بي فزعتكم تكفووووون كويتيات

[أحمرجوري]

مادري احس انه الزوج مسحور لانه مو طبيعي متعلق بالخدامه بشكل مو طبيعي عسي ربي ياخذها حاولي لما يكون الزوج موجود تشغلين الرقيه وسوره البقره وشوفي اذا في تغير عليه

 

[ام الدرر]

حبوبة سلبيتك وضعفك خلاه يستقوي ويجور في تعامله
حرمك من عيالك والله اعلم بسبب منع الحمل وقصر عليك في العيشة والحين يساويك بخادمة
شوفي الخادمة الظاهر شافته متولع فيها شرطت يتزوجها ولما رفض خرجت من البيت والدليل تواصلها معاه للحين
اولا استخيري في قعدتك عنده
ان الله قسم ورضيتي بالوضع لازم تكون لك كلمة
اولا اما انا او الخدامة
(هو صعبة يطلق لان عارف محد بيرضى فيه لعمره واطفاله )
وعسى الله يهديه ويسخره لك ويصلح حالكم ويكتب لك اللي فيه الخير ​

 

[خلطات المذهله]

الله يعينج قلبي والله عورني قلبي

 

[بقلبك مكاني]

الله يجزاكم خير يارب
انا بوصل لها الرابط علشان تشوف ردودكم
بارك الله فيكم

 

[&&&&&&&&]

اقول دامك ما جبتي منه ولا بزر اتركيه اتركيه

اللي ما يقدركي وحاسبكي مثل الشغاله ببيته وحاسب الشغاله افضل منك عوفيه

ارجعي بيت ابوك واجلسي مع اولادك احسن

​

 

[الحلوه معاكم]

السلام عليكم بنات

طبعا ثير منا يعرف موقع روعة السعادة الزوجية النسائي
الى اصلح كثير من الامور الزوجيه والاسريه وحل اكثر المشاكل العامه والخاصه
مابي اكثر عليكم بالكلام بس ابي اطرح لكم رابط المنتدى حق لى ماتعرفه

ومحتاجه لحل مشكلتها الزوجيه او الخاصه او العامه
والتثقيف الزوجي بكل اموره ​

اضغطي هنـــــــــا روعة السعادة الزوجية النسائي​

 

[ليت الحزن دمعه]

بقلبك مكاني ...
صديقتك هذي تفتحر بك اللي فزعتي لها وعرضتي مشكلتها والاخوات وقفوا معها ولا قصرو سوى من دار ال صباح او ال سعود او اي دوله بيض الله وجيههم دنيا واخرة وبيض الله وجهك ..والله يرزقك من اوسع ابوابه ..
ويرزقك با الذريه الصالحة ..

ويا الغلا صراحه صديقتك المفروض تحطك تاااااج على راسها ..

لانك درة نادره ...
اختك ..
ليت الحزن دمعه..

 

[ليت الحزن دمعه]

جزاك الله خير

 

[بقلبك مكاني]

الله يجزاجج خير اختي الدمعه
والله يفرجها على كل مسلم يارب

 

[صاعقة بيوتي]

حبيبتي شوفي ياما زوجج سحرته الخدامة او انه مومرتاح معاج من ناحية الفراش واعذريني عل الجرأه عشان جذيه راح يدوره عند غيرج. الرجال همته حاجتين بس اذا سويتيهم ملكتيه واللي هي بطنه وفراشه. فالحل اولا تشغلين البقرة كل يوم في بيتكم والافضل انج تقرينها بنفسج وتدورين بالبيت اذا في عمل لاسمح الله. وثانيا تثقفين نفسج من الناحية الجنسية وفي وحده من الخوات ماقصرت وحطت لج رابط السعادة الزوجية. ثالثا تبدين تقوين ثقتج بنفسج وهذا عن طريق معرفة نقاط قوتج سواء كان جمال او علم او غيره وتظهريه له بس بطريقه غير مباشره وتعرفين نقاط ضعفه اهو واللي اهيه انه ريال كبير بالسن وعنده سته عيال منو بترضى فيه وحتى لوقلتي الخدامه هو منبهر فيها الحين وبعد فتره بيمل منها وبيقارنها فيج وبيشوف الفرق انتي اكيد افضل منها باشياء كثير اقلها انج من ديرته وبنت اصل وشريفه وربيتي عياله . رابعا تبدين تهتمين بشكلج مو عشانه بس عشان نفسج بعد. وعن سالفة الطلاق صبري شوي يمكن الله يهديه والله كثير ناس تطلقو وندموا اشد الندم وخاصة انه ابوج للاسف بايعج.

