بو 100 فلس تعالي اقولج شنو الاشياء المفيييده فيه وانتي بعد قوليلنا <==حياكم

[مزيونه وشقره]

شكرا عالمرووور ياسمين الكويت مشكوره

 

[مزيونه وشقره]

للفااائده إنشاء الله

 

[مزيونه وشقره]

للفااائده

 

[عنابه]

آخر مره رحت بومية والله يابنات طلعت بعشر دنانير !

قبل كنت أكره بومية بس اللحين مطيحه فيه , أشتري منهم كل أنواع شبابيص الشعر خاصه مسكات الشعر اذا تكسرو مايعورون القلب أقصاهم بمية , وفراشي القطن للمكياج , وهذاك اليوم تكرمون شريت منهم نعال للحمام وبعد شريت سلال صغيره احط فيهم جناطي , وأختي هذاك اليوم شاريه منهم أونو ^_^ , وشريت بعد كرسي بلاستيك صغير بس مو بمية يمكن بربع , ومناظر وبوكة صغيره للخرده شحلاتهم , تعبت وناسيه شغلات واجد بس انا أهم شي عندي في بو مية فلس الشبابيص ببلااااش , ولايمكن اشتري منهم اي مكياج اخاف .

وانا ادخل اي محل بومية فلس اصادفه , بس يعجبني تنظيم طيور الجنة اللي بالفروانية .

واذا تذكرت شي بعد راح ارد اشارك ^_^

 

[مزيونه وشقره]

عنابه ننتظرج

خواتي شكرا عالمرور

 

[مهرة العرب]

مو ضوع حلوو


دايمن اخذ بناتي حق ابو مية


في مرة كان عيد ميلاد وحدة منهم فقالوا يمه نبي نسووي حفلة



قلت اوكي اطلب لكم كيكه وفطائر .............


المهم قالوا تعالي يمه دشي الغرفه الساعه سبع بداية الحفلة

بنتي الكبيرة عمرها 12 اهي مسوويه ومرتبه الحفله

صارت سبع ودشيت الغرفه

والا مو غرفه صاله اعياد ميلااد

حاطه هالتفافيخ ملوونه يهبلوون

وحاطه هالزينه الملووونه


وصوور اعياد ميلاد ....... ولابسين كبابيس ......

والا قلاصات البلاستيك والقفااش والصحوون الكرتونه

عجيب شي عجيب ........ قلت لها منوين هذاا قالت يمه من ابو مية


بصرااحه عيد ميلاد كاملة من ابومية .......... حتى الخدامه استانست

وقالت مامي يبي مثل هذا حق عرس بنت مال أنا

وشكرا

 

[amal-el7elwa]

ما شا الله بالعافيه عليكم كلكم
انا اشتري دفاتر تلوين لان عيالي يخسرون وايد و جان زين يلونون عدل
و شباصات لانهم يضيعونهم
و اقلام بس مو شينيه و لا حبر ... بطلتها
و اكسسوار حق خدامتي
قناع باتمان و و دب و غيره
شموع

 

[ريماا]

انا اشترى شباصات
قريت مرة عن العصا اللى تكسرينها وتنور وشريتها عجييييبة لدرجة زوجى استانس على بالة مسوية معجزة انا نثرتها عالسرير والارض والطوفة
شريت مبرد واللة وحلو طلع وشريت اسيتون وهم كان حلو
وعلى فكرة مرة شريت من مركز سلطان صحن بلاستيك على رسومات لعيالى وكان الصحن350فلس لقيتة عند بو امية بعد فترة
اشترى اسفنجات لتوزيع الفاونديشن
قطن مدور لإزالة صبغ الاظافر او ازالة الميك اب
هذى الاشياء اللى اشتريها منة بس
ثانكيووووو مزيونة عالموضوع المفيد وعلى فكرة مواضيعج حلوة ومفيدة دايما ومن غير اى مجاملة

 

[مزيونه وشقره]

مهرة العرب مبروك عرس بنت خدامتج مقدما
ومبروك عيد الميلاد


ريما مشكوره ياقلبي وماقصرتي بس ممكن سؤال من اي بو اميه تشترين العصايه انا على كثر ما اروح ما القاها

 

[مزيونه وشقره]

=:eh_s(8):

 

[طرقية]

انا كل شي اشتريه من ابو 100
ماعدا الماكياج والصابون ( ديروا بالكم منهم مو زينين)

اما الاشاياء الثانية ما من خوف
كلها زينة

والله ما اخلي شي ما اشتريه من اكياس زبالة وعلب للصابون
واكثر شي شباصات وكاب للشعر ودسوس
وعلب تلوين وكراسات لعيال اخواني
وفوط وولاعة للمطبخ

