بيت بلا خدم ؟؟؟

[miss_wolf]

بسم الله الرحمن الرحيم
الموضوع صج ذابحني ليش مافي بيت كويتي بلا خدم تخيلو معاي وابي اجابتكم بكل عفوي وصراحه شلون راح يكون البيت
وشلون شكل ربت البيت جسديا وعند نظرة الناس وانا بصراحه ماشجع فكرة الخدم بالبيت خصوصا اذا كان رجال وزوجته بس او حتى لوعندهم طفل احسن شي ان تيي وحده واثقه منها وعارفه طبايعها تنظف البيت وتشوف شغله اي مساعده وبعديت تتوكل على الله والطفل يكون بالحظانه
وانتم شنو رايكم؟

 

[أم@الحلوين]

أنا ما عندي خدامه وأم حق طفلين وأنا توني طالبه أدرس بالجامعه


وأحس أريح من كل النواحي وحمدالله منظمه وقتي بين زوجي وعيالي ودراستي وبيتي

 

[لا للخدم]

مادري ليش مصعبين السالفة المسألة مسألة تعود لا غير

 

[fruitygirl]

الحمدلله ما عندي خدامه
و عيالي الله يحفظهم و يحفظ عيالكم واحد راح يكون باولى ابتدائي و واحد سنه اولى روضه و العنونه الله يخليها بدخلها الحضانه
عندي احسن من اني اقطها عند خادمه الله يعلم شنو اهي
الحين الخدم يخوفون مو نفس اول الي تيي و مسويه الف عمله علشان المعزب و المعزبه يخدمونه بدال لا اهي تخدمهم
و الي قلبها حجر تكفخ باليهال حيل ..... الخ
الله لا يعوزنه لهم
و يحفظنه منهم و من شرهم ان شاء الله

و آسفه طولت وايد بالحجي

 

[Om-Nasser]

والله انا معاكم ومأيدتكم 10000000000000000000 %

بس شر لابد منه

انا عندي اودي عيالي حضانه ولا يقعدون بالبيت مع خدم وطبعا مو اي حضانه


خوش موضوع والله ياعطيك العافية

 

[ريماا]

ماشالله عليكم
وسالفة انى اقعد بدون خداامة انا مخليتها خطة مؤجلة لسنة او سنتين
انا محتاجة الخدامة حاليا عشان عيالى تجابلهم لى رحت مشوار صغير واهم كانو نايمين او تطلع ماعاهم بالحديقة حزة العصر مو معقولة انا بطلع معااهم ومااقدر احبسهم
ولا ترتيب البيت والطبخ هذا كلة سهل ومقدوور علية
الحين باجى على سفرة خداماتى تقريبا سنة وجم شهر يكونون عيالى كبرو اشوى اصغر واحد بيكون عمرة 4سنوات اهنى اقدر اكوون موفقة بين بيتى وعيالى من غير مااهلك نفسى الان عيالى كبار حزتها

 

[عهود الحب]

واذا انا بالدوام ؟
وساكنة بروحي بدون حمولة يتابعون عيالي ولا اي شي وحتى الحمولة مومكلوفين بعيالنا
صعبة
بس تظل حلم انه البيت يفتك من شي اسمه خدم

 

[برونزية رشيقة]

حبيبتي ذكرتيني في ردي على عضوة مسوية موضوع قبل سنة .. وكان عندها نفس حلمج الجميل هذا ..

يا قلبي الواقع شي .. والحلم شي .. كلنا ودنا نستغني عن الخدم بس تفضللي اقري ردي عليها ..

وبشوف تأيدوني وإلا أنا غلطانة ؟؟؟؟؟؟؟؟؟؟؟

هااااااااااج اقري الرد إللي كتبته لها ...

خووووووووووووش موضووووووووووووووع ويعطيج العافية ... بس ما نقدر إحنا موظفات هذا أولا وثانيا أم زوجي كبيرة بالسبعين وامي كبيرة بتوصل الستين ما يقدرون عاليهال ...

وثالثا الزوج الكويتي أناني !!!! مو مستعد يتنازل عن طلباته وشغله يبي كلشي 5 نجوم ... وإلا راح ينقدعليج ويزهق عيشتج !!!

ما يقوووووووول : هذي موظفة حالها من حالي !

لأ

(((( قاعدة الزوج الكويتي )))) إجباري عليج يعتبرج:

1- الصبح : موظفة ... يبي نصيبه من معاشج !

