بوق اشكره عيني عينك !

[L a w y e R]

رد : بوق اشكره عيني عينك !

امبيه انا ملاحظه ان هالحركه وااااااااايد تصير فيني مؤخرا :\

آخر موقفين فرش من جم يوم ..

رحت بصب بانزين وماعندي كاش ، سحبت 10 من الـ atm

وعبيت بدينارين ، رحت عند الكاشير وعطيته البيزات ورد لي الباجي

بعدها رحت الصالون والا يقولولي حسابج 5 ، طلعت الفلوس والا الحبيب بس راد لي دينارين مادري 3 !!

انقص ويهي بالصالون :\ هديتهم ورديت المحطه بعد مره ، قلتله انت رادلي الفلوس ناقصه .. ماصدق !!

اقوله يعني بطق طريج عشان فلوس مو فلوسي ولا برمضان بعد ؟

قعد يتأسف وسوري ماسوري ورد لي الباجي !

.

الموقف الثاني رحت باسكن مع امي

طلبنا وعطيته 20 وحسابنا طلع اقل من 5

عطاني الفلوس جان اقول حق امي يلا سرينا !

امي قعدت تخزني وانا مو مستوعبه ليش

سالتني جم عطيتيه ؟ قلتلها 20 ! يوم اجيك والا الحبيب راد لي 5 دنانير فقط لاغير !!

ولما قلتله تبلعم وتاسف ورد الباجي :\

.

مادري متى بتعلم

 

[صاحبة الجلاله]

عاد انا ما اصدق احاسب واطلع ركض بدوون ما اشوف جم ردلي او كنت هذي سالفه اعطيه ايه واظغط علي الرقم السري هو يطالع واشوف كانه تسحب مرتين انا والله شاكه فيهم

 

[حلوه & دلوعه]

اي والله انا وحده ماانتبهه

ويمكن صج يبوقوني لاني والله دايم انصدم لاخلصت فلوسي

وانا ماادش السوق الا محسبه شنو اشتري وبجم ولاانتبهت على فلوسي ماالقى شي

بس عمره ماحطيت بذمتي انهم غاشيني

زين انج نبهتيني حبوبه

 

[دايم على البال]

::""مشكووورة على التنبيه الله يجزاج خير::""

 

[Miss McDonald]

,
وعليكم السسلآم والرحمه ,
..
مششششكورة على التنبيه =) !

 

[جوري وبنفسج]

السلام عليكم

ديروا بالكم حاسبوهم وشيكوا وراهم

هم طايحين فينا بوق يقولون كويتيون فلوسهم وايد وشلون ما تبونهم يبوقون وهم يشوفون بعض البنات والشباب اللي يهديهم لما يبقى من حسابهم خردة ما يأخذونها أنا لما اشوف جذي تنبط جبدي ولولا الفشلة جان مسكتهم وقلت لهم أخذوا الفلوس وقطوها بحصالة الفقراء أحسن لكم

أنا من النوع اللي حتى على ال5 فلوس أحاسبهم وما أخليها لهم علشان يعرفون أنا أحنا مو مغفلين ودايم اخلي معاي خردة حديد من فئة 5 فلوس و10 فلوس و 20 فلس علشان اذا قالوا ما عندنا خردة أقول لهم أنا عندي خل يعرفون انا أحنا مو مغفلين وحتى ساعات بالجمعية يغثوني لعطوني علج بدل الفلوس أقول لهم ما أبي علج أبي فلوس

أنا مرة أختي ضحكت علي وقالت ماشاء الله عليج والله جريئة لأني حطيت 200 فلس بماكينة قهوة وما طلع لي شيء دقيت على الشركة وقلت لهم ردوا لي فلوسي وبعدها بيومين لقيتهم مخلين لي الفلوس عند الأمن

ومرة ولدي حط 100 فلس بماكينة وطلعت خربانة ولما قال حق الي يشتغل بالجمعية طرده وقال له مالي شغل أنا رحت له وزفيته وقلت له ليش تطرد الولد ولا لأنك شفته صغير مستهين فيه وبحقه يا تعطونه لعبة أو ترجعون فلوسه قال أنا مالي شغل . قلت له وين رقم الشركة قال ما اعرفه ويوم أطالع الماكينة لقيت رقمهم ودقيت عليهم قالوا لي عطينا نكلم الموظف ولما كلموه جان يرد لنا الفلوس

وحتى فاتورة المطاعم شيكو أنا مرة حاسبين علي ماي وما جابوه لي ولما حاسبتهم قالوا نجيب الماي قلت لا ردوا لي الفرق تدرون جم الفرق أكثر من دينار


هي مو مسألة بخل قد ما هي مسألة مبدا أنا ادفع من 100 إلى 1000 دينار بمزاجي بس ما أسمح لأحد يستغلني ويبوقني حتى لو 5 فلوس


لوول الحين عيالي نفسي تعلموا مني .​

 

[جوري وبنفسج]

