بنك تمويل وقفوا العقار

[ام فجور 2008]

السلام
الصراحة بنات اكتب لكم هالموضوع والله وانا دمعتي على خدي زهقت بنات وانا ساكنه مع حمولتي كل مشاكل
المهم ترجيت ريلي وقلت له انا بدفع معاك روح ولمن شفنا بيت حلو سالنا بنك التمويل قسم العقار ولا الموظف يقولنا انهم موقفين العقار قبل كانو هم يدفعون للبيت واحنا نقسطها على التمويل
ليش وقفوها

ياربي متى تعيش كل وحدة فينا في بيت لها مملكه خاصه لها لاحد يقط عليها كلام ولا تذل نفسها
ويقولون اهل الكويت كل قروض عليهم مساكين شنسوي عيل عالشان نعيش
لا بيوت ولا الشي الي بخاطرنا كل مارحنا بنك التمويل الا وقال مايصير بشتري بيت يقولون حدج التورق 6 الاف شسوي فيهم


بنــــــــــــــــــــــتتات اشلون نشتري بيت:0bee2e8d89:

 

[أعرف قدر نفسي]

والله ما ادري بس يمكن طلعت فتوى انه مايجوز ؟

 

[sKyLiTeGirL]

والله ما أدري حبوبه ويارب تتسهل امورج

 

[bambena]

وقفوها صارلهم فتره

 

[الفنر]

الله يفرج همج

 

[فز1عه]

اختي ليش ماتشترين شقه تمليك

والله يفرج همج على الاقل العوض ولا القطيعه الشقه شي تستفيدين منه بحياتج وتكونين ضمنتي ان عندج شي للزمن

 

[@شمس الضحى@]

الحال من بعضة الله كريم

 

[الجودي]

اي تمشكلوا ناس وايد وياهم

 

[ام فجور 2008]

شفت لي شقة تمليك وايد حلوة بس البنك مارضو يعطونا انا وزوجي عشرين الف زيادة

يعني شنو ماراح نعيش براحة

 

[*caramel macchiato*]

لحظة....بيت التمويل اموقفين سالفة ((دمج الرواتب))....


شنو وقفو بعد القروض الإسكانية؟؟؟؟


الله المستعان

 

[ام فجور 2008]

اللهم اسكني وارزقني منزل مبارك

 

[ام فجور 2008]

نبي بيت

 

[كـلا كـلا]

مو منهم
هذا قرار يديد صارله 4 الى 5 شهور
وعلى كلام الدلالين ان اسعار البيوت بتنزل عقب هالقرار
بس البنوك قاعد تضغط عليهم عشان يلغونه لان من مصلحتهم يعطونا قروض ودبلها فوائد بجيبهم

 

[اسراء205]

تدرون ان الكويت ثاني اغلى دوله بالاراضي والبيوت بالعالم ... المواطن اذا يبي بيت تسلف من بنك التسليف ومن البنوك التجاريه وعليك بالفوائد ويتم المواطن يدفع نصف او اكثر من معاشه للبنوك ... شوفي حالات الطلاق ياكثرها بالمحاكم بسبب دمج الرواتب والبيت ... وماعلى مايخلص القرض الا البيت يبيله هدام ... صراحه خوش قرار لمحاربة جشع تجار الاراضي والبنوك .

 

[ام فجور 2008]

الموظفات بنك التمويل فيدونا

 

[طوق البنفسج]

كل البنوك و قفت القروض العقاريه .. و هذا قرار اتوقع من البنك المركزي و حتى قيمه القروض انزلت وااايد .. اول الواحد ياخذ 40 و 50 الف بسهاله الحين اذا معاشه 700 ما يقدر ياخذ الا 24 الف طبعا هذا اذا ما عنده قروض اما اذا عليه قسط سياره ولا ادوات كهربائيه او اي نوع من الاقساط اتقل قيمه القرض ..

 

[سبائك]

اي من زمان هالقرار علشان جذي اذا لاحظتي اسعار البيوت نزلت نزول طفيف صار لها فتره

لما كلمت خالي(عنده خبره بهالامور) قال لي احتمال كبير اعضاء مجلس الامه يحاولون يغيرون هالقرار بفتوى من لجنة استكمال تطبيق الشريعه <<< حسافه قال لي بالتفصيل شلون بس نسيت هالحجي صار فتره طويله:eh_s(1):
بس لي صار هالشي عرفي ان البيوت بترد ترتفع اسعارها فووووووووق يعني لا طبنا ولاغدا الشر

الله كريم

 

[كـلا كـلا]

القرار هذا من مجلس الوزراء على البنك المركزي وبالتالي على كل البنوك

واحسن عشان تنزل الاسعار
لان اذا لغوه راد تزييييييد الاسعار

 

[banker]

قرار ايقاف العقاري ببيت التمويل من الحكومه مو من البنك
الحين يشتغلون حق العقارات الدولية-يعني خارج الكويت

 

[كيوت_25]

وييييييييييي غبرا

متى ؟؟؟؟؟؟؟ لييييييييييييييش؟؟؟

شـــــــحـــــــقـــــــــــــــه ؟؟!؟!


<<<<<<<<< مالت علي قبسه يوم نويت اشتري عقار عن طريق التمويل وقفوه!!!!!

ما اقول غير المقرود مقرود

و الحمد لله الذي لا يحمد على مكروه سواه