2- العصر : طباخة وخدامة ... يبي غداه جاهز .. وغترته منشية والدشداشة مكووووية ..

3- المغرب : مربية ... يبيج إدرسين اليهال وتجابلين طلباتهم .. وطلبات المدارس ... وتعشينهم .. وتسبحينهم .. وتنوميهم .. وإن واحد مريض تودينه الطبيب وتصيرين (( سستر )) دوا وكمام ومضاد حيوي وكمادات ... وهو هايت برررررررة يا قهوة يا شيشة !!!


4- العشا : إمرأة مجتمع .. لازم تزورين حمولتج .. وتوجبين إخته الوالدة .. وبنت عمته أللي سوت العملية ... ويدته أللي يايه من الحج ... ويا ويلج إذا ما رحتي !!! يسوونج ما تعرفين السنع ويترسون راس ريلج عليج..

5- بلليل : يبيج تعطينه حقوقه الزوجية ... وإلا هددج يا يتزوج عليج ( إذا خايف ربه ويصلي ويصوم ) وإذا عادي لا صلاة ولا عبادة عااااادي يهددج راح يماشي وحدة من وراج !!!


هااااااااااااااااااه تقدرون تستغنون عن الخدامة ؟؟؟؟؟؟؟؟؟؟؟ مع أنانية الكويتي ؟؟؟؟؟ وعقليته إللي تقوله من انولد أن (( ملك )) والزوجة موجودة علشان تكون جاريته ؟


ردووووووووووووووووووا علي بسمع تعليقاتكم ؟؟؟؟؟؟؟؟؟؟؟؟



وخل أكمل لج .. شوفي شنو صار لمن طبقت ..حلمج الوردي الحلو على أرض الواقع ... تفضللي ؟؟؟؟

السلام عليكم .. أحب أقولكم تجربتي الأليمة من غير خدامة ....

أقوم من فجر الله علشان أجهز أغراض المدرسة حق ولدي ..

عقب أقعد أللي بالبيت لأن معتمدين علي كلهم أذا ما قعدت تروح عليهم نومة ..

ألبس أي شي ( هذا أول الأيام .. وعقب ما زاد علي الغسال والأوتي .. الله يعافي العباية الإسلامية حق دوام حق جمعية حق سوق حق بيت أمي حق أهل ريلي ... كل هذا علشان ماكو خدامة وما عندي وقت أضرب أوتي ) ..

عقب أداوم من 7 ونص ألى 2 ونص .. الظهر على ما أطلع من الزحمة أوصل بيتي 3 الظهر .. أبلش طبخ الغدا .. لا يفوتكم عوار الراس والصداع من الدوام .. أخلص الطباخ يتغدون أبلش غسال مواعين ..

توني برتاح شوي وإلا أذان المغرب ويقعد ريلي ويقططططططططططط علي دشاديشه وغتره يبي أوتي ويبي غسال بالإيد ( على فكرة ريلي وسواسي بالنظافة وما يحب شي اسمه كواااااااااي ولا مصبغة علشان ما يصير فيه مرض جلدي أو إيدز أهو جذي تفكيره ... شسوي ريلي ونصيبي جذي ) ..

أخلص غسال أبلش .. تنظيف حمامات .. أخلص أخم الصالة ..

طبعا ريلي يكون راد من القهوة او الديوانية يبي عشا .. أطبخ العشا .. ويبي غترة حق باجر دوامه .. ودشداشة يديدة !!!

أضرب أوتي لحد الساعة 11 بلليل !!!!

خلصنا توني بقططططططط راسي بنام الأخ متفرغ يبي ( حقوقه الزوجية ) طبعا من غير خدامة جنج عيوز عمرها 70 سنة ماكو لياقة .. ومتكسرة ومالج خلق نفسيا ومعنويا وجسديا ..

باجر وراج دوام .. تخيللللوا الوضع !!!


ملاحظة :

1- محد راح يتبرع ويمسك أعيالج .. سواء أهل زوجج أو أهلج كل من يمشي على المبدأ أللي يقول (( اللهم نفسي )) .