السلام عليكم

ولا االلي يعطون بقشيش اذا دخلوا المطعم واصلن المطعم يكون حاسب هالبقشيش رسوم خدمه 2-5%
مو حرام جذيه

لووول مرة عصبت على زوجي لأنه كان يبي يبقشش المطعم قلت له شفيك مآخذين رسوم الخدمة 10 % . قال ما عليه بعطيهم . قلت والله ما تعطيهم ولا فلس زيادة والفلوس روح تبرع فيها للجنة أفريقيا أبرك . قال أي والله صدقتي ..​

 

[Miss Cherry]

انا لو 50 فلس ماخلايها مو بخل والله بس ماحب احد يستغفلني انا اعطيه بنفسي اوكي بس ياخذ مني لا مارضى .. وبعدين لو اهو ناقص من حسابه 5 فلوس مايخليها

انا اللي الاحظ وصارت معاي شكثر بالجمعيات واكثر شي بمركز سطان اكون مثل ماخده شغله منها حبه وحده اكتشف انه حاسبها اكثر من وحده يعني يدبل الكمية والسعر يمكن بالغلط مادري

 

[جوري وبنفسج]

رد: رد : بوق اشكره عيني عينك !

السلام عليكم

ومره في مطعم ( البلد ) متعشين انا وزوجي .. ودفع كي نت والعآمل لمآحط السعر زآد دينآر ..

ولمآ طلعت الفآتوره وشآفها زوجي قآله الحسآب غلط ..!

قآل اي هذآ البقشيش وضحك ضحكة متفشل .. قآله زوجي البقشيش انا احدده مو آنت الي تحط بكيفك

ومآني مجبور آعطيك بقشيش وشرشحه شوي ..

وقآله .. هـ المره بطوفها بكيفي .. المره الجآيه آشتكي للمدير علطول ..

وآنا لا تشوفون وجهي .. آقوله خلآص خل يولي .. ويخزني خززززه ..!

مآحب آحرجهم مآدري ليش ..!

لووول مطعم البلد ما سلموا مني كان باقي لي 70 فلس رحت لهم وقلت وين الباقي قال موجودة مع الفاتورة وطلع منها 50 فلس . قلت له باقي 20 فلس . جان يفتح الماكينة ويطلعهم لي . لوول على بالهم بستحي أنا ما استحي من حقي .​

 

[مزونة]

والله اشكثر اتصير بس الفطينة هية الي اتشكهم
مرة كنا بميلانوا كان عندهم عرض اشتري اي قطعة واخذي الثاني هدية احنا مانتبهنا علي الاعلان ولما كنا انحاسب الكاشير ماقالنا جان يدش شايب واحنا نحاسب قال للكاشير اذا اخذت نعال تعطوني الثاني افري قالة الكاشير ايوة يا افندم واهنية انا واختي قدنا انطال فية قنالة وين العرض قال اي شي بالمحل تقدرين تاخذينة قلتة ليش ما قلت لنا واحنا نحاسب مارد جنة مايسمع​

 

[جوري وبنفسج]

السلام عليكم

ساعات بوق وساعات ثوالة

وأنا قبل العيد بيومين كنت رايحة لولو هايبر أخذت ربيان سعر الكيلو دينارين وشي قلت للموظفة حطي لي 5 كيلو ولما وزنت أشوف السعر طلع 19 دينار جان اطالعها وقلت بجم الكيلو جان تطالع وشكلها أرتبكت وعدلت السعر طلع الحساب 15 دينار أثاري العبيطة أنثولت وحاسبة علي سعر الربيان الجمبو وكان سعر الكيلو أغلى ب 3 دنانير وشيء . قلت لها أنتبهي عدل على شغلج . جان تطالعني وهي متفشلة .​

 

[صاحبة الجلاله]

حتي في البنزين يغشوون اذا اصب بنزين ينقص من العداد انا صرت اطالع العداد

 

[لؤلؤية]

رد : بوق اشكره عيني عينك !

ويييه الله يخلف علينا
انا وحده مااااا انتبه ولا احسب وراهم...اصلا اقعد اتفرج على الاغراض اللي عالطاولة واهي تحاسب
واعطيها الفلووس والباجي بالجنطة على طوووول

 

[مشتاقه لك يبا]

رد : بوق اشكره عيني عينك !

اي عددل كلامج .. مشكوووره على التنبيــه

 

[بيبي بدر]

انا ماعمري انتبهت بس المره الجايه بنتبه مشكوره اختي

 

[فوشية...]

مشكوره

 

[نبض السعاده]

رد : بوق اشكره عيني عينك !

وايد تصير معاي بس الحمدالله اجيك على الفاتوره

 

[عقد وسوار]

رد : بوق اشكره عيني عينك !

تصير وايد

والحق حق ماينزعل منه

اخذيه من حباب عينهم

 

[اجمل نساء 2011]

الله يستر علينا سارقينا سارقينا طيب غصب سارقينا

 

[اجمل نساء 2011]

على بالهم الكويتي بنك كتنقل