعني النص تقريبا بيموتون

يارب ترحمنا برحمتك
و يحفظنا ويحفظ عيالنا

 

[Pwincess]

والله عاد أجلوا ما أجلوا كييفهم .. اللي هامته صحته ما راح يطلع مكان سواء مدارس او غيره من الاماكن العامه !
و بعدين العبقريات اللي هامتهم الدراسه وايد ماشالله لا سمح الله , الله لا يقول لا داومتوا و صار فيكم الله لا يقول بيقولون ماتوا من انفلونزا الخنازير مو شهيده في سبيل العلم !!يعني محد درا عنج .. والخريجات يبا ترا لاحقين عالوظيفه و معاشها !! ألزم ما عليكم صحتكم لجسمكم حق عليكم
و رجاءا لا تقارنون بينا و بين باجي الدول العملاقه ..احنا دوله حيييل صغيره و ماشالله عندنا نسبه السكاان حيل كبيره سواء مواطنين و وافدين !! و بعدين هذيلاك ناس و احنا ناس ما عندهم سوالف هياته و فراره مجمعات 24/7 و مطاعم و كافيهات و ديوانيات .. !! بالعكس تلقونها دايما فاضيه عندهم مو نفس الوضع اهني يعني مافي مجال مقارنه اصلا !! يكفي ان للحين احنا اكثر دوله فيها نسبة اصابات بالشرق الاوسط كله !!
و على فكره بنات انا اقول تابعوا اخبار منظمة الصحه العالميه احسن من اهني وايد كتومين و يهونون السالفه عشان اللي ببالهم يسوونه و ما يأجلون .. ترا لقوا اول حاله الحين بأستراليا للفيروس وهو متطور..يعني لا لقاح و لا تطعييم راح يفيد معاه !! على ما يلقوله علاج يديد الحين يعني الله يستر .. و على فكره الحين باستراليا نهايه الشتا عندهم
الله يحفظ الجميع ان شالله و يكبر عقول البعض ..

 

[shaQshoQa]

الله يكافينا شر هالمرض ..

مع اني ضد ..

 

[&M&A&N&]

والله أنا أتمنى يأجلون منها الواحد يرتاح ومنها نبعد عن هالمرض الله يكفينا شره

 

[*شوق*]

الى معارضة على التأجيل الظاهر ماعندج اعيال ولو حاسة بالضنى ماقلتى هالكلام مساكين عيالنا حابسينهم بالبيت وخايفين عليهم ونفسياتنا تعبانة


:0bee2e8d89::0bee2e8d89::0bee2e8d89::0bee2e8d89::0bee2e8d89:

 

[دمعه حزينه]

انا مع التأجيل شبيصير لي أجلوا الدراسه يعني ؟

ان شاءالله لي السنه اليايه عادي الزم ما علينا صحتنا ..

بعدين اذا الكل يطلع والشوارع متروسه ترى مو الكل احنا منحكرين فبيوتنا ولي رحنا مكان غطينا خشومنا وخلصنا مشاورينا بسرعه بسرعه وردينا لاحقين ..

الكويت اكثر دوله تعطل والصراحه ولا نشبع اذا ما اكلنا من المطاعم بنموت استغفر الله وغيره وغيره ؟


عن نفسي ما بودي بنتي ومتى ما حصلوا تطعيم ضد هالمرض الله يكافينا شره تالي اخليها تداوم زي الورد ..


الله يبعد عنا وعنكم الامراض بس قولوا آمين يارب

 

[مطيريه ماركه]

شوفي يأجلونه أوكي بس مو كل هالفترة

لو يأجلون الدرآسة إلى أن يجيبون اللقآح

جذي عدل

 

[* ليــــدي *]

اللهم ارفع عنا البلاء

 

[رينااد]

الله يحفظنا ويحفظ المسلمين من كل شر يارب

 

[حلاتي بحركاتي..]

انا مع التأجيل واللي يقولون الشوارع متروسه الناس ماقعدت هذي موحجه للوزاره انها تخلي المدارس الشوارع والمجمعات شي بيد الواحد يروح ولا مايروح وكل واحد وخوفه على صحته اما المدارس شي الزامي يعني حتى المريض واللي صحته ضعيفه راح يضطر يرووح وبالتالي راح ينضر يعني لاتقارنون المدارس وتأجيلها بالمجمعات والشوارع ولاتبونهم يسكرون المجمعات والشوارع بعد اهم بيسوون اللي عليهم والمواطن وتعاونه عاد اما انهم بعد يمنعون المجمعات بحجه ان الناس تقعد مومنطق ابدا اللي يبي يطلع يطلع وبنضر واللي خايف على نفسه وعلى عياله يقعد

وبعدين اللي يقولون بيتروح علينا عطله الصيف من صجكم شهالتفكير وهالطمع تبون تأجيل وتبون عطله!!!!!
بناااات عفيه صيروا منطقيين شوي تعانوا مع الحكومه ومع الوزاره لاتبطون الجبد عاد احس هذا اللي يبط جبد الحكومه الشعب يبي كل شي يبي تأجيل ويبي عطله يعني ماتقدرون تضحون بالعطله هالسنه عشان صحتكم ومصلحتكم فكرووا شوي بالطقاق بالعطله مو مشكله<<<<طلعت كل اللي بقلبي

 

[كويتيه78]

بصراحه جان زين ياجلون اليهال مساكين ماعندهم مناعه مو مثلنا الكباراحنا نقدر نلبس كمام نمشي حالنا بس اليهال شلون بتخلينهم يلبسونه وبعدين المدرسه مكان مصكر يعني العدوى بتنتقل فيه بسرعه مو مثل الشوراع والمجمعات والله انا ولدي عنده تطعيم من شهر سته ماوديته لاني خايفه من المستوصف وبعدين مو كل الناس طالعه وهايته بالمجمعات في ناس خايفه وقاعده ببيوتها واله يحفظنا يارب ويعدي هالازمه على خير

 

[taybaa]

إنشاء الله تتأجل لأنه اليهال ماعندهم مناعه وحرام يابنات طلعون عيالكم قد ما تقدرون خلوهم في بيوتكم والله الحافظ ويبعد الوباء عنا وجميع المسلمين