بنوتج وولدج ؟شنو تغنين لهم؟؟تعآآلي

[توته شيطونه]

الله اكبر وعواشه تكبر وتروح مكه وتلبس الثوووب الاخضر ياسلام علي التاليف لووووووووووووووووووول

لا دايما يقولون لي شمعنه اخضر اقول مادري

وفي بعد اقولها نام نام لذبحلك طير الحمام

وبعد ماما زمنها جايه جايه بعد شويه جايبه اللعاب وحجات

لوووووووووووووووول

 

[مرايــــــــم]

انـا اغنيلهـــا ننـه

 

[حلوه ولمآحه]

رد : بنوتج وولدج ؟شنو تغنين لهم؟؟تعآآلي

اسعدني مروووركم ،،
وصج الاغنيات حلووه ،،

ةاعجبتني حيل غاب الليل وطلع الفجر والعصفور صوصو شاف القطه قالها بسبس قالتلوا نونو

 

[مطيرية والعزليه]

رد : بنوتج وولدج ؟شنو تغنين لهم؟؟تعآآلي

شخباري تغنون لعيالكم الحين ابوسنه ونص يمسك الموبايل ويدش الاغاني ويشغل ويعيد ويزيد ويدش من قايمة ويطلع من قايمة انا عيالي ولله الحمد معودتهم ما ينامون الا القران شغال عند روسهم والله العظيم تعودوا ما ينامون اذا ما في قران ولله الحمد بس هذا ما يمنع اني اغني لهم لو حندبوا لو شابوا مثل خلودي ما جابوا
او
كل الناس لوخ بلوخ الا بدر ولد شيوخ
او
بوسته نما نما. تسقي العطشان ماا
لا قراح ولا ملاح. من ختاريش السما

وشغالين اغاني طيور الجنه

 

[انا انت]

رد : بنوتج وولدج ؟شنو تغنين لهم؟؟تعآآلي

الله يرزقني يالذرية بس اختي عندها اغنية وحده وغاثتنا فيها خروفي خروفي لابس بدلة صوفي له قرنيين مالت طاش ماطاش

 

[زوجي توأم روحي]

شوفى أغنى كذا اغنية

اول وحدة
امى تنادينى
مدرى شتبى فينى
تبى اتحنيني
فى البيرق الصينى
صينى على صينى
وأروح بيت الله
وألقى حبيب الله
لا اله الا الله محمد رسول الله

واغنى بعد
ارقصى رقاصة
أبوج راح الغاصة
يجيب لأمج لولو
مرت أبوج رصاصة

وبعد
دانة من عمر
عجايفها حمر
يشوفها بو حلاوة
ويبسط بو تمر

وبعد

يامرت ابوى يا مرت ابوى
وين راح ابوى
وين راح ابوى
راح البصرة راح البصرة
شييبلى
شرق ورق
وين أحطه
بصنيدقى
الصندوق ماله مفتاح
والمفتاح عند الحداد
والحداد يبى فلوس
والفلوس عند العروس
والعروس تبى عيال
والعيال يبون حليب
والحليب عند البقر
والبقر يبون حشيش
والحشيش يبى مطر
والمطر عند الله
لا اله الا الله

 

[غيمه ظميانه]

رد : بنوتج وولدج ؟شنو تغنين لهم؟؟تعآآلي

انا الاغاني كلها مؤثرات صوتيه ههههههههههههههههههههههههههه

اقول جت القطوه ميو ميو ميو مي وجاها الكلب هو هو هو

قال العصفوور واصفرررررر صصصصصصصص هههههههههههههههههههههههه

لا ياذيب يلا روووح اوووووووووووووووووو يعني ذيب

ههههههههههههههههه احس اني هبله

وماننسى الاغاني الشعبيه بس التأليف ياخذ حته هههههههههههههههههه