 

[tmtmt]

عنده ظيم
وعند اهله ظيم

بالحالتيين متاذيه

تروح عند اهلها مهما يكون اهلها
اذا الابو مو زين اكيد الام احسن اكيد وحده من الخوات احسن
ولا اقعد عنده ...

على الاقل تاخذ عيالها تربيهم تعطيهم حنان اداري نفسيتهم

شلون صابره ١٠ سنين
الله يعينها ويفرح همهما

 

[بقلبك مكاني]

اي والله الله يعينها وضعها من سئ الى اسوى

 

[بقلبك مكاني]

كلامج عين العقل والصواب ويارب تطبقه وتمشي عليه انا بعد قلت لها نفس الشئ الله يجزاج خير يارب الحين هي اكيد تتابع الموضوع وتاخذ نصايحكم

حبيبتي شوفي ياما زوجج سحرته الخدامة او انه مومرتاح معاج من ناحية الفراش واعذريني عل الجرأه عشان جذيه راح يدوره عند غيرج. الرجال همته حاجتين بس اذا سويتيهم ملكتيه واللي هي بطنه وفراشه. فالحل اولا تشغلين البقرة كل يوم في بيتكم والافضل انج تقرينها بنفسج وتدورين بالبيت اذا في عمل لاسمح الله. وثانيا تثقفين نفسج من الناحية الجنسية وفي وحده من الخوات ماقصرت وحطت لج رابط السعادة الزوجية. ثالثا تبدين تقوين ثقتج بنفسج وهذا عن طريق معرفة نقاط قوتج سواء كان جمال او علم او غيره وتظهريه له بس بطريقه غير مباشره وتعرفين نقاط ضعفه اهو واللي اهيه انه ريال كبير بالسن وعنده سته عيال منو بترضى فيه وحتى لوقلتي الخدامه هو منبهر فيها الحين وبعد فتره بيمل منها وبيقارنها فيج وبيشوف الفرق انتي اكيد افضل منها باشياء كثير اقلها انج من ديرته وبنت اصل وشريفه وربيتي عياله . رابعا تبدين تهتمين بشكلج مو عشانه بس عشان نفسج بعد. وعن سالفة الطلاق صبري شوي يمكن الله يهديه والله كثير ناس تطلقو وندموا اشد الندم وخاصة انه ابوج للاسف بايعج.

 

[ليت الحزن دمعه]

والله ما قصروتوا مع صديقتها .بيض الله وجيهكم يارب ...

 

[Mjnont '3lay]

لاحول ولا قوة الا بالله العلي العظيم
حسبي الله ونعم الوكيل
اللهم من ارادها بسوء او من فعل بها السوء فرد كيده في نحره واجعل تدبيره تدميرا له وارئها ذالك عاجل غير اجل يارب العالمين
الله ياخذ بحقها ان شاءالله وينصرها على كل من عداها
ويرحمها في رحمته الواسعه خليها كل يوم تستغفر بنية الفرج وهداية الزوج وتدعي بالثلث الاخيروماخاب من رفع ايده وقال ي رب

 

[انثى عاشقة]

حبيبتي اذا نتي هنتي علي ابوج وابوج يبيع ويشتري فيج علي كيف كيفه


وما خلااالج لا قدر ولا قيمه .. اشلون تبين الغريب يحسب لج حساااب ويحطلج قدر وقيمه؟؟؟؟


انتي شرحتي ظرووفج .. وقلتي انه العيشه في بيت اهلج صعبه . وانه عندهم ارامل ومطلقه .. وانا الحين اقولج ..


ويمكن الكل بيستغرب لاني دايما وابدا ضد الطلاق .. لكن بقولج شي . انتي ما بينج وبينه لا ياهل ولا عمات عين

يايبج تربين عياله . وانتي منتي ملزومه .. انا اقولج تطلقي وردي بيت اهلج وهاتي عيالج اللى انحرمتي منهم وحطي كل طاقتج وحبج لهم لانهم اهم الوحيدين اللى محتاجين حبج ورعايتج والا الغريب وعياله ما من وراهم رجااا ..


بتصيرين مثل العومه ماكوله ومذمومه ..


تطلقي وردي بيت اهلج حتي لو كان جهنم .. وتصبري لين عيالج يكبروون ويشيلونج علي راسهم ..


