بينقلب البيت عليهإ والسبه مني :(

[pinkoosha]

خايفه تصارحين امج و مو خايفه على ضلم الخدامه،،، حبيبتي انتي مو ياهل تبوقين تليفون امج وتقصين عليها بس عشان تكلمين رفيجتج؟؟؟ شنو هالرفيجه هاذي!!!!! لو صج رفيجتج جان نصحتج انج ما تسوين هالشي،،، اقول ،، توكلي على الله وصارحي امج وخل تقلب البيت على راسج لانج تستاهلين . اسفه على اسلوبي الجارح بس كلمة الحق تنقال،،، تدرين اذا دقو عالشرطه وخذو الخدامه وطقوها وسفروها وامنعوها من السفر انتي ماراح تقدرين تنامين الليل ضميرج بيذبحج،،، شوفي اي شيصير بيصير بالخدامه حطي فبالج انج السبب .. استغفرالله ياربي

 

[نونه المنكوشه]

حتى لوتنزفين وتنقلب السالفه عليج تكلمى ولاتظلمينها تترى دعوة المظلوم مستجابه حتى لوكافر

 

[ليتني مـآ كبرت]

بالاول وبالاخير راح يدرون ان الفون كان معاج

را يبين من البرنت إذا طلعوه

ارقام اخر المكالمات

ويمكن بعد امج تدق على رفيجتج وتمسح فيها القاع

وألا يسويلها اخوج مشكلة

وبجذي راح تتعقد السالفة اكثر واكثر


انا اقول اقصري الشر و انا اختج

وروحي ردي الفون لأمج

وقوليلها يمة هذا فونج كان عندي وانا اسفة

وبوسي راسها

واطلبي منها تردلج فون بكل ادب واحترام

وبعد وصي الوالده ماتجيب طاري شي لاخوج

لان مبين اخوج حار وعصبي

باجر بيقعد يشك فيج منو هالرفيجة اللي تكلمينها

مع انه انا من وجهة نظري إذا الاهل مربين بنتهم عدل

المفروض يثقون فيها ومايفتشون وراها أبد

فونج شي من خصوصياتج مفروض مايحرمونج منه

شوفي لما حرموج منه شصار الغلط منهم

إذا امج ماتبي رفيجتج مفروض تنصحج بالهداوة

وتقنعج باسلوب حلو وتبين انها تخاف عليج

مو تاخذه منج وتخليج تلجأين لاساليب ملتويه


عسى الله يهديج ويصلح بالج

حاولي ترضين كل الاطراف امج واخوج والخدامة بعد اعتذري منها

ورفيجتج قوليلها هالفترة خل تعذرج وانتي خفي شوي مكالمات

 

[فروح]

تخافين من امج وماتخافين من ربج؟؟

السالفه بتطلع عليج هذي خالصين منها ،، ماتقدرين تقولين لاممج التلفون عندي ؟؟ صراحه غريبه


الله يهديج بسس ذنبهاا برقبتج ،

 

[قمر كويتي]

شنو هالبنت الي امج منعتج منها وانتي موقادره تتحملين الا تكلمينها وعلشانها بقتي التلفون؟؟؟؟؟؟؟؟؟ شدعوه عليج
روحي قولي حق امج الصج لان دام وصلت السالفه المخفر راح يطلعون التلفون يطلعونه وراح يبين ان عندج ويشوفون كل مكالمات ومسجاتج وتنفضحين وتفضحين بيتكم

 

[((غلاي))]

لاحول و لا قوة الا بالله
انتي من صجج ساكته
و الخدامه انظلمت
اشهالرفيجه الي لازم تكلمينها و مهمه عندج و تسببتي بكل هالمشاكل
اقل شي قطي التلفون بالصاله
اعوذ بالله

الله يهديج
لازم تقولين لامج لاتسكتين ترى مصيبه هالشي و ظلمج للخدامه

 

[عشق حائل]

معقوله تلفون امك معك تصير هالمشاكل ي حياتي ي ماما دايم جوالها معنا اذا خلص رصيدي سوا انا او خواتي اصلا تنام

وهو عندنا واحيانا تتركه على طاولة بالصاله وعادي وش فيها يعني واذا انك قلتي مدري عادي دايم نقول مدري وتالي نتذكر

ونقول كاهو مافيها شي معقوله في ناس جذي تكبر المواضيع عشان تلفون وانتي تخبين ليش وبعدين الا ظلم تراه ظلمات يوم

القيامه حرام عليج ولي لامج لفونج ندي مو للدرجه تدخلون الشرطه عشان تلفون ومدري شنو مدري متى الناس تكبر عقولهم

ويتركون ظلمهم سوووري تفاعلت مع الموضوع ​

 

[بوح الحنين]

فعلا كبرتو الموضوع انتي المفروض ماتاخين شي مو لك وعقبها تنكرين وبعدها تنظلم الشغاله بسبتك ومي رجعي التلفون وصلي لك ركعتين

 

[~ بنت الهدى ~]

ماتخافين من ربج ؟؟

كم عمرجج ؟؟ حررام عليج

اعتترفي لأهلج بلا هالحركات البايخه لاتظلمينها و تقطعين رزقهااا !

