بيموت اللي فبطني بسبب زوجي

[شجون قصيمية]

اهلين بنات



سالفتي طويلة مدري من وين ابدا ...



متزوجة بكمل سنة وزوجي كل شهر يجيبني عند اهلي يخليني شهر او اكثر بهدلني معة


يطلع اسرار بيتنا انا وياة عند اهلة واعترف لي بهالشي من اول الزواج ولاناقشتة راح يقول لاابوة وابوة يقولة ودها


لااهلهاحسبي الله علية وكل شوي يقولي ماابيك والدبلة شي جديد علي والله يسعدك مع واحد غيري مع انة


تزوجني وكان منهبل علي بالشوفة وهو اللي اختارني برغبتة لاننا نعرفهم من بعيد ويوم تزوجتة تغير علي بعد


الزواج بشهرين


المهم وداني عصبن عني بيت اهلي وخلاني ثلاث شهور ونص اعاني بدون مصروف ولايتصل ولايسال عني وكل


شوي يقولي افهمي ماابيك وارسل لة اقولة دام انك ماتبيني فاانا ماابيك لاتعلقني وقتها ارسل لي قالي لو


ماابيك كان مافكرت الحين اني ارجعك


المهم بفترة اللي جلست فيها عند اهلي اكتشفت اني حامل وبدخل الشهر الثالث وسبحان الله قبل مااعرف


اني حامل بيوم دق علي وقالي ادا بترجعين ترجعين بشروطي وحمل مافي خلال سنة قلتلة اللي كاتبة ربي


بيصيروفعلاماكنت ابي احمل بس ربي اراد وبعد ثلاث شهور كلم اخوي وقالة ترجع لي بشرط ماتدكرالماضي لاانا


ولاهي قال اخوي اوك وبعدهااا جاءواخدني وليتة مااخدني


رجعت بيتي وصار كل شي اوكي ثلاث اسابيع وبعدها رجع يقولي ماابيك وماابي اظلمك والله يسعدك مع واحد


غيري ولابارك لي بحملي لاهو ولااهلة وكل شوي يقول المحبة من الله ويرجع يقولي لو ماابيك كان ماجيت اخدتك


من اهلك وكل شوس يقولي بوديك لااهلك وعطيني مساحة افكر وانتي ادعي ان الله يحنن قلبي عليك


واجلسي عند اهلك لحد الولادة ورفضت قال غصبن عليك قلتلة انا مولعبة عندك مرااا ابيك وعشرة لا ..اناتزوجت


عشان استقر موكل شوي تشحططني ويحاول باي طريقة ورفضت


المهم الحقيرررررروداني لااهلي غصبن عني هو وابوة ورموني عند باب بيتنا وقال ابوة لااخوي بودي ولدي لشيخ


وقال ع اسمة المهم قلت لااخوي يكذبون ماراح يروحون لشيخ ومن بكرا اخوي دق ع الشيخ وتاكد قال الشيخ


ماجاني احد ووقتها دقو على اخوي وقالو رحنا الشيخ وولدي ماطلع فية شي انت ودي اختك وخلهم يقرون عليها


وقبلها اصلا ابوة قايل لي روحي لااهلك وانا باخد ولدي للمغرب


وقالي فية شي بس ماراح اقدراقولة لك لمين نرجع انا وولدي من المغرب وكانت هدي كلها تمثيلية ماراحو


ولاشي حطووووووووووووني وانحاشو وانا الحين بلشهر السابع تعبت وزوجي اصلا قايلي انا مااقدر اعطيك


حقوقك ومااقدر اسعدك وانا اصلا عندي نقص وانا انسان انطواىي وروحي لااهلك ويمكن ربي رايد انو نجيب


هالبيبي وبعدها ارسلك ورقتك


جنني تعبت تعبت تعبت احس بيمووووت اللي فبطني بسبتة ويمكن اموت انا وياة

 

[Tantoshah]

