بين سنديان العادات والتقاليد .. والمجتمع...

[أم النووفي]

بين سنديان العادات والتقاليد .. والمجتمع...

الموضوع يتكلم عن المكالمات بين الزوجين والخروج بعد الملكه و قبل الدخول ...أو الهدايا أو..الخ

هناك عوائل لاتقبل بهذا الشيء مطلقا ويراه من الأمور المعيبه والخارجه عن الحياء.. سواء كان من الشباب أو البنات ..أن تحدث البنت زوجها قبل الدخول ..ويستعيبون من يفعل هذا..

وعلى النقيض هناك عوائل ترا أن هذا الشي من الأمور اللازمه .. فترا الشاب يأخذ زوجته ويخرج معها .. ويزورهم بالبيت ..ويجهزون لعش الزوجية معاً...وينتقدون من لايفعله..

نحن نعلم حكم الشرع بذلك .. أنها زوجته..

ولكن أود أن أعرف أرائكم في هذا الموضوع.. أدلوا بأرائكم ..
*

 

[Eng Jolie]

يسعدني أني اكون اول اللي يردون على موضوعج

في عوايل عندها هل شي عادات وتقاليد البنت ماتشوف الولد

اله وقت العرس او انه لما يخطبها يشوفها مره وحده وبعدها مايشوفها اله بالعرس

وهذه عادات وتقاليد خاطآه لانا الاسلام وبالدين بدام انه الريال ملج على البنت تصير زوجته

حلاله يعني يشوفها يطلع معاها يكلمها يسوي اي شي محد يقدر يحاجيه لانا زوجها الشرعي

بس ما تقدرين تغيرين عقول الناس وتفكيرهم وهل بنات الله يعينهم من قلب اذا عوايلهم جذي

وتناقشة مع كذا وحده من صديقاتي على هل سالفة واهم اهلهم جذي وموراضين بس مافي باليد حيله

 

[الزورق222]

هو عادى لانها زوجته خاصة مع افكار الجيل الجديد كل شى تغير عكس الجيل السابق اما رأى الخاص فلست مع تلك الزوجة التى تذهب مع زوجها لاى مكان لانه الى الان هو خليجى والفكرة غير واعى لهااا ممكن تحدث امور بينهم وينفصلون شنو استفادت الحين ..والرجال انواع قليل جدا من هو محترم ويعرف اللى له وعليه ..
خوفتكم من الرجال بس هذى حقيقتهم اول مايملكون الشى يبيعونه بارخص الاسعار ..

 

[KOKO_284I]

اذا مالجين من حقهم يكلمون بعض ويشوفون بعض لان فترة الملجه فتره توضح واااااااااااااااااااايد اموووور اتكون غائبه عن الطرفين سواء سلبيه او ايجابيه

 

[Eng Jolie]

هو عادى لانها زوجته خاصة مع افكار الجيل الجديد كل شى تغير عكس الجيل السابق اما رأى الخاص فلست مع تلك الزوجة التى تذهب مع زوجها لاى مكان لانه الى الان هو خليجى والفكرة غير واعى لهااا ممكن تحدث امور بينهم وينفصلون شنو استفادت الحين ..والرجال انواع قليل جدا من هو محترم ويعرف اللى له وعليه ..
خوفتكم من الرجال بس هذى حقيقتهم اول مايملكون الشى يبيعونه بارخص الاسعار ..

الزورق شمعنه قلتي الرجل الخليجي وغير واعي يعني لو كان رجل غير خليجي بيكون غير واعي

انا اختلف معاج لانا الريايل مثل بعض واهو من حقه ياخذ مرته مكان مايبي ويقدرون في امور

يتفاهمون عليها انها ما اتم اله بعد العرس واذا اللح عليها شلون وما قدرت تقنه تقتنع بالشي

لانا بالدين المره اللي ماتسمع شور ريلها وخاصه بالاشياء الخاصه تلعنها الملائكة

وفكرتج غلط اذا اول مايملكون الشي يبيعونه بالرخيص جان الكل متطلق وكل شي قسمه ونصيب

وتقبلي مروري ^^

 

[أم النووفي]

أشكركم عل المرور ..
ولكن نحترم أراء الناس وتقاليدهم .. ولكلٍ وجهة نظره الخاصه ..
بوركتم أخواتي عل إثراء الموضوع..

 

[Eng Jolie]

صح كلامج أم النووفي لكل وجهة نظره الخاصه
واحنا اللي نشكرج على طرح الموضوع

 

[Tom ♥ Jerry]

.


انا رايي

دام صارت زوجتة على سنه الله و رسوله
خلاص تطلع وتروح و ترد وياه على كيفها وكيفه

 

[المرتاحة]

انا من رايي انه عادي تطلع و تروح معاه لكن تصير علاقتهم بحدود

بمعنى اصح يعني يخلون الجانب العقلاني في علاقتهم يغلب علي عواطفهم و غرائزهم.. تطلع معاه لاماكن مفتوحه يتعرفون على بعض و علي اطباع بعض اكثر.. وبس لا تكثر طلعات يعني مو يومياً.. وحتى الاتصالات مو حلوه تصير كل دقيقه او كل ساعه..يعني مره باليوم كافي

 

[PuPa^^SWeeT]

حسب محيط الاسرة و ماتربوو عليه


ولو انه قليل اللي مايطلعون مع بعض



بس همن ماحب العمال على بطال


حلوو الثقل من البنية علشان تكبر بعيينه و مايزهق منها اول ما يتزوج



وجهة نظر