بينتنا متروس قطاوه

[بين نارين]

:0bee2e8d89:بنات شلونكم شخباركم
بقولكم شي بس ادري موضوعي ضد مواضيعكم بس شسوي والله تعبنا انا واهلي
ابوي ميمع قطاوه الفريج وكل جم يوم يشتريلهم سمج جياس جياس جياس ويقعد عند باب البيت ويقطع لهم بهالسمج وريحه السمج اوووف استغفر الله ياربي وصار مدخل البيت كله قطاوه وزاد الطين بله لقا قطوه عند بيت جيرانا ويا عيالها وقال حق اخوي ييبها وخلها بالبيت( مو بيتنا صار ملجا) خخخخخخخ
وعيالي مساكين مستانسين عليهم ومن يدخلون تصير ريحتهم خايسه وملابسهم كلها شعر وعيالي فيهم ربو واخاف من هالامراض لانهم ممو قطاوه بيت نظيفه وياويله اللي يسويلهم شي واذا فقد وحده يقعد يدور عليها والله يابنات صارت ريحه مدخل البيت خايسه والخدامات عيزوا واهم يحطون بهالديتول والصابون ماكو فايده
تكفوووون يابنات الحلال اللي تعرف شي يخلي القطاوه تروح من البيت تقولي جزاها الله الف خير
قالولنا النشادر رشوا بس مايكون بالارض ماي والقطاوه تشم ريحته وتروح بس ماراحت:0bee2e8d89:
وشاكره لكم اهتمامكم

 

[ZoooQa]

حرام عليج تقطعين رزقهم مساكين ابوك ياخذ فيهم اجر والله

 

[كلي انوثه]

حررررررررررررررررررررام عليج

اذا كلج عادي حتى لو قطاوة شارع وديم للملجا ياخذونهم كلهم

 

[بين نارين]

انزين انا ماقلت شي اشفيكم كليتوني موقصدي اقطع رزقهم يابنات بس ريحه البيت حدها خايسه وبعدين امراض الله يكافينا وياكم وشعر القطوه اللي يطيح مو زين اييب الامراض فا اللي عندها شي يخليهم يبعدون عن البيت تبلغني انا ماقلت ابي شي يموتهم الله يهداكم

 

[سكارف.فوشي]

مممممممممممم
خليها على راحته بس خل يغير المكان اليمعه هههههههههههههههه يعني بدال المدخل خل ييمعهم بالسكه

 

[عسوله تحب بطسايه]

^_*

بدع البابا

 

[sweet cake]

امس كتبت رد بس مادري ليش ما طلع !!
المهم انا ادري ان مو قصدج تقطعين رزقهم لأن اصلا رزقهم من الله مو منج وربي سبحانه يوفر لهم الرزق ..
وبعدين يا بنات البنت معاها حق يعني احنا نقول مانخلي قطاوتنا يطلعون برا عشان لا يلقطون الامراض وكلنا ندري ان قطاوة الشوارع مو نظيفه ومليانه جراثيم وميكروبات لأنها تدخل الزبايل عزكم الله..

المهم خيتو انا سمعت لكن مو متأكده من المعلومه.. يقولون ان قشر البرتقال يوخر القطاوه.. عارفه اول ما تقشرينها شلون ريحتها تكون قويه وتحك الخشم؟؟
يقولون ان هالريحه تأذي القطاوه وما يحبونها والله اعلم..

 

[xXBountyXx]

ليش ماتتصلين على ملجأ "عايشه الحميضي"

خصوصا إذا القطاوه أليفه راح ياخذونهم كلهم






تحياتي
xXBountyXx

 

[حنونة المزيوونه]

عطيني ايااهم هههههه<<ولا بالأحلام الوالد الله يحفظه مايرضى

حطيهم كل العايلة الكريمة بقفص ووديهم حديقه او اي مكان امين

 

[بين نارين]

مشكووره حبيبه قلبي على التفاهم والمعلومه فديتج والله جزاج الله خير

 

[بــدويه]

هههههههههههههههههههههه معاج حق كل شي لو زاد عن حدة ينقلب ضده ...

والقطاوه اللي من الشارع تجيب القم للبنات ..

حبيبتي رشي عند مدخل البيت فلفل اسود بودره بكميات كبيره < مجرمممه فضحت السر

لان عادت القطوه تشم المكان قبل ما تدخله والفلفل الاسود يزعجها ويخليها تعاطس ويعورها شوي فا تبعد عن المكان اللي فية فلفل اسود ..

لا بس جد حالتكم حرام مستعصيه ما يصير مكودين قطاوت الشارع باجر تجيكم امراض ..

 

[بنت الكويت العسل]

في سبراي تلقينه بمحلات الحيوانات يبعد القطاوه عن المكان سئلي عني في ايس هاردوير او تروفاليو او مركز سلطان واذا مالقيتيه طلبيه من النت