2- تنقطعين نهائيا وقطعيا وأبديااااا عن شي اسمه : زيارات عائلية لأنج من تروحين حمدلله والشكر أعيالج بفشلونج يا يكسرون شي .. يا يركضون بالشارع .. يا تستخفين على ما تسوقين سيارتج وتوصلين بيت الناس .. ما تسوى عليج الزوارة والناس يخزونج علشان تقومين ورا أعيالج .. جدامج حل من الحلين :
أ- تنقطعين عن الزوارة ولا نظرات الاستهجان من الناس والحمولة .
ب- تروحين بس تصيرين مثل الهبلة حمدلله والشكر تركضين وراهم .. حتى أستكانة شاي ما تشربين .

3- أنسي شي اسمه صالون .. ما تقدرين .. أذا فكرتي تروحين حالتج بتكون : الريل يلله نفسي .. العيال ماتدرين يا متهاوشين يا هايتين بالشارع زين ما تدعمهم سيارة وإلا شي .. يا مكسرين المواعين وألعابهم .. يا هذا طاق هذاك .. وهذاك طاق هذا .. وتذكري شي من تروحين الصالون : المواعين ناطرتج .. الحمامات ناطرتج .. غسااااااااااااااااااال هدوم .. سلال سلال أوتي مكودة ناطرتج !

4- شكلج وايد راح يطلع كووووووول سبحان الله .. من كرف البيت : لا تصدقون قاعدة أطنز .. الله وكيلج .. الشعر كششششششة .. وريحتج طبااااااااااااااااااااااخ .. وإلا ديتول عقب التنظيف صابغة في ملابسج ..

وإيدج حتى لو تلبسين دسوس ( قفازات ) بلاستيك .. بشري بالأكزيما .. والنفر .. والحساسية .. والخشوووووووووووونة .. جلد أيدج بيصير ناشف لو تحطين كل أنواع الكريمات ماكو فايدة ..

5- هالات سود : داير مدار عيوووونج بسبة ماكو خدامة وماكو نوووم وكرررررررررررف بالبيت 24 ساعة شغل في شغل ..

وهذي الأسباب أللي مريت فيها لمدة 3 شهور ونص .. وخلتني أجزززززززم وأتأكد أن لا حياة لي بدون خدامة ..

جربوا حبايب قلبي شهر بسسسسسسسسس شهر .. وقولوا : لا للخدم !

ضحكتوني مع حملتكم .. لا للخدم .. إلا نعم للخدم .. و 1000000000 نعم للخدم ..

حالتنا حالة .. مذلة .. وتكسر .. والناس مالهم خلق أعيالج .. وشكلج يصير مبهدل .. وأكزيما وبيشرة جافة ..

كله علشان لا للخدم !

أنا مع الخدم ..... بس مع مراااااااااااقبة 24 ساعة ..

الله سخر لنا شي اسمه ( كاميرا مراقبة الخدم ) علشان نرحم نفسنا ..

خير الأمور الوسط لا تقطين كلشي عالخدامة وتتحسفين ..

ساعديها هذي بشر ..

ربي أعيالج الخدامة مو مربية ..

راقبيها بدون ما تحس !!!

لا للخدم هههههههههههههههههههههههههه إلا نعم للخدم

 

[نونو ام كشة]

حبيبتي ذكرتيني في ردي على عضوة مسوية موضوع قبل سنة .. وكان عندها نفس حلمج الجميل هذا ..

يا قلبي الواقع شي .. والحلم شي .. كلنا ودنا نستغني عن الخدم بس تفضللي اقري ردي عليها ..

وبشوف تأيدوني وإلا أنا غلطانة ؟؟؟؟؟؟؟؟؟؟؟

هااااااااااج اقري الرد إللي كتبته لها ...

خووووووووووووش موضووووووووووووووع ويعطيج العافية ... بس ما نقدر إحنا موظفات هذا أولا وثانيا أم زوجي كبيرة بالسبعين وامي كبيرة بتوصل الستين ما يقدرون عاليهال ...

وثالثا الزوج الكويتي أناني !!!! مو مستعد يتنازل عن طلباته وشغله يبي كلشي 5 نجوم ... وإلا راح ينقدعليج ويزهق عيشتج !!!

ما يقوووووووول : هذي موظفة حالها من حالي !

لأ

(((( قاعدة الزوج الكويتي )))) إجباري عليج يعتبرج:

1- الصبح : موظفة ... يبي نصيبه من معاشج !

2- العصر : طباخة وخدامة ... يبي غداه جاهز .. وغترته منشية والدشداشة مكووووية ..