ولا العيشه الوصخه القذره هذى ..

معاها قالت الي ابي اقوله :rerrerek:
​

 

[كليـ دلعـ]

زين

وعيالج!؟

نسيتيهم. ورحتي تشيلين عيال الغريب!!

صرتي لهم ام

صرتي لهم مربيه!!


الله وكبررر


منزله موضووع عنه ومهتمه من مشكلته وحارقه دمج عليه!!


وعيالج!

مافكرتي فيهم

اكلوو شربوو نامووو

احتاجووو!؟


خلاص نسيتيهم!؟

وقعدتي ترببن عيال الناس!!

انتي مثل اللي يزرع بارض غيره!!

ياويلج من الله

عيالج برقبتج

وذنبهم برقبتج

انتي الام

انتي الام منبع الحنان

ناسيه فلذات جبدج

وهامج الريال اللي يخونج مع الخدامه!!

اهم الريل والا الظني!؟

غيرانه من الخدامه ومحتره ع القذر !!

وعيالج!!


ياللي الجنه تحت اقدامج!!

وعيالج شالذنب اللي اقترفووه!

ابوج متسلط وحجري ومخه مقفل

ادري انتي سعوديه

ونماين ابوووج موجوودين

ادري ماتقدرين تطقينه وتهاوشينه

بس تقدرين ترفضين رفض قاااااطع تخلين عن عيالج

ادري صعب مواجهت ابوووج

لكن

بمساله تمسكج بظناااج. ماحد يقدرر

يجبرج

لولزم الامرر تروحين عندكم لشيخ دين

اوو هيئه المعرووف

او واحد كبيييير من عايلتكم

اخذ عيالي واتلوواا عليهم واقوول مايفرقني انا وياهم الا المووووت

وبجذي لاشررغ ولادين ولاقانون يفككهم من بين ايدينج

لكن انتي للاسف

سيداا قطيتيهم

ورحتي

وعشتي وقعدتي تشيلين عيال الغيررر اللي لامن صلبج

ولامن دمج

زووجج اخذج مربيه وخدامه لعياله فقط!!

ومايبي منج عيال!

يطق ابر عشان ماييب منج

هذا ماكفاااج!!

لاا وترحين للمستشفيات تدورين الظنااا!!!

وانتي ماارحمتي اللي عندج ولا حنيتي عليهم

عشان تيبين غيرهم!!

كنتي تدورين الظنااا خلاص بتبتدين من يديد

وهذوولااك خلاص!!

طويتي صفحتهم! انهيتيهم!!

مويمكن عاقبج الله وخلاج عقيم!

لانج ظلمتي اللي عندج.

فجازاج الله!

انا اقترح

واقووول

بدال ماتبجين ع خنزير مايعرف حلال وحرام

وتربين عيال جاحد قذررر


روحي استردي عيالج

عقب10 سنين

انانيه وتخلي!

10 سنين نسيتيهم

والحين يوم عافج الريال بتردين لهم

لان مايصح الا الصحييح

ردي عيالج

وروحي بيت ابووج

وحفظيهم يحفظونج

وللمفروض انهم مايطيعونج ولايرجعون لج

لانج ظالمه وانانيه!!

وترا اللي صار فيج حوبتهم

عبالج مالهم حوووبه

عبالج دمعتهم لماتنزل مالهااا انصاف من ربي!

الله يهديج

ظلمتي عيالج

وظلمتي نفسج!!

حاولي تتلاحقين

ولو ان الوقت عداا خلاص

بس لعل وعسا

يصلح الله الاموور

واسمخيلي ع الحجي

انا عندي نقطتين ظعف افقد عندها

الوااالدين

والظنااا

ماتحمل موااضيع فيهم

 

[مودي كويتي]

شغلي قران بالبيت اكيد انها سااااااااااااااحره الله يلعن الخدم ماوراهم الا الغثى وتطلقي منه ورجعي بيت اهلك الحمدالله تقدرين تسجلين بالضمان الاجتماعي وبيمشيلك مصروف

 

[مودي كويتي]

كلي دلع كفتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتتت ووفت

 

[بقلبك مكاني]

كلي دلع شوي شوي عالمسكينه انتي موعارفه ضروفها لاتحكمين وعقب تبتلين الله لايقوله
الله يرحم حالها ولو ان بعض كلامججج واغلبه منطقي وعجبني بس ضروفها الله اعلم منا فيها