وحتى المواعين اشتريهم منهم
طبعا عندنا مواعين خاااصة للضيوف ولنا
لكن اشتري مواعين خااصة للخدم وللاطفال ( تعرفونهم ما يقعد شي سليم بايدهم خاصة هالخدم)

مواعينهم والله زينة عن تجربة وتظل عندج فترة مناسبة
واحب بعد اشتري منهم نوته واقلام احطها جنب التلفون
واكواب صيني ( الوانهم حلوة)

وعلب بلاستيك
وسلال
وستكرزات وومعاليق
والله اشياء وايد تقريبا اغلب الاشياء اشتريها ماعدا الماكياج والصابون وحتى فرش الماكياج ما اشتريهم اخاف منهم

بصراحة سوق بو 100 روعة

واعرف وحدة تشتري مجموعة العاب وتغلفهم حق عيالها بس ما تعطيهم اياها الا لما يكونون مؤدبين ويسمعون الكلام
تقول شكثر فادتها هالطريقة في تربية اعيالها وما كلفت عليها شي

 

[مزيونه وشقره]

ماقصرتوا يا قلبي شكرا عالمرووور

 

[وهــج]

السلام عليكم

ياحلو بو اميه اينننن ,,تشترين بدوون حساب :eh_s(6):

ميك اب ما ناخذ منه

الفرش

شبااصات

امشاط

جياس هذي حقة الهدايا

ادوات خياطه

علب القرقيعان

ستيكرز حق اخواني اليهال

احيانا براويز

اي شي حلوو آخذه عدا الميك اب لأنه يضر ...

مشكووره ع الموضوع الحلو..:eh_s(17):

 

[مزيونه وشقره]

مشكوره يالغاليه

 

[supermarket]

شخباركم مع بومية


:eh_s(6):

 

[love love]

شكرا على الموضووع


انا اشتري منهم هدايا مثلا دفاتير للتلوين مع الوان واغلفهم واوزعهم بالمسابقات
واشتري منهم بعد جيس(أكياس هدايا)
والشباصات لانه اشكالهم اتونس
وبعددد امممممممممممممممممم
اي سلات للملابس من بو اميه الملونين افرز فيهم الملابس حق الغسيل كل سله ملابس بلون


ومااتذكر بعد :eh_s(1):

 

[supermarket]

تقصدين السلات الشبك اللي يتسفطون ؟؟

 

[love love]

اي يا حلوه هذا الي اقصده

 

[عهود الحب]

انا اذا دشيت بومية ماخلي شي مااخمه بسلتي
ومرات اترس ثلاث اربع سلال
زين مااشيل الكاشير بطريجي ههههههه
المهم خل اقولكم بعض الي احب اشتريه منهم
انا احب اشتري التغليف للهدايا والاجياس الورق والكروت ملوت المعايدة واخم منهم عشان وقت العازة تخبرون مانخلص من شسمونها امممممم اي العواني

واحب اشتري الشبابيص والتوكات لبناتي والتيجان وبعد اخذ مرات لهم تراجي ومرات قلايد اقص فيها عليهم يعني هديه تفوق اسكتهم فيها هههههه
ومرات احصل مذكرات بناتيه روعه وتونس البنات
وفي بعد دفاتر التلوين روعه واخم منهم درازن اذا سيروا علي خواتي افرش لهم سماط واخليهم يلونون ومرات بالتلوين مال الرمل الملون
بدال مايخربون عيال خواتي بيتي ويحوسونا يتجمعون ويرسمون ويريحونا من لجتهم

واشتري العاب واحطها بسلة مسكرة ومظلمة واذا احد من عيالي حل واجباته وخلص اول واحد اهو الفايز بجايزة اليوم
طريقة تشجيعيه وحلووووووة وماتخسرج حتى خمس دنانير بالشهر لو تذبحين روحج بكمية الهدايا بالسلة ماتوصل خمسين هديه

وهم لاني مدرسة روضة مااخلص اقشقش من بومية لصفي
من ستكرات ومصورات والقصص الصغيره روعه استخدمها للفنية وللاكان وهم خوش مفيدة وصورها وكلماتها واضحة وبنتي الصغيره علمتها عليها خاصة الانجليزية منها