3- المغرب : مربية ... يبيج إدرسين اليهال وتجابلين طلباتهم .. وطلبات المدارس ... وتعشينهم .. وتسبحينهم .. وتنوميهم .. وإن واحد مريض تودينه الطبيب وتصيرين (( سستر )) دوا وكمام ومضاد حيوي وكمادات ... وهو هايت برررررررة يا قهوة يا شيشة !!!


4- العشا : إمرأة مجتمع .. لازم تزورين حمولتج .. وتوجبين إخته الوالدة .. وبنت عمته أللي سوت العملية ... ويدته أللي يايه من الحج ... ويا ويلج إذا ما رحتي !!! يسوونج ما تعرفين السنع ويترسون راس ريلج عليج..

5- بلليل : يبيج تعطينه حقوقه الزوجية ... وإلا هددج يا يتزوج عليج ( إذا خايف ربه ويصلي ويصوم ) وإذا عادي لا صلاة ولا عبادة عااااادي يهددج راح يماشي وحدة من وراج !!!


هااااااااااااااااااه تقدرون تستغنون عن الخدامة ؟؟؟؟؟؟؟؟؟؟؟ مع أنانية الكويتي ؟؟؟؟؟ وعقليته إللي تقوله من انولد أن (( ملك )) والزوجة موجودة علشان تكون جاريته ؟


ردووووووووووووووووووا علي بسمع تعليقاتكم ؟؟؟؟؟؟؟؟؟؟؟؟



وخل أكمل لج .. شوفي شنو صار لمن طبقت ..حلمج الوردي الحلو على أرض الواقع ... تفضللي ؟؟؟؟

السلام عليكم .. أحب أقولكم تجربتي الأليمة من غير خدامة ....

أقوم من فجر الله علشان أجهز أغراض المدرسة حق ولدي ..

عقب أقعد أللي بالبيت لأن معتمدين علي كلهم أذا ما قعدت تروح عليهم نومة ..

ألبس أي شي ( هذا أول الأيام .. وعقب ما زاد علي الغسال والأوتي .. الله يعافي العباية الإسلامية حق دوام حق جمعية حق سوق حق بيت أمي حق أهل ريلي ... كل هذا علشان ماكو خدامة وما عندي وقت أضرب أوتي ) ..

عقب أداوم من 7 ونص ألى 2 ونص .. الظهر على ما أطلع من الزحمة أوصل بيتي 3 الظهر .. أبلش طبخ الغدا .. لا يفوتكم عوار الراس والصداع من الدوام .. أخلص الطباخ يتغدون أبلش غسال مواعين ..

توني برتاح شوي وإلا أذان المغرب ويقعد ريلي ويقططططططططططط علي دشاديشه وغتره يبي أوتي ويبي غسال بالإيد ( على فكرة ريلي وسواسي بالنظافة وما يحب شي اسمه كواااااااااي ولا مصبغة علشان ما يصير فيه مرض جلدي أو إيدز أهو جذي تفكيره ... شسوي ريلي ونصيبي جذي ) ..

أخلص غسال أبلش .. تنظيف حمامات .. أخلص أخم الصالة ..

طبعا ريلي يكون راد من القهوة او الديوانية يبي عشا .. أطبخ العشا .. ويبي غترة حق باجر دوامه .. ودشداشة يديدة !!!

أضرب أوتي لحد الساعة 11 بلليل !!!!

خلصنا توني بقططططططط راسي بنام الأخ متفرغ يبي ( حقوقه الزوجية ) طبعا من غير خدامة جنج عيوز عمرها 70 سنة ماكو لياقة .. ومتكسرة ومالج خلق نفسيا ومعنويا وجسديا ..

باجر وراج دوام .. تخيللللوا الوضع !!!


ملاحظة :

1- محد راح يتبرع ويمسك أعيالج .. سواء أهل زوجج أو أهلج كل من يمشي على المبدأ أللي يقول (( اللهم نفسي )) .

2- تنقطعين نهائيا وقطعيا وأبديااااا عن شي اسمه : زيارات عائلية لأنج من تروحين حمدلله والشكر أعيالج بفشلونج يا يكسرون شي .. يا يركضون بالشارع .. يا تستخفين على ما تسوقين سيارتج وتوصلين بيت الناس .. ما تسوى عليج الزوارة والناس يخزونج علشان تقومين ورا أعيالج .. جدامج حل من الحلين :
أ- تنقطعين عن الزوارة ولا نظرات الاستهجان من الناس والحمولة .
ب- تروحين بس تصيرين مثل الهبلة حمدلله والشكر تركضين وراهم .. حتى أستكانة شاي ما تشربين .

