بنوتات ساعدوني بليز

[اموره وحلوه]

صباح الخير



بما اني يديده في عالم المنتديات وما اعرف بالكمبيوترعدل

وين احسن مكان دورات يعني كل وحده جربت مكان تنصحني فيه

وين اروح عشان اصير محترفه مثلكم؟؟؟














:edbf4317b9:

 

[كلي فخر]

يعني تبيين تحترفيين المنتديات

شوفي منتديات ما اعرف مكان بس كااستخدام برامج والاوفيس روحي انفوسنتر يمدحونه

 

[اموره وحلوه]

شلون احترف المنتديات

لاياقلبي انا قصدي اشوف البنات ينزلون صور وفيديو وتواقيع ماأعرف ابي اتعلم مثلهم:weight_lift:

مشكوره عالرد والي تعرف معاهد ثانيه مجربه اتعلمني وشكرا

 

[F.A]

حبيبتى استعمال الكمبيوتر بالممارسه والاستمرار اتصيرين أحسن منا بس اذا ما فى أحد حواليج يعلمج الأساسيات أنصحج بالمعهد اللى ببلازا حولى فوق
وايد رفيجاتى خذوا عنده دورات أنصحج فيه
موفقه

 

[اموره وحلوه]

ماعندي احد حوالي ايعلمني فلازم دوره بس شسم الدوره الي تاخذونها حق هالشغلات ومشكوره وايد انشاء الله تنجحين بتفوقa+

 

[G.U.C.C.I]

الســلام عليــكم


حبيبتي مايحتاج تاخذين دورات انا كنت مااعرف للكمبيوتر بس مع الممارسه تعلمت بروحي

 

[اموره وحلوه]

مشكوره قوتشي صاجه الممارسه اتعلم

 

[ذهـ الكويت ـب]

انا مااخذه دوره في مركز الخوارزمي icdl

الجامعه والله مفيده حدها بس مو عن النت عن مجموعه اوفيس اللي هي وورد واكسل واكسس وبوربونت ... والخ

وعندهم دورات واجد راجعيهم وشوفي

 

[اموره وحلوه]

حبوبه متى اينزلون دوراتهم جامعة الكويت وبجم التسجل واستفدتي حق النت وتنزيل الصور الخ ومشكوره

 

[كلي فخر]

امورة مالج الا قوقل بصراحة انا تعلمت منه شغلات

كثيرة اي شي ابيه برنامج طريقة الكتابة لى الصور اي شي

عندج قوقل وسلامتج

 

[غنج اهلها]

انا مثلج اول

الحين صرت اعرف كلللللللللللل شئ برامج الاوفس كلها والفوتوشوب واسوي تواقيع وغيرها واتعامل بالمنتديات

والله بالممارسة بروحج تعرفين واذا ماعرفتي سألى والكل يتجاوب معاج

وهم كثقي دخولج وتصفحج باأقسام الكمبيوتر

اول دخولى كان جذية منقعة دائما بهالاقسام والفوتوشوب على صعووبتة

عرفتة من دورة بااحد المنتديات

صدقيني انج تعرفين بروحج احسن من دورة وكل يوم شئ بسيط ويلا تدربوا ولوية

اعتمدي على نفسج واللي ماتعرفينة كلنا مانقصر معاج حطي موضوعج وبتشوفين الكل فزع لج

وبالتوفيق حبيبتي

 

[اموره وحلوه]

كلي فخر وغنج اهلها مشكورين ماقصرتو

 

[بنوـوتـه قمـر]

روـوحي عند جهــآزج وادخلي موآقع ومنتديــآت

وكل شي يخطر ببالج ورآح توآجهين مشــآكـل بس لآتخــــــــآفين

اكتبي بقوـوـوـوـوـوقـــــــــــل وكــل شي تلقين له حـــــــــــــل ..

وترى النت سهل ومجــآل الصور والفوتوشوب حدددددددددده سهل

بس مثل ماقالت غنوووجه كثفي دخوـوـوـولج وقعدتج ع النت والله

رآح تستفيدين حيييل والدورآت يعطوـونج الأسـآسيــآت ما يعطونج

الشي إللي ببآلج وإللي انتي تبينه ومــآراح تستفيدين مثل استفـآدتج

يوـوم تقعدين بنفسج وتكتشفين ., إذا تعلمتي شي من خلال الدووره

لآزم تمــآرسينه بس إذا شي انتي اكتشفتيه بعمرج عمرج مــآراح

تنسينه ...,, واحب اقوـول لج محد طلع من بطن امه عـــــآلـــم

يـ ع ــني مع ممارستج تتعلمين وانتي اخذي شي شي برنامج برنامج

ونزلي برامج مختلفه من قووقل وهالأشياء كلهــآ تفيدج ......,


× اتمنى اكوـون افدتج ,,,,,, وسوـوـوري ع الإطـــــــآلـــــــه ×

 

[اموره وحلوه]

بنوته قمر مشكوره يالغاليه نصيحتج احسه طالعه من قلبج بضمير واذا احتجت شي انتو خواتي ماتقصرون بسألكم بهالقسم ومشكوره

 

[A7la_MEMO]

الحين انتي تبين تعرفين على النت والمنتديات ولا الكمبيوتر نفسه يعني البوربوينت والفوتوشوب قوليلنا يمكن احنا اللي نساعدج
وبس