حبيبتي استهدي بالله وكل شي قسمة ونصيب من رب العالمين خلي ابوك يدخل او احد من اخوانك وانتي لا ترسليلة شي هالفترة احقريه خلي يحس بقيمتك شوي مو فاهمة يعني احد يوزة عليج ولا شنو ؟ تصرفاتة جدا غريبة والله يسهل حملك وتولدين بالسلامة ويفرج همك يارب ادعي بوقت الولادة لها اجابة رهيبة سبحان الله وطلبي كل شي والله يهدي سركم

 

[(حكاية قلب )]

انتي مو لعبة وقت الي يبيج يردج واذا مايبيج قطج خييير
احسة مب صاحي ولازم تقرون علية
​

 

[متواضعة]

لا حول ولا قوة الا بالله العلي العظيم الله يجعلج اللي فيه الخير والصالح ويهون عليج ويفرجها صبري وربج كرييم

 

[زوجي توأم روحي]

واهلج شنو دورهم بالموضوع ؟؟
لانى بصراحة ما حسيت أحد منهم تحرك خلال هالسنة ؟؟؟:bbbiu:

 

[المرتاحة]

قولي له ما تشوف شر

 

[-فلانة-]

واااااااااااضح إنه مريض نفسي حبيبتي
تصرفاته مو طبيعية
بالمختصر..
فرقاه عيد..​

 

[hazel eyes]

واااااضح انه مررريض نفسي الله يعينج موو صاحي حاطج لعبه

خلووه يقرا عند شيخ او يروح طبيب نفسي

 

[بقلبي انت]

مادري بس احس السالفه فيها شي مو طبيعي وليش ابوه يقوله ودها لاهلها وطلقها
مادري في شي مو طبيعي بزوجج الله يشفيه اخاف مريض او مسحور وابوه يدري
خلي اخوج او ابوج يكلمونه بجد ويحطون حد للمهزله هذي يوم ماخذج وعشره عند اهلج اذا مايبيج يطلقج
وانتي ان شاءالله بتشوفين نصيبج

 

[جلكسيه اس 3]

ااسمحيلي اختي القانون لا يحمي المغفلين اهلج على طول الي خلوج ترجعينله بدون لا يسمعونج للاسف
ما يبيج توصلج اورقتج غصبا عنه و مصروفج طول الشهور الي ماعطاج
رفعي قضيه و شوفي اشلون بيموت قهر
و ترا اهو واهله يسون جذي لانه شافوكم ناس زينه. فيقولون بقولبهم ابوج ساكت و ماراح يسوي شي
و لج منه يا قلبي نفقه و متعه
رفعي قضيه عليه و اكسبيها عشان يعرفون اهله ان بنات الناس مو لعبه
و هو خليه يولي و مبين عليه نا يبي بيبي وعموما الله يعوضج بواحد احسن منه

 

[$$king moon$$]

حبيبتي اتوقع مليون بالاميه ان الولد وابوه وراهم
شي وبعدين ياقلبي خليه يولي وحطي بالج على نفسج والبيبي
ولاتردين له احسه مافيه رجوله

 

[ام كوثر2007]

حبيبتي الحياه الزوجيه اهم ما فيها الاستقرار النفسي

وانتي علي وصفج هذا انه الاستقرار النفسي بصوب وانتي بصوب

انا اقول دامه هالنمونه وريال مو متحمل المسؤوليه ويمشي علي شور ابوه بكل كبيره وصغيره

مالج الا الاانفصال

لانه علي حسب وصفج له احتمال كبير انه يكون يحب انسانه ثانيه وبوجودج معاه حاول انه ينساها بس ما قدر .. وعشان جذى يقولج مابي اظلمج

انا اشوف اول شي وقبل الطلاق تخلين اهلج يقعدون قعده رياييل ويقوولون لهم عن تصرفات ولدهم اللى اهم ابخص فيها

واذا الابو يطلع اردي من ولده .. ذيج الساع يا قلبي مالج الا انج تطلقين بعد شتسوين يعني .حتي مو حلوه بحقج كل اشوي حاذفج بيت اهلج .. الناس مالها الا الظاهر يا قلبي ما راح يقولون ريلها ما فيه خير .. لا راح يقولون شنو فيها الى مو مخليه يتحملها ..