3- أنسي شي اسمه صالون .. ما تقدرين .. أذا فكرتي تروحين حالتج بتكون : الريل يلله نفسي .. العيال ماتدرين يا متهاوشين يا هايتين بالشارع زين ما تدعمهم سيارة وإلا شي .. يا مكسرين المواعين وألعابهم .. يا هذا طاق هذاك .. وهذاك طاق هذا .. وتذكري شي من تروحين الصالون : المواعين ناطرتج .. الحمامات ناطرتج .. غسااااااااااااااااااال هدوم .. سلال سلال أوتي مكودة ناطرتج !

4- شكلج وايد راح يطلع كووووووول سبحان الله .. من كرف البيت : لا تصدقون قاعدة أطنز .. الله وكيلج .. الشعر كششششششة .. وريحتج طبااااااااااااااااااااااخ .. وإلا ديتول عقب التنظيف صابغة في ملابسج ..

وإيدج حتى لو تلبسين دسوس ( قفازات ) بلاستيك .. بشري بالأكزيما .. والنفر .. والحساسية .. والخشوووووووووووونة .. جلد أيدج بيصير ناشف لو تحطين كل أنواع الكريمات ماكو فايدة ..

5- هالات سود : داير مدار عيوووونج بسبة ماكو خدامة وماكو نوووم وكرررررررررررف بالبيت 24 ساعة شغل في شغل ..

وهذي الأسباب أللي مريت فيها لمدة 3 شهور ونص .. وخلتني أجزززززززم وأتأكد أن لا حياة لي بدون خدامة ..

جربوا حبايب قلبي شهر بسسسسسسسسس شهر .. وقولوا : لا للخدم !

ضحكتوني مع حملتكم .. لا للخدم .. إلا نعم للخدم .. و 1000000000 نعم للخدم ..

حالتنا حالة .. مذلة .. وتكسر .. والناس مالهم خلق أعيالج .. وشكلج يصير مبهدل .. وأكزيما وبيشرة جافة ..

كله علشان لا للخدم !

أنا مع الخدم ..... بس مع مراااااااااااقبة 24 ساعة ..

الله سخر لنا شي اسمه ( كاميرا مراقبة الخدم ) علشان نرحم نفسنا ..

خير الأمور الوسط لا تقطين كلشي عالخدامة وتتحسفين ..

ساعديها هذي بشر ..

ربي أعيالج الخدامة مو مربية ..

راقبيها بدون ما تحس !!!

لا للخدم هههههههههههههههههههههههههه إلا نعم للخدم

عجبني كلامج ومعاج حق بس والله ودنا نعيش بدونهم اكيد حياتنا بكون احلى وبنكون مطمنين بس اكيد مع مساعدة الزوج , بس اخيره هذي بالحلام طبعا..

 

[روقاء]

الصراحه انا ما استغنى عن شي اسمه خدامه لان صج كلامها تنقطعين عن الزيارات وحتى بشرتج تكون بشره وحده عيوز باهته
ودايما زهقانه وتحسين كل شي في البيت ع راسج ودايما اقول لو عندي بنت جان ساعدني وتريحني والله يعيني لان الصبيان ما يساعدون غير البنت.
نعم للخدم ولا حياه بدون خدم
وحده كسوله هههههههههه

 

[hnoof]

مع الخدامه راحه جسديه وتعب نفسي وبدونها راحه نفسيه وتعب جسدي ايهما تفضلين ؟؟:eh_s(6):

 

[manarah]

لا والله موظفه ويهال صغار اسم الله عليهم وريل يبيله امجابل ... انا عندي خدامه وحده واقول بطلب ثانيه لاني انا وياها نكرف بالبيت ولا نلحق لان اليهال صغار ولازم احد يمهم يقعد بس عشان محد يسوي شي خطر او يتعبث بكهربا او يركب فوق شي ويطيح يعني بالعربي الفصيح انا وايد احب شغل البيت فتلقيني وايد مرات انا اللي اقوم واسنع الدور وانظف واقولها اهي بس قعدي يمهم واهم عندهم كل العابهم وتلفزيونهم وشغلهم .. واذا مالي خلق اليوم والله اشتغل انا جابلتهم ويلللا ماما سوي جذي وخمي اهني ونظفي اهني وانا مرتاحه امجابلتهم .. شالله حاااادني اقعد من غير خدامه انا جذي ومو لاقيه وقت حق روحي من غيرها اشلوووون !! وايد اشتطيت مو صح ؟

