بودي بنتي عمرها سنتين الطب الشرعي تكفوون ادعولها:( كله من الخدامه

[كوكي العسل]

رد : بودي بنتي عمرها سنتين الطب الشرعي تكفوون ادعولها كله من الحقيره الخدامه

الله يطمنك على بنتك و ان شاء الله ما فيها الا العافية

 

[مندوبة ام بندر]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

لاحول ولاقوه الابالله طمنيني على بنتج

 

[فجر Q8]

رد : بودي بنتي عمرها سنتين الطب الشرعي تكفوون ادعولها كله من الحقيره الخدامه

طمنينا المميزه على بنيتج والله قلبي معاج ان شاء الله مافيها الا العافيه وانصحج تودينها الحضانه احسن من هالخدم

 

[قمر الليالي]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

قلتي انج راح تطمنينا
والله مضايقه لضيقتج
وعادتها حسبة بنتي
تكفين طمنيني

 

[درة أهل الطولات]

رد : بودي بنتي عمرها سنتين الطب الشرعي تكفوون ادعولها كله من الحقيره الخدامه

شصاااااااااااااااااااار احترق قلبي ؟؟؟

 

[انوار المحبه]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

تكفين طمنينا

 

[eldalla3]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

الله يطمن قلبج عليها

 

[om deaj]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

شصاااااااااااااااااااار احترق قلبي ؟؟؟

ناطرينج اختي طمنينا ان شاء الله مافيها شي

والخدامة لا تنطرين دقيقة ولا توصخين ايدج فيها بس وديها المكتب ورفعي عليها او عليهم قضية المهم ما تسكتين

 

[rain.drops]

رد : بودي بنتي عمرها سنتين الطب الشرعي تكفوون ادعولها كله من الحقيره الخدامه

ان شاء الله ما يكون فيها شي
الله يطمنج عليها
اللهم اني لا أسألك رد القضاء ولكني أسألك اللطف فيه

 

[دلال العلي]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

لا حول الله

والله قلبي شب نار بروحي ما اداني الخدامات وانا رافضه اني اشتغل والسبب ما ابي اترك ولدي ويه الخدم متعقده
طمنيني امانه

 

[المميزه84]

رد : بودي بنتي عمرها سنتين الطب الشرعي تكفوون ادعولها كله من الحقيره الخدامه

بناااااااااااااات اسفة عالتاخييير والله موبيدي توني داشه البيت حتى مابدلت ملابسي

مشكورين وماقصرتوا على وقفتكم معاااااي وسؤاالكم عن بنتي دانه

والله ان هالشي ما انسااااه والله

حبيت اطمنكم ان بنتي الحمدلله فحصناها مافيها شي الف حمدالله لك يااارب والله بفضل ربي ودعواتكم يالغاليااات

طبعا اول شي فحصناها انا وخالتي بالبيت ولا اشوف فيها فتحه عميييقه وخالتي قالت بنتج فيها شي واخترعنا وقمت انتفض وارجف وريييلي صار مينون حط البنت بالسياره وداااس فينا عالعدان اقرب شي ونطرنااااا وبعد ساعه جان يقول الدكتووور لازم تروحون الطب الشرعي انا عبالي بالعدان ولا يقول لا بالفروانيه المهم طلعنا بنروووح الفروانيه وبنص الطريج عمي قال ودوها خاااص لان احتمال الطب الشرعي بس الصبح وراح تتحولون تحقيق جان نرد فوق تت ونرووح مستشفى لندن

دخلت عالدكتوره وجان ابجي واقولها الله يخليييج طمنيني تعبااانه من امس مونايمه قالت شفيج قلت لها السالفه

جان تقووول

تطمني البنات بهالعمر صعب ينفتحون لان المهبل والفتحه يكونون فووق صوب البطن والفتحه تقول صغييييره وايد وايد صعب تنفتج بسهوله الا اذا شفتي في بنتج جروح او خدوش معناته احد محاول يفتحها قلت لها ماعليه شوفيها قالت اوكي
وشافتها قالت مافيها شي

وااااااااااااااااااااااااااااااااااااااااااااااااااااااي احس ماي باااااااااااااااااااارد انكت على صدري والله ارتحت عسى الله يبرد قلب الدكتوره

بعدها فحصتني قالت ان احتمال كبير ولادة مبكره لان بنتي الاولى ولدتها بالثامن وبيعطوني ابرة رئه الاسبوووع الياي ياااامعود كل شي عااادي المهم تطمنت على بنتي