طمنينا عليج وعسى الله يقومج بالسلامه ان شاءالله انتي مع البيبي ..

 

[العز انا]

زوجج مريض نفسي
عليج بالدعاء والصلاه وقيام الليل والتضرع بالدعاء لا تيسين وخلي ايمانج بالله قوي وخلج صارمه بكلامج
اقعدي عند اهلج لين يتسنع ما تسنع خلي اهلج خوالج عمانج اخوانج ابوج يكلمونه يتفاهمون معاه
ليمتى جذي يعني

 

[ام اشكن]

الله يعينج حبيبتي ويهديه وترجعون لبعض يارب

 

[نونه المنكوشه]

الله يعينج واضح في خلل بمخه موصاحي خلاص خليه يولي والله يعوضج باللي احسن منه العمر واحد ماراح ينفعج لوصارلج شي لاسمح الله

 

[THE HONEY]

حبيبتي والله عورتي قلبي

الوحده تتتزوج عشان ترتاح وتستقر مو تنذل !!!
شنو يوم ابيج وعشره لا !!! انتي مو لعبه عنده !!

ومدام قالج ابي ادزلج ورقتج خيدزها ولا تعيشين مذلوله عنده
اليوم ابيج وباجر لا
هالانسان ما يستحقج وشوره بيد ابوه شنو يروحون المغرب وين قاعدين الحمدلله والشكر !!!!!!!!!!
بدال لا ابوه يعقله يطلع اخبل منه الحمدلله والشكر!!!

خيكلمه اخوج ويقوله شوف يا ولد الناس اختي انذلت عندك ذل واحنا ما نرضالها المذله والمهانه
يا انك تتغير وتتسنع يا انه مثل ما دخلنا بالمعروف نطلع بالمعروف
واذا طلق وما دفع نفقه ومن هالامور رفعي عليه قضيه عشان يعرفون اهو واوبوه انه الزواج مو لعبه وبنات الحمايل مو لعبه عنده

والله يفج عوقج يارب بالقريب العاجل :***

 

[om-3azo-83z]

واضح ان مريض نفسي و ما عنده شخصيه و ابوه متحكم بكل قراراته لانه ما يقدر يتخذ اي قرار بروحه ما عنده الجراه يسويها متردد بكل شي ينطر احد يقنعه بقراره .. مابي اوزج بس الشخص اللي مثل هذا فرقاه عييييد
بس نصيحه .. خلي ابوج و اخوج يمسكونه بروحه فبيتكم ابوه لايكون معاه و يكلمونه و يشوفون شنو قصته بالضبط و دام انه مو قد المشؤوليه ليش يتزوج ! خليهم ياخذون حقوقج كامله منه و اولهم المصرف لج و حق اللي فبطنج بعد
و انتي ريحي نفسج كافي تعب الحمل و ادعي ربج يسخره لج اذا كنتي تبينه

 

[ạ7ạśêś ~]

وووي الله يعينج انتي منتي لعبه عشان يوم ابيج وعشره لآِـآ
حطي حد لـ هل الموضوع وين اهلج بالموضوع .؟
وعسى الله يقومج بسلامه ويهدي ريلج لج

 

[حبيبي مالكني]

عورتي قلبي حبيبتي
الله يعينج
الي ما يبيج انتي لاتبينه
وهالياهل خير لج
والله يقومج بسلامه

 

[قمر كويتي]

هذا يا يحب وحده , او ان مو صاحي يعني مريض نفسي , او ان مسحور او محسود بزواجه منج والله يستر عليكم ويسهل اموركم يارب