هم اخذ العلاق اللزقة بالطوفة
واخذ بعد البوك الصغير للخردة مالت الخبز ولبناتي يحفضون فيه الخردة ملوتهم وحاطينها مثل الحصاله
وهم اخذ منها الملفات للمدارس والسبورة الذاتية للعلوم والحساب
واخذ بعد مساحة السبورة لصفي ولعيالي
وهم اخذ قواطي للبهارات والخلطات الي اسويها
واخذ النايلون مال حماية الكمبيوتر للصف ولبيتي
واخذ بعد المشخال واخذ بعد الي تقطع البيض يموتون فيها عيالي وتشجعهم على اكل البيضة المفيوحة كاملة بكل فوايدها
وهم اخذ منه الرول مال اكياس الزباله تكرمون وهذا عجيب استفيد منه حتى بالسيارة
وهم اخذ نوعية سكاكين منه عجيبة وروعه شلون بمية فلس مااااااادري
واخذ منه علاليق ملوت الجناط
واخذ منه زينة الهدايا بانواعه
ومرات احصل فيه شغلات لتغليف الكتب والملفات ومرات اغلف منه دفاتر لعيالي يتونسون ويكشخون فيه

وطبعا اخذ منه دفاتر للمدرسة
ومااخذ الا الي اخطوطه حمر مو زرق لانه ورقته اقوى وامتن
<<<<<<< خبيره هههههههههه
واخذ منه بعد اللزاق
واخذ منه مساطر اشكال والوان وهم كيفهم
وكراسات
واخذ منه قلاصات لانه ماشاءالله على عيالي والخدم مانلحق عليهم كل شي يكسرونه
واخذ بعد العلاق الخشب الي يتسفط حلو واستخدمه بصفي الي يتسفط ويتبطل اذا فاهمين علي بنات

واخذ منه بيز للمطبخ
وهم اخذ الولاعات ملوت الجوله
واخذ بعد العاب الاونو لعيالي وكروت الجنجفه الي تصير بلاستيك اصليه
واخذ بعد الشيرة السوريه نسيت اسمها بس عجيبة وللعلم في نوعين نوع مية مية ونوع موشي

واخذ بعد كراسات القص واللزق
والمغناطيسات للصف وللبيت عشان طلبات الجمعيه عالثلاجة نلزقها
وبعد اخذ منها سلال بلاستيك للاستعمال يعني مثل الحافضه
و

و


لاتنسون رمضان بالطريج جاينا
فااخذ منهم صحون الي بنطرش لجيرانا فيها
حتى لوتروح وماترد موخساره اقصاها بمية فلس
ولاشرايكم ؟؟؟؟؟؟؟؟
واخذ منهم بعد الخيازرين هههههههههه
العصا لمن عصا خاصة الي يدرسون عيالهم مثل حالاتي بيطقهم السلال وقت الصجية ووقت حل الواجبات الله يعينا

في شغلااااااااااااااااااااات شكثر



اي بعد تذكرت
احب اخذ منهم التلوين الشيني الي على فواكه عجيب واستخدمه لعيالي اذا بيبدعون بالبيت
واحب اشتري منهم الالوان الخشبية مانلحق عليهم لزوم المدارس خاصة لعيال الابتدائي



اخذ منهم بعد المشوط للجنطة والسيارة عشان الكشة لاتقب من المطامر طول الطريج ولمن تلتفتين على بنتج ولاكشتها قبت من طول الطريج


اخذ منهم بعد الشغلات الي يحطون عليها ماي ويتزينون فيها البنات للمناسبات
يعني مثل التاتو وهم الاكسسوارات ملوت البنات حلوة



جني طولتها وهي قصيرة


بصراحة انا مهووسه ببومية والسبة داومي وعيالي وهم الخدامه اعطيها سله واقولها خمي كل الي بخاطرج
والحمدلله الله يديم علينا نعمة الرخص هههههههههه

احلى سوق بومية بنظري

امممممممم
بصراحة سوق بخيطان الي هو سرداب بومية مال المحاميد
مو المحاميد الي فيه ملابس
لا
في سرداب يمة لنفس الشركة وبس مخصص لبومية
روعه وومرتب ونظيف
وهم احب امر على كل محلات بومية لانه كل مكان فيه بضاعه غير عن الثانين


وشكرا

 

[عهود الحب]

8
8
8
8
8
8

امبييييييييييييييييييييييييييييه
كل هذا انا كتبته
ههههههههههههههه
انصدمت خخخخخخخخخخخخخ
سوري سويت ززززززززززززحمة والشارع فاضي
خخخخخخخخخخخخخخخخخ

للعلم اخر مرة دشيت بومية قبل اربع او خمس شهور هههههههههههههههه
بس وربي اشتهيت اروح له اللحين اللحين اللحين
هههههههههههههههههههههههههههههه
الساعه خمس ونص الفجر
ياربي الظاهر فيني شي غلط اليوم
يلا سامحينا ام سالم
حيل قرقت بموضوعج