ريمه الكويت
New member
- إنضم
- 30 سبتمبر 2005
- المشاركات
- 36,095
- مستوى التفاعل
- 13
- النقاط
- 0
عجينة البيتزا
كوبين كبار طحين+قفشه كبيره خميره+ قفشه صغيره بيكن باودر+قفشه كبيره سكر+قفشه صغيره ملح+قفشتين كبار زيت زيتون+ قفشه نشا +قفشتين كبار حليب بودر + رشه زعتر
تذوبين الخميره بربع كوب ماي دافي(لاحار ولابارد) مع شويه سكر وتركيهم بمكان دافي 10 دقايق
بهالوقت حطي كل المقادير الي بقت بماعون كبيره وخطليهم عدل وصبي فوقهم الخميره المذوبه وكميه من الماي الي تشوفين العجينه متماسكه وعجنيهم عدل مدل
اللحين غطي العجينه بفوطه وتركيها تتخمر مايقل عن ساعتين
بهالوقت سوي الصلصه واذا مالج خلق اشتريها جاهزه(( اعتقد كلكم تعرفون تسون صلصه البيتزا))
بعد ماتخمر العجين فرديها بشكل دائري وحطيها بصينيه فرن مدوره ممسوحه بالزيت
حطي اول شي فوق العجين الصلصه وفوقها جبنه المزرولا واخيرا صفي البيبروني اخر شي
خبزيها بفرن حار وخليها تشقر من تحت وبعدين فتحي نار الفرن من فوق مجرد دقايق عشان يسيح الجبن على البيبروني
وبالعااااااااااااااااافيه
