بيت اهلج و بيتج

[ملامح جنونيه]

السلام عليكم

صباح الورد ....

شلونكم بنات ....

موضوعي اليوم

بيت اهلج و بيتج ؟؟؟؟


يعني البنت معروف في بيت ابوها مدلعه و كل شي تبيه يكون عندها اغلب البنا جذي


و لما تزوجت حست ان في فرق بين العز عند ابوها و عند زوجها

يعني في بيت ابوها كل طلباتها تجيها وكل الي تبيه تاخذه

وفي بيت زوجها مو شرط كل شي

يعني تكون متعوده عالدلع و العز وفي بيت زوجها يتغير يمكن بشكل بسيط و يمكن بشكل كبير ...

تحسون هالشي ياثر بالعلاقه الزوجيه لما تقارن شلون كان مرتاحه في بيت ابوها ولا مسوؤليه ولا شي

و بين الحياه الجديده مع زوجها ؟؟؟

يالله كل وحده تقولنا شلون كانت مدلعه في بيت ابوها وشلون تغير الوضع في بيت زوجها

و شلون تعودت وصارت تتحمل المسؤوليه و شلون قدرت تتخطى هالشي بالبدايه

و انا ببدا

في بيت اهلي والله كنت حدي مرتاحه لا مسؤوليه ولا شي

ومافكر الا بالي ابيه و براحتي ومدلعه عند ابوي لاني بنت بين 5 صبيان ههههههههه:eh_s(9):

و لما رحت بيت زوجي فديته بعد هو مدلعني ومايقصر والله والي ابيه يجيبلي بس مو نفس ماكنت في بيت ابوي

لان الحين عندي مسؤوليه ومو بس افكر بنفسي

و بعد ماتمشي عليه الحنه انا كنت اتم احن على راس ابوي وامي لين يجيبون الي ابيه ههههههههههه واذا الشي براسه مايغيره >> بس اهم احبه فديته :eh_s(22)



يالله اترك المايك لكم ...:bye22:

 

[iLLuMinaTion]

رد: تتزوجين واحد اقل من مستواج المادي ؟؟؟

عادي

 

[اميره1980]

انا كنت عند اهلي مدلعة بس دلع حلو مو الماصخ بالعكس كنت اعتمد على نفسي بوايد شغلات لان شخصيتي جذي
بس الحين عند زوجي مسئولية كبيرة و بعد قلبي فديته مو مقصر وياي بس انج تكونين مسئولة عن عايلة كاملة

 

[دلع شقاوه]

رد : بيت اهلج و بيتج

اممممم
بعض الاحيان يخطر ببالى
شنو بسوى اذا تزوجت اغسل مواعين و انظف و اطبخ غيره
و انا ما ادبر شى
و مسؤليه
وصراحه ماودى شى يتغير :eh_s(2):


​

 

[انصاريه قمره]

شتاااااان بين حياتي ببيت ابوي وبيت زوجي ببيت ابوي كنت ما اشيل القرطاس من الارض وايييي شي ابيه اييبونه لي بس الحمدالله لمه تزوجت تعلمت اعتمد على نفسي وتعلمت من زوجي وايد اشياء حلوه وتفيدني بحياتي

 

[ام زاكي]

حلوه في بيت اهلي الدلع بس هم حلوفي بيتي المسؤليه
ومو شرط ترا كل البنات يتدلعون في بيت اهلهم
انا اعرف وحده تزوجت توها قريب اهلها كاارفينها كرف والحمد لله الحين تزوجت وشافت العز والدلع عند زوجها

 

[حبـ admant ـك]

رد : بيت اهلج و بيتج

المفروض مايأثر بالعلاقه الزوجيه
لان الوحده من تفكر تتزوج تعرف ان وراها مسؤليه بيت
الا اذا كانت تفكر ان الحياه ورديه ووناسه هذي شي طبيعي بيأثر عليها

 

[بطة رشيقة]

اكيد بعز البيت يا بيتنا ... ماله مثيل ...

 

[روضة الطيب]

بيت اهلي له مميزات وبيت زوجي له مميزات

بس طبعا بيت أهلي أحلا

 

[** محبوبه**]

والله تغيييييييييير أكيد بيت أبوي أي شئ أخذة أما عند زوجي على حسب المزانيه بيت أبوي أستهبل وألعب على كيفي ماعليه شره ومااااااااااااااافي مسؤؤؤؤؤؤؤؤؤؤؤؤؤؤؤليه ونااااااااسه صج من غييييير شر

 

[هنـــــد]

رد : بيت اهلج و بيتج





وين الحياة أول .. وووووين الحين
ياحليل أهلي لمن أسوي كيكه عندهم جنها قووزي والكل يمدح
وجني مكتشفه الذرة خخخخ .. أما زوجي لااااا تعليق وهذا مالح وهذا ماصخ
والغداء مبجر لا يتأخر .. السياره ما تركبينها الا لي رحتي الدوام ! غيره ماكوووو
شقى .. ياحلااااااااااااة الحريه وأيام أوووول عزززز ماحسينا فيه لين فقدناه




جبتها ع الجرح وجنك مادريت

 

[عذوب الشمال]