الله يهديييييييج تصرف غريب

 

[جرحو قلبي]

حوبة المظلوم ودعوته تخوف وتعذب

اعترفي لامج حتى لو زفتج او طقتج هذي امج

اما اذا تميتي ساكتة الخدامة بتنظلم وبينقطع رزقها

يعني بتصيرين ظالمة وقطاعه ارزاق

الدنيا ماتسوى اعترفي لامج احسن ، الواحد يالله شايل ذنوبه ، تبين تشيلين ذنب بني ادم ؟؟

 

[عادت ذكرياتي]

الظلم ظلمات يوم القيامة


الله يهديج بس

 

[noor salam]

الظلم ظلمات يوم القيامة حراااااااااااااام ما يجووووووز اعترفي والله راح ينجيك وهذا درس علشان تطيعين والدينج لانهم في النهاية يرون مصلحتج. صدقيني صلي ركعتين واعترفي واعتذري لكل من اخطات في حقه والله راح يكفيج الش ان شاء الله

 

[ريماس فهد]

اعترفي لأمج وقوليلها

الاعتراف بالحق فضيله

تلقين الحين الخدامه قاعده وتدعي عليج

ترى هذا رزق مو لعبه

انا اقوول روحي واعترفي لامج

ترى حووبت المظلوم جايده

وراح ايي اليوم اللي تنظلمين نفسها وتحسسين

والله مااقوول الا جبح وييه
انتي شكلج مراهقه وعايشه الدوور
وانا بعد حاسه انها مو رفيجتج

 

[ننويآ]

خشيه بمكان امج تشوفه :> .. مكان امج تحط اغراضها دايم فيه :> او تحت الكبت جنه طايح وبث خلصت السالفه

 

[الحسن كله]

قطع الأعناق ولا قطع الأرزاق
بس انا هم أحس ان ربي خلى السالفه تكبر عشان تبين الخدامه على حقيقتها .. مهما اتهموها اهل البيت مو توصل لدرجة انها تفتح الغاز على اهل البيت وتاخذ أغراضها وتمشي .. هذي محاولة قتل ألعن وألعن من السرقه ومن كلامج ان لها سوابق وسرقت خط أمج قبل ..انا ماقعد ابرر تصرفاتج بس يمكن يكون فيها حكمه من رب العالمين وفككم من شر اكبر من هذا لان واضح الخدامه مجرمه ومايسوي سواتها إلا واحد مجرم ..لو وحده ثانية بجت او انحاشت بدون لاتفتح الغاز كان عورني قلبي لكن هذي ناوية تذبح كل اللي في البيت !!
والخيره فلي يكتبه ربنا
أنتي بري ذمتج جدام أمج وجدام ربج وتحملي الكلام اللي بيقولونه بس مهما كان كلامهم جارح ماراح يكون مثل حساب ربناوالله يهديج يارب​

 

[نور مغليها]

حرام عليج ليش سويتي جذي . .
الخدامه جايه تدور لفلوس والعيشه .تاركه وراها عيال واهل
يبون لقمه عيش من وراها .
واانتي قطعتي رزقها

شنو هالتفكير .? , علشان تكلمين رفيجتج وتحاجينها تخربين حياه الخدامه !!!!!

 

[ترانيم القصيم]

انتبهي من الظلم ,, إلا الظلم

حوبة المظلوم ما تتعدّى الظالم

انتبهي يا الغاليــة , الظلم محد يتحمّله

حتى لو كانت خدامتكم كافرة ما تظلمينها ,, ترى ربي من عدله ينتقم للفاسق كما ينتقم للمؤمن

خافي ربك و روحي أظهري براءة الخدامة ,,

 

[بداية خير]

الإعتراف أفضل والكذب بالحاله هذي ظلم للخدامه عادي بتآكلين علقه

 

[آلمآآآسه]

مسكينه الخدامه

روحي اعترفي لامج وقولي لها الصج

 

[جلكسيه اس 3]

الحين شنو استفدتي لما كلمتي رفيجتج من ورا امج
واحد الخدامه احرقت بيتكم لانها خافت تقطعون رزقها و ثاني شي اهلج ليلحين عبالهم اهي الي باقت التيلفون
و هذا يعتبر ظلم و قطع رزق
و الدنيا دواره راح اتحوشج حوبتها
عموما لازم اتحملين نتيجة غلطتج و اتصارحين امج انج اخذتي التيلفون منها و مادري شنو الشي الضروري الي لازم اتكلمين رفيجتج طول اليوم
احنا كنا انكمل اصدقاءنا ربع ساعه و فوق هذا ننزف