بيموت اللي فبطني بسبب زوجي

[ماما_عودا]

اتوقع انه مريض نفسي لأنه ابوه قاعد يتستر عليه وخايف من شي

 

[Mjnont '3lay]

الله يعينج ويقوي قلبج ويصبرج ويقوووودج للي في مصلحتج وكلي امرج لله قولي اللهم اني فوضتك امري واتكلت عليك في امور حياتي فأصلحها لي ويسر لي اموري وارزقني كل خير

 

[قاهره عذالي]

انتي مظلومه

وادعي

دعوة المظلوم مستجابه

شهالعايله اللي الله بلاج فيهم

بدال ما الاب يعقل ولده

بنات الناس مو لعبه

وهذا ماعنده سبب ضدج

يا اختي عسى الله يعينج

 

[katkoota90]

الله يعدي هالمشاكل على خير
ويهديكم لبعض

لا تقولين جذي عورتي قلبي والله

ماتدرين يمكن اللي ببطنج يحل لج كل المشاكل
الله يسخر لج الخير والسعادة والراحة

من كل قلبي ادعي لج

 

[رقـة الاحسـآس]

الموضوع فيه ان
على كل اللي يسويه ابوه يسايره و فوق هذا يوافقه الراي انه يوديج بيت اهلج
شسالفه
وشو الاسرار اللي يقولها لاهله؟

واهلج ليش ساكتين ع الوضع؟

 

[granted]

احس عنده مشكله نفسيه وايد متقلب وهوائي وهالشي مأثر حتى على علاقته باللي حواليه
على العموم انتي فكري هل تتحملينه وتصبرين عليه وعلى اهله الي يدشون بحياتج
او تتخذين قرار الإنفصال وتردين لهلج مع البيبي وتحطين اببالج ان فرصة زواجج مرة ثانية بعد هالسالفه بتقل خصوصاً مع البيبي
فكري وأوزنيها براسج واستخيري
الله يفرج همج ويصلح احوالج

 

[جادل سبيع]

احس ان في جزء بالسالفه مانذكر مادري ليش؟
انتم بينكم شيء كبير مو معقوله تصرفاته وشروطه وانتم مابينكم الا كل خير؟
ومع ذلك اقولج:


خليه ايولي وفرقاه عيد..

والله ايعوضج باللي احسن منه ومن طوايفه وقولي خيره باذن اللي عينه ماتنام..

 

[Pupiipop]

سووووري يعني بس حسبي الله على ابليسه
ليش جذذذذي!!!!!!! اذا اهوا مريض نفسيا يتعالج
و اذا مو قادر ليش خذاج عيل ؟؟؟ عذر اقبح من ذنب
انا اقوووووول
اهوا و ابوه فيهم شي غللللللللط مليون بالمية
انتي لا تسكتين شنو هذاا!!!!
و حامل بعد
والله انا لو منج لا اسففففل فيهم كلهم
​

 

[سكوون انثى]

ماادري آحس فيه شي ولآزم يقرون عليه

وبعدين لآترسلين له شي خليه هو اللي يكلمج ويدور عليج

 

[elcadbury]

الله يهدي النفوس ان شاء الله
ربي يعينج

 

[اخت خالتهم]

انتـي مولعبـة مع احترامي لزوجج أهـو اللعبـة .. يخلي أهلـه يتحكمون بكـل شي أهـو مبين يحبـج ويموت فيج
بس أهله لاعبين فيه لعـب من كـلامج

لا تكلميـنه وحقريه ولي شـاف ضنـاه بيطخ و إذا ما ركد .. سئلـي أهلـج شتسوين و سئلـي أمـج
فاهمين و خايفين عليج اكثـر منا

اخاف نقول تطلقي و ما يكون الحل الصـح واخاف نقـول لا ترجعين وما يكون الحل الصح
و اخاف نقول رجعي يكون الحل الغلـط
اهلج يخافون عليج اكثر مني و منج

عسى ربي يهديه و مبين يحبج والله بس اهلـه لاعبين فيه لعب

 

[الـمـسـتـبـدهـ]

اول شي استهدي بالله وانتي موبروحج ببطنج بيبي اهم شي اللحين تفكرين فيه

وزوجج طنشيه ولا غيري رقمج وارتاحي ,,

لهي نفسج بأي شي ثاني وانسيه لانه موكفوو اي ذرة تفكير منج ..

الله يوفقج ويسعدج ويسهل عليج ان شاءالله ,,​

 

[امـ خــزامـى]

ياقلبي الله يسهل عليك ويسسر امورك ياكريم

انت مظلومه ادعي دعوتك مستجابه

ولاتفكرين واجد ترى انت حامل اهتمي بنفسك وبااكلك وشربك وفيتاميناتك عشان ماتحسفين
خسرتي راحتك بس لاتخسرين صحتك والبيبي

وبالنسبه لزوجك واضح فيه سر بالموضوع وبعدين وش دخل المغرب

حبيبتي بسالك سؤال اكيد تعرفين جوابه

زوجك كان يسافر للمغررررررررررررررررررب ؟؟

اتمنى تردين علي

والله يسخرلك جنود الارض وملائكة السماء ويوفقك ويهون عليك مصابك


حسبي الله لا اله الا هو علي توكلت وهو رب العرش العظيم

 

[ابلة لولوة]

الله يفرج همج
وحسبي الله ونعم الوكيل فيه وباهله

 

[دلوعة أبوهآ]

الله يفرج همك يـارب

 

[بنتي نور عيني]

الله يعينج حبيبتي ويهديه وترجعون لبعض يارب

 

[نوني العسل]

هذا مزاجي مخلي كلش على كيفه ليه خير ترى الرجال مايصير تذلي نفسك له يستاهل ولا مايستاهل هذا ماكملتو سنه وهو كذا كيف بتكملي باقي العمر معاه لو انا ابيعه وبرخيص الله يكتبلك اللي فيه الخير احمدي ربك من اولها بان على حقيقته مو مثل غيرك يمص عافيته وكرامتها وسنين عمرها ويبيعها برخص التراب
انصحك استخير ي واتركيه ترتاحي ومدام مايبي عيال خلاص لك الضنى الله يحفظه لك
الله يفرج همك وييسر امرك ياحياتي وبشرينا شي يصير معاك

 

[* Snow White *]

اكو انه فيه، وابوه قاعد يحاول يرقع له ويدري شفيه
الله يعينج .. جان سالتو عنه قبل لاتاخذينه؟ احسن حل الوحده لي احد يخطبها ابو البنت يطلع وياه يشوفه .. يحق له
ربي يوفقج ويقومج بالسلامه انتي وبنتج

 

[متغليه لعيونه]

بسم الله عليك انتي ولي ببطنك

احس زوجك مريض نفسي..؟
و ابوه هو اللي يتحكم فيه
الله يعينك

 

[نـعـومـه]

يا انه مريض

او معيون مسحور

او يحب احد ثاني


شوفي وين المشكله