يسلمووو الموضووع واايد رووووعه ياقلبيي​

جبتها عالجرح وكنك مادريت​

^^^^^

حدي دشييت جو من حرر مافيني


صج صج يبتيها عالجرررح


انا اقوولج ياطويلت العمرoster_av1:

انا فررررررررررررررررررررررق شااااااااااسع بين بيت ابوي وزوجي:0bee2e8d89::denya:



انا في بييت ابوي مااشيل الخييط من الارض

ويمشيييلي راااتب شهري وانا طاالبه مبلغ وقدره<<اهم شي هاا


واي شي ابي مووووجووود يعني دلع والله كل البنات حاسديني عليه


امي دلعتني الله يحفظها لي حيييل بحكم ان ابوي متوفي الله يرحمه


وتبي تعوضني احلى لبس ..سيااره اخر مودييل..انا كنت لي الحين طالبه

مع ان كل البنات اللي كانو معاي بالمعهد سياييرهم تأجير

المهم سفر طلعاتت روحات محد يغثني بولا كلمه

بس اكييد مافي احد كامل في ضغوطات من اخوي بس عادي كل الاخواان جذي ..


... لكن طااال عمرررج لما تزووجت :s141:كل شي تغيير زوووجي على قد حاااااااااااااااله جدا جدا جدا فوق ماتتصورين وشقتي

برروحي وانا اللي اكرف:dfgl: وكل شي بس طفشت ويبت خداامه والحيين احااسب نفسي على كل فلس

انا تزوجته لان ولد خالتي بس اعرف ان ولد خالتي لكن ماانعررف عنهم اي شي من الناحيه الماديه وعن وضع الاهل بس كللللللل شي نصيييييييييب

سبحااااان الله صج الدنيا دواااره:yaaaaaarb:

الحمدالله على كل حاال

واسفه اذا هذررت وايد:hjy5jewf:



















































:bye22:​

 

[ملامح جنونيه]

رد : بيت اهلج و بيتج

هههههههههههههه ياقلبي عليكم .. اثاري فتحت الجروح اشوه عبالي مو بس انا الي افكر جذيه ههههه :krkrkr:


يالله ماعليه شنسوي هاذي سنة الحياة :0bee2e8d89:

لازم نتغير بعد الزواج :eh_s(4):

و حياكم الله يا بنات نورتو بطلتكم الحلووووه هاذي :ggdw:

 

[حياتي فراغ]

رد : بيت اهلج و بيتج

لالالالا انا بيت اهلي ضيم و لووووعة و لا دلع ولا يحزنون
قطييييييييييعه عساني ما ارجع له ...

 

[قمر حبيبها]

رد : بيت اهلج و بيتج

بيت أهلي:
نوم على كيفي
مدللة دلال يتجاوز الحد بصراحة
مافي مسؤوليات كبيرة
طلعة و وناسة تقريبا كل يوم
ما أعرف أطبخ ولا أغسل ولا أمسك شي اللهم بس ترتيب سريري والباجي على الخادمة
غداي وعشاي يوصلونه لغرفتي إذا عندي امتحان (كلية ) / تحضير (تدريس) أو كنت تعبانة
بس هذا الشي كان غلط بنظري

بيت زوجي( شقتي):
تعلمت المسؤولية والاعتماد على النفس
الطباخ
التخطيط والتدبير
وحبيبي زوجي مو مقصر الله يحفظه
مدللني بس بحدود ومراعيني لأني كنت مدللة
ودوام الحال من المحال​

 

[miss_jamsheer]

تصدقين مافرق معاي شي الا المسؤوليه وشويه اشياء

 

[Dalal.al3tibi]

رد : بيت اهلج و بيتج

انا الي فرق معاي صج لطباخ بيت اهلي مااطبخ والاقي الاهل زاهب بس متى مااشتهيت اطبخ اطبخ
بيت ريلي لازم اسوي غدا كل يوم واطبخ غير العشا

 

[Dalol-7]

رد : بيت اهلج و بيتج

واااااااي عاااد انا احاااااااتي هالشي اذا تزوجت مادري شبسوي انا ميييييييح ما اعرف اطبخ احسن شي اعرف اسويه يمكن توست و جبن لووووووول مو بس جذي يعني حتى نوعا ما فوظويه يعني الكبت ارتبه اليوم باجر يعتفس مره ثانيه و الخدامه اهي الي تنظف داري حتى اذا قمت من النوم خدامتنا اهي الي تعدل فراشي والله كارهه روحي على هالطبع مادري متى ناويه اتعلم اطبخ و انظف .. مو بس جذي احاتي بعد اذا ياني ريل عصبي و ما يرظى كل مره اطلع و كلا يبيني انثبر بالبيت و انا بروحي عصبيه ف مادري شبسوي لازم بعد اتعلم انجعم مو كل شي ابيه يصيير هههههههه

 

[مدام زيزو]

رد : بيت اهلج و بيتج

الله يخلي ابوي ويعز شانه لو مو اهوا جان ويني انا
اكيد الدلع والطلعات واللبس والسوق والفلوس الي بدون مانطلبها على الدرج تنحط

 

[ايمانو حلوة]

في بيت ريلي تدلعت اكثر