بيبي اسبرين

[توست و زبده]

بنات اللي خذت اسبرين وقت الحمل بليييز تقولي جم نسبته؟؟
و ليش خذته آنا صار معاي اجهاضين بس دكتورتي ما عطتني اياه
مادري شسالفه مو المفروض تعطيني و لا انا اطلبه و الله احترت

 

[Emanova]

ليش ما سألتي دكتوتج ؟

انتي عند اي دكتوره تراجعين ؟!؟!؟1 صديقتي دايما تولد عند فوزيه القطان و حاشها اجهاض عطتها على الحمله اللي وراها بيبي اسبيرين و الحمدالله اولدت ولد اينن

الله يعوضج ان شاء الله و شوفي شنو سالفه دكتورتج

 

[^^ام ميمي^^]

انا هذا اول حمل لي والدكتورة كانت تعطيني بيبي اسبرين من قبل الحمل ومستمره معاه للحين وتقول راح تاخذينه طول فترة الحمل لي الولادة ويقولون وايد زين يحمي الام من ارتفاع ضغط الدم

 

[^^ام ميمي^^]

ونسبتة 75 ملي غرام حبة يوميا

 

[كويتيه مذهله 87]

يمكن حبيبتي ماتحتاجينه علشان جذيما وصفته لج

اخذي تحاميل مثبته اذا لج اجهااااضات من قبل

 

[yooyoo]

حبيبتي اذا ينزل عليج دم لازم توقفينه لانه اهوا يسبب سيووله لدم يمكن عشان جذي الدكتوره ما عطج اياه و انشاءالله لمثبتات تفي الغرض و احسن شي سالي دكتورتج

 

[توست و زبده]

مشكوورين بنات بس انا ما ينزل علي دم بس يوقف نبض الجنين فجاه

 

[^مرايم^]

اي لازم تسألين طبيبتج حبوبه ..

انا اجهضت مره وحده و عطتني اياه الحين ..

 

[الفنانه79]

انا بعد الاجهاض بحمالي هذا عطتني بيبي اسبرين اوا ماحملت من اول شهر علشان يسهل عملية سيولة الدم وتغذية الجنين وبس

 

[دمثة]

صح طبيبي قالي المرة الثالثه اذا حملتي

اكلي بيبي اسبرين

 

[kikoo]

اي يعطونه للي يجهضون وايردون يحملون أهو والدفستون
البيبي اسبرين ايسيل الدم حتى يعطونه لمرضى القلب علشان ما ايصير تجلطات للدم
والدفستون مهم للاجهاض 3 مرات باليوم علشان ما ايرد الدم ينزل عليج مجرد هرمون وما ايأثر على الحمل

روحي الحكومه فتحي ملف عندهم اذا أنتي مجهضه من قبل وراح يعطونه لج أهو والمثبت

 

[توست و زبده]

مشكوورين بناات ما قصرتو شكلي بغير دكتورتي و الله كريم الله يرزقني و يرزقكم ان شاء الله يااا رب يااا رحيم