وطلعت من المستشفى طبعا طولت هناك ومايمدي اروح مكاتب الخدم عاد انا خدامتي العصر وديتها بيت خالتي ويوم راحت رديت البيت فتشت اغراضها مالقيت شي
وقلت ان شالله باجر اوديها المكتب الحيواااانه قعدت بسبتها على اعصابي والله بنات ويهي اليوم مره وحده انقلب صار وي عييووز والله شفت ويهي جان اخترع وشفايفي صارت زرقه وزوجي والله صار جنه مينون بس يفكر ويقول لا لا مافيها شي بروحه يكلم نفسه الله حسبي الله عليه وترتنا الحقيييره

المهم الحين اقدر انام وانا مرتاااحه وقلت لاااازم اطمنكم يابعد قلبي والله مااااقصرتوا وحسستوني انكم خواتي عسى الله يخليلكم عيالكم وماتشوفون فيهم مكروووه ويوفقكم وين ماااااتروحون يااااارب
مشكووووورين مرة ثااانيه وتصبحون على خيييير :*

 

[شيخة الغراشيب]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

غناتي طمنيني

 

[ريماا]

رد : بودي بنتي عمرها سنتين الطب الشرعي تكفوون ادعولها كله من الحقيره الخدامه

لله يخليها لج ويحرسهااااااااااااااا من كل شر ان شالله
اشوة انى قريت موضوعج الحين عشان مااقعد على اعصاابى
بس تكفيييييييين شيلى هالخداااامة بسرعة الان سوالفها للى قلتيها تخوووف وديرى بالج على بنتج

 

[نور زوجها]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

الحمدلله على سلامة بنتج أختي.... :eh_s(6):

بس يا ليت يكون درس وتعلمتييييييييييييه وأبد لا تنسينه.... عيالج ديري بالج عليهم لو كانت الخدامة عسل وماسكة القرآن وتصلي 24 ساعة لا تأمنينهاااااااااااا .... :eh_s(4):

تعبنا ونحن نقول .... انتبهوا من الخدم لين متى هالتغافل... يا عمري يا قلبي لو كنتي عاملة .. أبدا ما تخلين عيالج بروحهم مع الخدامة يا تحت عينج أو تودينها بيت اهلج او أهل ريلج بشرط يراقبونها .. أما تخلينهم مع الخدامة بروحهم فهذي غلطة كبيرة وبعدين ما ينفع الندم.... :eh_s(1):

كفاية ظربتها ورفستها ليش هذا شوية.... لازم ترفعون عليها قضية وعندج شاهد شتبين بعد!!!! :eh_s(4):

صح ما عندي عيال لكن قلبي احترق على بنتج فديتها بوسيها عني :eh_s(6):

ألف الحمدلله عسلامتها ولا تنسين هالدرس...​

 

[hneen2]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

الف الف الحمد الله حياتي والله

وديري بالج عليها كل شي ولا البنت ماتنحط عند اي وحده الا الام انا ماخلي عيالي الا جدام عين امي وتقعد الخدامه تساعد وبس

وربي يحفظها وماتشوفون شر حييبتي

 

[بنت الاجواد]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

الله يخليها لج يااااااارب

 

[دلال العلي]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

الحمدالله يارب طمنتينا عاد والله فينا حره من الخدامات يمه ما ادانيهم موت
والله يخليلج دانه يارب ويفرحج فيها
ويسهل عليج يارب وتولدين بالسلامه

والله من قريت الموضوع وناطره ردج كل شوي احط رفرش

 

[شيخة الغراشيب]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

غناتي لاتخلين الخدامه عندج

 

[أم الشيخ 2010]

رد : بودي بنتي عمرها سنتين الطب الشرعي تكفوون ادعولها كله من الحقيره الخدامه

الحمدلله الذي بنعمه تتم الصالحات ..

والله يفرح قلبك بشوفتها عروس

واقلعيها هالشيطانة ...

والله يحفظ عيالنا وبناتنا وبنات المسلمين ...قولوا آمين

 

[([عطر رومانسي])]

رد: بودي بنتي عمرها سنتين الطب الشرعي تكفوون ادعولها كله من الحقيره الخدامه

يمه ياقلبي


حسبي الله ونعم الوكيل فيهم هالجلاب


صج حقيره مال طق وتودينها المخفر يكفخونها لج وعقب تقلعينها ديرتها بملابسها اللي عليها