 

[مسك84]

أن معاج برونزية رشيقة قبل لأتزوج كنت أقول مابي خدامة حتى لو صار عندي ياهل بس والله يوم صار عندي ياهل ماعندي وقت حق نفسي والبيت أنظف وأعدل فيه 24 ساعة ماكو فايدة تحسيته مو مرتب و التنظيف اللي كنت أخذ فيه 3 ساعات صار 6ساعات أنظف وأجابل بنتي وريلي يقول البيت مو مرتب والله أسوي اللي علي وكان دوام أرجع أجابل بنتي وأنام على نومتها وبالليل ماكو وقت متى تنامين وتقعدين من صباح الله خير بــــــــــــــــــــــــــــــــــــــــــــــــــــــــــــــــــــــــــس تحملت 7أشهر بدون خدامة مع العلم ريلي مو مقتنع بفكرة الخدامة بس أنا يبتها على حسابي وألحين توها صارلها شهر والله تحسين البيت نظيف كل وقت ومايقدر يتكلم يقول كلمة هذا مونظيف بس مرات يحتاج الخدامة تاخذ بنته لبغى حقه .ا(لله يهديه أنشالله ويهدي الجميع ويسخر لنا الخدم) والحمدلله خدامتي وايد زينه مع بنتي وتخاف عليها .

 

[قمر ضاوي33]

الزوج الكويتي شاي ايده من مسؤولية العيال

لو يساعد شوية ويمسك اليهال وانتي تتفرغين حق شغل البيت معقولة

بس دوام وعيال وبيت وطلبات زوج منسدح بالصالة يطق بالريموت ويصارخ على اليهال بس سكتوا ما ابي صوت مسكي عيالك

لازم خدامة شر لا بد منه

ما تشوفين الأجانب بالكويت اقصد روحي اي مكان الريال يدز العربانة وماسك الياهل وشايله ويرضعه احنا عيب يرضع الياهل تنقص رجولته شيقولون عنه سكانه مرته ؟؟؟

عقلية متخلفة ... إلا ما رحم ربي يحط ايده بأيد زوجته ويعاونها بس اذا شايل ايده يا حلو الخدامة ويا زينها

 

[Om-Nasser]

اضل اقول لا للخدم والريل حالة حالي لالالالالالالالالالالازم يساعد

بس ترا انا عندي خدامه وعلى قولتها الاخت الي فوق راحه جسدية وماكو راحه نفسية

وعلى الكامرات انا رافبت وياريتني ما راقبت تأزمت نفسيا وخليتها على الله ومن يومها والعيال معاي حتى لو ويييييييييييين اروح يمشون جدامي وتحت عيني

ولي سافرت الخدامه مايحسون فيها العيال لأنهم من الاساس مو محتكين معاها

الله يعين الي عندها والي ماعندها خدامه والله يصبرنا

مافي احد مرتاح كل واحد له همه على قده

 

[+بسبوسة+]

نعم للخدم

للمطبخ..للحمام..للتنظيف والغسيل


لا للأعتماد الكلي على الخدم..في تربية اليهال
وسباحتهم وتبديلهم وترتيب غرفهم..وخاصة الموضة اليديده تدرس اليهال بعد
عيل الام شتسوي؟؟؟

 

[انا مو هني]

لووووووول
انا بصراحا ما استغني عن الخداما بس بحاول

 

[الدلوعه2008]

امي طول عمرها بالبيت ماكو خدمه ليومكم هذا اول خدمه جبنها بالبيت سنه 2008

واحنا للي طول عمرنا نكرف مع امي


بصراحه خدمه مو ضروري


لازم انتي تشيلين مسئوليه وحتي رجل يشيل مسئووليه

 

[@ام ضاري@]

والله هي على التعويد ترد انا وحده من الناس تعودة على الخدامه حييييييل مو شوي

وانا اختي متعوده انهاا ماتجيب خدامه ابد خيرر شر